Þjóðviljinn - 08.05.1988, Blaðsíða 2
garðmum
KRYDD
í TILVERUNA
Þetta er búið að vera gífurlega
spennandi. Ég vaknaði milli
fjögur og fimm á morgnana og fór
til Keflavíkur.
Sigurður Helgason
forstjóri Flugleiða
í viðtali í DV
ORÐÍ
TÍMA TÖLUÐ
Þegar útlitið skiptir öllu máli,
verður miklu eftirsóknarverðara
að vera fríður heimskingi en Ijótur
spekingur.
Helgarpósturinn
HIÐ ÞAKKLÁTA
MINNI
FRANSMANNA
Frakkar gáfu okkur (þ.e. lagi
Sverris Stormskers) tvö stig, og
er þar líklega á ferðinni einhver
Fransmaður sem enn lifir í minn-
ingunni um fótboltaafrek Alberts
Guðmundssonar á árum áður.
Tíminn
SKIPTUM BARA
UM DÓMSKERFI
Sambandiö hefur látið gera um
250 síðna skýrslu um gang við-
skipta á kaupum á hrákaffi. Meg-
inniðurstaða skýrsluhöfundar er
sú, að Rannsóknarlögreglan,
ákæruvaldið og Sakadómur hafi
ekki skilið eðli viðskiptanna.
Frétt í DV
HINAR
SKELFILEGU
AFLEIÐINGAR
JAFNRÉTTIS-
BARÁ TTUNNAR
Enda eru eiginkonur ekki
lamdar á Suðurnesjum. Þar
lemja þeir farþega í staðinn.
DV
MÍNAR ERU
SORGIRNAR
ÞUNGAR
SEM BLÝ
Þetta er ekkert spes sögu-
þráður. Myndin er heldur ekkert
spes. Hún er afskaplega óspes,
eispes og núllspes.
Tíminn.
AUMINGJA
GUÐJÓN
Stórblaðið USA Today skýrði
nýlega frá því í forsíðufrétt að
laun Lees lacocca, forstjóra
Chrysler- bifreiðaverksmiðjanna,
á síðasta ári hafi numið samtals
17,9 miljónum dollara.
Frétt í DV
VERÐUR HANN
SENDUR
í ÚTLEGÐ
TIL AMRÍKU?
Nú á næstunni veröur reynt að
fá úr því skorið fyrir enskum dóm-
stóli hvort verið gæti að illa
innrættur draugur hafi með ýmis-
konar uppátækjum hrakið fjöl-
skyldu nokkra út úr húsi með allt
sitt hafurtask. Morgunblaðið
Dándimaður vikunnan
SKAÐI SKRIFAR
Hið sögulega uppgjör
eftir söngvakeppnina
Mér finnst yfirleitt skorta mikið á þjóðrækni í íslensk
blöð. Þjóðviljinn hefur náttúrlega alltaf óþjóðlegur verið
nema í kjaftinum, hallur undir Stalín og Che Guevara á
víxl. Morgunblaðið mitt er ekki nógu duglegt í þessum
efnum, ég verð að segja alveg eins og er, og þegar menn
líta þar upp til að sýna þjóðernismetnað, þá er það helst til
að lepja eitthvert gamalt sull úr kommum um „hernám
hugarfarsins" og annað slíkt.
Eg er nú alinn upp á mölinni þar sem öngvar voru rollur
og ekki óx gras og því varla von á mörgum Framsóknar-
mönnum. Og hefur mér alltaf verið heldur illa við þann
söfnuð. En ég verð að viðurkenna það alveg eins og er,
að Tíminn ber af öðrum dagblöðum í þjóðernishreysti og
öðrum skyldum tilþrifum.
