Þjóðviljinn - 31.05.1988, Page 15

Þingflokkur Alþýðubandalagsins
Hvað komst í gegn?
Frá hafrannsóknum til ósonlagsins
Eitthundrað fimmtíu
og níu
Talan 159 segir ekki margt en
sýnir þó að talsvert hefur verið
starfað, því þetta er sá fjöldi mála
sem þingflokkur Alþýðubanda-
lagsins hefur tekið upp á þinginu í
vetur. Það er þar sem þingmenn
flokksins hafa verið fyrstu flutn-
ingsmenn, reyndar oft og iðulega
í samvinnu við aðra þingmenn.
Þegar þinglausnir fóru fram mið-
vikudaginn 11. maí kom fram að
19 þessara mála fengu einhvers
konar þinglega afgreiðslu. Er það
líklega sjaldgæft að stjórnarand-
stöðuflokkur fái jafnmörg þing-
mál afgreidd, 18 mál voru af-
greidd með jákvæðum hætti, en
eitt var fellt.
Hér verður rakin afgreiðsla
nokkurra þessara mála.
Breyting á lögum um al-
mannatryggingar
Að venju fluttu þingmenn Al-
þýðubandalagsins í vetur mörg
þingmál sem snerta lífskjör aldr-
aðra og öryrkja. Sem dæmi má
nefna tvö frumvörp:
Fyrst frumvarp sem Guðrún
Helgadóttir og fleiri fluttu um
hækkun sjúkradagpeninga og af-
nám skerðingar sjúkradagpen-
inga einstæðra mæðra. Fyrri
hluta tillögunnar var vísað til
ríkisstjórnarinnar, en síðari hluti
tillögunnar var samþykktur.
Samkvæmt frumvarpinu sem
samþykkt var hefur verið felld
niður skerðing sjúkradagpeninga
einstæðra mæðra vegna mæðra-
launa.
Síðan skal nefnt hér frumvarp
sem Svavar Gestsson flutti á
þinginu í vetur í sjöunda sinn!
Hér er um að ræða frumvarp sem
gerir ráð fyrir því að draga úr úr-
skurðarvaldi tryggingayfirlækn-
is. Frumvarpið var ekki sam-
þykkt en það fékk nú loksins
þinglega afgreiðslu og var vísað
til ríkisstjórnarinnar með já-
kvæðum hætti þannig að þingið
féllst á grundvallaratriðið í þess-
ari tillögugerð.
Eitt lagafrumvarp þingflokks
okkar var samþykkt svo að segja
óbreytt. Það varð að Iögum á síð-
asta degi þingsins, lög sem
ákveða að heimila fjármálaráð-
herra að fella niður söluskatt af
tryggingaiðgjöldum öryrkjabíla.
Flutningsmenn voru Margrét
Frímannsdóttir og aðrir þing-
menn flokksins í efri deild.
Átak í umhverfismálum
Þegar litið er yfir samþykktar
tillögur þingmanna Alþýðu-
bandalagsins frá vetrinum 1987-
1988 sést að umhverfismál hafa
fengið afgreiðslu í formi 5 þings-
ályktana sem samþykktar voru
eða var vísað með jákvæðum
hætti til ríkisstjórnarinnar.
Samþykkt var tillaga Guðrún-
ar Helgadóttur, Skúla Alexand-
erssonar og Steingríms J. Sigfús-
sonar um blýlaust bensín.
Samþykkt var tillaga Hjörleifs
Guttormssonar og 5 annarra
þingmanna um mótmæli við
kjarnorkuendurvinnslustöðinni í
Dounreay.
Þá var samþykkt að vísa til
ríkisstjórnarinnar tillögu Álf-
heiðar Ingadóttur og tveggja
annarra þingmanna Alþýðu-
bandalagsins um verndun óson-
lagsins.
Þá ber að nefna að samþykkt
var tillaga Ragnars Arnalds og 6
annarra þingmanna - úr öllum
flokkunum - um hávaðamengun.
Loks ber að geta þess að sam-
þykkt var tillaga Hjörleifs Gutt-
ormssonar og 5 annarra þing-
manna úr öllum flokkum um
akstur utan vega.
Viðskiptabann á Suður-
Afríku — loksins
Utanríkismál voru veigamikill
þáttur í starfi þingflokksins í vet-
ur svo sem endranær. Yfirleitt
hafa sjónarmið okkar í utanríkis-
málum verið minnihluta sjón-
armið á Alþingi. Þó fór svo í vet-
ur að tvö mál hlutu afgreiðslu,
auk tillögunnar um Dounreay
sem áður hefur verið getið í
tengslum við umhverfismálin.
