Þjóðviljinn - 25.03.1988, Síða 6
Auglýsing
Fjármálaráðuneytið óskar eftir að ráða fólk til
starfa.
(boði eru fjölbreytileg störf sem snerta m.a. eftir-
farandi viðfangsefni ráðuneytisins:
Skattamál
Tollamál
Kjara- og launamál
Starfsmannamál
Skýrslugerð og tölfræði
Áætlanagerð
Rekstrareftirlit
Lífeyrismál
Menntun í lögfræði, hagfræði eða skyldum grein-
um er æskileg.
Laun samkvæmt launakerfi starfsmanna ríkisins.
Umsóknum skal komið til fjármálaráðuneytisins
Arnarhvoli, 150 Reykjavík fyrir 28. mars n.k.
Fjármálaráðuneytið
11. mars 1988
Húsverndunarsjóður
Reykjavíkur
Á þessu vori verða í annað sinn veitt lán úr Hús-
verndunarsjóði Reykjavíkur. Hlutverk sjóðsins er
að veita lán til viðgerða og endurgerðar á húsn-
æði í Reykjavík sem sérstakt varðveislugildi hef-
ur af sögulegum eða byggingarsögulegum
ástæðum.
Umsóknum um lán úr sjóðnum skulu fylgja
greinargóðar lýsingar á fyrirhuguðum fram-
kvæmdum, verklýsingar og teikningar eftir því
sem þurfa þykir.
Umsóknarfrestur er til 25. apríl 1988 og skal um-
sóknum stíluðum á Umhverfismálaráð Reykja-
víkur komið á skrifstofu garðyrkjustjóra, Skúla-
túni 2, 105 Reykjavík.
Skólastjóri
Staða skólastjóra við Grunnskóla Hólmavíkur er
laus til umsóknar. Umsóknarfrestur er til 8. apríl
1988.
Nánari upplýsingar gefa Þorkell Jóhannsson í
símum 95-3129 og 95-3123 og Stefán Gíslason
sveitarastjóri í símum 95-3193 og 95-3112.
Skólanefnd Hólmavíkurskóla
Blaðburðarfólk
Ef þú ert
morgunhress.
Haföu þá samband viö algreiöslu
I^oðvöjans, sími 681333
LAUS HVERFl
VÍÐSVEGAR UM BORGINA
Það bætir heilsu 02 hae
að bera út Þjóðviyaiin
ERLENDAR FRÉTTIR
„Sá er sæll,/ er sjálfur um á/ lof og vit, meðan lifir,/ því að ill ráð/ hefur maður oft þegið/ annars brjóstum úr.“
Francois Mitterrand
Frelsi, jafnrétti
og bræðralag
Frakklandsforseti varð ráðherra 28 ára gamall og gefur kost á sér til
endurkjörs 71 árs. Hann hefur œtíð aðhyllst klassísk gildifrönsku
byltingarinnar
Eins og alkunna er skýrði Fra-
ncois Mitterrand Frakkaþjóð
frá því á þriðjudaginn að hann
gæfi kost á sér til frekari búsetu í
Elyseehöll, Þar hefur farið vei um
hann síðastliðin sjö ár enda bæði
hátt til iofts og vítt til veggja.
Þótt forsetinn njóti hylli þegna
sinna nú um stundir þá er hann
þeim enn ráðgáta. Mitterrand
hefur aldrei borist á heldur farið
einförum og stólað á eigin
hyggjuvit fremur en ráð „sérf-
ræðinga". Hann er fáskiptinn að
eðlisfari og þegar hann kveður
sér hljóðs eru orð hans gjarna
margræð einsog spádómar véfr-
éttarinnar í Delfí forðum. Því
hefur hann verið uppnefndur
„Svingsinn".
Og hann ber nafn með rentu.
Allt fram í þessa viku lét hann
frambjóðendur til forsetaemb-
ættis velta vöngum yfir því hvort
hann gæfi kost á sér til endurkjörs
eður ei. Angistarfullir urðu
„keppinautarnir“ að glíma við
vindmyllur þvf ekki hefði orðið
þeim til framdráttar að beita sér
af mætti mót öldruðum forseta
sem væri hvort eð er á förum.
Yrði hann í framboði til þess að
tryggja Sósíalistaflokknum
valdastöðu og skjóta fornum
fjanda, Charles de Gaulle, ref
fyrir rass sem helsti stjórnsköru-
ngur ofanverðrar 20. aldar í Fra-
kklandi? Eða hætti hann leik
meðan hæst fram færi til þess að
„njóta elliáranna" og leggja
stund á ritstörf?
Nú velkist enginn í vafa lengur.
Einn fréttaskýrandi úr hópi landa
forsetans hefur orðið: „Fólk hef-
ur bókstaflega ímugust á yfir-
burðagáfum hans. Hann er fram-
úraskarandi klókur þátttakandi í
refskák stjórnmálanna.“
Þegar Mitterrand náði kjöri
árið 1981 var ekkert fordæmi
fyrir því að sósíalisti tæki við bús-
forráðum í Elyseehöll. Allar göt-
ur frá því de Gaulle olnbogaði sig
inní pólitík að nýju og stofnsetti
„fimmta lýðveldið" árið 1958
hafði sálblakkur íhaldsseggur
gegnt hinu háa embætti.
