Þjóðviljinn - 09.04.1988, Blaðsíða 3

___________________________FRETTIR______________
S-Afríka
Stóraukinn innflutningur
1987 keyptum við vörurfrá S-Afríkufyrir tœpar 33 miljónir króna, þar afávexti
fyrir29,5 miljónir. 12 miljóna króna aukning í heildarinnflutningi frá 1986
Suður-Afríka
ASI vill
bann
Miðstjórn ASÍ:
Nauðsynlegt að setja
viðskiptabann með
lögum - tilmœli hrífa
ekki

Á miðstjórnarfundi Alþýðu-
sambands Islands í fyrradag var
samþykkt að beina þeim ein-
dregnu tilmælum til alþingis að
nú þegar verði sett viðskiptabann
á Suður-Afríku. Miðstjórnin tel-
ur að íslensk stjórnvöld eigi í
þessu máli að fylgja fordæmi
stjórnvalda á hinum Norðurlönd-
unum.
Að sögn Ásmundar Stefáns-
sonar, forseta ASÍ, er orðið
nauðsynlegt að setja lög sem
banna allan innflutning frá S-
Afríku í ijósi þess að almenn til-
mæli virðast ekki hrífa eins og
dæmin sanna. Svartir íbúar lands-
ins hafi hvatt til viðskiptabanns til
að knýja stjórnvöld til að láta af
kynþáttakúguninni og veita
svörtum þau réttindi sem þeim
ber. Með sinni samþykkt sé mið-
stjórn ASÍ að koma til móts við
óskir þeirra. -grh
að eru hinar ótrúlegustu
vörur sem fluttar eru hingað
til lands frá S-Afríku, en í mis-
miklum mæli þó. Langmestur er
innflutningur á ávöxtum og í
fyrra nam hann tæpum 29.5 milj-
ónum króna af tæpum 33 miljóna
króna heildarinnflutningi. I
krónum talið jókst innflutningur
frá S-Afríku um 12 miljónir á milli
áranna 1986 og 1987.
Samkvæmt upplýsingum frá
Hagstofu íslands var þar fyrir
utan mest flutt inn frá S-Afríku af
ýmsum vélum til atvinnurekst-
urs, fyrir 1.947 miljónir króna á
síðasta ári, og næstmest af korni
og unnum kornvörum, fyrir 319
þúsund krónur. Skófatnaður var
fluttur inn fyrir 134 þúsund krón-
ur, ýmsar vörur fyrir 93 þúsund,
vefnaðarvara og garn fyrir 72
þúsund og málmar aðrir en járn
fyrir 47 þúsund.
Aðrar vörutegundir voru flutt-
ar inn í minna mæli á síðasta ári
en sem dæmi um þennan inn-
flutning í krónum talið má nefna
að hingað var fluttur inn fatnaður
fyrir44 þúsund, ferðabúnaður ss.
handtöskur oþh. fyrir 35 þúsund
krónur, vísinda- og mælitæki ým-
isskonar fyrir 24 þúsund, krydd
fyrir aðeins 2 þúsund og einhver
hafði pantað og keypt frá S-
Afríku iðnaðarvöru fyrir aðeins
þúsund kall.
-grh
Sjónvarpið
Tæknimenn
hvítir
hrafnar
Allt að helmingsfœkkun í
tækniliðifrá áramótum
Niðurskurðurinn á tæknideild
ríkissjónvarpsins frá áramótum
cr mikill, sumstaðar hefur orðið
allt að helmingsfækkun á starfs-
liði eins og í stúdíói. Þar voru
þrjár vaktir um áramót en eru nú
orðnar ein og hálf.
Nýlega var síðan tækni-
mönnum, sem og öðrum starfs-
mönnum sjónvarpsins sent bréf
undirritað af útvarpsstjóra þar
sem mælst er til þess að starfs-
mennirnir vinni ekki að verkefn-
um utan stofnunarinnar.
Einn af tæknimönnum sjón-
varpsins, sem Þjóðviljinn ræddi
við um þetta mál, sagði að bréfið
hefði komið misvel við menn þar,
verst við þá sem verið hafa, eða
eru, í öðrum verkefnum utan
starfs síns.
„Okkar kappsmál er að halda
þeim verkefnum sem við getum
unnið innan stofnunarinnar en
ekki að þau verkefni séu boðin
aðilum úti í bæ eins og gerst hefur
í síauknum mæli,“ sagði hann.
-FRI
Sífellt fáliðaðra á tæknideild sjónvarpsins, enda farið að leita til aðalkeppinautarins um tæknivinnu.
Útvarpsráð:
Vantraust á Ingva Hrafn
Fréttastjóri sjónvarps: Hvarflar ekki að mér að segja upp.
Váraformaður Útvarpsráðs: Tilneydd til vantrausts.
