Þjóðviljinn - 12.05.1988, Blaðsíða 12
FRÉTTIR
Vertíðin
Aflabrestur sem fyrr
Verulegur aflabrestur varð á
hinni hefðbundnu vetrarver-
tíð fyrir sunnan og vestan í ár og
eru menn þegar farnir að taka
upp netin og huga að öðrum
veiðum ss. á humri og rækju, þó
svo að sumir þrjóskist við að
hætta fyrr en í lok næstu viku.
Samkvæmt gamalli hefð er loka-
dagur í dag, en þess sjást ekki
merki í sjávarplássunum; aðeins
á sumum dagatölum.
Ólafsvíkingar þurfa ekki að
fara langt aftur í tímann til að
muna tímana tvenna því allt að
helmingsmunur var á lönduðum
afla þar um síðustu mánaðamót
miðað við sama tíma í fyrra. Þá
komu á land 12.140 tonn á móti
6.080 tonnum í ár. Þar eru aðeins
3 bátar enn á netum af 23 þegar
best lét.
Ekki liggur fyrir samantekt á
vertíðarafla Grindavíkurbáta í ár
en í síðustu viku lönduðu þar 38
netabátar 772 tonnum sem gerir
tæplega 6 tonn í róðri. Þrátt fyrir
þetta bíða menn enn eftir afla-
hrotu, þótt bjartsýni margra sé
farin að minnka að mun frá því
sem var í vertíðarbyrjun.
Enn rýrari var afli báta úr Þor-
lákshöfn í síðustu viku. Þar
lönduðu 30 bátar 407 tonnum,
þar af 176 tonnum sem fengust í
dragnót. Sókn Þorlákshafnar-
báta í ár hefur verið síst minni en
áður, en engu að síður hefur lítið
sem ekkert fiskast á vertíðinni.
Þær vikur má telja á fingrum ann-
arrar handar þegar afli bátanna
hefur farið yfir þúsund tonn eftir
vikuna.
-grh
Viltu taka þátt í nýsköpun
íslensks landbúnaðar?
______________________Viltu læra um___________________________
Ferðaþjónustu • Fiskeldi • Loðdýrarækt • Skógrækt
Kanínurækt eða gömlu góðu hefðbundnu kvikfjárræktina?
Bændaskólinn á Hvanneyri er nútíma skóli, þar sem færustu
búvísindamenn fylgjast með öllum nýjungum í landbúnaði
og miðla þeim til nemenda, sem vilja takast á við heillandi verkefni.
Þar er frábær aðstaða á heimavist.
Auk hefðbundinnar búnaðarfræðslu eru 12 valfög:
Alifugla- ogsvínarækt • Ferðaþjónusta • Fiskeldi
Hrossarækt • Ka tiöflu- og grænmetisræk t • Loðdýrarækt
Nautgriparækt • Rekstrarhagfræði • Sauðfjárrækt
Skógrækt • Vélfræði • Vinnuvólar og verktækni.
Búfræðinám tekur 2 ár (4 annir) en fólk með stúdentspróf
eða hliðstæða menritún geiur lokiö því á einu ári.
Helstu inntökuskilyrði eru að umsækjendur hafí lokið almennu
grunnskólaprófi með lágmarkseinkunn til inngöngu í framhalds-
skóla. og að þeir hafí öðlast nokkra reynslu í landbúnaðarstörfum.
Skriílegbeiðni um inngöngu ásamtprófskírteinum þarfaðberastskólanum
eigi síðar en 10. júní.
Nánari upplýsingar í síma 93-70000.
Togararallið
Daprar niðurstöður
Hafrannsókn: Rannsóknarleiðangurinn
staðfestir áður birtar niðurstöður. Ekki
horfur á sterkum þorskárgöngum í bráð.
Vonbrigði með ýsustofninn
ví miður bendir ekkert til
uppsveiflu í þorskstofninum
að sinni og allt útlit fyrir lélega
áranga í veiðanlegum stofnum.
