Þjóðviljinn - 10.03.1988, Blaðsíða 9
Snót
Stefnir allt
í samflot
Vilborg Porsteinsdóttir og Elsa
Valgeirsdóttir:
Verkafólkfinnur enn til samkenndar.
Stefnir í samstarfmilli félaganna.
Félögin ná litlufram ein og sér
Pað stcfnir allt i þá átt að þau
félög sem hafa á að skipa fisk-
verkafólki í einhverjum mæli,
hafi með sér samráð og samstarf.
Við höfum verið í sambandi við
Austfirðinga og fleiri félög, sögðu
þær Vilborg Þorsteinsdóttir og
Elsa Valgeirsdóttir, formaður og
varaformaður Snótar, í samtali
við Þjóðviljann.
- Þegar viö fórum út í verk-
fallsboðunina, gerðum við það í
þeirri vissu, að fljótlega fylgdu
aðrir á eftir, eða að samningavið-
ræður annarra hefðust. Sem virð-
ist ætla að ganga eftir. Verka-
kvennafélagið Framsókn hefur
boðað yfirvinnubann og búast má
við að menn fari að hreyfa sig
eftir að atvinnurekendur hafa vís-
að deilumálum við þau félög, sem
felldu samninga Verkamanna-
sambandsins, til ríkissáttasemj-
ara, sagði Vilborg. Elsa sagði
að það mætti vera ljóst að ef sam-
starf milli félaganna á breiðum
grunni kæmist ekki á, hefðu fé-
lögin takmarkaða möguleika til
að knýja fram hagstæða samn-
inga uppá eigin spýtur.
Snót
- Því miður virðast félögin treg
til þess að huga að aðgerðum,
sem sést kannski berlegast á því
að allnokkur félög eiga eftir að
afla sér heimildar til verkfalls-
boðunar. Þess er þó að vænta að
breyting verði fljótlega þar á,
sagði Elsa.
Að sögn þeirra Vilborgar og
Elsu hafa Snótarkonur orðið var-
ar við almennan stuðning við
verkfallið meðal heimamanna.
- Allt venjulegt launafólk skilur
afstöðu okkar og hefur samúð
með baráttunni, vegna þess að
það býr við sömu eða svipuð kjör
og við.
Vilborg og Elsa sögðu að sá
stuðningur sem Snót hefði fengið
frá stéttarfélögum og einstak-
lingum, síðan verkfall hófst, væri
ómetanlegur.
- Þessi stuðningur sýnir okkur
að verkafólk finnur enn til sam-
kenndar, þrátt fyrir allar hrak-
spárnar í þjóðfélaginu á síðustu
árum um hið gagnstæða.
-rk
749 þúsund í
verkfal Issjóð
Stuðningsyfirlýsingum hefur rignt yfir Snótarkonur, síðan að þær
fóru í verkfall um síðustu helgi. Síðdegis í gær höfðu verkfailssjóði
félagsins borist 749.000 krónur að gjöf frá stéttarfélögum, starfsmann-
ahópum og einstaklingum:
Kennarasamband íslands............... 300.000
Verkalýðsfélagið Bjarmi á Stokkseyri..... 50.000
Þorgrímur Starrí Björgvinsson,
Garði Mývatnssveit................... 5.000
Jónas Árnason, fyrrv. alþingsimaður. 10.000
Starfsmenn Breiðholtsútibús
Félagsmálastofnunar Reykjavíkurborgar 5.000
Baráttufundur kvenna 8. mars á
Hallveigarstöðum, Reykja vík......... 31.000
Baráttufundur kvenna 8. mars á
Austurlandi............................ 8.000
Starfsmenn Þjóðviljans............... 40.000
Starfsmannafélag ríkisstofnana...... 300.000
Samtals krónur 749.000
Þeim, sem hafa hug á að efla verkfallssjóð Snótar er bent á að
reikningsnúmer félagsins hjá Sparisjóði Vestmannaeyja er
3811.
—rk
Verkfall Snótar Verkfall Snótar Verkfall Snótar Verkfall Snótar Verkfall
Elsa Valgeirsdóttir og Vilborg Þorsteinsdóttir sögðust að vonum vera glaðar yfir öllum þeim stuðningi og vinavotti sem félaginu hefði verið sýndur í verkfallinu.
