Þjóðviljinn - 29.04.1988, Blaðsíða 8
SJÁVARÚTVEGUR
FISKVINNSLUSKÓLINN - FISKVINNSLUSKÓLINN - FISKVINNSLUSKÓLINN - FISKVINi
Þokkaleg aðsókn
á ári hverju
Sigurður Haraldsson, skólastjóri: Veitumfrœðslu við vinnslu
sjávarafurða. Námið skiptist ífiskiðnaðadeild og tœknideild.
Námskeiðahald ýmis konar að aukast. Kvenfólk sœkir á
Sigurður Haraldsson, skólastjóri Fiskvinnsluskóla Islands er bjartsýnn
á framtíð skólans sem og sjávarútvegsins í heild og segir að svartsýni
dragi úr manni allan þrótt. Mynd: E.Ol.
Fiskvinnsluskóli íslands tók til
starfa árið 1971 og var þá
fyrstu tvö árin með starfsemi
sína að Skúlagötu 4 í hér í
borg en flutti síðan til Hafnar-
fjarðar. Alltfrá byrjun hefur
það háð skólanum að hafa
ekki eigið húsnæði undir
kennslunaog hefurkennslan
því farið fram víðs vegar í
bænum, íleiguhúsnæði.
Nú sér þó loksins fyrir endann
á þessu ófremdarástandi og er
þegar farið að kenna verklega
kennslu í eigin framtíðarhúsnæði
skólans í Hafnarfirði en bóklega
kennslan mun þó fara fram eftir-
leiðis að Trönuhrauni 8 þar sem
Þjóðviljinn hitti Sigurð Haralds-
son, sem verið hefur skólastjóri
frá upphafi. Hann var fyrst
spurður um markmið og tilgang
með starfi Fiskvinnsluskólans.
Frœðsla við
vinnslu sjávarafla
- Hlutverk skólans er að veita
fyrst og fremst fræðslu í vinnslu
sjávarafla. Fiskvinnsluskólinn
útskrifar fiskiðnaðarmenn og
fisktækna auk þess sem hann
heldur ýmis konar námskeið fyrir
starfsfólk í fiskiðnaði.
Kennslan miðar að því að fisk-
iðnaðarmenn hafi öðlast nægi-
lega undirstöðuþekkingu, bók-
lega og verklega til þess að geta
annast almenna verkstjórn,
gæðaflokkun, einfalda vinnuhag-
ræðingu og stjórnun. Vilji menn
auka þekkingu sína umfram þetta
verða þeir fisktæknar sem eiga að
vera færir um að annast ýmis
rannsókna- og skipulagsstörf.
Bóklegt og
verklegt nám
Náminu er skipt í bóklegt og
verklegt skólanám og starfsþjálf-
un á vinnustöðum. Námstíminn
fer eftir undirbúningi og því að
hvaða námslokum er stefnt og
getur því verið frá tveimur og
hálfu ári og uppí 4 ár allt eftir því
hvað nemandinn vill og ætlar
með sínu námi.
Bóklega námið skiptist í sér-
greinar, sem kenndar eru í skól-
anum og almennar námsgreinar
ss. stærðfræði, efnafræði, ís-
lenska, erlend mál o.s.frv., sem
unnt er að stunda í ýmsum fram-
haldsskólum.
Námi í skólanum er skipt í tvær
deildir: Fiskiðnaðardeild og
Tæknideild. f Fiskiðnaðardeild-
inni er námstíminn þrjár annir en
aðeins ein önn í Tæknideildinni.
Til að öðlast starfsréttindi sem
fiskiðnaðarmaður skal nemandi
hafa staðist próf upp úr Fiskiðn-
deild og auk þess hafa lokið 36
vikna skipulagðri starfsþjálfun á
vinnustöðum frá því að hann
innritaðist í skólann. Áður en
nám er hafið í skólanum er krafist
undirbúningsnáms eftir grunn-
skóla og er bent á fyrri hluta
tæknibrautar í framhaldsskólum
sem viðmiðun.
Að námi loknu hafa þeir nem-
endur sem stunda nám í Fiskiðn-
aðardeild fengið réttindi til að
starfa sem verkstjórar í frystihús-
um, en þeirsem bæta við sig námi
í Tæknideild útskrifast sem fisk-
tæknar og þeirra bíður þá starf
sem framleiðslustjórar hjá ýms-
um fyrirtækjum sem vinna við
framleiðslu sjávarafurða.
Námskeiðahald
hefur aukist
Fiskvinnsluskólinn hefur brydd-
að upp á þeim nýmœlum að halda
námskeið fyrir áhafnir frystitog-
ara. Virðistþér sem fiskvinnslan sé
að fœrast í auknum mœlifrá landi
og út á sjó?
