Þjóðviljinn - 25.03.1988, Blaðsíða 3

Þjóðviljinn - 25.03.1988, Blaðsíða 3
Launamál Guðjóns Enginn segir neitt Málið tekið upp á stjórnarfundi SÍS á þriðjudag. Skattfríðindi Guðjóns viðurkennd Óvenjuleg afgreiðsla stjórnar Iceland Seafpod á launamálum Guðjóns B. Ólafsson hefur vakið mikla furðu. Ekki er enn ljóst hversvegna ágreiningurinn sem fram kom í skýrsium þremenn- inganna Geirs Geirssonar, Guðj- óns Eyjólfssonar og Sigurðar Markússonar var iagður til hliðar án frekari umfjöllunar. í fréttatilkynningunni sem stjórnin sendi frá sér er sagt að málinu sé lokið af hennar hálfu en það þýðir þó ekki að málinu sé að fullu lokið. Stjórnarfundur Sambandsins á þriðjudag kemur til með að ræða launamálin en fram að þeim fundi virðist vera einhugur meðal SÍS-manna um að segja sem minnst. Erlendur Einarsson vildi ekkert segja í gær við Þjóðviljann um málið og ljóst er að stjórnarmenn hemja tungur sínar áður en að þriðju- dagsfundinum kemur. Stjórn Iceland Seafood hefur nú viðurkennt skattfríðindi Guðjóns vegna bónusgreiðsln- anna en eins og fram hefur komið samdi Erlendur aldrei um neitt slíkt við Guðjón. -tt Landakot FRETTIR Kvennastörf undir hnífinn Starfsfólkið skorar á stjórnvöld að tryggja spítalanum eðlilegan rekstrargrundvöll „Fyrirhugaður niðurskurður á starfsemi Landakotsspítala sýnist mér á öllu að bitni fyrst og fremst á störfum kvenna, ss. hjúkrunar- kvenna, sjúkraliða, Sóknar- kvenna og ritara. Þessar stéttir verða þær fyrstu sem koma til með að hætta störfum ef stjórnvöld tryggja ekki eðlilegan rekstrargrundvöll spítalans," sagði Níels Chr. Níelsen, læknir og formaður starfsmannaráðs Landakotsspítala, við Þjóðvilj- ann. Á fundi starfsfólks á Landa- kotsspítala í gær var skorað á stjórnvöld að grípa nú þegar til aðgerða sem tryggt geti áfram- haldandi starfsemi hans án þess að grípa þurfi til neyðarúrræða ss. að hætta vöktum og taka 50 sjúkrarúm úr notkun frá og með 1. apríl nk. _grh Alverið Olíft vegna mengunar Unnið með gölluð skaut íkerskálanum. Kerin opin og óbœrilegur hiti og reykur. Trúnaðarmaður: Þolinmœðin á þrotum Vegna gallaðra og lélegra for- skauta hefur verið nánast óbærileg mengun af völdiim hita og reyks í kerskálanum í Álverinu í Straumsvík með stuttum hléum frá því á sl. vori. Starfsmennirnir reyna að forðast mengunina með andlitsgrímum við vinnuna en það hefur í för með sér tiiik.il óþægindi, svita og jafnvel köfn- unartilfinningu. Að sögn Ásbjörns Vigfússonar trúnaðarmanns í kerskálanum komu þessi gölluðu forskaut til landsins sl. vor og bar þá strax á galla í þeim. Vegna þess verður að hafa kerin opin og veldur það miklum hita og reyk í skálanum. Stjórn Álversins hefur lofað að ný og betri skaut séu væntanleg um mánaðamótin apríl-maí nk., en þessi skaut eru framleidd hjá fyrirtæki í eigu Alusuiss í Hol- landi. Örn Friðriksson, aðaltrúnað- armaður starfsmanna í Álverinu sagði að búið væri að grípa til allra þeirra ráðstafana sem hægt er til að fyrirbyggja óþægindi meðal starfsmanna á meðan þetta ástand varir. Hann sagði að menn væru ákaflega vanbúnir til að mæta mengun sem þessari við vinnu sína og afleiðingarnar kæmu fram m.a. í því að afköst eru ekki eins mikil og ella og því er meira unnið í yfirvinnu en alla jafna. Að vonum eru starfsmennirnir sem vinna í kerskálanum orðnir frekar óhressir með þessa vinnu- aðstöðu sem þeim hefur verið búin að undanförnu og sagði Ás- björn að ef ekki kæmu góð og nýtanleg forskaut um mánaða- mótin apríl-maí væri þolinmæði starfsmanna á þrotum, en þeir hafa hingað til reynt að koma til móts við stjórn Álversins með því að vinna við þessar óþægilegu að- stæður. Um þessar mundir fæst mjög gott verð fyrir tonnið á álinu og er það komið uppí 1400 pund tonnið sem er það hæsta verð sem menn hafa heyrt um í langan tíma ef þá nokkurntímann. Mönnum finnst því sú stefna Álversins að notast við þessi gölluðu skaut heldur vafasöm þar sem framleiðsluget- an minnkar og launaútgjöldin eru mun meiri vegna yfirvinnu og vegna þess að Alverið hefur reynt að hygla mönnum með aukatil- leggi vegna mengunarinnar. -grh. Það var þétt setinn bekkurinn í Snótarsalnum í gær, þegar kjarasamn ingar iðnverkafólks voru bornir undir atkvæði í Iðju, félagi verksmiðju- fólks í Reykjavík. Mynd E.