Þjóðviljinn - 25.03.1988, Side 2

Hagnaður Eimskipafélagsins á síðasta ári var 272 miljónir sem eru
6% af rekstrartekjum. Árið 1986 var hagnaður félagsins tæpar 240
miljónir. Á aðalfundi félagsins sem haldinn var í gær var tilkynnt að
ákveðið hefði verið að kaupa tvö stór ekjuskip til Evrópusiglinga.
Kaupverð skipanna beggja er um 800 miljónir og er þetta mesta
fjárfesting Eimskipafélagsins í skipum um langt árabil. Skipin eru
systurskip, smíðuð í Þýskalandi árið 1978 og geta hvort um sig lestað
650 gáma og 230 bíla. Óau munu leysa af hólmi fjögur skip sem nú eru í
siglingum til Evrópu, en flutningagetan eykst þrátt fyrir það um 30%.
Nýju skipin koma til landsins í haust.
Úttekt vegna nýrrar álbræðslu
Þingmenn Alþýðubandalagsins hafa lagt fram tillögu um að skipuð
verði þingnefnd til að gera þjóðhagslega úttekt á hagkvæmni þess að
reisa nýja álbræðslu í Straumsvík og selja til hennar raforku sem gæti
numið um 2500 gígavattsstundum áári. íúttektinni verðim.a. lagtmat
á arðsemi og hagkvæmni slíkrar verksmiðju, hver áhrif af byggingu
bræðslunnar og tilheyrandi orkuvera verði á íslenskt efnahagslíf og
byggðaþróun auk þess sem lagt verði mat á forsendur varðandi raf-
orkusölu með tilliti til orkuverðs frá nýjum virkjunum og hugsanlegt
eignarhald útlendinga.
Enn fjölgar frystitogurum
Tveir nýir frystitogarar eru nú að bætast í fiskiskipaflota
Hafnfirðinga. í vikunni kom nýr togari Sjólastöðvarinnar, Haraldur
Kristjánsson HF-2 til heimahafnar en togarinn sem er 883 brúttólestir
var smíðaður í Noregi. Haraldur kemur í stað togarans Karlsefnis sem
var orðinn 22ja ára gamall en norska skipasmíðastöðin tók hann upp í
nýja togarann. í næsta mánuði er síðan von á öðrum nýjum frystitog-
ara til Hafnarfjarðar þegar nýi Ýmir kemur til heimahafnar en hann
kemur í stað nafna síns sem einnig er kominn nokkuð til ára sinna.
Ódýrara rafmagn
í gróðurhúsin
Margrét Frímannsdóttir hefur
lagt til á alþingi að ríkisstjórnin
beiti sér fyrir því við stjórnir
Landsvirkjunar og Rafmagns-
veitna ríicisins að garðyrkju-
bændum verði gefinn kostur á
hagkvæmum kaupum á raforku
til lýsingar í gróðurhúsum til þess
að styrkja samkeppnisstöðu inn-
lendrar ylræktar gagnvart innf-
lutningi. Bendir Margrét á að
aukin raforkunotkun til lýsingar í
gróðurhúsum lengi markaðstíma
innlendra afurða og dregur úr
innflutningi, auki nýtingu gróð-
urhúsa og lækki verð til
neytenda.
Lögreglan byrjuð að sekta
Ökumenn og farþegar í framsætum hafa nú fengið þann aðlögunar-
tíma að breyttum umferðarlögum sem lögreglan var tilbúin að gefa,
því ígasr var byrjað að sekta þá ökumenn sem ekki höfðu beltin spennt
né ljósin kveikt. Sekt fyrir hvert brot um sig er 1000 kr. og sömuleiðis
þurfa farþegar í framsæti sem ekki hafa bílbeltin spennt að borga sömu
fjárhæð.