þeirra þeirra aðila sem sent hafa Snót fjárframlög og stuðningsyfirlýsingar. Mynd Sig Mar.
Á töflunni sjást nöfn
Verkfallsvakt Snótar
Baráttu-
stemmning
á kvenna-
deginum
Fullthús á verkfallsvaktinni hjá Snótá
alþjóðlegum baráttudegi kvenna. Engan
bilbug að finna áverkfallskonum. ífótspor
Lýsiströtu. Nœturbann á karlpeninginn
Þær voru vígreifar konurnar á verkfallssvaktinni hjá Snót á baráttudegi kvenna, 8. mars.
tg
JMm
S\
Það var ekki neinn bilbug að
finna á verkakonunum á verk-
fallsvaktinni hjá Snót, þegar
blaðamann og ljósmyndara Þjóð-
viljans bar að garði á alþjóð-
legum baráttudegi kvcnna, þann
8. mars. Þær sögðust vera við-
búnar því að verkfallið drægist á
langinn. Enda væri ekki tilefni til
að ætla annað út frá þeim undir-
tektum sem kröfur Snótar hefðu
fengið hjá atvinnurekendum.
- Það er svo að heyra á at-
vinnurekendum að þeir tapi ekki
á vinnustöðvuninni. Þegar vatns-
veitan bilaði og vantaði vatnið,
töluðu þeir um tap sem fisk-
vinnslan yrði fyrir á degi hverj-
um. En það er annað uppi á ten-
ingnum þegar okkur konurnar
vantar.
- Vitanlega munar um það
fyrir heimilin þegar önnur fyrir-
vinnan leggur ekki lengur á borð
með sér. Jafnvel þó að tekjurnar
séu ekki miklar hjá okkur þá
munar um minna.
- Þá er bara að hafa velling í
hvert mál, eins og Steingrímur,
skaut ein vekfallskvenna inní
samræðurnar.
- Já, en við verðum trúlega að
neita okkur um rúsínurnar,
hrökk út úr annarri, og var góður
rómur gerður að þessum
grautarumræðum á vaktinni.
Sameiginleg
matseld '
ef allt þrýtur
- Ef allt um þrýtur getum við
hæglega slegið upp sameiginlegu
eldhúsi á skrifstofunni og komið
með okkar fólk hingað í mat.
Konurnar sögðu að þeirri hug-
mynd hefði verið hreyft að þeir
féíagar, sem væru aflögufærir,
létu eitthvað af hendi rakna til
sameiginlegrar matseldar, ef
verkfallið yrði langt og strangt.
- Við gerum okkur vel grein
fyrir því að félagarnir eiga mis-
jafnlega erfitt með að standa í
löngu verkfalli. Þannig að þessi
hugmynd hefur vitanlega verið
rædd.
Róleg
verkfallsvakt
Að sögn verkfallsvaktarinnar
hefur framkvæmd verkfallsins
gengið snurðulaust. Einhverjar
konur mættu til vinnu fyrsta verk-
fallsdaginn fyrir ókunnugleika
sakir. - Þeim var snarlega snúið
frá villu síns vegar. Það hefur
ekkert verið um verkfallsbrot af
ásetningi.
Konurnar sem voru á verkfalls-
vaktinni, þann dag er Þjóðvilja-
menn litu inn hjá þeim, sögðu að
samstaðan í félaginu væri mjög
mikil. Eldsnemma á morgnana
væri alltaf mættur nokkur hópur
félagsmanna og þegar líða tæki á
daginn væri mestmegnis fullt hús
fram til kvölds.
Köld eru kvennaráð
Ekki var annað að heyra á
þeim konum, sem stóðu verk-
fallsvaktina, en að þær hefðu bú-
ist við sneggri og harðari við-
brögðum hjá Verkalýðsfélagi
Vestmannaeyja, en félagið hefur
boðað yfirvinnubann frá og með
þriðjudegi í næstu viku.
- Við hefðum kosið að karl-
arnir gripu til aðgerða strax, enda
hljótum við að standa sameigin-
lega í þessari baráttu. Það er þó
bót í máli að yfirvinnubann hefur
verið boðað.
