Þjóðviljinn - 30.03.1988, Blaðsíða 7
FRÉTTIR
íslenskar konur sýndu mikla samstöðu á kvennafrídaginn 1975 og nú ætla þær að fjölmenna á kvennaþingið í Osló.
Kvennaþing
Um 400 konur til Osló
Enn hœgt að slást í hópinn. Margir styrkja konur tilfararinnar
Nú er útlit fyrir að um 400 ís-
lenskar konur fari á norræna
kvennaþingið í Osló, í byrjun ág-
úst. Er þátttakan framar vonum,
því í upphafi var markmiðið sett á
200 íslenska þátttakendur. Kon-
urnar koma alls staðar að úr
þjóðfélaginu og eru á öllum aldri.
Yngsti þáttakandinn verður
nokkurra mánaða en sá elsti dvel-
ur á elliheimili.
Staðfesta
þarf þátttöku
Enn er hægt að skrá sig til far-
arinnar en fyrir 15. apríl þarf að
staðfesta þáttöku á sérstöku
eyðublaði, til að tryggja sér ódýrt
flug og gistingu. Einnig þarf að
greiða 175 norskar krónur í þátt-
tökugjald. Ferðaskrifstofan
Norrænu förukonurnar verður
opin í húsnæði Jafnréttisráðs að
Laugavegi 118d, frá kl. 16-19,
dagana 5.-7. og 12.-14. apríl. Þar
verður hægt að fá upplýsingar um
gistingu og tekið við 7000 kr.
staðfestingargjaldi fyrir flugfari.
Sum stéttarfélög sjá um skipu-
lagningu fyrir sína félagsmenn og
er annað hvort að leita þangað
eftir nánari upplýsingum, eða til
Guðrúnar Agústsdóttur. Hún
starfar við undirbúning kvenna-
þingsins og hefur aðsetur hjá
Jafnréttisráði.
Áhersla hefur verið lögð á að
ná til kvenna sem almennt fara
ekki á ráðstefnur og til að sem
flestar konur geti komist veita
sum stéttarfélög og sveitarfélög
fararstyrki. Jafnréttisráð ræður
einnig yfir sjóði til að styrkja þær
konur sem ekki fá aðstoð annars
staðar frá, t.d. húsmæður og
skólafólk. Áætlað er að 25-
30.000 kr. dugi fyrir flugi og viku-
uppihaldi í Osló.
Hvað verður
gert í Osló?
Ráðherranefnd Norðurlanda
og forsætisnefnd Norðurlanda-
ráðs standa fyrir kvennaþinginu
og hefur undirbúningur verið í
höndum norrænna kvennasam-
taka. Dagskráin byggir á fjöl-
breyttum framlögum kvenna frá
þátttökulöndunum og tengist lífi
þeirrá og starfi á einhvern hátt.
Gert er ráð fyrir 1660 tímum í
séruppákomum, auk þess verður
fjölda kynningarbása komið fyrir
á mótssvæðinu í Blindern.
Frá íslandi verða m.a. flutt atr-
iði á vegum kvennahreyfinga og
stéttarfélaga. Fulltrúar allra
stjórnmálaflokka, nema Borg-
araflokksins, útbúa dagskrá, í
samstarfi við samskonar flokka á
Norðurlöndum og friðarhrey-
fingar standa sameiginlega að
uppákomum í sérstöku friðar-
tjaldi á mótssvæðinu.
Kynning á listrænu framlagi
kvenna skipar stóran sess í Osló.
Má þar nefna að fimm íslenskar
myndlistarkonur verða með sam-
sýningu og flutt verða tónverk
f'riggja íslenskra tónskálda.
þróttahreyfingar leggja svo sitt
af mörkum með því að sjá um
daglega leikfimi á mótsstað.
Pó að konur séu ekki eldklárar
í öðrum Norðurlandamálum ættu
þær samt að geta notið þess að
vera kvennaþinginu. íslenskar
konur munu mikið búa saman og
geta þá stutt hver aðra og stefnt
er að því að geta veitt aðstoð við
túlkun.
