Þjóðviljinn - 21.04.1988, Blaðsíða 19
Um
helgina
IÞROTTIR
Evrópukeppnin
Madrid úr leik
PSV Einhoven sló hið ósigrandi Real
Madridútí Evrópukeppninni.
Benfica mœtir PSV í úrslitum
Sören Lerby hafði ríka ástæðu til að fagna í gær, þegar lið hans sló
Real Madrid út.
„Besta félagslið Evrópu“, Real
Madrid, er nú úr leik í Evrópu-
keppni meistaraliða. Þetta er
staðreynd sem fáir þorðu að spá
fyrir um enda hefur liðið slegið
flest bestu félagslið álfunnar út í
keppninni. Eins og mönnum er í
fersku minni, sló Real ítölsku
meistarana Napoli, Evrópu-
meistarana Porto og v-þýsku
meistarana Bayern Munchen út í
keppninni fyrr í vetur, og hefur
án efa ekkert annað lið lent á öðr-
um eins mótherjum í Evrópu-
keppni.
Það voru hollensku meistar-
arnir PSV frá Einhoven sem tókst
það sem hinum tókst ekki og hafa
knattspyrnuáhugamenn vafa-
laust fylgst með viðureigninni í
beinni útsendingu sjónvarpsins í
gær. Þar urðu áhorfendur vitni að
markalausu jafntefli tveggja frá-
bærra liða en segja má að Real
Madrid hafi dottið út úr keppn-
inni á eigin heimavelli fyrir hálf-
um mánuði er liðin skildu jöfn,
1-1. PSV komst því áfram á marki
skoruðu á útivelli og er það varla
mjög sannfærandi sigur.
Leikurinn var mjög fjörugur
og áttu bæði liðin góð marktæki-
færi. Real Madrid var mun meira
með boltann mestan fyrri hálfleik
en PSV varðist vel þrátt fyrir að
miðherji þess, Ronald Koeman,
væri í leikbanni. f hans stað var
kominn gamla kempan Willy van
de Kerkhof og skilaði hann hlut-
verki sínu ágætlega. Hins vegar
voru Eric Gerets og Ivan Nielsen
sterkustu varnarmenn PSV og
héldu þeir sóknardúettnum fræga
Hugo Sanchez og Emilio Butrag-
ueno vel niðri.
í síðari hálfleik byrjuðu Holl-
endingarnir betur og strax á 4.
mínútu átti Sören Lerby gott skot
í stöng spánska liðsins. Einnig
átti Vanenburg mjög gott færi á
16. mínútu er hann komst einn
inn fyrir vörn Real, plataði Buyo
markvörð, en skaut svo framhjá.
Þegar líða tók á leikinn þyngd-
ist pressa Real Madrid mjög. Þeir
urðu að skora a.m.k. eitt mark til
að eiga möguleika á að komast í
úrslitaleikinn og munaði oft litlu
á síðustu mínútunum. Þegar 5
mínútur voru til leiksloka bjar-
gaði Vanenburg á línu og aðeins
mínútu síðar varði Bruekelen
meistaralega eftir glæsilega hjól-
hestarspyrnu Hugos Sanchez. En
ekkert mark var skorað og PSV
fer því verðskuldað í úrslit.
Benfica-Steaua Bukarest
2-0 2-0
Það voru 12.0000 trylltir áhorf-
endur sem fylgdust með Benfica
komast í úrslit í enn eitt skiptið.
Fyrri leiknum lauk með marka-
lausu jafntefli og voru Portúgal-
arnir því óneitanlega sigurstrang-
legri. Rui Aguas var hetja þeirra
en hann skoraði bæði mörkin í
leiknum. Það fyrra á 22. mínútu
en hið síðara 11 mínútum síðar.
Evrópukeppni
bikarhafa
Atalanta-Mechelen 1-2 2-4
Mechelen vann fyrri leikinn 2-
1 og nægði Atalanta því 1-0 sigur
til að komast í úrslit. Gliviero
Garlini kom heimamönnum yfir
á 39. mínútu og kveikti þar með
vonir þeirra um að verða fyrsta
2.deildar lið sögunnar til að kom-
ast í úrslit í Evrópukeppni. En í
síðari hálfleik tóku leikmenn
Mechelen völdin í sínar hendur
og á 56. mínútu jafnaði Graeme
Rutjes leikinn. Þegar 10 mínútur
voru til leiksloka bætti Marc Em-
mers öðru marki við fyrir Belgíu-
mennina og gerði þannig úti um
Evrópudraum ítalanna. Áhorf-
endur voru 40.000.
