Þjóðviljinn - 19.04.1988, Blaðsíða 15
FRETTIR
Alyktun aðalfundar Verkalýðsmálaráðs Alþýðubandalagsins
Lýðræðislega byltingu
launafólks í samtökum
Aundanförnum mánuðum hef-
ur komið æ skýrar í Ijós að
þrenns konar vandamál setja
meginsvip á launamál á Islandi.
I fyrsta lagi eru lágmarkslaun
langt undir þeim mörkum sem
duga til mannsæmandi lífs. Fjöldi
launafólks býr við kjör sem engan
veginn samrýmast kröfum um
réttlæti í siðuðu samfélagi.
í öðru lagi hefur launabilið í
landinu vaxið hröðum skrefum.
Fimmtánfaldur munur á hæstu og
lægstu launum er hrópandi mót-
sögn við það jafnrétti sem setja á
svip á íslenskt þjóðfélag.
I þriðja lagi eru starfshættir
samtaka launafólks langt frá því
að vera í takt við kröfur tímans.
Æ oftar hefur komið í ljós djúp
gjá milli samningagerðar forystu-
manna og vilja almennra félaga í
samtökum launafólks.
Það er því brýn þörf á að efla á
næstu mánuðum þríþætta bar-
áttu.
Baráttu fyrir mannsæmandi
lágmarkslaunum.
Baráttu fyrir auknu jafnrétti í
launamálum.
Baráttu fyrir lýðræðislegri
byltingu í starfsháttum samtaka
launafólks.
Á undanförnum mánuðum
hefur Alþýðubandalagið sett
fram sjálfstæða stefnu í launam-
álum. Kjarni hennar felst í
skýrum tillögum um hvernig
tryggja eigi lágmarkslaun og
minnka launabilið. Launastefna
Alþýðubandalagsins felur í sér
★ Að lágmarkslaun verði ák-
veðin á bilinu 45.000-55.000
krónur og hljóti þau fulla verð-
tryggingu. Takist ekki í kjara-
samningum að ná fram þessu
markmiði verði sett lög um slík
lágmarkslaun.
★ Að í framtíðinni verði mun-
ur hæstu og lægstu launa ekki
meiri en tvöfaldur. Fyrstu skrefin
að því markmiði verði stigin nú
þegar með víðtæku samkomulagi
um að strax verði bilið minnkað
úr fimmtánföldum í fjórfaldan
mun.
Það er mikilvægt að Alþýðu-
bandalagið vinni að framgangi
þessarar launastefnu á öllum
vettvöngum þjóðfélagsins og leiti
eftir stuðningi annarra fé-
lagasamtaka. Verkalýðsmála-
ráðið fagnar sérstaklega nýlegri
samþykkt Verslunarmannafél-
agsins á Húsavík þar sem lýst var
stuðningi við meginefnisatriðin í
tillögum flokksins um minnkun
launabilsins í landinu.
Verkalýðsmálaráð Alþýðu-
bandalagsins telur nauðsynlegt
að hreinskilin og opin umræða
fari fram á næstu mánuðum í
öllum samtökum launafólks um
lærdómana af kjarabaráttu und-
anfarinna missera. Það þarf að
fara fram rækileg endurskoðun á
vinnubrögðum, starfsháttum og
skipulagi. Vandi verkalýðshreyf-
ingarinnar er orðinn slíkur að það
dugir ekkert minna en víðtæk
lýðræðisleg bylting ef samtök
launafólks eiga að öðlast þann
baráttukraft sem nauðsynlegurer
til að tryggja jöfnuð og réttlæti í
málefnum launafólks. Það þarf
að efla þátttöku almennra félaga,
tryggja umræður á vinnustöðum
og koma í veg fyrir að forystan
einangrist frá fólkinu. Jafnframt
þarf að skapa skilning á mikilvægi
samstöðunnar og víðtækan
stuðning við sameiginleg hags-
munamál launafólks.
Þegar einstök félög eru í farar-
broddi baráttunnar er nauðsyn-
legt að önnur félög sýni stuðning
sinn í verki. Það var fagnaðarefni
að fjölmörg launamannafélög
sendu fjárstuðning í verkfallssjóð
Snótar í Vestmannaeyjum. Þeirri
baráttu er ekki lokið og samtök
verslunarmanna hafa nú einnig
skipað sér í fremstu víglínu bar-
áttunnar fyrir hækkun lágmarks-
launa.