- Standi karlarnir sig ekki í
stykkinu höfum við ýms ráð á
prjónunum.
- Þeim er hollara að minnast
þess að köld eru kvennaráð.
Standi karlarnir ekki allshugar
með okkur, þá setjum við þá í
næturbann.
Þegar umræðurnar voru komn-
ar á það stig að sjálf Lýsistrata var
uppvakin og gekk ljósum logum á
verkfallsvaktinni, sáu viðstaddir
karlmenn sfna sæng uppreidda og
héldu á önnur inið til að leita
fanga.
-rk
8 SÍÐA - ÞJÓÐVILJINN Flmmtudagur 10. mars 1988
Atvinnurekendur
DEILAN
orðin á landsvísu
Sigurður Einarsson: Reynum að bregðast við verkfallinu eins og við
best kunnum. Eigum umþað að velja að sigla með aflann eða binda
skipin
- Við metum stöðuna þannig
að tómt mál sé að tala um að gera
sérsamninga við félögin í Eyjum.
Eftir að fjöldi félaga Verka-
mannasambandsins felldi samn-
ingana er þessi deila orðin á
landsvísu, sagði Sigurður Einars-
son, formaður Vinnuveitendafé-
lags Vestmannaeyja.
- Deilan er hjá ríkissáttasemj-
ara. Hann hefur talið það þýðing-
arlaust að boða nýjan samninga-
fund með okkur og Snót, sagði
Sigurður, sem kvað kröfur Snót-
ar úr öllum takti við þann rekstr-
arvanda sem fiskvinnslan ætti við
að etja um þessar mundir.
Sigurður sagði að svipaða sögu
væri að segja af þeim viðræðum
sem atvinnurekendur hafa átt við
Verkalýðsfélag Vestmannaeyja.
- Það hefur hvorki gengið né rek-
ið, sagði Sigurður.
-Tilboð Arthúrs Bogasonar til
Snótar skiptir Vinnuveitendafé-
lagið engu. Hann er aðeins með
um átta konur í vinnu. Arthúr og
fyrirtæki hans er ekki í félaginu,
þannig að okkar lögsaga nær ekki
yfir hann, sagði Sigurður, er hann
var inntur eftir afstöðu atvinnu-
rekenda til frumkvæðis Arthúrs í
kjaradeilunni.
- Þar að auki er hann með allt
annað launakerfi heldur en
önnur fiskverkunarfyrirtæki hér
á staðnum; hann býður uppá
jafnaðarkaup, meðan bónusfyr-
irkomulag er annarsstaðar við
lýði.
Ef ég byði mínu fólki uppá að
skipta, er ég handviss um að það
kysi fremur að halda bónusnum.
Sigurður sagði að vissulega
kæmi verkfall Snótarkvenna sér
illa fyrir fiskvinnsluna. - Við
reynum þó að bregðast við á þann
hátt sem við best kunnum og láta
skipin sigla með þann afla sem
ekki hefst undan að vinna.
Aðspurður hvort menn óttuð-
ust ekki verðhrun vegna offram-
boðs á fiskmörkuðum ytra, sagði
Sigurður svo vera.
- Við eigum í raun ekki nema
um tvo kosti að velja og hvorugan
góðan. Annar er að binda skipin
við bryggju og hinn að sigla með
aflann. Af skiljanlegum ástæðum
velja menn síðari kostinn.
Sá möguleiki er einnig fyrir
hendi að selja aflann á mörkuð-
um uppi á landi, það hafi ekki
verið gert til þessa, sagði Sigurð-
ur.
-rk
Verkalýðsfélagið
VMSÍ leiði viðræður
Jón Kjartansson: Einstökfélögfá litlu áorkað ein ogsér.
Snótarverkfallið ótímabært. Samstaða og harka það eina sem gagnar.
Hætta á að VMSÍ liðistsundur efþað leiðir ekki
samningaviðrœðurnar
- Við höfum staðið í viðræðum
við atvinnurekendur hér í Eyjum.
Þeir vísa bara á Garðastrætið.