Niðurstöður togararallsins eru
ekkert annað en staðfesting á því
sem stofnunin hefur verið að
segja að undanförnu um ástand
flskstofnanna, og það kemur ein-
na skýrast fram í lélegum afla-
brögðum á vetíðinni í vetur,“
sagði Jakob Jakobsson, forstjóri
Hafrannsóknastofnunar við
Þjóðviljann.
Hið svonefnda togararall Haf-
rannsóknarstofnunar fór fram 6.-
23. mars sl. Það er árviss
rannsóknarleiðangur til athugun-
ar á stofnstærð og lífsháttum
botnlægra fiskstofna umhverfis
landið og voru teknir á leigu 5
japanskir togarar frá Norður- og
Austurlandi. Athugaðar voru
547 togstöðvar umhverfis land
allt niður á 500 metra dýpi.
í leiðangrinum kom fram að
mikil umskipti virðast hafa orðið
á síðustu þrem árum í stærð
yngstu árganga þorsks. 3ja ára ár-
gangurinn frá 1985 virðist vera í
meðallagi eða um 230 miljónir
fiska. En tveir yngstu árgangarn-
ir, frá 1986 og 1987, virðast vera
mjög slakir eða um 140 miljónir.
Þar með eru ekki horfur á að
sterkir árgangar bætist í stofninn
á næstu þrem árum í stað árgang-
anna frá 1983 og 1984.
Vísitala stofnsins var um þriðj-
ungi hærri 1988 en 1987, eða 555
þúsund tonn miðað við 416 þús-
und tonn í fyrra. Vísitalan gefur
til kynna breytingu á stærð
stofnsins frá ári til árs, en sýnir
, ekki rétta stærð stofnsins í tonn-
um talið. Meginskýringin á þess-
um vexti stofnsins er þyngdar-
vöxtur sterkra árganga frá 1983
og 1984. Þessir tveir árgangar eru
uppistaða þorskstofnsins, eða um
65%.
Lengdardreifing stofnsins, og
þar með stærð þess þorsks sem
veiddur er, einkennist af stærð
þessara árganga, sem eru á lengd-
arbilinu 40-65 sm. Mjög lítið er af
þorski undir 30 sm og yfir 70 sm
að lengd.
Það kom á óvart hvað 1985 ár-
gangur ýsustofnsins reyndist vera
minni en gert var ráð fyrir, en
engu að síður er hann sterkur.
70% stofnsins eru ýsuárgangar
frá 1984 og 1985.
Þá reyndust vísitölur karfa- og
steinbítsstofnanna vera nokkru
lægri en gert hafði verið ráð fyrir.
-grh
Ölduselsskóli
Tveir umsækjendur
r
Afundi í fræðsluráði Reykja-
víkur í fyrradag kom fram að
tveir umsækjendur eru um stöðu
skólastjóra við Ölduselsskóla,
þau Daníel Gunnarsson yfirkenn-
ari og Sjöfn Sigurbjörnsdóttir
kennari.
Á tímum vinstri meirihlutans í
borgarstjórn Reykjavíkur 1978-
82 var Sjöfn töluvert í fréttum en
hún var þá borgarfulltrúi Alþýð-
uflokksins.
Búist er við að fræðsluráð gefi
umsögn um umsækjendurna á
fundi sínum n.k. mánudag en það
er menntamálaráðherra sem
skipar í stöðuna.
andssamtakanna Þroskahjálpar
og Öryrkjabandalags íslands
borg i Hmfsdal og Bjargi a Akureyri kl. 15-17 og Valaskjálf, Egilsstöö- skóla frá kl. 13.30-15 00 sama daa ^
um kl. 20.30-22.30. y‘
Allir velkomnir meðan húsrúm leyfir.
Aðgangur ókeypis.
Sjá auglýsingu í laugardagsblaði.