Þjóðviljinn - 22.05.1988, Blaðsíða 17
BORGARAFUNDUR
Polgar-systur
í Valaskjálf!
Hinar þekktu Polgar-systur
frá Ungverjalandi veröa meö-
al þátttakenda á Opna
Austurlandsmótinu í skák, en
þaö hefst íjúníbyrjun. Þá
veröa íslensku stórmeistar-
arnir Helgi Ólafsson og
Margeir Pétursson meöal
þátttakenda, og eins Sævar
Bjarnason, alþjóðlegur
meistari.
Pær Zsofia, Zsuzsa og Judit
tefldu á síðasta Reykjavíkurmóti
sællar minningar og stóðu sig
með miklum ágætum þrátt fyrir
ungan aldur, en þær eru aðeins
11, 13 og 18 ára. Sú elsta er al-
þjóðlegur meistari en yngri syst-
urnar titillausar. Skortur á slíkum
formlegutn þingum varð þeim
samt enginn fjötur um fót er þær
tefldu í Reykjavík, og mátti
margur frægur, vegtyllum lilað-
inn kappinn sjá af óskiptum vinn-
ingi í viðureigninni við þær. Skák
er eitt af síðustu karlavígjunum
eins og kunnugt er, og það leyndi
sér heldur ekki að körlunum var
meinilla við að tapa fyrir þessum
stelpum sem varla stóðu út úr
hnefa. Það fórenda nokkurn veg-
inn saman að staðan á skákborð-
inu var orðin ein rjúkandi rúst og
sá sem mönnunum stýrði rauður
eins og karfi yfir niðurlæging-
unni.
Flóðhestar allra
landa sameinist
Mótið stendur frá 5. til 15. júní
og því ekki seinna vænna fyrir
lysthafendur að fara að athuga
sinn gang. En rétt er að vekja
athygli á því að mótið er opið -
öllum opið - og því getur hvaða
flóðhestur sem vera skal skráð sig
til þátttöku og freistað gæfunnar.
Egilsstaðabær, Hótel Vala-
skjálf, Ferðamiðstöð Austur-
lands og Taflfélag Egilsstaða
standa að mótinu. Verðlaun
verða 700 þúsund, en sá, eða sú,
sem hreppir efsta sætið fær jafn-
framt 200 þúsund krónur í sinn
hlut.
Þetta er í annað sinn sem Opna
Austurlandsmótið er haldið, en í
fyrra voru þátttakendurnir 55 frá
7 þjóðum. Fjöldi þátttakenda nú
ræður því hvað teflt verður í
mörgum flokkum, en að sögn
Ottós Jónssonar á Egilsstöðum,
skipuleggjara og mótsstjóra, væri
mótshöldurum þökk í því að
væntanlegir keppendur skráðu
sig með fyrra fallinu til að
auðvelda undirbúning.
Polgar-systur eru svo væntan-
legar til landsins 2. júní, þremur
dögum fyrir upphaf mótsins. Þær
koma til Reykjavíkur, og að sögn
Ottós er meiningin að þær tefli
fjöltefli hér fyrir sunnan áður en
alvara Iífsins tekur við fyrir
austan. Flóðhestar af fjölskáka-
kalíber gera því rétt í að fylgjast
með tilkynningum um ungversk
fjöltefli upp úr mánaðamótun-
um. HS
Kór Öldutúnsskóla ásamt stjórnandanum, Agli Friöleifssyni, viö hluta af hinni tröllauknu fresku Baltasars í
Víðistaðakirkju.
Frumflylur verk
eflir Hjálmar
Vortónleikar Kórs Öldutúnsskóla í Víðistaðakirkju
um helgina. Tónleikaferð til Asíu og Ástralíu í sumar
KórÖldutúnsskóla heldur
vortónleika sína í Víöistaöa-
kirkju í dag, laugardaginn 21.
maí, og hefjast þeir klukkan
fjögur eftir hádegi. Vonandi
ruglast enginn í ríminu þótt um
þetta sé getið hér í sunnu-
dagsblaöinu; laugardags- og
sunnudagsblaðið koma nú
einu sinni út í sameiningu á
laugardegi.
