Þjóðviljinn - 12.04.1988, Blaðsíða 10
Reynsla
af bjórkrá
Frændi minn einn ágætur, - og
okkar Sverris Stormskers og Jóhann-
esar seðlabankastjóra, - brá sér til
Kanada um miðjan þriðja áratug yfir-
standandi aldar. Mun hugmyndin
einkum hafa verið sú, að heimsækja
ættingja vestra, en þeirvoru þar
allmargir. Ekki var meiningin að
ílendast vestra en þó var svo sem
engin sérstök ferðaáætlun ger. Svo
er sagt, að enginn ráði sínum nætur-
stað enda fór það svo, að áratugir liðu
þar til Ameríkufarinn kom heim og þá
til þess að dvelja síðustu árin á
bernsku- og æskuslóðum. Þessi
maður var Stefán Eiríksson frá
Djúþadal í Skagafirði.
Margt dreif á daga Stefáns þar
vestra. Ferðaðist hann vítt og breitt
um Kanada, einkum þó um norður-
slóðir. Hann tók þátt í lífshættulegum
leiðangri norður að Hudsonflóa og
vann þar um hríð, m.a. með
eskimóum og indíánum. Var öll sú för
hin ævintýralegasta. Um hríð vann
hann við námugröft. Sprenging varð í
námunni. Rifnaði þá annað eyrað af
Stefáni og annað augað skemmdist
svo, að það varð að fjarlægja. í stað-
inn fékk Stefán eyra úr plasti og auga
úr gleri. Var hvorutveggja svo vel gert
að staka eftirtekt þyrfti til þess að sjá
þar nokkra missmíði á.
Þegar Stefán hafði jafnað sig eftir
slysið gerðist hann vegaeftirlitsmað-
ur hjá Kanadastjórn. Síðan lærði
hann rakaraiðn, sem hann stundaði
alllengi. Hér skulu ekki frekar talin
upp þau margháttuðu störf, sem Stef-
án stundaði þá áratugi, sem hann
dvaldi í Vesturheimi, en einu skal þó
bætt við, og ekki að tilefnislausu.
Hann var um alllangt skeið af-
greiðslumaður í bjórkrá. Það sagði
hann hafa verið reynsluríkan tíma.
Aðsókn að kránni var raunar alla
daga mikil, sagði hann. En þó tók
steininn úrá laugardagskvöldum. Þá
þyrptust verkamennirnir í krána á
leiðinni heim til sín og sötruðu bjórinn
fram að iokunartíma, en það voru
einkum verkamenn, sem sóttu þessa
krá. „Fína“ fólkið var fremur annars-
staðar. Síðan var drykkjunni gjarnan
haldið áfram daginn eftir.
- Það var áreiðanlega drjúgur hluti
af launum verkamannsins, sem
aldrei komst nema í krána. Ég er eng-
inn bindindismaður eins og þú veist
en mér rann þetta til rifja af því aö ég
þekkti suma þessa menn og vissi að
þeir börðust í bökkum með að fram-
fleyta fjölskyldum sínum. - Ég skal
segja þér það frændi, að reynsla mín
af bjórnum er sú, að við megum
þakka fyrir að hafa hann hér ekki.
Hann er viðsjáll drykkur.
Þetta varnúþá.
-mhg.
í dag er
12. apríl, þriðjudagur í 25. viku
vetrar, 22. dagureinmánaðar.
Sólin kemur upp í Reykjavík kl.
6.06 en sólsetur er kl. 20.53.
Atburðir:
Fjöldamorð framin á kommúnist-
um í Shanghai 1927, undir stjórn
Shang-Kai-Sheks.
Þjóðviljinn
fyrir50árum:
Aukið f ramlag til atvinnubóta og
verklegra f ramkvæmda.
Breytingatillögur þingmanna
Kommúnistaflokksins við fjár-
lagafrumvarpið. - Daladier hefur
myndað nýja stjórn í Frakklandi.
