Þjóðviljinn - 27.04.1988, Blaðsíða 2
Eldur í stokkhúsi
Allt slökkviliðið í Reykj avík var kallað út í fyrrinótt þegar eldur varð
laus í gömlu timburhúsi á gatnamótum Klapparstígs og Sölvhólsgötu, í
næsta nágrenni Arnarhvolsog höfuðstöðva Sambandsins. Mikill eldur
var á efri hæð hússins og tók rúmar tvær klukkustundir að ráða
niðurlögum hans. Ókunnugt er um eidsupptök en húsið er mikið
skemmt.
Lágmarkslaunin til umsagnar
Borgarráð Reykjavíkur samþykkti samhljóða á fundi sínum í gær þá
tillögu borgarstjóra að vísa tillögu fulltrúa minnihlutans um 42 þúsund
kr. lágmarkslaun til borgarstarfsmanna, til umsagnar Starfsmanna-
stjóra borgarinnar. Sigurjón Pétursson borgarráðsmaður sagði í sam-
tali við Þjóðviljann að ekki væri annað hægt en að samþykkja að slík
umsögn væri fengin en hann teldi jafnljóst sem áður að tillagan yrði
samþykkt á næsta fundi borgarráðs þar sem meirihluti borgarráðs-
manna hefði þegar lýst sig samþykkan henni.
Grandastjórnin harðlega gagnrýnd
Fulltrúar minnihlutans í borgarráði lögðu í gær fram sameiginlega
bókun þar sem harðlega er gagnrýnt að borgarráð skuli ekki hafa verið
upplýst um rekstrarvanda Granda hf. og ákvörðun fyrirtækisins um
fjöldauppsagnir starfsmanna. Reikningar Granda voru kynntir í borg-
arráði fyrr í mánuðinum án þess að í nokkru væri getið uppstokkunar í
rekstri og fjöldauppsagna. Grandi er að meirihluta í eigu Reykjavíkur-
borgar og skipar borgarstjóri meirihluta stjórnar fyrirtækisins. „Þrátt
fyrir samþykktir um að reglubundið skuli gera borgarráði grein fyrir
rekstri fyrirtækisins þarf jafnaðarlega að ganga eftir upplýsingum um
hag þess. Rekstaráætlanir eru aldrei kynntar í borgarráði og meiri
háttar skipulagsbreytingum eins og nú eiga sér stað er haldið leyndum
fyrir borgarráði,“ segir m.a. í bókun borgarráðsmanna minnihlutans,
sem krefjast þess að staðið verði við fyrri samþykktir um að gefa
borgarfulltrúum minnst árfjórðungslega skýrslu um afkomu fyrirtæk-
isins.
Þreföldun á Græn-
landsviðskiptum
Á síðasta ári fluttu íslendingar
út vörur til Grænlands fyrir 123
miljónir króna, sem er hátt í þref-
öldun frá árinu á undan. Útflutn-
ingur héðan til Grænlands var
nær enginn árin þar á undan.
Mest er flutt út af útgerðar- og
fiskvinnsluvörum og annari iðn-
aðarframleiðslu. Verslunarráð
hefur ákveðið að boða til sérstaks
kynningarfundar um möguleika á
viðskiptum við Grænlendinga og
verður fundurinn haldinn í Hall-
argarði Veitingahallarinnar
þriðjudagsmorguninn 3ja maí.
Foreldrafundur í Firðinum
Áhugahópur foreldra í Hafnarfirði um nýjar leiðir í dagvistarmálum
hefur boðað til almenns kynningar- og umræðufundar í kvöld kl. 20.30
í félagsheimilisálmu íþróttahússins við Strandgötu. Þar verður kynntur
rekstur dagvistarheimila sem rekin eru af foreldrafélögum og jafn-
framt er stefnt að því að stofna formleg foreldrasamtök á þessum
fundi.
Sykurmolarnir í Duus-húsi
Sykurmolarnir sem gera garðinn frægan vestan hafs og austan þessar
vikurnar, verða heiðursgestir á skemmtikvöldum Smekkleysu s/m sem
verða í Duus-húsi í kvöld og annað kvöld. Þetta eru fyrstu
skemmtikvöldin á þessu sumri og jafnframt þau síðustu um ókomna tíð
þar sem aðalskemmtikraftarnir verða uppteknir við hjómleikahald um
víða veröld næstu mánuðina.
