Þjóðviljinn - 12.05.1988, Blaðsíða 7
ÞJOÐMAL
Alþingi
Fatlaðir fá afslátt
Síðasta verk þingmanna á síð-
asta fundi neðri deildar alþingis í
gær var að samþykkja breytingar
á lögum um söluskatt þannig að
iðgjöld af tryggingum bifreiða í
eigu öryrkja eru undanþegin
söluskatti. Það voru þingmenn
Alþýðubandalagsins, þau Mar-
grét Frímannsdóttir, Skúli Alex-
andersson og Svavar Gestsson,
sem fluttu málið og hefur verið
nokkuð tvísýnt um afdrif þess í
þeim darraðardansi sem ríkt hef-
ur í þinginu á síðustu dögum, þó
ekki vegna þess að það fengi ekki
hljómgrunn.
í greinargerð röktu flutnings-
menn hvernig iðgjöld af bif-
reiðatryggingum hafa hækkað nú
nýverið um nær 100%. „Það má
öllum ljóst vera,“ sögðu þau, „að
iðgjöld af bílatryggingum eru
láglaunafólki öllu ofviða, að ekki
sé talað um fatlaða. Munurinn er
hins vegar sá að fatlaðir eiga
margir engan kost á því að kom-
ast um nema með bifreið. Hækk-
unin á iðgjöldum jafngildir hins
vegar algjöru ferðabanni á fjölda
þessa fólks.“
ÓP
Þingsályktun
Skoðana-
kannanir
í gær fól alþingi ríkisstjórninni
að skipa nefnd til að kanna hvort
rétt sé að setja lög eða koma á
reglum um skoðanakannanir.
Nefndin skal jafnframt kanna
hvort fullnægjandi sé að koma á
fót samstarfi þeirra sem fást við
gerð skoðanakannana og tryggja
að þeir setji sér starfs- og siða-
reglur sem eftir verði farið án
þess að lagasetning komi til.
Flutningsmenn tillögunnar að
þingsályktun þessari voru þau
Steingrímur J. Sigfússon, Hall-
dór Blöndal, Karl Steinar
Guðnason, Valgerður Sverris-
dóttir, Óli Þ. Guðbjartsson og
Þórhildur Þorleifsdóttir.
Flutningsmenn bentu á að lög
um skoðanakannanir hefðu ekki
víða verið sett en þó í Frakklandi.
En víða annars staðar ríktu fast-
ákveðnar hefðir og venjur um
framkvæmd þeirra. Því væri þó
ekki að heilsa hér á landi þar sem
saga slíkra kannana væri stutt og
sumir þeirra, er þar um véluðu,
hefðu takmarkaða reynslu og
þekkingu að baki.
ÓP
Var misskilningur að skipta handavinnutímum þessara stráka milli smíða og sauma?
Alþingi
Handavinnukennslu
breytt?
Hefur afnám kynskiptingar minnkað kennsluna? Alþingi villkönnun
á stöðu handmenntakennslu. Tillögur umnýtt skipulag. Takaskal
tillit til breyttra þjóðfélagshátta
Asíðasta starfsdegi alþingis í
gær var að tillögu Guðrúnar
Helgadóttur samþykkt með
þingsályktun að skora á ríkis-
stjórnina að láta fara fram könn-
un á áhrifum laga um grunnskóla
,4 handmenntakennslu grunns-
kólabarna. Að lokinni könnu-
ninni verði gerðar tillögur um
fyrirkomulag hand-
menntakennslu í framtíðinni með
tilliti til breyttra þjóðfélagshátta
og reynslu síðustu ára. Niður-
stöður könnunarinnar og tillögur
skuli lagðar fyrir sameinað
þing.“
Tillögu sína lagði Guðrún fram
fyrir nokkrum vikum og var
henni vísað til félagsmálanefndar
sameinaðs þings sem mælti ein-
róma með að hún yrði samþykkt.
í greinargerð með tillögunni
lagði Guðrún mikla áherslu á það
atríði að með tilkomu
grunnskólalaganna árið 1974 hafi
piltar og stúlkur átt að hljóta
kennslu í sama námsefni, en áður
var handavinnukennsla bundin
við kyn barna, strákarnir lærðu
smíðar en stúlkur sauma. Þessi
breyting var talin eðlileg vegna
vaxandi vitundar um nauðsyn á
jafnrétti kynjanna til náms og
starfa.
En um framkvæmdina sagði
Guðrún að hún hefði „víðast orð-
ið á þann veg að orðið hefur að
skipta bekkkjardeildum í tvennt
og kenna sama námsefnið tvisvar
á sama kennsluári. Tfmafjöldinn
var ekki aukinn svo að nemand-
inn fær helmingi minni kennslu
en hann átti áður kost á. Piltar fá
helmingi minni kennslu í smíðum
og stúlkur helmingi minni
kennslu í saumum og þeirri hand-
mennt sem stúlkur einar fengu
kennslu í áður.“
í umræðum um tillögu Guð-
rúnar kom fram það sjónarmið
að sjálfsagt væri að gefa derng-
jum og stúlkum jöfn tækifæri til
náms. Það væri vissulega gaman
að eiga dætur sem kynnu bæði að
smíða og sauma og syni sem
kynnu ekki síður að hekla en að
hefla. En því takmarki yrði bara
ekki náð með því að gera kenns-
luna í þessu öllu svo litla að ekk-
ert væri unnt að læra til hlítar.