- Við höfum haldið námskeið
fyrir áhafnir tveggja frystitogara,
Venusar og Hólmadrangs sem
gáfust mjög vel. Það er bráð-
nauðsynlegt að áhafnir frystitog-
arana viti hvernig best sé að vinna
aflann til að ná sem bestum gæð-
um hverju sinni. Menn vita það
flestir að frystitogarar eru ekki
aðeins fiskiskip heldur fljótandi
frystihús og Ríkismat sjávaraf-
urða krefst þess að um borð í
þeim séu starfandi menn sem
hafa kunnáttu og reynslu í
vinnslu aflans.
Ennfremur höfum við haft
námskeið í meðferð fiskvinnslu-
véla, svonefnt Baader-námskeið
sem er kennt við þær vélar sem
notaðar eru við fiskvinnsluna.
Það er ljóst að eftir því sem
frystitogurum fer fjölgandi, fær-
ist vinnslan í auknum mæli út á
sjóinn, því þar er hægt að koma
fyrir meiri hagræðingu en í landi.
Vinnsluvélarnar eru þar í gangi
allan sólarhringinn og hráefnið er
unnið jafnóðum og það veiðist
sem á að skila sér í auknum gæð-
um.
í maí nk. er svo stefnt að því að
halda á vegum skólans námskeið
í lagmeti.
Enginn kvenmaður
fyrstu tvö árin
Til skamms tíma voru yfirmenn
frystihúsa eingöngu karlmenn. Er
þetta að breytast og hefur kvenfólki
farið fjölgandi meðal nemenda
skólans?
- Já, því er ekki að neita að
kvenmenn hasla sér völl í
auknum mæli frá því sem áður
var í stjórnunarstörfum í fiskiðn-
aðinum og þess verður vart hér
innan veggja skólans. Til að
mynda voru fyrstu tvö starfsár
skólans eingöngu karlmenn en
engin kvenmaður. Síðustu ár hef-
ur það hins vegar verið að
breytast og það hefur komið fyrir
að kvenfólk hefur verið hér í
meirihluta af nemendum. Þetta
breytist eins og hvað annað í okk-
ar samfélagi og sjálfsögðu
fögnum við því að kvenfólk sækir
skólann heim í meira mæli en
áður hefur verið.
Framtíðin
Að lokum Sigurður. Það tala
margir um að hagkvœmast sé að
steypa öllum skólunum sem kenna
á sviði sjávarútvegs í einn skóla;
sjávarútvegsskóla. Ertu sammála
því?
- Þetta hefur komið til tals að
gera svo, eins og þú segir, en ég á
bara eftir að sjá það gerast sem ég
er vantrúaður á. í sjálfu sér er
mikill og aukinn samgangur á
milli skólana. Sem dæmi má
nefna að hingað koma verðandi
útgerðartæknar frá Tækniskólan-
um og einnig fyrsta árs nemendur
úr Stýrimannaskólanum til kynn-
ingar og fræðslu sem hefur gefist
vel. Þessi samskipti eru alltaf að
aukast, sem er af hinu góða, en í
sjálfu sér er ég vantrúaður á þá
hugmynd að steypa skólunum í
einn skóla, hvað sem síðar kann
að verða.
Varðandi framtíð Fiskvinnslu-
skólans er ég bjartsýnn á hana og
lít björtum og jákvæðum augum
til framtíðarinnar, enda ekki um
annað að ræða því svartsýnin
dregur úr manni allan þrótt.-grh
FERSKFISKÚTFLYTJENDUR OG FRYSTI-ÚTFLYTJENDUR
Gíslason & Marr, Ltd. St. Andrew’s Dock í Hull,
umboðsaðilar fyrir íslensk fiskiskip í Hull, Grimsby og Fleetwood.
Við náum ávallt hæsta verði fyrir þig á
ofangreindum fiskimörkuðum, enda
með reyndustu sölumennina. Mjög lág
umboðslaun fyrir sölur bæði úr gámum
og fiskiskipum, greitt samdægurs með
bankamillifærslu eða ávísunum. Erum
komnir með mjög góð sambönd fyrir
frosinn fisk bæði í Englandi og á
meginlandinu.
Leitiö upplýsinga.
Hull: Skrifstofusimi 0482-27873
Telex 592214 - Telefax 0482-226792
Heimasímar:
Baldvin Gíslason 482-632150 — bílas. 860-617701
Charles Marr 0482-815463
Frank Knight 0482-633690
Upplýsingar á íslandi veitir:
Landssamband íslenskra útvegsmanna, simi 29500
Rómuð þjónusta við íslenska sjómenn
og útgerðarmenn um áraraðir. Lægstsa
fáanlegt olíuverð við Humber-ána.
Við tökum við viðhalds- og
nýbyggingarverkefnum f.h. Globe
Engineering og fylgjum þeim eftir.
Einnig leitum við tilboða fyrir þig hjá
mörgum öðrum skipasmíðastöðvum á
Bretlandseyjum.
Vetur, sumar, vor og haust velur þú Gíslason &
Marr sem umboösmann þinn, og tryggir þér bestu
þjónustuna og tryggustu greiösluna.
GISLASON and MARR LTD.
TELEPHONE: (0482) 27873
TELEX: 592214
TELEFAX: (0482) 226792
TELEGRAMS: „MARR HULL'