Þjóðviljinn - 30.04.1988, Blaðsíða 19
Og þetta
lika...
Birminghamborg
hefur sótt um Ólympíuleikana 1996
þrátt fyrir aö hún eigi ekki stuðning
breska ólympíuráösins vísan. Þeir
fengu ekki ÓI-1992 sem verða haldn-
ir í Barcelona á Spáni og segja alveg
víst að öll mannvirki verði tilbúin fyrir
umsaminn tíma. Fyrirfram var álitið
að þar sem 1996 verði 100 ár liðin frá
því að nútímaólympíuleikarnir voru
fyrst haldnir skuli Aþena á Grikklandi
hreppa hnossið en fyrir skömmu lýsti
borgarstjórinn í þeirri borg því yfir að
þeir hefðu ekki efni á að halda
leikana.
Carl Lewis
var ekki ánægðu með árangur sinn i
100 metra hlaupinu á móti í Kaliforníu
fyrir skömmu. Startið var lélegt og
hlaupiö eftir því en Kalli náði aðeins 5.
sæti. „Startblokkin rann til þegar ég
spyrnti og ég bjóst við að hlaupið yrði
stöðvað. Við það hikaði ég og þar
með var sigurinn úti" sagði Lewis en
hann keppir stöðugt að því að fá nafn-
bótina fljótasta mannvera á jörðinni
frá keppinaut sínum Ben Johnson.
Lewis var langt á eftir Raymond
Stewart sem sigraði enda heilum ein-
um fjórða úr sekúndu á þeim.
Ivan Lendl
kemur líklega til með að verða banda-
rískur ríkisborgari bráölega. Lendl,
sem er aðeins 27 ára og tékkneskur
ríkisborgari þessa stundina, hefur
búið í Bandaríkjunum síöan 1981 en
fékk leyfi til að búa í landinu á síðasta
ári. Þar með þyrfti hann að búa þar í 4
ár í viðbót áður en hann fengi banda-
rískan ríkisborgararétt en hann reynir
að pressa á að fá hann strax til að
hann geti keppt fyrir USA í ÓL í Seóul.
Leyfið rennur nú í gegn og á bara eftir
að fá samþykki þingmanna og síðan
Reagans.
Real Madrid
gæti lent í vandræðum útaf látunum í
þeim eftir leikinn við PSV Eindhoven í
vikunni. Aganefnd UEFA var að fá
skýrslu um leikinn og tekur hana fyrir
á fundi nefndarinnar 26. júní nk. í
beinni útsendingu frá leiknum sést
þegar leikmenn Real Madrid réðust á
dómarann eftir leikinn og voru bara
almennt grófir í leiknum.
Mótmælabréf
Allir leikmenn spánska fyrstudeildar-
liðsins Barcelona hafa ritað undir
opið bréf þar sem þeir húðskamma
forseta félagsins Jose Luis Nunez.
„Við höfum misst alla trú á forsetann,
hann veldur okkur vonbrigðum sem
fólki og niðurlægir okkur sem leik-
menn" sagði í bréfinu. Barcelona er
eitt af ríkustu félögum í Evrópu en er
aðeins í 9. sæti í deildinnu. Þeir fengu
þó örlitla uppreisn æru þegar þeir
tryggðu sér Evrópusæti með því að
vinna spænska bikarinn. Mikið hefur
gengið á í þjálfaramálum, Englend-
ingurinn Terry Venables var rekinn
og Luis Aragones fer líklega sömu
leið því búist er við Johan Cruyff taki
við þjálfun á næsta tímabili þó ekki sé
búið að skrifa undir neitt.
161 þjóð
er nú þegar á þátttökulistanum á Ól-
ympíuleikana í Suður-Kóreu. Norður-
Kórea, Kúba, Eþópía, Albanía, Nicar-
agua og Seychelles eyjarnar á Ind-
landshafi hafa ekki skráð sig en þeim
standa enn dyrnar opnar. Ennfremur
er ekki alveg á hreinu með Suður-
Afríku vegna Zolu Budd en forseti Al-
þjóðaólympíunefndarinnar Juan Ant-
onio Samaranch sagði að ráðið hefði
alltaf verið á móti Apartheid stefnu
stjórnvalda en vandamáliö væri fyrst
og fremst afrískt og yrði ekki leyst á
skrifstofu í New York, París eða
London.
Hékk í köðlunum
ítalinn Damiani endurheimti Evróp-
umeistaratitilinn í þungavikt þegar
hann sló Hollendinginn John Emmen
út um daginn. Daimiani vann fyrstu
loturnar á stigum og þegar hann gekk
inn í hringinn í þeirri þriðju, sótti hann í
maga forviða Hollendingsins og þeg-
ar sá fór að bera fyrir magann fékk
hann átta þung högg í hausinn. Em-
men hékk síðan í köðlunum þar til
dómarinn dæmdi ítalanum sigurinn.
