Þjóðviljinn - 26.05.1988, Blaðsíða 16
p-SPURNINGIN-1
Hvernig fannst þér
leikritiö Glerbrot sem
sjónvarpið sýndi um síð-
ustu helgi?
Unnur Halldórsdóttir,
ellilífeyrisþegi:
Ég kunni ekki aö meta leikritið,
fékk engan botn í það.
Sigurjón Jóhannsson,
leikmyndateiknari:
Skínandi gott. Vönduð listræn
vinnubrögð, fjallar um nærtækt
efni á stórbrotinn hátt utan við
allan hversdagsraunveruleika.
Það er alveg út í hött að tengja
verkið við ákveðna raunverulega
atburði - það er langt yfir slíkt
hafið.
Guömundsson,
sendibílstjóri:
Ég er ánægður með leikritið, það
fjallar um vandamál sem við vit-
um að eru til. Þó fannst mér sú
mynd sem dregin var upp af fors-
töðukonum hælisins einum of
neikvæð.
Bára Jóhannsdóttir,
húsmóðir:
Það vekur mann til umhugsunar,
fjallar um atburði sem vel gætu
gerst í raunveruleikanum. Þó
voru forstöðukonurnar heldur
grimmar.
Ágúst Einarsson,
nemi:
Mér fannst það frekar ruglings-
legt, skildi ekki mikið í því. En
kvikmyndatakan og tæknivinna
öll var mjög góð.
þjómnuiNN
Flmmtudagur 26. maí 1988 117. tölublað 53. örgangur
Yfirdráttur
á téKKareiKninea
launafólKs
SAMVINNUBANKI
ÍSLANDS HF
Ingibjörg Haraldsdóttir formaður Samtaka herstöðvaandstæðinga segir að það sé brýnt hagsmunamál sjómanna að losna við vígbúnaðinn úr höfunum.
Mynd E.OI.
Samtök herstöðvaandstœðinga
Gegn vígbúnaði í höfunum
Útifundur á Lœkjartorgi kl. 17.30 í dag.
Barátta gegn vígbúnaði í höfunum er gífurlegt hagsmunamál verkafólks og
sjómanna í sjávarplássum um land allt
Það er í dag kl. 17.30 sem
Samtök herstöðvaandstæðinga
efna til útifundar á Lækjartorgi
til að mótmæia vígbúnaði á
norðurhöfum. Aðgerðirnar eru
liður í sameiginlegum mótmæl-
aaðgerðum Friðarsambands
norðurhafa. Á útifundinum í dag
munu flytja ávörp þcir Ingi Hans
Jónsson verkamaður í Grundar-
firði og Hjörleifur Guttormsson
alþingismaður.
Að sögn Ingibjargar Haralds-
dóttir t'ormanns Samtaka her-
stöðvaandstæðinga, þá var Friða-
rsamband norðurhafa stofnað
1983 í Glasgow. Milli 20-30 frið-
arhreyfingar eiga aðild að því.
Sambandið heldur árlega ráð-
stefnur og var ein slík haldin hér á
landi 1984. Skipulagslega er
Friðarsamband norðurhafa los-
aralegt og er bæði félags- og ein-
staklingsaðild að því.
Friðarsamband norðurhafa
hefur og tengsl við hliðstæð
samtök við Kyrrahaf, en á Nýja
Sjálandi og Ástralíu eru öflugar
friðarhreyfingar sem berjast gegn
kjarnorkuvopnum í höfunum og
herskipaheimsóknum.
Ingibjörg sagði að Samtök her-
stöðvaandstæðinga leggðu
áherslu á það í sínu starfi, að bar-
áttan gegn vígbúnaði í höfunum
væri brýnt hagsmunamál verka-
manna og sjómanna í sjávarpláss-
um um allt land og þó sér í lagi
sjómanna. Hún taldi að íslenskir
sjómenn væru talsvert farnir að
íhuga þessi mál og samhengi
þeirra, enda mikilvæg hagsmuna-
mál þeirra.
Að sögn Ingibjargar hafa írskir
og skoskir sjómenn hvað eftir
annað lent í því að kafbátar hafa
dregið þá niður í djúpin, ef þeir
hafa ekki verið svo lánsamir að
geta klippt veiðarfæri sín laus.
í bandarísku herstöðinni Holy
Nýr Dagfari
komin út
Dagfari, tímarit Samtaka her-
stöðvaándstæðinga er nýlega
komið út. Meðal efnis má nefna:
Herstöðvamálið í íslenskum
kvikmyndum eftir Árna Hjartar-
son, um glataða æru Stefáns Jó-
hanns Stefánssonar eftir Árna
Hjartarson og Jón Torfason, við-
tal við Ingibjörgu Haraldsdóttur
formann samtakanna um nokkur
lykilatriði herstöðvamálsins
undir heitinu, Rússarnir koma.
Þá skrifar Ragnar Karlsson um
herstöðvamálið í kastljósi fjöl-
miðlana, og fleira efni er í ritinu.
loch, nærri Glasgow hefur hvað
eftir annað sannast, að komið
hefur verið með laskaða kafbáta
eftir slík slys. Ingibjörtg kvað
mjög virkt samstarf milli sjó-
mannasamtakanna og friðar-
hreyfinga þarna í Skotlandi enda
líf og limir sjómanna í húfi.
Að lokum vildi Ingibjörg
undirstrika að baráttan gegn
hernum og Nato væri aldrei þýð-
ingarmeiri en einmitt nú. Vax-
andi hernaðaruppbygging hér á
landi muni leiða til vaxandi víg-
búnaðar á höfunum. Þannig
haldist allir þættir málsins í hend-
ur, baráttan gegn hernum og
Nato er barátta gegn auknum víg-
búnaði á höfunum.
Klerkur
heldur
norður
írskur klerkur og mótorhjól-
aunnandi hyggst leggjast í ferða-
lög til þess að afla fjár til bygging-
ar félagsheimilis í sókn sinni.
Séra Michael Murphy er 35 ára
gamall og hefur ferðast víða.
Hann vonast til þess að safna um
1.600 þúsund krónum með því að
aka 8.000 kílómetra leið frá'
Kilmacanogue á suðaustur ír-
landi að nyrstu annesjum Nor-
egs.
Hann kveðst ætíð ferðast á
mótorhjóli og hafa komið til allra
heimsálfa utan Rómönsku Am-
eríku. Hann mun halda af stað
þann 26.júní næstkomandi og
hyggst skyggnast um norðurslóð-
ir í birtu miðnætursólar tveim
vikum síðar. Reuter/-ks.