Ajax-Marseille 1-2 4-2
Ajax hafði gott nesti með sér í
þennan leik þar sem þeir unnu
fyrri leikinn með þremur mörk-
um gegn engu. Þeir byrjuðu líka
betur og á 22. mínútu skoraði
Peter Larson fyrir Niðurlend-
inga. Þannig var staðan í hálfleik
en Marseille náði þó að pota inn
tveimur mörkum. Það voru þeir
Jean Pierre Papin (65.mín.) og
Klaus Allofs (90.mín.) sem
skoruðu mörk Marseille. 42.000
áhorfendur sáu leikinn.
Evrópukeppni
félagsliða
Werder Bremen-Bayer
Leverkusen 0-0 0-1
Þetta var hörkuleikur tveggja
þýskra liða. Bayer Leverkusen
vann fyrri leikinn 1-0 og því var
tvísýnt um úrslit. Þeim tókst þó
að halda hreinu og fara því í úr-
slitin á þessu eina marki fyrri
leiksins.
Espanol-Club Brugge 3-0
3-2
Það var ekki síður hart barist í
þessum leik því Belgarnir unnu
íyrri leikinn 2-0. Espanol var
betri aðilinn en mátti alls ekki fá á
sig mark. Strax á 10. mínútu
skoraði Diego Grejuela fyrir
heimamenn og Sebastian Losada
bætti öðru við á 62. mínútu. Fleiri
urðu mörkin ekki og því þurfti að
grípa til framlengingar. Þegar að-
eins ein mínúta var eftir af fram-
lengingunni skoraði Pichi Alonso
fyrir Spanjóla við gífurlegan
fögnuð 43.000 áhorfenda.-Þóm.
Karfa
Laugardaginn kl.13.30 hefjast úr-
slitaleikirnir í bikarkeppni KKÍ í
Laugardalshöll. Þá eigast við ÍBK og
Haukar í kvennaflokki og en kl.15.30
hefst úrslitaleikurinn í karlaflokki og
eigast þar við KR og UMFN.
Badminton
Laugardag og sunnudag verður í
TBR-húsinu íslandsmótið í badmin-
ton. Það hefst kl. 13.00 á laugardegin-
um og kl.10.00 á sunnudeginum en
allir bestu badmintonspilarar lands-
ins verða með og er enginn meiddur.
Keppt er í A-flokki, meistaraflokki,
karla og kvennaflokki öðlinga og
æðsta flokki.
Hlaup
Sumardaginn fyrsta, 21. apríl,
kl.14.00 hefst í Hljómskálagarðinum
Víðavangshlaup ÍR. Hlaupið er opið
öllum en einnig er keppt í sveita-
keppni karla-öldunga, sveina,
kvenna og meyjaflokkum og verða
hlaupnir 4 km. Þetta er í 71. sinn sem
hlaupið fer fram og yfirleitt á sumar-
daginn fyrsta en hefur aðeins tvisvar
á þessum árum verið frestað vegna
snjóa.
Sunnudaginn 24. apríl verður
drengja- og stúlknahlaup Ármanns.
Það hefst kl. 14.00 á Geirsnefi við
Elliðavog og er umsjón í höndum
Stefáns Jóhannssonar, sími 19171.
Stúlkur 18 ára og yngri og drengir
15-20 ára hlaupa 3 kílómetra en piltar
14 ára og yngri 1,5 km.
Fótbolti
Föstudaginn kl. 20.30 hefst úrslita-
keppnin í Reykjavíkurmótinu. Þar
leika Valur, 1. lið úr A-riðli, og KR, 2.
lið úr B-riðli.
Laugardag kl. 15.00 leika síðan
Fylkir-Víkingur, 2. lið úr A-riðli, og
Fram, 1. lið úr B-riðli. Allir leikirnir
verða leiknir á gervigrasinu.
7 KJÖTMIÐSTÖPIW
Garðabæ
Sími 656400
Fimmtudagur 21. apríl 1988 ÞJÓÐVILJINN — SÍÐA 19