ÓI. Samningarnir Verslunarmannafélagið felldi Endaspretturinn hafinn á Akureyri. Sátt enn ekkifengin í starfsaldursmálum. Iðja íReykjavík samþykkti samninga iðnverkafólks Afundi í Verslunarmannafélagi Reykjavíkur í gærkvöldi voru samningarnir felldir með 214 at- kvæðum gegn 96. Auðir og ógild- ir seðlar voru 11. Endaspretturinn í samninga- viðræðunum á Akureyri hófst í gærkvöldi, eftir að lausn fannst á þvargi um vinnutíma. Ríkissátta- IslandlPLO Tunis betri en Reykjavík Steingrímur Hermannsson: Hef ekkert ámótiþvíað hitta fulltrúa PLO. Dr. Makalof: Skoðanir Steingríms og skoðanir PLO falla í svipaðan farveg Utanríkisráðuneytið hefur sent fjölmiðlum frásögn Þórðar Einarssonar sendiherra í Stokk- hólmi af viðræðum Steingríms Hermannssonar við Dr. Makalof fulltrúa PLO sem fram fóru í Stokkhólmi síðastliðinn miðviku- dag. Fram kemur að viðræðurn- ar fóru fram að beiðni PLO. Dr. Makalof hóf mál sitt á því að lýsa yfir ánægju sinni, f.h. PLO-samtakanna, með þá yfir- lýsingu sem utanríkisráðherra hefði nýlega gefið á Alþingi. Skýrði hann jafnframt frá því að leiðtogar PLO hefðu mikinn áhuga á því að hitta ráðherrann að frekara máli, hvort sem væri í Reykjavík eða þá í Túnis þar sem PLO hefði nú aðalstöðvar sínar. Ráðherra sagði að hann hefði ekkert á móti því að hitta fulltrúa en hvenær það gæti orðið og hvar yrði að ákvarðast nánar. Eflaust væri betra að slíkur fundur ætti sér stað í Túnis fremur en í Reykjavík, a.m.k. í fyrsta sinn. Ráðherra sagðist því næst vilja taka það strax og mjög ákveðið fram að ísland og íslensk stjórnvöld fordæmdu hvers kon- ar hryðjuverk, hvar sem væri og af hvers völdum sem þau væru. Slíkt væri á allan hátt fordæmt af þeirra hálfu. íslendingar styðja eindregið tilverurétt ísraelsríkis, bætti hann við, en við lítum jafn- framt svo á að Palestínumenn eigi einnig fullan rétt á að ráða sínum málum sjálfir og að þeir búi yfir ákvörðunarrétti um eigin málefni til jafns við aðrar þjóðir. Hér er það þjóðarrétturinn sem á að kveða á um framgang mála, þ.e. sjálfsákvörðunarréttur fólks og þjóða hvar sem er. Ég lít svo á, sagði ráðherra, að efna eigi til alþjóðlegrar ráð- stefnu sem leitist við að leysa deilumál ísraelsmanna og Palest- ínumanna og semja frið þeirra í milli með þátttöku fulltrúa sem Palestínumenn kjósa sér sjálfir og sem njóta umboðs frá þeim. Ég segi eins og áður að ég er tilbúinn til þess að eiga viðræður við fulltrúa samtakanna. semjari lokaði Alþýðuhúsinu um kvöldmatarleytið í gær, svo samningamenn fengju ótruflaðir að ræða starfsaldurshækkanir og launaliði nýrra samninga og var búist við að fundir stæðu í það minnsta til morguns. Samkomulag um vinnutíma- ákvæði tókst ekki fyrr en seinni partinn í gær og er samkomulag um að hverfa að mestu frá ákvæðum um s.k. flæðitíma í dag- vinnu, sem kveðið er á um í Verkamannasambandssamning- unum. Ekki hefur enn náðst sátt um starfsaldurshækkanir og verða þær því að ræðast með taxta- breytingum, sem gæti reynst þrautin þyngri. Samningamenn vörðust allra frétta í gær um þær hugmyndir sem uppi eru í sam- bandi við taxtabreytingar. Á fjölmennum félagsfundi í Iðju, félagi verksmiðjufólks í Reykjavík í gær, voru nýgerðir samningar iðnverkafólks sam- þykktir með miklum mun at- kvæða, 105 atkvæðum gegn 49. Aftur á móti felidu Iðjufélagar ákvæði í samningunum um vinnutímabreytingar. -rk Föstudagur 25. mars 1988 ÞJÓÐVILJINN - SÍÐA 3

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.