Verkalýðsmálaráð Alþýðu-
bandalagsins skorar á launafólk
um allt land að sýna í verki sam-
stöðu með baráttu VR og ann-
arra félaga verslunarfólks og með
baráttu verkalýðsfélaganna í
Vestmannaeyjum. Ef VR, Vest-
mannaeyjafélögin og verslunar-
mannafélög víða um land ná fram
kröfum sínum þá mun það koma
öllu láglaunafólki í landinu til
góða. Þess vegna þarf að sýna
samstöðuna í verki.
Frá aðalfundinum. Frá v. Unnur Sólrún Bragadóttir fundarritari, Björn Grétar Sveinsson nýkjörinn
formaður í ræðustól, og Sigurður T. Sigurðsson formaður Hlífar sem var fundarstjóri. Mynd - Sig.
Verkalýðsmálaráð
Virkur samráðs-
vettvangur
Björn Grétar Sveinsson: Áhugi ogsamstaða
um að efla starfið ogskapa virkan
samráðsvettvang
þeirra aðila sem starfa að verka-
lýðsmálum innan flokksins.
Menn starfa ■ ólíkum hópum sem
hafa verið að þróast hver frá öðr-
um á síðustu árum og það er því
orðið brýnt mál að menn ræði
saman og leiti eftir samstarfí og
samstöðu, segir Björn Grétar
Sveinsson, nýkjörinn formaður
vcrkalýðsmálaráðs Alþýðu-
bandalagsins.
- Skipulagsmál verkalýðs-
hreyfingarinnar er eitt að þeim
málum sem þarf að taka til um-
ræðu og ég á von á því að verka-
lýðsmálaráðið boði tii sérstaks
fundar um þau mál þegar næsta
haust. Umræðurnar á þessum að-
alfundi um helgina voru hrein-
skilnar og ágætar í alla staði. Það
kom greinilega fram að mönnum
finnst tímabært að ræða málin af
fullri alvöru og leita eftir víðtækri
samstöðu. Það er áhugasamt fólk
í stjórn verkalýðsmálaráðs, fólk
sem hefur verið í baráttunni um
árabil og er tilbúið að starfa á
sameinuðum vettvangi.
- Ég vona að þessari stjórn tak-
ist að lífga við starfsemi verkalýð-
smálaráðsins því það hlýtur að
vera pólitískum flokki launa-
fólks, eins og Alþýðubandalag-
inu, lífsnauðsynlegt að innan
hans raða sé öflugur og virkur
samráðsvettvangur forystufólks í
launaþegafélögunum, sagði
Björn Grétar.
-lg-
ÞJÓÐVILJINN - SIÐA 1 9
Meginverkefnið framundan
hjá okkur hlýtur að vera að
skapa virkan samráðsvettvang
Verkalýðsmálaráð
Alþýðubandalagsins
Nýstjóm
■ ■ ■■ ■
kjorin
Á aðalfundi Verkalýðsmála-
ráðs Alþýðubandalagsins um sl.
helgi var ný stjórn kjörin í ráð-
inu. Nýr formaður Verkalýðs-
málaráðs er Björn Grétar Sveins-
son formaður Verkalýðsfélagsins
Jökuls á Höfn í Hornafirði, en
aðrir stjórnarmenn eru:
Aðalmenn: Anna Kristín Sig-
urðardóttir, Birna Þórðardóttir,
Elías Björnsson, Elín Björg Jóns-
dóttir, Gísli Már Gíslason, Gísli
Ólafur Pétursson, Grétar Þor-
steinsson, Gunnar Gunnarsson,
Jóhannes Gunnarsson, Kristín
Hjálmarsdóttir, Margrét Björns-
dóttir, Páll Valdimarsson, Svan-
ur Jóhannesson, Valgerður
Eiríksdóttir.
Varamenn:
1. Sigurður T. Sigurðsson 2. Sig-
ríður Sigurbjörnsdóttir 3. Krist-
björn Árnason 4. Sigurbjörg
Sveinsdóttir
MÖÐVIUINN
45 68 18 66
Blaðburður er
Tíminn
45 68 63 00
LAUS HVERFI
VÍÐSVEGAR UM BORGINA
Hafðu samband við okkur
vio