Þjóðviljinn - 30.03.1988, Blaðsíða 3

FRÉTTIR
Iceland Seafood
90 miljónir á 6 ámm
Valur Arnþórsson: Guðjón B. Ólafsson fékk 1,25 milljónirímánaðarlaun. Samsvarar tœpumþreföldum árslaunum
sérhœfs fiskvinnslufólks hjá Sambandinu eftir 10 ára starf
Guðjón B. Ólafsson, forstjóri
SÍS og fyrrverandi forstjóri Ice-
land Seafood Corporation þáði
tæpar 90 milljónir í laun síðustu 6
árin sem hann starfaði ytra eða
2,3 milljónir dollara. Á þessum
tíma voru mánaðarlaun hans 1,25
milljónir króna.
Til samanburðar má geta þess
að sérhæft fiskvinnslufólk í frysti-
húsum Sambandsins hefur eftir
10 ára starf 460.200 krónur í árs-
laun og þarf því að vinna hörðum
höndum í tæp þrjú ár til að ná
mánaðarlaunum forstjórans fyrr-
verandi, samkvæmt nýgerðum
kjarasamningum sem nú er verið
að greiða atkvæði um í verka-
lýðsfélögum víðs vegar um
landið.
Þessar tölur um launagreiðslur
til fyrrverandi forstjóra Iceland
Seafood Corporation, Guðjóns
B. Ólafssonar, voru staðfestar í
fyrsta skipti í dag af stjórnarfor-
manni Sambands íslenskra sam-
vinnufélaga, Vali Arnþórssyni á
fundi með blaðamönnum.
Á fundinum skýrði stjórnar-
formaðurinn frá því að stjórn
Sambandsins hefði samþykkt
samhljóða á fundi sínum í gær að
ágreiningurinn um launa-og
kjaramál Guðjóns B. Ólafs-
sonar, forstjóra SÍS, á meðan
hann gegndi starfi forstjóra hjá
Iceland Seafood Corporation,
hafi verið að fullu skýrður.
Að þessari niðurstöðu komst
stjórnin eftir að hafa farið
gaumgæfilega í gegnum skýrslur
bæði frá löggiltum endurskoð-
anda Sambandsins og frá fram-
kvæmdastjóra Sjávarafurða-
deildarinnar, sem jafnframt á
sæti í stjórn Iceland Seafood.
í ályktun Sambandsstjórnar-
innar um málið kemur fram að
stjórnin harmar mjög þann
ágreining sem verið hefur í Ice-
land Seafood en fagnar því jafn-
framt að málið skuli jafnframt
vera úr sögunni. í samþykkt sinni
ítrekaði stjórn Sambands ís-
lenskra samvinnufélaga að stjórn
Iceland Seafood Corporation
hafi fulla ábyrgð og vald í málinu
sem í hverju öðru málefni fyrir-
tækisins.
-grh
Sjónvarpið
Ingimar með
hótanir
Ingimar Ingimarsson, aðstoð-
arframkvæmdastjóri Sjónvarps-
ins, sendi Ingva Hrafni Jónssyni,
fréttastjóra, hótun um uppsögn,
ef hann léti ekki af stuðningi við
fréttamenn Sjónvarpsins í kjara-
deilu um verktakagreiðslur vegna
Kastljósþátta.
1985 var gerður verktakasamn-
ingur um Kastljósþættina við Fé-
lag fréttamanna. Áttu greiðslur
vegna þeirra að hækka í takt við
aðrar launagreiðslur. í október
sl. var þessi hækkun einhliða af-
numin af Fjármáladeild Sjón-
varpsins og Ingva Hrafni uppá-
lagt að fara að þeim skipunum.
Hann taldi sig hinsvegar ekki
geta gert það og skrifaði upp á
greiðslur einsog tilskipun Fjárm-
áladeildar hefði aldrei komið.
Fjármáladeild leiðrétti svo
greiðslurnar þegar greitt var út.
„Þetta er rétt,“ sagði Ingvi
Hrafn þegar Þjóðviljinn bar þetta
undir hann. Hann sagðist hafa
staðið fast með sínum frétta-
mönnum í deilum við fjármála-
deildina, enda teldi hann það
skyldu sína. í kjölfar þess fékk
hann svo hótunarbréf frá Ingi-
mar, þar sem honum var bent á
að stuðningur hans við frétta-
menn væri brot á skyldum opin-
berra starfsmanna.
„Þetta var því ekkert annað en
bein hótun um uppsögn, því op-
inber starfsmaður sem er uppvís
að broti á skyldum opinberra
starfsmanna er brottrækur úr
starfi. Ég vísaði hótuninni á bug.
Því miður ríkir hér algjört
ófremdarástand. Fréttamenn eru
heilu og hálfu dagana að semja
greinargerðir fyrirlögfræðinga-
Ingvi Hrafn var spurður að því
hvort hann væri að hætta einsog
Tíminn skýrði frá í gær. „Ég veit
ekki til þess að ég sé á leiðinni
út.“ _Sáf
Guðjón Friðriksson, formaður Torfusamtakanna, stendur á miðri Lækjargötu, sem í dag sker í sundur miðbæ Reykjavíkur meö allri
sinni bílaumferð. Mynd - Sig.
Miöbœrinn
Blikkbeljumar neðanjarðar
Torfusamtökin vilja tengja Sœtúnið við Hringbrautina með neðanjarðargöngum.
