Þjóðviljinn - 13.04.1988, Blaðsíða 14
Samsalan
blómstrar
Aðalfundur Mjólkursamsölunnar
var haldinn í húsakynnum hennar að
Bitruhálsi 25. mars s.l. Mjólkursam-
salan er eitt af 20 stærstu fyrirtækjum
landsmanna. Á svæði hennar er
framleiddur rösklega helmingurinn af
allri mjólk á landinu. Að henni standa
Mjólkurbú Flóamanna, Mjólkursam-
lagið í Borgarnesi, Mjólkursamlag
Kjalarnesþings og Mjólkursamlagið í
Búðardal.
Samsölumenn hafa fulla ástæðu til
að vera bjartsýnir á reksturinn.
Skuldabirði vegnaóhjákvæmilegra
fjárfestinga í byggingum og tækni-
búnaði er að vísu töluverð ennþá.
Staðafyrirtækisins hefur þó gjör-
breyst til batnaðar frá síðasta ári.
Fjármagnskostnaður minni en búist
var við, neysla á mjólkurvörum hefur
aukist, viðhorf neytenda vinsamleg.
Staða mjólkuriðnaðarins er tvímæla-
laust að styrkjast, óarðbær útflutning-
ur minnkar, jöfnuður á mjólkurinn-
leggi eftir árstíma eykst. Neysla okkar
á mjólkurafurðum fer vaxandi,
gagnstætt því sem annars staðar
gerist. Er það þakkað markaðsátaki
og aukinni kynningu á hollustu mjólk-
urinnar.
Síðastliðið ár er fyrsta heila árið
sem Samsalan starfar í hinum nýju
húsakynnum. DaglegadreifirSam-
salan um 150 tonnum af vörum í
verslanir og sér um sölu á meira en
300 vörutegundum. Með sífellt betra
hráefni frá bændum, góðum tækni-
búnaði stöðvarinnar og öflugu
dreifingarkerfi hefur tekist að auka
geymsluþol vörunnar verulega.
Nokkurbreyting hefurorðið á
neyslu einstakra vörutegunda. Sala á
léttmjólk, kókómjólkog undanrennu
jókst um rúma 1 milj. Itr. 1987. Sala
á rjómaskyri og Smá-Máli jókst um 60
tonnogájógúrtum62tonn. Hinsveg-
ar minnkaði sala á nýmjólk, súrmjólk
og skyri. Athyglisverðust er þó
aukningin á rjómaneyslunni. Er álitið
að veitingastaðir, sem sérhæfa sig í
nýtísku matargerðarlist, uppskrifta-
bæklingar M.S. og matargerðarnám-
skeið í fjölmiðlum hafi aukið vinsældir
rjómans. í skoðanakönnun Hag-
vangs í des. 1987 kom fram, að
neytendur eru mjög ánægðir með
vörurog þjónustu Mjólkursamsöl-
unnar. Alls höfðu 83,1 % jákvæða af-
stöðu tll fyrirtækisins og er það í efsta
sæti fyrirtækja, sem spurt var um.
Nú er svo komið, sem margir óttuð-
ust, að fullvirðisréttur svæðisins dug-
ar vart lengur til að fullnægja þeim
markaði, sem M.S. er ætlað að sjá
um, en mjólkurinnleggið minnkaði
um 9,2% frá 1985-1987. Síðan kem-
ur til fólksfjölgun á suðvesturhorninu
og aukin sala. Því gætu t.d. óvæntar
árferlissveiflur leitt til mjólkurskorts á
dreifingarsvæðiMjólkursamsölunn-
ar.
-mhg
í dag er
13. apríl, miðvikudagur í 25. viku
vetrar, 23. dagureinmánaðar. Sólin
kemur upp í Reykjavík kl. 6,02 en
sólsetur er kl. 20,56. - Þjóðhátíðar-
dagurChad.
Atburðir:
Stóri dómur staðfestur af konungi
1565.
Þjóðviljinn
fyrirSOárum:
Alvarlegt ástand á Norðfirði. Fjöldi
manna hjálparþurfi vegna þess að
vertíðin hefur algerlega brugðist.
