Þjóðviljinn - 07.05.1988, Blaðsíða 9

Don Giovanni
Sýningum að Ijúka
Ópera Mozarts um kvennagullið og flagarann frœga verður
ekki tekin upp aftur í haust
Nú fer hver að verða síðastur
að sjá uppfærslu íslensku Óper-
unnar á óperu Mozarts um Don
Giovanni, kvennagull, flagara og
morðingja með meiru, því nú er
sýningum að ljúka og óperan
verður ekki tekin upp aftur á
næsta leikári. Mozart samdi óp-
eruna um flagarann fræga árið
1787, og er hún af mörgum talin
vera merkasta ópera hans.
Don Giovanni hefur verið
meðal vinsælustu viðfangsefna
leikhús- og bókmenntasögunnar
síðan hann kom fyrst fram á sjón-
arsviðið svo vitað sé með vissu
árið 1630. Um hann hafa verið
samin meira en 200 rit, og út frá
þeim þúsundir ritgerða, og hafa
menn velt fyrir sér guðlausu
framferði hans og ribbaldaskap á
alla enda og kanta.
Alls taka 64 söngvarar og
hljómlistarmenn þátt í sýningu
íslensku Óperunnar á Don Gio-
vanni, þar af 7 íslenskir einsöng-
varar. Kristinn Sigmundsson fer
með hlutverk Don Giovanni, og
Bergþór Pálsson er Leporello
þjónn hans, ómissandi aðstoðar-
maður hans við kvennafarið og
bellibrögðin, oftast nauðugur
viljugur. Elín Ósk Óskarsdóttir
syngur hlutverk Donnu Elviru,
konunnar sem Don Giovanni
hefur flekað og sem leitar
hefnda, um leið og hún vonast
eftir því að hann iðrist og snúi
aftur til hennar. Ólöf Kolbrún
Harðardóttir er Donna Anna
sem Don Giovanni reynir að
fleka, Gunnar Guðbjörnsson
Don Ottavio, vonbiðill hennar,
og Sigríður Gröndal Zerlina,
sveitastúlkan sem Don Giovanni
reynir að fleka á brúðkaupsdag-
inn. Viðar Gunnarsson fer með
hlutverk Masettos, brúðgumans
sem Leporello verður að hafa
ofan af fyrir á meðan húsbóndi
hans gerir hosur sínar grænar
fyrir Zerlinu, og með hlutverk II
Commendatore, Höfuðsmanns-
ins föður Donnu Önnu sem Don
Giovanni drepur, og sem birtist
seinna í hlutverki styttunnar,
Steingestsins sem fyrir hönd alm-
ættisins sér til þess að dóninn
hljóti makleg málagjöld.
Leikstjóri er Þórhildur Por-
leifsdóttir og hljómsveitarstjóri
Anthony Hose.
LG
Listasafn íslands
Leporello og Don Giovanni hlusta á boðskap Almættisins. Bergþór
Pálsson og Kristinn Sigmundsson.
MENNING
> k f
f N- 0%* f i
Hinir
stefnulausu
Mynd maímánaðar er
eftir Helga Porgils
Friðjónsson
Mynd mánaðarins í Listasafni
Islands er að þessu sinni Hinir
stefnulausu, eftir Helga Þorgils
Friðjónsson, olíumálverk frá ár-
inu 1987.
Listasafnið býður upp á
leiðsögnina „mynd mánaðarins"
á hverjum fimmtudegi kl. 13:30-
13:45, en þá kynnir sérfræðingur
safnsins það málverk sem er
mynd mánaðarins hverju sinni.
Sýningarnar Aldarspegill og
grafíksýning franska myndlistar-
mannsins Pierre Soulages verða í
Listasafninu til 15. maí. Safniðer
opið alla daga kl. 11:00-17:00.
LG
Hinir stefnulausu.
Glugginn
Málverka-
sýning
Einars
Hákonarsonar
í gærkvöldi opnaði Einar Há-
konarson málverkasýningu, í
Glugganum Glerárgötu 34. Einar
er Reykvíkingur fæddur 1945.
Hann stundaði nám við
Myndlista- og handíðaskóla ís-
lands 1960-1964 og framhalds-
nám í Valands-listaháskólanum í
Gautaborg 1964-1967. Einar hélt
sína fyrstu einkasýningu í Boga-
salnum 1968 og hefur sýnt reglu-
lega síðan. Þetta er þrettánda
einkasýning Einars Hákonar-
sonar sem samanstendur af rúm-
lega þrjátíu olíumálverkum frá
síðustu þremur árum.
Sýningin stendur til sunnu-
dagsins 15. maí, og er opin kl.
14.00-18.00 alla daga nema
mánudaga.
VORGJALDDAGI
HÚSNÆÐISLÁNA VAR1. MAÍ SL.
16.
tnaí | á lán með lánskjaravísitölu.
leggjast dráttarvextir
leggjast dráttarvextir
á lán með byggingarvísitölu.
FORÐIST OÞARFA AUKAKOSTNAÐ
VEGNA DRÁTTARVAXTA
Húsnæðisstoft'nun ríklsins
LAUGAVEGI 77 101 REYKJAVÍK S: 69 69 00
ÞJÓÐVILJINN - SÍÐA 9