Guðjón Friðriksson: Stóraukin umferð ógnar byggðinni ígamla bænum
-Hugmyndin er sú að tengja
Hringbrautina við Sætúnið með
neðanjarðargöngum undir Sól-
eyjargötu, Fríkirkjuveg, Lækj-
argötu og Kalkofnsveg með til-
heyrandi neðanjarðarbflastæð-
uni, segir Guðjón Friðriksson,
formaður Torfusamtakanna, en á
stjórnarfundi nýlega var sam-
þykkt að beina því til borgaryfir-
valda hvort þessi framkvæmd
væri ekki orðin fyllilega tímabær
til að ráða fram úr þeim vanda-
málum sem af aukinni bflaumferð
stafa.
-Það vinnst ekki aðeins að
létta umferðinni af miðbænum,
heldur opnast einnig möguleikar
á að tengja Tjörnina við Hallar-
garðinn og Listasafn íslands, og
eins verður Hljómskálagarður-
inn í nánari tengslum við byggð-
ina í Þingholtunum, segir Guð-
jón.
Stjórn Torfusamtakanna er
þeirrar skoðunar að mesti
ógnvaldur við byggð í gamla bæn-
um í Reykjavík sé stóraukin bíla-
umferð, og veruleg hætta sé á því
Samtök herstöðvaandstæðinga
39 ár í Atiantshafsbandalaginu
Baráttufundur á Hótel Borg í kvöld kl. 20.30. Andstaðan gegn hernaðar-
uppbyggingu stórveldana eykst. Fólki farið að ofbjóða hernaðarhyggjan
Idag eru liðin 39 ár frá því að
Alþingi íslendinga samþykkti
inngöngu íslands í NATO og
verður þessa svartnættis í sögu
þjóðarinnar minnst með baráttu-
fundi á Hótel Borg I kvöld kl.
20.30 þar sem herstöðva-
andstæðingar munu fjölmenna og
blása í herlúðra fyrir nýrri og
kröftugri sókn gegn sívaxandi
hernaðarumsvifum stórveldana
hér á landi sem og annarsstaðar í
heiminum.
Að sögn Ingibjargar Haralds-
dóttur hjá Samtökum herstöðva-
andstæðinga verður fundur með
Steingrími Hermannssyni utan-
ríkisráðherra í dag kl. 10.30 þar
sem ráðherra verður afhent al-
menn áskorun samtakana um að
íslendingar segi sig úr NATO og
spymt verði við fótum við frekari
hernaðaruppbyggingu hér á
landi. Nýjasta dæmið þar um er
uppbygging ratsjárstöðva bæði á
Bolafjalli og á Gunnólfsvíkur-
fjalli sem komið er á daginn að
þjóna fyrst og síðast hagsmunum
Bandaríska herveldisins en ekki
heimamönnum eins og her-
stöðvaandstæðingar hafa ávallt
haldið fram.
Starfsemi herstöðvarandstæð-
inga er sífellt að vaxa fiskur um
hrygg og hefur samvinna samtak-
ana við erlendar friðarhreyfingar
skilað sér ma í mun betri upplýs-
ingaöflun en ella.
Þá hefur það færst í auka að
nemendur og kennarar í skólum
landsins hafa sóst eftir að fá her-
stöðvaandstæðinga ýmist á mál-
fundi eða til upplýsingar um al-
þjóðasstjórnmál og starfssemi
friðarhreyfinga erlendis og sagði
Ingibjörg að þessi þáttur í starf-
semi samtakana færi sífellt í vöxt.
Ingibjörg sagði að það væri
sérstakt áhyggjuefni hin auknu
umsvif kjarnorkukafbáta í hafinu
í kringum landið þar sem til-
hneiging virðist vera í þá átt hjá
stórveldunum að fjölga kjarna-
oddum í kafbátum á sama tíma og
rætt er um að fækka þeim í eld-
flaugum á landi. -grh
að af hennar völdum verði byggð-
in sundurslitin af þungum um-
ferðaræðum með tilheyrandi
mengun og stórum og óhrjá-
legum bílastæðum. Því hljóti það
að verða eitt mikilvægasta verk-
efni borgarstjórnar á næstu árum
að sjá við vandamálum af þessum
toga, og því sé hugmynd stjórnar
samtakanna sett fram.
-Þetta er leið sem margar
borgarstjórnir á Vesturlöndum
hafa valið, segir Guðjón, og
bendir á að jafnvel miklu smærri
bæjarfélög en Reykjavík hafi
sambærilegar áætlanir á prjónun-
um. Þannig hafi Þórshafnarbúar í
Færeyjum í hyggju að gera jarð-
göng undir höfnina, meðal ann-
ars til að Tinganes, hið gamla að-
setur stjórnsýslunnar í landinu,
fái haldið svip sínum, ró og virðu-
leika.
-Mannvirki á borð við neðan-
jarðargöngin yrði að vísu dýr
framkvæmd, en þó varla miklu
dýrari en til dæmis jarðgöng
undir fjöll á Vestfjörðum, sem
þjóna þó miklu færra fólki. Auk
þess yrðu þau til ólíkt meiri hags-
bóta fyrir Reykvíkinga en til
dæmis fyrirhugað veitingahús á
hitaveitugeymunum, segir Guðj-
ón.
HS
Miðvlkudagur 30. mars 1988 ÞJÓÐVILJINN - SÍÐA 3