Laun og lífeyrir útborguð 30. mars
Fjármálaráðherra hefur ákveðið að launagreiðslur til ríkisstarfs-
manna vegna marsmánaðar og fyrirframgreidd laun fyrir apríl verði
greidd út miðvikudaginn 30. mars í stað 1. apríl sem er föstudagurinn
langi. Einnig verða lífeyrirgreiðslur frá Lífeyrissjóði starfsmanna ríkis-
ins greiddar út þann 30. Eins og Þjóðviljinn skýrði frá í vikunni taldi
Tryggingastofnun ekki fært að greiða ellilífeyrinn út fyrr en fyrsta virka
dag eftir páska þann 5. apríl. Ellilífeyrisþegar höfðu kvartað sáran
undan þessari ákvörðun en nú hefur ráðherra fjármála kippt í spottana
og flýtt útborgun launa og lífeyris.
Nefnd í blýlausa bensínið
í framhaldi af samþykkt Alþingis á tillögu Guðrúnar Helgadóttur
um könnun á hugsanlegri notkun á blýlausu bensíni hérlendis, hefur
forsætisráðherra skipað fimm manna nefnd til að kanna þetta mál og
einnig hvaða aðgerða sé þörf svo hægt sé að taka í notkun blýlaust
bensín hér. Formaður nefndarinnar er Sólveig Pétursdóttir lögfr. en
aðrir nefndarmenn, Margrét Frímannsdóttir alþm., Jónas Bjarnason
framkvstj. FÍB, Bjarni Snæbjörn Jónsson hagfr. og Jón Bragi Bjarna-
son prófessor. Nefndin á að ljúka störfum fyrir lok þessa árs.
FRÉTTIR
Útvegsbankahrunið
Kostar 1,7 miljarða
Mun meira tap en áður var búist við. Utistandandi skuldir
afskrifaðar ístórum stíl. Lífeyrisskuldbindingar til
bankastjóra kosta 222 miljónir. Jafngildir árslaunum 366
verkamanna með 50þús. kr. á mánuði
Hrun og gjaldþrot Útvegsbank-
ans mun kosta ríkissjóð um
1.7 miljarða að óbreyttu, sam-
kvæmt niðurstöðu nefndar sem
skipuð var til að meta eiginfjár-
stöðu bankans við yfirtöku nýja
hlutafjárbankans 1. maí á sl. ári.
Áður hafði tap ríkissjóðs vegna
gjaldþrots Útvegsbankans verið
áætlað um 1.2 miljarðar.
Uppsafnað tap bankans
reyndist við lokauppgjör vera 913
miljónir og er það metið upp á
190 miljónir í skattalegu hagræði.
í endurmati á útistandandi lánum
bankans voru afskrifaðar 304
miljónir en áður höfðu 134 milj-
ónir verið færðar á afskrifta-
reikning. Þessar viðbótarafskriftir
eru að stórum hluta vegna við-
skipta bankans við ýms fyrirtæki
sem eru til gjaldþrotameðferðar
eins og t.d. dótturfyrirtæki
Nesco, Sjöstjörnuna og fleiri sjá-
varútvegsfy rirtæki.
222 miljónir þarf ríkissjóður að
greiða vegna lífeyrisgreiðslna til
14 fyrrverandi bankastjóra, að-
stoðarbankastjóra og ekkna
þeirra fyrrnefndu. Skuldbinding-
ar vegna greiðslu til lífeyrissjóðs
annarra starfsmanna bankans eru
um 600 miljónir en þar kemur til
viðbótar innistæða í lífeyrissjóði
starfsmanna, en bankastjórar
greiddu í engan slíkan sjóð.
Greiðslan til þeirra jafngildir árs-
launum 366 verkamanna með 50
þús. kr. mánaðarlaun.
Jón Sigurðsson viðskiptaráð-
herra sagði í gær þegar hann
kynnti þessar niðurstöður, að
þrátt fyrir verri útkomu hefði
verðmæti hlutabréfa ríkisins og
Fiskveiðasjóðs í nýja bankanum
aukist, en þau eru nú metin á 964
miljónir. Útlánaáhættan hefði
minnkað vegna afskrifaðra lána,
rekstrarstaða bankans væri betri
en annarra banka þar eð létt
hefði verið af honum lífeyris-
skuldbindingum og í þriðja lagi
hefði útkoman á rekstri bankans
á sl. ári verið góð. Þegar kæmi að
því að bjóða hlutabréfin til sölu á
ný yrði að taka tillit til þessara
breyttu aðstæðna. -Ig.