Verkalýðurinnsvararstjórn hans
með verkföllum. Bonnetog
Marchandeau með þýðingar-
mestu embættin. - Þjóðarat-
kvæðisskrípaleikur Hitlers. - Kfn-
verjar vongóðir um að ná Nank-
ing og Hangchow úr höndum
Japana. - Klofningur Alþýðu-
flokksins var undirbúinn í ágúst í
sumar af hægri foringjum flokks-
ins á sama tíma og þeir hófu
sameiningarsamningana við
Kommúnistaflokkinn (Brynjólfur
Bjarnason).
UM ÚTVARP & SJÓNVARP
Síðdegistónlist
Útvarp, rás 1 kl. 17,03
Það þarf naumast að minna á
það að þátturinn „Tónlist á síð-
degi“ er á dagskrá útvarpsins á
sama tíma alla virka daga, klukk-
utíma í senn. Að þessu sinni eru
þrjú verk á dagskránni. Fyrst er
það „Dardanus", svíta fyrir
hljómsveit, eftir Jean-Philippe
Rameau. Hljómsveit átjándu
aldarinnar leikur ásamt Franz
Bruggen. - t>á kemur danstónlist
frá endurreisnartímanum. Ul-
samer Collegium hópurinn
flytur, Konrad Ragossnig stjórn-
ar og leikur einleik á lútu. - Loks
eru það Hirðsöngvar frá seinni
hluta fimmtándu aldar. Kórinn
„Gotnesku raddirnar“ syngur,
Christopher Page stjórnar.
- mhg
Jón Axel
á Stjörnunni
Jón Axel Ólafsson hefur verið
með fasta þætti á Stjörnunni frá
því hún hóf útsendingar. Hann
sér nú um Stjörnuútvarpið frá kl.
9-12 alla morgna. Rabbar við
hlustendur, leikur allskonar tón-
list, segir frá veðri og færð og er
með getraunir og spurningaleiki.
Hrinur
Útvarp Rót kl. 20,30
Allt frá því að Útvarp Rót hóf
útsendingar hefur tónlistarþátt-
urinn „Hrinur" verið á dagskrá.
Umsjónarmaður hans er Halldór
Carlsson. Sérstaða þáttarins
byggist ekki hvað síst á því að þar
er flutt tónlist, sem annars skipar
ekki mikið rúm í öðrum ljósvaka-
fjölmiðlum. Má þar nefna þjóð-
lagatónlist, elektrónískt punk,
reggae, sýrurokk, hrátt rokk og
elektrónískt pönk. Efalaust slæst
þarna eitthvað fleira með, sem
undirritaður kann ekki einu sinni
að nefna. - Halldór hefur lagt
það í vana sinn að fá til sín gesti,
sem sjálfir eru gjarnan að fást við
að semja tónlist. Eru þeir vísir til
að hafa með sér hljómplötur, sem
þeirleika. Stundum koma hljóm-
veitir í heimsókn og er þai
skemmst að minnast Daisy Hill.
Inn á milli gefa menn sér svo tíma
til að rabba saman.
- mhg
hf.
Heimsveldi
Sjónvarp kl. 22,00
í kvöld hefst í Sjónvarpinu
kanadískur myndaflokkur í 6
þáttum. Nefnist hann hvorki
meira né minna en Heimsveldi
hf. Segir þar frá athafnamanni
nokkrum, sem reynist vera af
heldur slæmri tegund. Hann er
ákveðinn í því að komast vel í
álnir, veit að auðæfum fylgja
áhrif og völd og er ekki vandur að
meðulum til þess að koma fram
áformum sínum. - Sagan af þess-
um óprúttna fjáraflamanni hefst
árið 1929 í byrjun heimskrepp-
unnar miklu, sem engin vissi
hvaðan kom né hvert fór, eins og
sagt var á sinni tíð. Við fylgjumst
síðan með honum og „fami-
líunni“ allt til ársins 1960. Þá hef-
ur kauða tekist að koma þokka-
lega undir sig fótunum og rekur
nú meiriháttar fjölskyldufyrir-
tæki. Sem sagt: lífsbaráttan hefur
borið bærilegan árangur. - mhg
GARPURINN
KALLI OG KOBBI
FOLDA
14 SÍÐA - ÞJÓÐVILJINN Þriðjudagur 12. apríl 1988