Efnisskráin er fjölbreytt. Elsta
lagið er frá 16. öld en það er eftir
snilling pólífóníunnar, Palest-
rina. Allmörg íslensk þjóðlög
verða flutt og að auki tvö sam-
tímaverk íslensk: Dúfa á brún
eftir Þorkel Sigurbjörnsson, og
nýtt verk eftir Hjálmar H. Ragn-
arsson við kvæði Vilborgar Dag-
bjartsdóttur, Barnagælu.
Þetta er frumflutningur verks-
ins, og að sögn stjórnanda kórs-
ins, Egils Friðleifssonar, er það
mjög nýstárlegt og gerir miklar
kröfur til flytjenda. „Við höfum
varla lent í öðru eins torfi, og
erum við þó ýmsu vön,“ sagði
hann.
f júlíbyrjun fer kórinn í mikla
tónleikaför. Ferðinni er heitið til
Asíu og Astralíu, og þar með hef-
ur kórinn afrekað að ferðast til
allra heimsálfanna fimm. Áfang-
astaðirnir eru Hong Kong, Mac-
ao, Canberra höfuðborg Ástral-
íu, Sydney og Thailand, og tekur
kórinn þátt í stórum, alþjóð-
legum mótum á að minnsta kosti
þremur þessara staða.
HS
íbúar í Hvassaleiti, Háaleiti,
Fossvogi, Bústaðahverfi og
Blesugróf!
Miðvikudaginn 25. maí 1988 kl. 20.30, mun
Borgarskipulag Reykjavíkur efna til borg-
arafundar í samkomusal Réttarholtsskóla.
Á fundinum verða kynnt drög að hverfa-
skipulagi fyrir borgarhluta 5, þ.e. Hvassa-
leiti, Háaleiti, Bústaðahverfi, Fossvogs-
hverfi og Blesugróf.
Hverfaskipulag er unnið í framhaldi af nýju
aðalskipulagi fyrir Reykjavík. í þvi er fjallað
sérstaklega um húsnæði, umhverfi, umferð,
þjónustu og íbúaþróun og áhersla lögð á
hvar breytinga er þörf og hvar þeirra er að
vænta.
Á fundinum verður óskað eftir ábendingum
og athugasemdum frá íbúum. Virk þátttaka
íbúa er ein af forsendum fyrir góðu skipu-
lagi.
BORGARSKIPULAG REYKJAVÍKUR
Borgartúni 3,
sími 26102
105 Reykjavík
Félag
járniðnaðarmanna
Skemmtiferð 1988
fyrir eldri félagsmenn og maka þeirra verður farin
laugardag og sunnudag 18. og 19. júní nk. Ferð-
ast verður að Kirkjubæjarklaustri og ekið um ná-
grennið.
Gisting á Hótel Eddu, Kirkjubæjarklaustri.
Lagt verður af stað frá Suðurlandsbraut 30 kl.
8.00 f.h. Þátttaka tilkynnist sem fyrst til skrifstof-
unnar, sími 83011.
Stjórn Félags járniðnaðarmanna.
Auglýsing
Staða næturvarðar í Arnarhvoli er laus til um-
sóknar.
Umsóknum sé skilað í fjármálaráðuneytið fvrir
26. maí.
Fjármálaráðuneytið
18. maí 1988
Auglýsing
Staða símavarðar í fjármálaráðuneytinu er laus til
umsóknar.
Umsóknum skal skilað í fjármálaráðuneytið fyrir
26. maí nk.
Fjármálaráðuneytið
18. maí 1988
' > r
Utboð
Klæðingar á Vesturlandi 1988
''/VM f Vegagerö ríkisins óskar eftir tilboðum í ofangreint verk.
Nýlagnir og yfirlagnir á sjö köfium samtals 30 km
Verki skal lokið 1. september 1988. Útboðsgögn verða afhent hjá Vegagerð ríkisins í Borgarnesi og Reykjavik (aðalgjaldkera) frá og með 24. maí nk. Skila skal tilboðum á sömu stöðum fyrir kl 14-00 þann 6. júní 1988.
Vegamálastjóri
Sunnudagur 22. maí 1988 ÞJÓÐVILJINN - SÍÐA 17