Þjóðviljinn - 29.03.1988, Blaðsíða 3
Hæstu laun
innan við
40.000
- Ég hygg að með þessum
samningi haldist kaupmáttur sér-
hætðs fiskverkafólks óbreyttur
milli ára. Aftur á móti er hætt við
að kaupmáttur almenns verka-
fólks verði eitthvað lakari en
hann var að meðaltali í fyrra,
sagði Ari Skúlason, hagfræðing-
ur Alþýðusambandsins. Ari tók
þó fram að með fastlaunasamn-
ingum sem fjölmargt verkafólk
fengi nú væri vafalaust um
nokkra kaupmáttaraukningu að
ræða.
Samningur verkalýðsfélag-
anna og atvinnurekenda sem
undirritaður var á föstudags-
kvöld, gildir til 10. apríl á næsta
ári, á sama hátt og samningar
verslunarmanna og iðnverka-
fólks. Sömu hækkanir á launalið-
um eru í þessum samningi og í
samningum iðnverkafólks og
verslunarmanna.
Áfangahækkanir á samnings-
tímanum eru 4, eða 3,25% 1.
júní, 2,5% 1. september, 1,5% 1.
desember og 1,25% 1. mars á
næsta ári.
Við gildistöku samningsins
hækka öll laun um 5,1%, en til
launajöfnunar, hækka laun þó
eigi minna en 2.025 krónur á
mánuði.
Samkvæmt samningnum eru
byrjunarlaun almenns verkafólks
nú 32.000 krónur á mánuði, en
komast hæst í 35.650 krónur eftir
10 ára starf hjá sama fyrirtæki.
Byrjunarlaun sérhæfðs fisk-
verkafólks eftir 3 mánaða starf
eru 35.050 krónur og komast
hæst í 38.350 krónur eftir 10 ára
starf hjá sama fyrirtæki.
Starfsaldursþrep eru eftir 3
mánuði, 1, 3, 5, 7 og 10 ára starf.
Desemberuppbót er 4.500
krónur fyrir þá sem skilað hafa
1700 dagvinnustundum í sama
fyrirtæki og eru við störf í fyrir-
tækinu í desember. Desember-
uppbótin er fjórskipt og fer
greiðsluhlutfall eftir vinnufram-
lagi. Upphæðin tekur áfanga-
hækkunum á samningstímabil-
inu.
í samningnum er kveðið svo á
að við mat á starfsaldri jafngildi
23 ára aldur eins árs starfi í starfs-
grein.
Samið er um einn yfirvinnu-
taxta án skilyrða um færanlegan
vinnutíma eins og er í samningn-
um VMSÍ. Þó er heimilt að færa
til upphaf dagvinnu semjist um
slíkt milli atvinnurekanda og
starfsmanna á hverjum vinnu-
stað. _______________________
FRÉTTIR
Sjónvarpið
Aðför íhaldsaíít að drepa
Niðurskurður ríkisstjórnarinnar bitnar hart áfréttastofu sjónvarpsins. Deilt um ýmsar dag
skrárgreiðslur. BHM með málið. Viðtal við Ingva Hrafn Jónsson tilefni til fundarhalda ígær.
Hótað að bjóða út fréttasýringaþætti
Niðurskurðastcfna ríkisstjórn-
arinnar hefur bitnað hart á
fréttastofu Sjónvarpsins og krist-
allast það best í viðtali við Ingva
Hrafn Jónsson, fréttastjóra Sjón-
varpsins, í síðasta tölublaði af
Nýiu lífi.
I viðtalinu bendir Ingvi Hrafn á
að forsætisráðherra, mennta-
málaráðherra, útvarpsstjóri og
formaður útvarpsráðs, séu allt
Sjálfstæðisflokksmenn. Auk þess
segir hann að sú stefna Sjálfstæð-
isflokksins að setja öllum
deildum Sjónvarpsins þröngan
og vonlausan ramma þannig að
skera verður dagskrána niður við
trog, og þar sem greinilegt sé að
ráðamenn gera greinilega ráð
fyrir að þetta ástand verði varan-
legt, hljóti það að kveikja þá
spurningu hvort Sjálfstæðisflokk-
urinn ætli sér að tryggja frjálsu
stöðvarnar í sessi.
„Það væri í samræmi við stefnu
flokksins. Hann hafði forystu um
að breyta útvarpslöggjöfínni og
það er kannski eðlilegt að hann
beiti þá áhrifum sínum til þess að
ríkisútvarpið kaffæri ekki frjálsu
stöðvarnar í samkeppninni,“
segir svo orðrétt í viðtalinu.
Samkvæmt heimildum Þjóð-
viljans eru nú uppi deilur á sjón-
varpinu um ýmsar dagskrár-
greiðslur til fréttamanna. I fyrsta
lagi hafa verið stöðvaðar um-
samdar hækkanir á greiðslum
fyrir Kastljós og umræðuþætti.
