Þjóðviljinn - 17.03.1988, Qupperneq 20

—SPURNINGIN—
Hvað finnst þér að ís-
lendingar ættu að vera
margir?
Unnið af Ástu og Erlu úr
Vogaskóla í starfskynningu.
Dagbjört Halldórsdóttir
bankaritari:
Þrisvar sinnum fleiri, vegna þess
að við stöndum ekki undir því
sem við viljum gera.
Þuríður Matthíasdóttir
starfsstúlka á sjúkrahúsi:
Bara eins og þeir eru, það er
ágætt svona.
Lárus Jónasson
lausamaður:
360 þúsund, því að þaö er góð
tala fyrir íslensku þjóðina.
Svavar Árnason
sjómaður:
Eins og þeir eru. Við megum
varla vera færri.
Hrafn Jökulsson
framkvæmdastjóri:
Hef ekki hugleitt þetta mál, en þó
hygg ég að þeir ættu að vera sem
flestir.
Flmmfudagur 17. mars 1988 63. tölublað 53. drgangur
Sparisjóösvextir
og yf indráttur
á téKKareiKningum
SAMVINNUBANKI
ÍSLANDS HF
Allt erfiðið við að koma sér í heiminn gleymist fljótt eftir fyrstu kynnin af móðurmjólkinni.
Barneignir
Er ólétta smitandi?
A nnríki áfœÖingardeildinni. Hvert rúm skipað. Verður mikið af
fœÖingum nœstu mánuði?
Er þetta eitthvert fjölmiðlaþjóðfélag sem við vorum að fæðast í?, gætu
ungabörnin á sængurkvennagangi B hugsað með sér, þegar þeim var
öllum stillt upp til myndatöku í gær.
að sem af er árinu hafa um
520 börn fæðst á fæðingadeild
Landspítalans, þar af 136 það
sem af er mars. „Það er búið að
vera mikið að gera á árinu og
verður mikið næstu mánuði,“
sagði Kristín Tómasdóttir Ijós-
móðir er hún var innt eftir því
hvort stefndi í mikla fjölgun á ár-
inu.
Á sængurkvennagöngum er
hvert rúm skipað og fyrir kemur
að konur þurfi að bíða nokkra
stund á fæðingargangi eftir að
pláss losni niðri. Að sögn Kristín-
ar þarf þó enginn að hafa áhyggj-
ur af því að komast ekki að hjá
þeim til að fæða.
Á næstu mánuðum er von á
rúmlega 200 fæðingum á mánuði
og ekkert lát er á pöntunum í
fyrstu mæðraskoðun. Með þessu
áframhaldi gætu fæðingar á árinu
orðið fleiri en í fyrra, en þá fædd-
ust um 4100 börn á landinu öllu.
Voru það 200 fleiri en árið 1986.
Frá því um 1980 hafði fæðing-
um fækkað milli ára, en nú virðist
þróunin vera að snúast aftur við.
Nærtæk skýring er að stærstu ár-
gangar á íslandi, frá fyrri helm-
ingi sjöunda áratugarins, eru nú á
algengasta barneignaraldrinum.
Stundum mætti líka ætla að ólétta
væri smitandi, ef ein byrjar fylgja
vinkonur og frænkur á eftir.
Myndast einhvers konar
stemmning fyrir barneignum.
Svo er aldrei að vita nema lenging
fæðingarorlofs og hækkun barna-
bóta geri sitt gagn, a.m.k. er
þeim aðferðum óspart beitt í ná-
grannalöndunum til að hvetja til
barneigna. mj
Skákin
Stigamenn í
bamingi
Stigahæstu mennirnir á Akur-
eyrarskákmótinu, Gúrevítsj og
Jóhann, voru teknir í karphúsið í
7. umferðinni í gærkvöldi; Mar-
geir vann hinn fyrrnefnda, en Jó-
hann hékk á jafnteflinu gegn
Adorian eftir miklar þjáningar.
Þá vann Polugaevskí Helga
með tilþrifum. Jón L. vann Jón
Garðar, Tisdall vann Ólaf Krist-
jánsson, en Karl Þorsteins og so-
véski stórmeistarinn Dolmatov
gerðu jafntefli.
Nú þegar fjórar umferðir eru
eftir skipta þeir með sér toppsæt-
inu Jóhann og Margeir, Gúrevítsj
og Polugaevskí, allir með 4,5
vinninga, og eiga íslendingarnir
skák til góða.
Þessir fjórir tefla innbyrðis í 8.
umferðinni í dag: Gúrevíts við
Jóhann og Margeir við Polugaev-
skí, og kemur hún því til með að
ráða miklu um úrslitin á mótinu
ef að líkum lætur.
HS
Breskt hjónalíf
Rifritdi
ogsættir
Ef marka má niðurstöður
rannsókna kvennablaðsins
, Jieimur konunnar“ eiga breskar
eiginkonur mun oftar upptökin
að breskum heimilisófriði en
breskir eiginmenn.
Samkvæmt athugun tímaritsins
má rekja orsakir 60 af hundraði
hjónarifrilda á Bretlandseyjum
til eiginkonunnar. Þriðjungur
breskra eiginmanna fellir tár, eitt
eða fleiri, á meðan frúin lætur
gamminn geisa. Ennfremur kom
á daginn að helstu bitbein
breskra hjóna eru vinir og ætt-
ingjar, peningar ellegar „flandur
út og suður“, svo sem vitatil-
gangslausar þrásetur eiginmanna
á bjórkrám.
En því eru breskir hjónaskiln-
aðir ekki tíðari en raun ber vitni
að þorri hjóna sættist heilum sátt-
um að rifrildi loknu. Sáttaprós-
essinn er með ýmsum hætti. í 69
af hundraði tilfella segir fólk hug
sinn allan og leysir málin með
samræðum. 24 af hundraði
höggva hinsvegar á hnútinn með
samræði og óskaplegu kossa-
flensi. 8 af hundraði kaupa sættir
með gjöfum. Aðeins fjórum
hundraðshlutum breskra hjóna
verður aldrei sundurorða.
Reuter/-ks.