Samkvæmt þessum viðtökum tel
ég tómt mál að tala um að einstök
félög brjótist i gegn og geti náð
samningum sem vit er í, sagði Jón
Kjartansson, formaður Verka-
lýðsfélags Vestmannaeyja, í sam-
tali við Þjóðviljann.
- Fyrir þessar sakir tel ég að
þau félög, sem felldu samningana
og eiga ósamið, þurfi að fylgjast
að og starfa saman. Annarskonar
samningar, þeir sem Verka-
mannasambandið og
Vestfirðingar gerðu, nást ekki
nema með samstilltu átaki og
hörku.
Meðal þeirra krafna sem
Verkalýðsfélagið hefur sett fram
í viðræðum við atvinnurekendur,
er að lágmarkslaun verði ekki
lægri en skattleysismörk, starfs-
aldurshækkanir, sem voru við
lýði fyrir jólaföstusamningana
1986, verði teknar upp að nýju og
einn yfirvinnutaxti gildi án skil-
yrða um sveigjanlegan vinnut-
íma.
- Að mínu mati var ekki tíma-
bært að boða til verkfalls. Eftir að
félögin felldu samninga Verka-
mannasambandsins er alls ótrú-
legt að samið verði sér við félögin
hér í Eyjum, sagði Jón, er hann
var inntur eftir því hvort ekki
hefði verið eðlilegra að Snót og
Verkalýðsfélagið stæðu sam-
eiginlega að aðgerðum og kröf-
um.
- Það hefði verið réttara að
Snót dokaði við þar til sýnt hefði
verið hvað aðrir ætluðu að gera.
Jón sagði að það væri sitt álit að
Verkamannasambandið ætti að
leiða samningaviðræður félag-
anna. - Það þýðir ekkert fyrir
forystumenn í stéttarfélögum að
kasta boltanum til félaganna ef
samningar eru felldir. Þá verður
bara að reyna aftur.
Ef Verkamannasambandið
tekur ekki forystu í þeim samn-
ingaviðræðum sem standa fyrir
dyrum, þá er hætt við að sam-
bandið líði undir lok. Sárindi
fiskverkafólks eru það mikil eftir
allt sem á undan er gengið, að
það væri eins og að hella olíu á
eld, ef forysta Verkamannasam-
bandsins ætlaði sér að vera stikk
frí frá samningaviðræðunum,
sagði Jón.
-rk
Tinna
Gagntilboð til athugunar
Arthúr Bogason fiskverkandi: Vilgreiða mínufólki sómasamleg laun.
Ekki „sprengitilboð“ eða íóþökk Vinnuveitendafélagsins. Vongóður
um að ná samningi við Snót
- Snót hefur gert mér
gagntilboð sem ég er að láta
reikna út fyrir mig, sagði Arthúr
Bogason hjá fiskvcrkuninni
Tinnu, en á dögunum gerði hann
Snót tilboð um að greiða 350
krónur í jafnaðarkaup á tímann,
miðað við 65 stunda vinnuviku og
400 krónur á hvern unninn tíma
þar umfram.
Arthúr sagði að sér væri mest í
mun að ná samningum sem fyrst
og geta greitt sínu fólki vel fyrir
unnin störf. - Ég á frekar von á
því að mér takist að semja fljót-
lega við Snót. Bátarnir eru að
fiska og því er nóg að gera og
okkur kappsmál að semja. At-
vinnurekendum hlýtur að vera
kappsmál að fá fólkið sitt til
starfa sem fyrst, sagði Arthúr.
- Ég er ekki í neinum félags-
skap atvinnurekenda og þar af
leiðandi er ekki hægt að segja að
þetta tilboð leggi steina í götu
Vinnuveitendafélagsins. Ég heft
fært þetta tilboð í tal við aðra at-
■vinnurekendur og þeir segjast
ekkert hafa við þetta að athuga.
Meðan ég fæ einhverju ráðið
kemur bónusinn ekki hér inn
fyrir hússins dyr. Ég vil borga
mínu fólki gott tímakaup, en ekki
að búta launagreiðslur, eftir að-
skiljanlegustu verkþáttum, sagði
Arthúr.
-rk
Myndir Sig. Mar
Flmmtudagur 10. mars 1988 ÞJÖÐVILJINN — SÍÐA 9