Þetta kom ofur greinilega fram á dögunum þegar menn
voru að skrifa um sextánda sætið hans Sverris Storm-
skers í Dyflinni. Þá tók enginn alminnilega á þessum
málum nema Tíminn. En hann sagði það hreint út að
úrslitin væru klíkuskapur þar sem þetta pakk í Mið-Evrópu
hrúgar stigum á sín eigin lög á víxl alveg eins og þegar
drykkjubræður míga í kross þar til hlandið tekur þeim í
hné. Við fengum ekki þau stig sem við áttum að fá, segir
Tíminn á þriðjudaginn var. Við eigum ekki, sagði Tíminn
líka, endalaust „að vera að láta einhverja útlendinga vera
að gera sér leik að því að hafa listafólk okkar að skot-
spæni“. Þetta er einmitt rétti andinn, finnst mér. Ég man
að þegar við krakkarnir voru að leika okkur heima og ég
fékk ekki að ráða því sem ég þurfti, þá bara fór ég. Maður
er ekkert að makka við þetta pakk.
En einsog einnig kom fram í Tímanum, þá eru útlend-
ingar ekki allir eins. Það er til dæmis Ijóst að Portúgalir eru
betri en aðrir útlendingar. Þeir gáfu okkur átta stig. Hol-
lendingar og Danir eru líka ekki sem verstir. Þeir gáfu
okkurfjögur stig hvor þjóð. Og þá eru komin sextán stig af
þeim tuttugu sem við fengum alls.
Ég hefi verið að velta því fyrir mér, hvað sé sameigin-
legt með þessum vinaþjóðum okkar þrem. Portúgalir éta
saltfisk og Hollendingar leigja okkur sumarhús og Danir
hýsa fyrir okkur stúdenta - þetta er svona sitt beinið af
hverri tíkinni. Eg veit það ekki. Mér dettur það helst í hug
að þetta eru allt þjóðir við sjó og hafa á hinum ýmsu tímum
sótt sjóinn nokkuð fast og kunna því að meta bæði storm
og sker og hafa þurft á sálarinnar Herkúlesum að halda
þegar stormurinn lemur skerið og allt það, og þessvegna
blundar eitthvað sameiginlegt í þjóðarsálunum. írar til
dæmis, þeir búa líka við sjó, en þeir hafa alltaf klúðrað
sínum siglingum, enda gáfu þeir okkur ekkert stig.
Mér finnst svo sjálfsagt að við reynum að launa þess-
um þjóðum þann vinskap að þær fóru ekki inn í samsær-
isklíkuskap gegn okkur. Mér finnst sjálfsagt til dæmis, að
hver drekkandi maður svissi úr spænsku og ensku sherry
yfir í portvín og portúgölsk vín yfir höfuð, minna má það
ekki vera. Hollendingum skulum við launa með því að hífa
upp aftur skammarlegan afturkipp í neyslu genevers í
fyrra. Og frændum okkar og vinum Dönum skulum við
launa með tvennum hætti: ritskoða allar sögukennslu-
bækur og taka út úr þeim ótímabæran fjandskap við Dani,
og veita Carlsberg og T uborg vissan forgang þegar innan
tíðar opnast hér á landi mesti bjórmarkaður í heimi miðað
við vambafjöld.
Þar að auki tel ég sjálfsagt að refsa þeim sem hafa
brugðist okkur í þessu tónlistar- og þjóðernismáli. Þetta
pakk, Norðmenn, sem þykjast vera frændur okkar, þeir
eru verstir: við skulum því neita þeim um íslenskar kart-
öflur eins og Tíminn leggur til, og þar að auki er sjálfsagt
að senda þeim aftur Snorrastyttuna í Reykholti, sem þeir
sviku inn á okkur í þeim lævísa tilgangi að heimsbyggðin
héldi að eiginlega væri Snorri upphaflega kominn frá
Noregi eins og styttan. Spánverjum segjum við upp sól-
arferðahollustu og Arafat skulum við bjóða heim með
prakt til að hefna okkar á ísrael. Möguleikarnir eru svo
margir ef við höfum bara rænu á að virkja utanríkisráðu-
neytið okkar. Við getum t.d. refsað Austurríkismönnum
með því að láta þá sitja áfram uppi með Waldheim og
Þjóðverjum með því að halda áfram að koma í veg fyrir
sameiningu Þýskalands. Nei í alvöru, góðir hálsar, þetta
er að verða spennandi...
2 SÍÐA - ÞJÓÐVILJINN Sunnudagur 8. maí 1988