Stjórnarformaður Áburðarverksmiðju ríkisins í Gufunesi, Gunnar Guðbjartsson, t.v. og framkvæmdastjóri
hennar Hákon Björnsson, eru áhyggjufullir þessa dagana vegna samþykktar borgarráðs á dögunum. Þeir
sjá fram á erfiða stöðu og sjáanlegt tap á rekstri hennar. Mynd E. ÓL.
Áburðarverksmiðjan
Staðan ákaflega erfið
Stjórn verksmiðjunnar: Samþykkt borgarráðs gerir
starfseminnierfittfyrir. Geturþýtt 10-12% hœkkun
Samþykkt borgarráðs um að
ekki verði byggður nýr amm-
oníaksgeymir á svæði Áburðar-
verksmiðju ríkisins né að leyft
verði að flytja inn ammoníak á
meðan gerð verði hagkvæmnisat-
hugun á rekstri verksmiðjunnar,
hefur sett rekstur verksmiðjunn-
ar í injög erfiða stöðu.
Á fundi með stjórn Áburðar-
verksmiðjunnar í gær kom fram
að þessi ákvörðun borgarráðs
gæti leitt til stórfellds samdráttar í
framleiðslu og þá um leið til sam-
svarandi tekjutaps og hækkaðs
framleiðslukostnaðar á þeim
áburði sem hjá verksmiðjunni
yrði framleiddur. Ef ekki verður
flutt inn neitt ammoníak á næstu
12 mánuðum myndi framleiðsla
Áburðarverksmiðjunnar dragast
saman um 7 þúsund tonn og sam-
drátturinn myndi verða þess
valdandi að framleiðslu-
kostnaður þess áburðar, sem
áfram yrði framleiddur hjá verk-
smiðjunni, 43-45 þúsund tonn,
hækka um 10-12%.
Hákon Björnsson, fram-
kvæmdastjóri verksmiðjunnar
sagði að úttekt á þjóðhagslegri
hagkvæmni verksmiðjunnar væri
flókið verk sem gæti tekið margar
vikur og leitt til þess að stórfellt
tap verði á rekstri hennar um
lengri tíma og haft mjög neikvæð
áhrif á niðurstöðu hagkvæmnis-
athugunina.
Aðspurðir hvort afskipti borg-
arráðs af málefnum verksmiðj-
unnar væri til þess að beina sjón-
um Reykvíkinga frá öðrum
deilumálum í borginni ss. vegna
fyrirhugaðs ráðhúss, vildu þeir
ekkert um það segja nema það að
hættan af völdum ammoní-
aksgeymsins væri stórlega ýkt og
gert meira út henni en efni standa
til.
-grh
Alþingi
Launajöfnun rædd
Þingsályktunartillaga Alþýðu-
bandalagsins um launa-
jöfnun, lágmarkslaun og nýja
launastefnu var tekin til fyrri um-
ræðu í gær. Atkvæðagreiðslu var
frestað.
í tillögunni er kveðið á um að
mörkuð skuli ný launastefna er
miði að því að draga úr hinum
óhóflega launamun er ríkir í
landinu og tryggi að lægstu laun
dugi fyrir nauðsynlegum fram-
færslukostnaði. Reikna skal sér-
staka lágmarkslaunavísitölu og
takist ekki með kjarasamningum
að tryggja að lægstu laun séu í
samræmi við þann framfærslu-
kostnað sem þessi vísitala mælir,
verði sett lög um lágmarkslaun
fyrir dagvinnu sem tryggi
nauðsynlegar framfærslutekjur.
ÓP
2 SÍÐA - ÞJÓÐVILJINN Föstudagur 25. mars 1988