Katarina Witt
sem er hætt á skautum og ætlar að
snúa sér að leiklist, fékk á dögunum
enn eina viðurkenninguna þegar Eric
Honecker, leiðtogi Austur-Þýska-
lands nældi í hana orðu. Þjálfari Kötu
sló hana samt út því hún fékk orðu
Karl Marx sem er einn mesti heiður
sem venjulegur borgari í landinu fær.
IÞROTTIR
Spánn
Ráðist á Skota
Ætla ekki að kæra atvikið
Eftir vináttuleik Skota og
Spánverja á miðvikudaginn réð-
ust nokkur ungmenni á lang-
ferðabfl skotanna og mölvuðu
rúður.
Það var svo sannarlega ekki
Suður-Ameríka
Uruguay og
Argentína
saman í ríðli
Dregið hefur verið í meistarak-
eppni Suður-Ameríku sem hald-
in verður í Brasilíu í júlv 1989.
A-riðill
Brasilía Perú
Kolombía Venezuela
Paraguay
B-riðill
Argentína
Uruguay
Chile
Bólivía
Equador
Tvö lið komast uppúr hvorum
riðli og leika þar allir við alla.
hægt að kenna leikmönnum um
að hafa æst lýðinn upp því leikur-
inn hefði getað verið “spilaður
með hvítum hönskum“. En þegar
leikmenn og aðstoðarmenn voru
komnir inní bíl eftir leikinn réðist
lítill hópur að honum og köstuðu
grjóti jáannig að rúða brotnaði,
steinninn strauk nokkra fylgdar-
menn og í gegn um rúðuna á móti
en glerbrotum rigndi yfir menn-
ina.
Einnig var ráðist á fyrrurn
þjálfara Glasgow Rangers og
spænska liðsins Sevilla, Jock
Wallace en hann var rekinn frá
því fyrrnefnda fyrir skömmu,
þegar hann ætlaði að koma hin-
um fræga sjóvarpslýsanda Jock
Brown til hjálpar þegar ráðist var
á þá þar sem þeir voru á gangi rétt
hjá hóteli sínu. Wallace til-
kynnti ekki atvikið og ætla for-
ráðamenn skoska knattspyrnu-
sambandsins að fara að dæmi
hans og kæra ekki atvikið lög-
reglu þar sem þeir segj a að hvorki
sé hægt að kenna spænska knatt-
spyrnusambandinu né lögregl-
Það fór lítið fyrir vináttu í vináttulandsleikjunum í vikunni, allavega fyrir
utan völl því mikið hefur borið á óeirðum í kringum leikina.
Austur-Pýskaland
Fótboltaóeirðir
að skjóta rótum?
Eftir leik l.deildar liðanna
Lokomotiv Leipzig sem er í efsta
sæti deildarinnar og Union Berlin
sem vermir næst neðsta, handtók
lögregla 20 óeirðarseggi. Þar
verða 13 seggir látnir svara til
saka fyrir meiðsli á fólki og
eignum en lögreglan heldur einn-
ig tveimur mönnum sem grýttu
sporvagn sem flutti áhangendur
andstæðingana heim á leið. Yfir-
völd í Austur-Þýskalandi hafa nú
miklar áhyggjur af stöðugri
aukningu ofbeldis í kringum fót-
bolta þó að það komist ekki í
hálfkvist við Vestur-Evrópu.
Skemmtun fýrir
afla gölskylduna...
Opnunartími sundstaða:
Laugardalslaug:
sími 34039.
Mánudaga - föstudaga Kl. 7:00-20:30
Laugardaga Kl. 7:30-17:30
Sunnudaga Kl. 8:00-17:30
Vesturbæjarlaug:
sími 15004.
Mánudaga - föstudaga Kl. 7:00-20:30
Laugardaga Kl. 7:30-17:30
Sunnudaga Kl. 8:00-17:30
Lokunartimi er miöaður við þegar sölu er hætt, en þá hafa
gestir 30 minútur áður en vísað er upp úr laug.
Sumartími
allt áríð!
SundhöU Reykjavíkur:
______________________sími 14059.__
Mánudaga-föstudaga Kl. 7:00-20:30*
Laugardaga Kl. 7:30-17:30
Sunnudaga Kl. 8:00-15:00
Sundlaug Fjölbrautaskólans
í Breiðholti: sími 75547.___
Mánudaga - föstudaga Kl. 7:00-20:30
Laugardaga Kl. 7:30-17:30
Sunnudaga Kl. 8:00-17:30
* Vegna æfinga íþróttafélaga verða frávik
á opnunartíma í Sundhöllinni á tímabilínu
1. október - 1. júní og er þá lokað
kl. 19:00 virka daga.
ÍÞRÓTTA- OG TÓMSTUNDARÁÐ
REYKJAVÍKUR