Útvarpsstjóri þegir
Utvarpsráð hefur lýst van-
trausti á Ingva Hrafn Jónsson
fréttastjóra sjónvarpsins og segir
að hann hafi borið út róg um sjón-
varpið og unnið gegn hagsmun-
um þess. Er í þessu sambandi
vitnað til þekkts viðtals tímarit-
sins Nýs lífs við Ingva Hrafn ný-
lega þar sem hann fer meðal ann-
ars hörðum orðum um aðstoðar-
framkvæmdastjóra sjónvarpsins,
Ingimar Ingimarsson.
„Það hvarflar ekki að mér að
segja upp starfi mínu vegna
þessa. Utvarpsráð hefur aldrei
borið traust til mín og má í því
sambandi nefna að fimm af sjö
útvarpsráðsmönnum greiddu at-
kvæði gegn mér er fjallað var um
ráðningu mína til sjónvarpsins.“
sagði Ingvi Hrafn Jónsson í sam-
tali við Þjóðviljann í gær.
„Það hefur gengið á ýmsu hér
innan stofnunarinnar frá því að
ég var ráðinn fréttastjóri en
fréttastofan er öflugur og óháður
fréttamiðill og mun verða svo
áfram undir minni stjórn.“
Hvað ummæli útvarpsráðs um
rógburð og óheilindi í starfi varð-
ar segir Ingvi Hrafn að hann vísi
þeim alfarið á bug og í fyrr-
greindu viðtali hafi hann einungis
rætt opinskátt um málefni stofn-
unarinnar og þá samskiptaörðug-
leika sem þar eru.
Markús Örn Antonsson út-
varpsstjóri vill ekki tiá sig um
málið að svo stöddu. A fundi út-
varpsráðs í gær voru fimm af sjö
fulltrúum þess mættir, en þar
vantaði Ingu Jónu Þórðardóttur
formann ráðsins, eða raunar
varamann hennar þar sem hún er
erlendis, svo og fulltrúa Alþýðu-
flokksins. Fjórir greiddu atkvæði
með vantraustinu en Magdalena
Schram sat hjá.
Markús Á. Einarsson varafor-
maður ráðsins segir í samtali við
Þjóðviljann að legið hefði ljóst
fyrir að mál Ingva Hrafns yrði
tekið fyrir á þessu fundi sem er sá
fyrsti eftir að umrætt viðtal kom
út. Miklar umræður urðu um
málið með fyrrgreindri niður-
stöðu og telur Markús eðlilegt að
vantraustið hafi komið frám,
ráðið hefði verið tilneytt til þess
með hliðsjón af ummælum Ingva
um stofnunin og einstaka starfs-
menn hennar.
Sjónvarpið
Undarleg
hugmynd
Ögmundur
Jónasson: Skrítið að
leita með verk til
Stöðvartvö. Viljum
efla tæknideildina
„Þótt nú hafi vcrið fallið frá
þessari hugmynd finnst okkur
starfsfólkinu undarlegt að leitað
skyldi til þeirra upphaflega,“
sagði Ögmundur Jónasson, for-
maður Starfsmannafélags sjón-
varpsins, í samtali við Þjóðvilj-
ann um þær hugmyndir forráða-
manna sjónvarpsins að fá ís-
lenska myndverið til að vinna
tæknivinnu við leikritið Næturg-
öngu, en íslenska myndverið er í
eigu rekstraraðila Stöðvar 2.
Ögmundur sagði einnig að eftir
að þessi hugmynd kom upp hefði
íslenska myndverið falast eftir
tæknimönnum frá sjónvarpinu til
að vinna þetta verk fyrir sig og
væru flestir starfsmenn stofnun-
arinnar sammála um að þarna
hefði verið gengið of langt í þeirri
stefnu að fá einkaaðilum í hendur
dagskrárgerðarverkefni.
„Við sjáum ekkert óeðlilegt
við það að leitað sé út fyrir stofn-
unina með verkefni á álagstím-
um, en það er óeðlilegt að okkar
mati að á sama tíma er stöðugt
fækkað í tækniliði stofnunarinn-
ar. Það er ekkert launungarmál
að ýmsir yfirmenn stofnunarinn-
ar telja þetta álitlegan kost en við
starfsmennirnir teljum hann
slæman og viljum gjarnan sjá
þarna áherslubreytingar. í stað
samdráttar viljum við að tækni-
deildin verði efld.“ -FRI
Matvœli
Ný reglugerð um eiturefni
Eiturefnanefnd hefur síðustu
mánuði starfrækt vinnuhóp
um drög að reglugerð um ýmis
eiturefni og hættulegra efni í ma-
tvælum, og verða drögin send í
næstu viku til heilbrigðis- og
tryggingamálaráðuneytisins.
Vegna fréttar Þjóðviljans í
fyrradag um gulrætur og aukaefni
sagði starfsmaður eiturefna-
nefndar, Hulda Ólafsdóttir, við
Þjóðviljann að í drögunum kæmu
fram upplýsingar um markgildi,
þ.e. mesta leyfilega magn efnis í
tiltekinni tegund matvæla. -tt
Laugardagur 9. apríl 1988 ÞJÖÐVILJINN - SÍÐA 3