Þetta yrði því að leysa með ein-
hvers konar vali og viðbúið væri
að val nemend^ yrði misjafnt.
Því hefur verið haldið fram að
með því skipulagi á handavinn-
ukennslu, sem tekið var upp með
grunnskólalögunum, hafi orðið
stórslys. Fjöldi nemenda nái
sáralitlum árangri í handmennt
og metnaðarfullir kennarar yfir-
gefi starf handavinnukennarans.
Aftur á móti hafi tilkostnaðurinn
ekkert dregist saman, samdrátt-
urinn hafi íyrst Qg fremst verið á
sviði gæðanna.
Guðrún Helgadóttir vitnaði í
OECD-skýrsluna svonefndu um
stöðu íslenska skólakerfisins árið
1986 en í henni er því haldið fram
að tækniþekkingu kunni að vera
ábótavant meðal íslenskra náms-
manna. í greinargerð sinni sagði
Guðrún: „Það er því mikilvægt
að kannað sé sem fyrst hvernig
stöðu handmenntakennslu sé
komið í grunnskólakerfinu og til-
lögur til úrbóta gerðar, sé þess
þörf. íslendingar hafa ekki efni á
að dragast aftur úr öðrum þjóð-
um í verkmennt og sé hætta á því,
þolir sú könnun enga bið.“
Forskoðun
kynbótahrossa
vorið 1988
Á Vesturlandi og Vestfjörðum verða kynbóta-
hross og afkvæmi dæmd vegna ættbókar-
færslu og afkvæmasýninga, þessa daga:
16. maí Búðardalur kl. 13.30
17. maí Reykhólasveit kl.09-12
17. maí Brjánslækur kl. 16
18. maí Þingeyri kl. 11
18. maí Bolungarvík kl. 16
19. maí Tungusveit kl. 13
19. maí Hrútafjörður kl.18
20. maí St. Langidalur kl. 09
20. maí Stykkishólmur kl. 11
20. maí Grundarfjörður kl. 16
21. maí Ólafsvík kl. 09
21.maí Hallkelsstaðahlíð kl. 14
24. maí Akranes kl.14
25. maí Stangarholt kl. 09
25. maí Borgarnes kl. 14
26. maí Sigmundarstaðir kl. 09
27. maí Skáney kl. 09, síðan Nýi-Bær, Skarð og
Hvanneyri.
Lágmarkseinkunnir verði þær sömu og verið
hafa, unghryssur gætu þó farið í 7,60. Afkvæma-
dæmd hross verða metin eftir sömu reglum og
gilt hafa. Fullkominnar útfærslu skráningarblaða
er krafist. Járningar séu réttar, samkvæmt regl-
um L.H. Hófhlífar, dökkar og léttar (105 g) eru
leyfðar.
Búnaðarsamböndin og
Búnaðarfélag íslands
Frá Fósturskóla
íslands
Eins árs framhaldsnám fyrir fóstrur með starfs-
reynslu verður starfrækt á vegum Fósturskóla
íslands skólaárið 1988-89. Námið hefst í sept-
ember og lýkur í lok maí. Námið er einkum ætlað
fóstrum sem hyggja á stjórnunar- og umsjónar-
störf á dagvistarheimilum. í hluta námsins er val-
ið námsefni um skóladagheimili og börn með
sérþarfir. Kennt er síðdegis. Umsóknir þurfa að
berast skólanum fyrir 20. maí.
Skólastjóri
Útboð
Byggingarnefnd Laugaskóla, Dalasýslu óskar
eftir tilboðum í frágang og innréttingar hluta
íþrótta- og sundlaugarhúss skólans.
Húsið er um 1332 fm og 8189 rúmm. Verkinu skal
að fullu lokið 1. nóvember 1988.
Útboðsgögn verða afhent gegn 10.000 kr. skila-
tryggingu hjá byggingarnefndinni, Laugaskóla
Dalasýslu, VT teiknistofunni hf., Kirkjubraut 40
Akranesi og undirrituðum.
Tilboðum skal skila til byggingarnefndarinnar
Laugaskóla Dalasýslu eigi síðar en kl. 14.00
þriðjudaginn 31. maí þar sem þau verða opnuð.
BORGARTÚNI
sími 26833
Auglýsing
Óskað er eftir starfsfólki bæði til fastra starfa og
afleysinga í matstofuna í Arnarhvoli.
Umsóknum sé skilað til fjármálaráðuneytis fyrir
16. maí nk.
Fjármálaráðuneytið, 9. maí 1988
Fimmtudagur 12. maí 1988 ÞJÓÐVILJINN - SÍÐA 7