Þá hefur verið tekið fyrir
greiðslur fyrir fréttalestur og í
þriðja lagi hefur verið farið fram
á það við fréttamenn að þeir þýði
sjálfir erlend innskot í fréttaskýr-
ingaþætti, en hingaðtil hafa þeir
fengið þýðendur til að sjá um
það. Þessi mál eru til umfjöllunar
hjá BHM núna.
í bréfi sem framkvæmdastjóri
Sjónvarpsins, Pétur Guðfinns-
son, skrifaði til Félags frétta-
manna, vegna þessara deilna,
kemur fram að ef fréttamennirnir
sætta sig ekki við niðurskurðinn,
komi aðeins tvennt til greina,
annaðhvort að leggja niður
Kastljós eða bjóða slíka þætti út,
en að sögn manna á Sjónvarpinu
væri það mjög í takt við það sem
hefur gerst í innlendri dagskrár-
gerð, en þar er nær allt boðið út,
þannig að peningar sjónvarpsins
streyma til einkaframtaksins út í
bæ, og efast menn um sparnaðinn
við slíkt.
„Það virðist vera pólitískur
vilji í þjóðfélaginu fyrir að drepa
þennan miðil og koma honum í
hendurnar á einkaframtakinu.
Sjálfstæðisflokkurinn stendur
fyrir aðför að Ríkisútvarpinu og
stjórnvöld gera okkur ókleift að
þjóna hlutverki okkar. Þetta
hlýtur því að enda með skelf-
ingu,“ sagði fréttamaður á Sjón-
varpinu í samtali við Þjóðviljann í
gær.
Framkvæmdastjóri Sjónvarps,
framkvæmdastjóri útvarps,
fjármálastjóri og formaður út-
varpsráðs funduðu í gær vegna
viðtalsins við Ingva Hrafn. Hörð-
ur Vilhjálmsson, fjármálastjóri
sagði að mönnum hefði blöskrað
ummæli Ingva um Ingimar Ing-
imarsson, aðstoðarframkvæmda-
stjóra sjónvarpsins, þau væru
óheyrileg og órökstudd, en Ingvi
Hrafn líkir Ingimar við Mörð
Valgarðsson og segir hann illgresi
á stofnuninni. Sagði Hörður að
Ingimar ætti traust þeirra sem
funduðu í gær.
Ingimar vildi ekkert tjá sig um
málið en Markús Örn Antonsson
útvarpsstjóri er erlendis.
-Sáf
Birgir H. Sigurðsson, deildarstjóri hverfaskipulags, útskýrir kortagerðina. Mynd: Sig.
Hverfaskipulag í gagnið
Davíð Oddsson: Ekki skuldbinding, heldur vísbending um
hvað sé á döfinni
- í hverfaskipulagi felst ekki
skuldbinding, heldur vísbending
um livað sé á döfinni og hvað
borgin telji sér skylt að gera í
ákveðnu hverfi og á tilteknu ára-
bili, sagði Davíð Oddsson borg-
arstjóri á fundi með blaða-
mönnum í gær er hann kynnti
hverfaskipulag fyrir borgarhluta
4 ásamt starfsmönnum Borgar-
skipulags.
Borgarhluti 4 tekur til Laugar-
ness, Lækja, Kleppsholts, Lau-
garáss, Sunda, Heima og Voga,
en alls eru borgarhlutarnir 9 tals-
ins.
Hverfaskipulag er ný tegund
skipulagsáætlunar sem unnin er í
framhaldi af nýju aðalskipulagi
fýrir Reykjavík, en það var sam-
þykkt á miðju sumri 1987. Kemur
þetta nýja skipulagsstig milli að-
alskipulags og deiliskipulags.
ÖIl heimili í borgarhluta 4 fá nú
sent eintak af hverfaskipulaginu,
en þar er að finna mikinn fróðleik
um helstu þætti þess; húsnæði,
umhverfi, þjónustu, íbúa og um-
ferð.
HS
Akureyrarsamningurinn
Fátt um fína drætti
Yfirvinnubann hafið á Akranesi. Vilborg Þorsteinsdóttir: íaðalariðum VMSÍ-samningarnir.
Málhildur Sigurbjörnsdóttir: Mikilvæg réttindamálfengust íhöfn. Launaliðirnir helsti Ijóðurinn.
ÞóraHjaltadóttir: Alvanalegt að sama fólkið gangi út fyrir undirskrift
Yfirvinnubann á félagssvæði
Verkalýðsfélags Akraness,
hófst á miðnætti í gærkvöldi. Sig-
rún Clausen, formaður verka-
kvennadeildar Verkalýðsfélags
Akraness sagði í samtali við Þjóð-
viljann í gær að ekki væri annað
að heyra á verkafólki á Akranesi
en samninganefndin hefði gert
rétt með því að ganga af samn-
ingafundi á Akurcyri á föstudags-
kvöld ásamt fulltrúum Verka-
lýðsfélags Vestmannaeyja og
Verkakvenn?r“'agsins Snótar.