Bæjarstjórn leitar til Alþingis um
hjálp. - Japanir búast til varnar í
Shanghai. Kínverjar hvarvetna í
sókn. - Öflug sókn stjórnarhersins
við Tortosa og Lerida í Aragoníu. -
Nasistar á Suður-Jótlandi heimta
sjálfstjórn að dæmi nasista í T ékkósl-
óvakíu. - Sjajapin lést í gær 65 ára að
aldri. - Skíðaíþróttin eignast nýtt vígi.
íþróttafélag Reykjavíkur kaupir Kol-
viðarhól. - Halldór Kiljan Laxness
kominn til Kaupmannahafnar úr
Rússlandsferð.
-mhg
„Sorgin
gleymir
engum“
Útvarp, rás 1, kl. 21.30
Til stendur að séra Bernharður
Guðmundsson hafi umsjón með
átta þáttum, sem hann nefnir:
„Sorgin gleymir engum“. Einn
þátturinn hefur þegar verið flutt-
ur en annar verður í kvöld. í
hverjum þætti segja einhverjir frá
reynslu sinni af sorginni og í
framhaldi af því er efnt til um-
ræðu um hvað megi læra af þeirri
reynslu. Taka þátt í þeirri um-
ræðu gestir þáttanna, umsjónar-
maður og einhver,sem mætir
sorginni í daglegum störfum sín-
um. í kvöld er það séra Sigfinnur
Þorleifsson sjúkrahúsprestur.
Skák og mát
Stöð 2 kl. 21.20
í kvöld verður sýndur fyrsti þátt-
urinn af þremur um hið eftir-
minnilega skákeinvígi í Saint
John í Kanada, þar sem Jóhann
Hjartarson sigraði Victor Korts-
noj. Fyrsti þátturinn fjallar um
framvindu einvígisins í heild.
Annar þátturinn um hraðskák-
mótið, sem Helgi Ólafsson tók
þátt í, og í þeim síðasta segir frá
undirbúningi, fjáröflun, sérþörf-
um og deilum einstakra skák-
manna.
íslenskar tónmenntir
Útvarp, rás 1, kl. 20.40
Dr. Hallgrímur Helgason er á
dagskrá rásar 1 í kvöld og flytur
30. erindi sitt um íslenskar tón-
menntir. Ræðir dr. Hallgrímur
að þessu sinni um Friðrik Bjarna-
son, organista, kórstjóra og tón-
skáld, ævi hans og tónsmíðar.
Friðrik er löngu landskunnur
fyrir lög sín eins og „Fyrr var oft í
koti kátt“, „Hafið bláa hafið“,
„Abba-labba-lá“ og mörg fleiri. í
hinum gagnmerka erindaflokki
sínum hefur dj\ Hallgrímur rakið
þróunarferil íslenskra tónmennta
allt frá landnámsöld og dregið
mörg fáheyrð stef upp úr dvalar-
djúpi óminnis.
Dr. Hallgrímur Helgason.
'UM ÚTVARP & SJONVARP
Faðir
um helgar
Sjónvarp kl. 22.20
í kvöld sýnir Sjónvarpið fyrsta
þáttinn af þremur í breskum
myndaflokki, sem nefnist Skin og
skúrir. Myndin fjallar um skilnað
ungra hjóna og þá erfiðleika og
armæðu, sem því eru oftast sam-
fara. Eftir skilnaðinn sér faðirinn
son sinn aðeins um helgar. Helg-
arpabbarnir þykja oft auðþekktir
frá öðrum því föðurhlutverkið
rækja þeir oft fyrir allra augum: í
kvikmyndahúsum, í almennings-
görðum og á leikvöllum. Myndin
þykir túlka trúverðuglega erfið-
leika, sársauka og sjálfsásakanir
þeirra, sem fyrir þessu verða, og
það því fremur sem börn eru ann-
ars vegar.
GARPURINN
Humm... Fríða...
hérna... heyrðu...
C U’I SynOn*lr
KALLI OG KOBBI
Ekki fara! Sérðu ekki
að ég er að reyna að biðjast
afsökunar hálfvitinn þinn!
FOLDA
14 SÍÐA - ÞJÓÐVILJINN Miðvikudagur 13. apríl 1988