Þegar forsetinn skipaði sína
fyrstu ríkisstjórn launaði hann fé-
lögum Kommúnistaflokksins
stuðning í nýafstöðnu kjöri með
því að veita fjórum þeirra ráð-
herrastöður. Með þessu
snjallræði batt hann jafnframt
hendur þessara gömlu keppi-
nauta sinna á vinstri vængnum og
tryggði vinnufrið í Frakklandi.
Kommúnistar hafa ekki borið sitt
barr í frönskum stjórnmálum frá
því þeir létu forsetann lokka sig í
þessa gildru.
Á fyrri hluta valdaskeiðs
sósíalista létu þeir hendur standa
fram úr ermum og hrintu ýmsum
þjóðþrifamálum í framkvæmd.
Þeir þjóðnýttu fyrirtæki og stór-
juku félagslega þjónustu, styttu
vinnuviku og gerðu fólki kleift að
setjast fyrr í helgan stein en áður.
En þeir fóru of geyst í sakirnar,
franskur efnahagur þoldi ekki
svo ör umskipti og því urðu þeir
að draga nokkuð í land um mið-
bik kjörtímabils löggjafarsam-
kundunnar.
Þegar franskir kjósendur
gengu að kjörborði og völdu sér
nýja þingfulltrúa árið 1986 báru
hægrimenn sigur úr býtum.
Mitterrand var vængstýfður.
Nauðugur viljugur varð hann að
leggja bróðurpart valda sinna í
hendur erkifjandans, Jacques
Chiracs. Til að bæta gráu ofan á
svart bentu fylgiskannanir til þess
að hann væri óvinsælasti Frakk-
landsforseti sögunnar!
Þá sýndi „Svingsinn“ enn eina
ferðina hvers hann er megnugur.
Hann skóp sér ímynd „lands-
föðurins“ sem er hafinn yfir
hvunndagslegt aurkast í sand-
kassa stjórnmálanna. Eftir sem
áður gegndi hann aðalhlutverki í
mótun utanríkisstefnunnar og
átti því tíða fundi með erlendum
þjóðhöfðingjum. Hvað eftir ann-
að setti hann ofaní við Chirac op-
inberlega og er enn í fersku minni
þegar hann beinlínis skipaði hon-
um að draga mjög umdeild ný-
mæli í skólamálum til baka eftir
mannskæðar stúdentaaóeirðir.
Eftir tveggja ára „sambúð" er
ljóst að hyggindi og 40 ára
vógu þyngra en drift og dugnaður
„jarðýtunnar" Chiracs. Nú
benda allar kjörspár til þess að
gamli refurinn sigri hinn hálf sex-
tuga forsætisráðherra í síðari um-
ferð forsetakosninga þann 8.maí.
Skrykkjóttur ferill
„Hann varð ekki sósíalisti við
kynni af fræðikenningum heldur
vegna þess að hann aðhyllist rétt-
læti í samfélaginu, jafnrétti og
frelsi. Hin klassísku gildi frönsku
byltingarinnar.“ Þannig farast
Róbert Mitterrand orð um yngri
bróður sinn.
Francois var númer fimm í röð
átta barna járnbrautarstarfs-
manns í Suður-Frakklandi og leit
dagsins ljós árið 1916. Lauk prófi
í lögfræði og þótti efnilegur júristi
en hernám Þjóðverja færði hon-
um ný verkefni upp í hendur.
Mitterrand var annálaður fyrir
dirfsku í andspyrnuhreyfingunni.
Svo fór að hann særðist og lenti í
höndum Þjóðverja. Hann flúði
úr fangabúðum, komst til Alsír
og þaðan alla leið til Lundúna.
De Gaulle gerði hann að ráð-
herra í útlagastjórn sinni árið
1944 og hafði hann málefni stríðs-
fanga á sinni könnu. Þá var hann
aðeins 28 ára gamall.
Francois Mitterrand gegndi
ráðherraembætti í 11 ríkisstjórn-
um, frá stríðslokum og allar götur
þangað til „hershöfðinginn" reis
upp frá dauðum árið 1958.
Mitterrand lagðist gegn endur-
komu de Gaulles og galt þess. 42
ára að aldri var hann að flestra
mati kulnuð stjarna á stjórnmála-
festingunni.
Vissulega fór ekki mikið fyrir
Mitterrand á sjöunda áratugnum
en á öndverðum þeim áttunda
gekk hann til liðs við Sósíalista-
flokkinn og hóf hann á skömmum
tíma úr smán til virðingar. Jafnt
og þétt jókst flokknum ásmegin
undir leiðsögn Mitterrands uns
þar kom að þjóðin kaus félaga
hans til yfirráða í forsetahöll og
þinghúsi árið 1981. _ks.
6 SÍÐA - ÞJÓÐVILJINN Föstudagur 25. mars 1988