En hver skildi nú tilgangurinn
vera með því að stefna mörg þús-
und norrænum konum saman á
einn stað? í ávarpi Grete Knud-
sen, stjórnanda undirbúnings-
hópsins, er lýst meginmarkmið-
unum með þinginu. „Á norræna
kvennaþinginu sýnum við raun-
veruleikann að baki goðsögnum
um jafnrétti kynjanna. Við sýn-
um daglegt líf kvenna og það sem
er meira um vert, orðum drauma
okkar og framtíðarsýn um samfé-
lag með manneskjulegu svipmóti
þar sem konur fá einnig notið sín.
Á kvennaþinginu gefum við okk-
ur tíma til að rækta vináttu og
vera með öðrum konum og það
veitir sjálfsvitund og styrk til að
takast á við hversdagslífið.“ Að
sögn Guðrúnar Ágústsdóttur er
vonast til að takast megi að
mynda samkennd og samstöðu
meðal kvenna, óháð flokksbönd-
um. Þó að brýnt sé að bæði karlar
og konur vinni saman að
jafnréttismálum, þá þurfi konur
sjálfar að móta stefnuna.
Öxarfjörður
Framb'ð í fiskeldi
Orkustofnun: Öxarafjörður er geysiöflugtsvæðifrá náttúrunnar
hendi fyrir fiskeldi
Af þeim stöðum á landinu sem
Orkustofnun hefur kannað með
tilliti til hagstæðra skilyrða fyrir
fiskeldi er Öxarfjörður geysiöfl-
ugt svæði sem býr yfir miklum
möguleikum af náttúrunnar
hendi. Þetta kom fram í erindi
Lúðvíks G. Gissurarsonar á árs-
fundi Orkustofnunar í gær.
Á ársfundinum kom fram að á
síðasta ári hafi Orkustofnun
fengið sérstaka fjárveitingu til að
gera svæðisbundna úttekt á
náttúrlegum aðstæðum fyrir fisk-
eldi. Rannsóknirnar eru liður í
þriggja ára áætlun og er senn lok-
ið úrvinnslu þeirra gagna sem
aflað var síðasta sumar.
Við rannsóknirnar í Oxarfirði
kom mjög óvænt í ljós að í sýnum
sem tækin voru úr jarðhitaholu
við Skógalón greindist lífrænt gas
svipað gasi frá olíusvæðum. Lúð-
vík taldi aðalskýringuna á þessu
lífræna gasi á þessum slóðum
vera þá að Jan Mayen hryggurinn
sé þarna undir, en mælingar sem
gerðar hafa verið á honum benda
sterklega til að þar sé að finna
olíu eða gas.
Helstu niðurstöður af
rannsóknunum í Öxarfirði leiddu
m.a. í ljós að þar finnist víða
gnótt af ferskvatni til fiskeldis,
nýtanlegur jarðsjór fannst við
Buðlungahöfn austan Brunnár
og fleiri sjótökustaðir eru noröar,
hitasvæðin úti á söndunum eru
einstök á landinu og kemur jarð-
hitinn upp í setlagatafla sem er
a.m.k. 1 kílómetra þykkur, við
Skógalón er mikill virkjanlegur
jaröhiti og mældist djúphiti um
130 gráður á Celsíus, háhitaum-
myndun kom upp við boranir á
hitasvæðinu við Bakkahlaup og
þar ear háhitasvæði líklega 6-7
ferkílómetra að stærð.
Á þessu ári er áætlað að ljúka
kortlagningu á vatnafari, bora
víða sjótökuholu til vinnslsupróf-
unar og bora 400-500 metra
djúpa rannsóknarholu í hita-
svæðið við Skógalón. -grh
KJOTMIÐSTOÐIN
Laugalæk, sími 686511
Garðabæ, sími656400
Nr. 1 298.70 4 í pakka
Nr. 2 149.40
Nr. 3 289.80
Nr. 4 453.20
Nr. 5 711.90
Nr. 6 1098.20
PAÐ STANSA
FLESTIR í
m /mmu /mmu
ALLTA FULLUHJA OKKUR -
VETUR SEM SUMAR
Mmm /í/mMí zzmMi /pmMi mmAi /tamMi