Af götunni í loftið
Fulltrúaráð verkalýðsfélagana í Hafnarfirði hefur ákveðið að ekki
verði farið í hefðbundna kröfugöngu á baráttudegi verkalýðsins 1. maí
nk. heldur verður dagskrá dagsins útvarpað í sérstakri dagskrá í út-
varpi Hafnarfjarðar um daginn.
Að sögn Grétars Þorleifssonar, formanns fulltrúaráðs verkalýðsfé-
lagana í Hafnarfirði var þetta samþykkt á fundi ráðsins vegna lélegrar
þátttöku hafnfirsks verkalýðs á undanförnum árum. Grétar sagði að
fullorðið fólk væri hætt að mæta í hina hefðbundnu 1. maí baráttug-
öngu fulltrúaráðs verkalýðsfélagana og væri í auknum mæli farið að
líta á daginn sem einhvern hátíðisdag sem 1. maí væri alls ekki. Hann
væri fyrst og fremst baráttudagur verkafólks um allan heim þar sem
verkafólk fylkti sér undir kröfur félaganna fyrir bættum kjörum því til
handa.
FRÉTTIR
Alþingi
Þingið rekið heim
Stjórnarandstaðan mótmœlir að þinglausnum séflýtt. Undrast að
frétta um málið úti í bœ. Verður þingi slitið 6. maí?
Formenn þingflokka stjórnar-
andstöðunnar lögðu í gær
fram skrifleg mótmæli við því að
ekki skyldi rætt við þingmenn
stjórnarandstöðunnar um þing-
lausnir þótt farið væri að ræða
opinskátt í fjölmiðlum að þær
gætu orðið innan fárra daga. I
gær birti DV frétt þess efnis að
forsætisráðherra staðfesti að rætt
hefði verið um hugsanlegar þing-
lausnir 6. maí.
Á fundi sem forseti Sameinaðs
þings, Þorvaldur Garðar Krist-
jánsson, hélt með formönnum
þingflokka til að ræða skipulag
þingstarfa á næstunni lögðu
Steingrímur J. Sigfússon (AB),
Júlíus Sólnes (Borg), Þórhildur
Þorleifsdóttir (Kvenn) og Stefán
Valgeirsson (SF) fram bréf til
forseta. Þar lýsa þau undrun sinni
yfir því að umræða færi fram um
þinglausnir innan fárra daga án
þess að þau mál væru rædd á
fundum þingforseta með forystu-
mönnum flokkanna.
Segir í bréfinu að með hliðsjón
af alvarlegu ástandi í þjóðfé-
laginu og versnandi horfum í
efnahagslífinu sé eðlilegast að al-
þingi starfi áfram um sinn og sé
stjórnarandstaðan reiðubúin til
að vinna að lausn aðsteðjandi
vandamála.
Steingrímur J. Sigfússon sagði í
viðtali við Þjóðviljann í gær að
mönnum þætti makalaust að fá
fréttir „utan úr bæ“ um þing-
lausnir, þau mál ættu að vera í
höndum þingforseta. Hann benti
á að innan stjórnarflokkanna
færu fram umræður um nauðsyn
aðgerða í efnahagsmálum en
menn væru þar ekki sammála,
eins ogvelhefðikomiðíljóst.d. á
miðstjórnarfundi Framsóknar-
manna um síðustu helgi. Stjórnin
væri því mjög veik og ótraust
vegna innbyrðis sundurþykkju í
stjórnarflokkunum.
Því brygðu ráðherrarnir á það
ráð að sennda þingið heim. Sú
spurning hlyti að vakna hvort
þeir væru með bráðabirgðalög í
undirbúningi og þyrftu fyrir alla
muni að geta losnað við einhverja
„óþæga“ stjórnarþingmenn.
„Efnahagsástandið í dag mælir
ekki með því að þinglausnum
verði hraðað.“
ÓP
Laugavegur
Mikið
viðhald
Fyrirspurn í Borgarráði.
Verktakinn gjaldþrota.