- Fyrst fé in voru búin að
fella fyrri samning og yfirvinnu-
bann víðast hvar komið á, þá
hefði maður haldið að látið væri
sverfa til stálsins, en sú var ekki
raunin, sagði Sigrún.
- Þessi samningur gefur ekki af
sér nema um 2-3% meira heldur
en samningar Verkamannasam-
bandsins og í grundvallaratriðum
er hér um sama samning að ræða
að viðbættum ýmsum smáat-
riðum. Við höfum verið að fara á
vinnustaði og fólk virðist innilega
sammála þeirri ákvörðun okkar
að ganga út, sagði Vilborg Þor-
steinsdóttir, formaður Snótar í
Vestmannaeyjum.
- Það er ekkert nýtt að Sigrún
Clausen og Jón Kjartansson
hlaupi útundan sér við undirskrift
samninga. Ég get aftur á móti
skilið að Snótarkonur hafi ekki
getað unað þessari niðurstöðu,
þar sem þær eru búnar að standa í
verkfalli fyrir 40.000 króna lág-
markslaunum, sagði Þóra Hjalta-
dóttir, formaður Alþýðusam-
bands Norðurlands.
Þóra sagði að þótt beinar
launahækkanir hefðu mátt vera
meiri, væru ýmsir mikilsverðir
ávinningar í samningnum, sem
ekki væri rétt að forsmá.
- Það má nefna mýgrút af rétt-
indamálum sem náðust í gegn og
skiptu miklu fyrir verkafólk. Þar
vil ég til að mynda nefna að einn
yfirvinnutaxti fékkst, án þess
breytingar á vinnutíma væru með
í kaupunum og að verkafólk
heldur áunnum starfsréttindum
og veikindarétti þó það flytji sig
um set. Þetta eru kjaraatriði sem
verður að taka tillit þegar samn-
ingurinn er metinn í heild sinni,
sagði Þóra.
Að sögn Þóru verður samning-
urinn borinn undir atkvæði í
Norður-Þingeyjarsýslu í dag,
Skagafirði á morgun og eftir
páska hjá Einingu og á Húsavík.
- Helstu ávinningar þessa
samnings eru þeir að ýmis mikils-
verð réttindamál, sem fiskverka-
fólk hafði áður, hafa verið heimt
að nýju. Ljóðurinn á þessum
samningi eru launin. Vissulega
hefðum við viljað ná lengra, en
því varð ekki viðkomið, sagði
Málhildur Sigurbjörnsdóttir,
fiskverkakona í Granda, en hún
átti sæti í samninganefnd verka-
kvennafélagsins Framsóknar.
Kjarsamningurinn verður af-
greiddur á félagsfundi Framsókn-
ar í dag.
Samningamál félaganna í
Vestmannaeyjum og á Akranesi
eru í höndum ríkissáttasemjara
og sagði Sigrún Clausen að þess
væri fljótlega að vænta að hann
ákvæði um framhaldið.
-rk
Fundur á Borginni
Samtök herstöðvarandstæð-
inga ha'da baráttufund á morgun
á Hótel Borg í tilefni þess að þá
verða 39 ár liðin frá því Islending-
ar gerðust aðilar að Atlantshafs-
bandalaginu.
Dagskrá fundarins hefst
kl.20.30 en þar verður upplestur
á efni um NÁTO þar sem sérstak-
lega verður tekin fyrir stefna og
verk NATO sem hernaðarbanda-
lags hér á íslandi og annars stað-
ar. í tengslum við þá umfjöllun
verða flutt ljóð og leikin tónlist
sem efninu tengist og stjórnar
María Sigurðardóttir leikkona
þeim hluta dagskrárinnar en með
henni les Karl Ágúst Úlfsson.
Hugmyndin er að gera NATO
sem hernaðarbandalagi full skil
og sem ítarlegust. Árni Björns-
son þjóðháttafræðingur og Sig-
urður A. Magnússon rithöfundur
halda stuttar tölur sem engum
ætti að geta leiðst og tónlistar-
mennirnir Tómas R. Einarsson
og Guðmundur Ingólfsson sveifla
sérlítillega. Kristín Á. Ólafsdótt-
ir borgarfulltrúi kemur til með að
stjórna fundinum. Að dagskrá
lokinni mun Andrea Jónsdóttir
leika plötur með framsæknu
poppi svo sem hæfír deginum.
-tt
Þriðjudagur 29. mars 1988 ÞJÓÐVILJINN - SÍÐA 3