Þjóðviljinn - 06.05.1988, Blaðsíða 1
Föstudagur 6. maí 1988 102. tölublað 53. örgangur.
Húsnœðisstofnun
Loforð í
næstu viku
Það fólk sem sótti um lánslof-
orð til Húsnæðisstofnunar seinni
hluta marsmánaðar í fyrra og er í
forgangshópnum fær úthlutað
lánsloforðum í næstu viku. Um
300 manns eiga að fá loforð mán-
aðarlega.
Vinsældir núverandi húsnæðis-
kerfi hafa dvínað verulega frá því
það var ein helsta uppistaða
þjóðarsáttar. f Pjóðviljanum í
dag birtist þriðja grein Stefáns
Ingólfssonar um óáranina í hús-
næðismálum, og rætt er við þrjá
Alþýðubandalagsmenn sem um
helgina fylgja úr hlaði drögum að
nýrri húsnæðisstefnu á mið-
stjórnarfundi flokksins.
Sjá síður 2 og 5
Bandaríkjaher
Norðurhöf
hraðbraut
gegn Sovét
Hlutverk flota Bandaríkjanna
og Nató á Norður-Atlantshafi
hefur gjörbreyst í tíð Reagan-
stjórnarinnar. Áður var fyrst og
fremst miðað við að tryggja flutn-
ingaleiðir til Vestur-Evrópu, en
hin nýja flotastefna gerir ráð fyrir
Norðurhöfum sem einskonar
hraðbraut í stórsókn gegn so-
vésku landsvæði á krepputímum.
í þeirri sókn er herstöðinni ís-
landi ætlað mikið hlutverk.
Um þetta er fjallað í grein Vig-
fúsar Geirdal í blaðinu í dag.
Sjá síður 8-9
Grandi útvegar stjórnarformanni sínum bíl að andvirði svo gott sem þriggja árslauna fiskverkafólks. Hefur
nýlega sagt upp 50 manns vegna rekstrarörðugleika. (Mynd af R-174, bíl Ragnars: Jim Smart/HP)
Grandi
Ekur um bæinn
á þremur uppsögnum
Ragnar Júlíusson stjórnarformaður Granda ekur um á Saab sem fyrir-
tœkið útvegar. Kostar 1,5 milljónir. Á sama tíma eru fjöldauppsagnir í
gangi hjá frystihúsinu
Ragnar Júlíusson, stjórnarfor-
maður Granda hf, fékk Saab upp
á 1,5 milljónir til eigin afnota hjá
fyrirtækinu. Helgarpósturinn
upplýsti um þetta í gær. Á sama
tíma er verið að segja upp fjölda
manns hjá fyrirtækinu vegna erf-
iðrar rekstrarstöðu
Ragnar hafði klessukeyrt eigin
bíl seint á síðasta ári og segir
Brynjólfur Bjarnason, fram-
kvæmdarstjóri Granda, það
meðal annars hafa ráðið ákvörð-
un fyrirtækisins. Hann sagði við
Þjóðviljann að það væri „vissu-
lega ankanalegt á þessum tím-
um“ að útvega stjórnarformann-
inum svo dýran bíl. Það finnst
trúnaðarmanninum Málhildi Sig-
urbjörnsdóttur einnig og spyr:
Myndu þeir gera þetta fyrir mig?
Sjá bls 3
Bílar
Nýju númerin
í gegn?
Efri deild samþykkti í gær
frumvarp um fastskráningarkerfi
á ökutækjum, sem gerir ráð fyrir
nýjum bflnúmerum, sem fylgi
bflnum og ekki eigandanúm. En
neðri deild er eftir, og þár sitja
ýmsir með lág bílnúmer.
——-----t—'■-------------
Sjá síðu 2
Ráðhúsið
Davíð talaði
í tómu húsi
Byggingarleyfi samþykkt í borgarstjórn
Eins og við var búist skarst eng-
inn Sjálfstæðismaður úr leik þeg-
ar Davíð Oddsson borgarstjóri
lét í gær samþykkja byggingar-
leyfi fyrir ráðhúsið á borgar-
stjórnarfundi.
Fulltrúar stjórnarandstöð-
unnar\ borgarstjórn greiddu at-
kvæði gegn leyfinu, -sem búast
má við að verði kært til ráðherra.
Athygli vakti að flestir borgar-
fulltrúar í stjórnarandstöðu
mættu á fundinn með merkið
„Tjörnin lifi!“ í barminum.
Állmargir áheyrendur voru á
pöllum, hliðhollir Tjarnarvina-
samtökum, og hlýddu á umræður
um ráðhúsið en þegar borgar-
stjóri var byrjaður á ræðu sinni
gengu flestir þeirra út og sungu
um hús byggð á sandi.
Sjá síðu 3
„Tjömin lifi“ á pöllum borgarstjórnar í gær. Þegar Davíð hóf mál sitt
gengu áhorfendur út og rauluðu um þá sem byggja hús sín á sandi.
(Mynd: Sig).