Tryggingin nœgir engan
veginnfyrir handvömm-
inni við verkið
Endurviðgerðin á Laugavegi
milli Frakkastígs og Klapparstígs
hefur reynst borginni mun dýrari
en efni stóðu til í upphafi, einkum
vegna handvammar verktakans
við verkið en einn af vinnuflokk-
um borgarinnar vann stöðugt að
lagfæringum á þessum götuhluta i
um tvo mánuði eftir að verktak-
inn átti að hafa skilað því full-
búnu frá sér.
Sigurjón Pétursson einn af
borgarfulltrúum Alþýðubanda-
lagsins hefur nú lagt fram fyrir-
spurn í borgarráði um þetta verk
og spyr hann í fyrsta lagi hve
miklu fé hafi verið varið til við-
halds á þessum götukafla frá því
að verktakinn skilaði verkinu af
sér og í öðru lagi hvort sá við-
haldskostnaður sé eðlilegur.
Verktakinn, Víkurverk, setti
hálfrar milljónar króna tryggingu
sem átti að fara til þess að mæta
viðhaldskostnaði sem beint mætti
rekja til handvammar af hans
hálfu. Verktakinn er nú gjald-
þrota og það er ljóst að þessi
trygging nægir engan veginn fyrir
því sem borgin hefur orðið að
reiða fram sökum þess hve illa
var gengið frá verkinu. f því sam-
bandi má nefna að fyrrgreindur
vinnuflokkur vann alla sína vinnu
í næturvinnu enda mikil umferð
um götuna að degi til.
Ingi Ú. Magnússon gatnamála-
stjóri segir að þarna hafa mikið
misfarist í höndum verktakans og
nefnir hann sem dæmi að
steinhleðsla sú sem sett var í
götuna hafi verið svo illa úr garði
gerð að steinarnir hafi stöðugt
verið að sprengja sundur hita-
lagnirnar sem eru undir götunni.
Ingi vildi hinsvegar ekki gefa
upplýsingar um hve mikill við-
haldskostnaðurinn væri orðinn á
þessum götukafla.
Götukaflinn sem hér um ræðir
var lagður síðasta sumar og mikil
áhersla lögð á að vinnu við hann
yrði lokið áður en Kringlan opn-
aði. Samkvæmt heimildum Þjóð-
viljans má rekja hluta af hand-
vömminni á verkinu til þess í hve
miklum flýti það var unnið.
-FRI
Vestmannaeyjar
Beðið eftir sáttasemjara
Vilborg Þorsteinsdóttir: Býst við að eitthvað gerist íkjölfar deilu
verslunarmanna
Lítil hreyfing er á málum fisk-
verkunarfólks í Vestmanna-
eyjum. Sóknarkonur bíða eftir
kalli frá ríkissáttasemjara og bú-
ast við að heyra frá honum fljót-
lega.
Vilborg taldi annir hjá sátta-
semjara standa í vegi fyrir að
þeirra mál væru tekin fyrir.
„Annars hangir þetta allt á sömu
spýtunni, þeir ætla sér sennilega
að afgreiða verslunarmenn og
bjóða okkur eitthvað svipað og
kemur út úr þeim viðræðum."
Eins og kunnugt er eru karlar í
fiskvinnslu í Vestmannaeyjum í
yfirvinnubanni. Það hefur bein
áhrif á störf kvennanna, en þær
ganga ekki inn í störf karlanna.
Mikið magn af fiski hefur borist á
land í Vestmannaeyjum og hafa
áhrif yfirvinnubannsins því verið
veruleg. Töluvert hefur verið
flutt út af fiski í gámum og bátar
hafa siglt á erlendar hafnir. Verð
hefur hins vegar lækkað á flestum
mörkuðum erlendis. Vilborg
sagði þetta vera bagalegt ástand
og ekki stæði á verkafólki að
höggva á hnútinn með samning-
um.
Vilborg sagðist vona að sátta-
semjari færi að láta heyra í sér.
Þjóðviljinn fékk þær upplýsingar
hjá ríkissáttasemjara að það lægi
ekki fyrir hvenær yrði rætt við
Eyjafólk.
-hmp
2 SIÐA - ÞJÖÐVILJINN Mlðvikudagur 27. apríl 1988