Þessi mál eru:
Steingrímur J. Sigfússon og
aðrir þingmenn Alþýðubanda-
lagsins lögðu fram snemma
vetrar fyrirspurn um Suður-
Afríkumálið. í kjölfar þess fylgdi
svo tillaga til þingsályktunar um
viðskiptabann á Suður-Afríku.
Tillögunni var vísað til utanríkis-
málanefndar. Þaðan kom síðan
frumvarp til laga um viðskipta-
bann á Suður-Afríku sem tekur
gildi frá og með næstu áramótum
eins og kunnugt er. Þar hefur
unnist mikill málefnalegur sigur.
Þá fluttu Steingrímur J. Sigfús-
son og 5 aðrir þingmenn - úr
öllum flokkum - tillögu til þings-
ályktunar um samvinnu Islands,
Færeyja og Grænlands á sviði
markaðsmála. Tillagan var sam-
þykkt samhljóða á fundi Samein-
aðs alþingis, miðvikudaginn 11.
maí.
Atvinnu- og
byggðamál
Að venju fluttu þingmenn
flokksins í vetur fjölmörg mál
sem snerta atvinnu- og byggða-
þróun í landinu. Fá þessara mála
hlutu afgreiðslu þar sem flest
þeirra ganga í grundvallarat-
riðum í berhögg við stjórnar-
stefnuna. Þó fengust nokkur mál
afgreidd sem hér skipta miklu
máli:
Samþykkt var tillaga Margret-
ar Frímannsdóttur um ráðstafan-
ir til þess að lækka raforkukostn-
að í gróðurhúsum.
Þá var samþykkt tillaga frá
Hjörleifi Guttormssyni og þing-
mönnum úr öllum flokkum um
haf- og fiskirannsóknir.
Þá var samþykkt tillaga frá
Hjörleifi Guttormssyni um at-
hugun á flugfargjöldum.
Og vísað var til ríkisstjórnar til-
lögu til þingsályktunar um sam-
ræmingu áætlana á sviði sam-
göngumála og mannvirkjagerð-
ar.
Öryggi - menntun -
lýðræði
Þá verður að lokum getið fjög-
urra mála sem öll snerta mikil-
væga þætti samfélagsins:
Samþykkt var tillaga frá Guð-
rúnu Helgadóttur og fjórum öðr-
um þingmönnum um notkun
síma í bifreiðum - mikilvægt ör-
yggisatriði.
Þá var samþykkt tillaga frá
Guðrúnu Helgadóttur um könn-
un á stöðu handmenntakennslu í
grunnskólanum eftir gildistöku
laga um grunnskóla, nr. 63/1974.
Og loks lýðræðið og skoðana-
myndunina:
Samþykkt var tillaga frá
Steingrími J. Sigfússyni og fimm
öðrum þingmönnum - úr öllum
flokkum - urn setningu laga og
reglna um skoðanakannanir.
Og vísað var til ríkisstjórnar-
innarfrumvarpi Ragnars Árnalds
um breytingu á kosningalögun-
um sem gerir ráð fyrir því að fram
geti farið á grundvelli laga sam-
eiginlegt forval allra stjórnmála-
afla sem velja menn á framboðs-
lista fyrir hverjar alþingiskosn-
ingar.
Hér hafa verið nefnd þau 18
þingmál sem einhverja afgreiðslu
hlutu - ónefnt er þá 141 mál. Þar
af var eitt að vísu afgreitt en því
miður ekki samþykkt - þeldur
fellt: Það var tillaga til þings-
ályktunar um vantraust á ríkis-
stjórn Þorsteins Pálssonar.
Reykjavík, 24. maí 1988
Þingflokkur
Alþýðubandalagsins
Þriðjudagur 31. maí 1988 ÞJÓÐVILJINN - SÍÐA 15
ALÞÝÐUBANDALAGIÐ
Höfn - Djúpivogur
Opnir fundir
Hjörleifur Margrét
Alþingismennirnir Hjörleifur Guttormsson og Margrét Frímannsdóttir ræða
þjóðmálin og störf Alþingis:
á Höfn, Hornafirði þriðjudaginn 31. maí í Miðgarði kl. 20.30.
Á Djúpavogi miðvikudaginn 1. júní í Félagsmiðstöðinni kl. 20.30.
Allir velkomnir. Alþýðubandalagið
Skúli
Gunnlaugur ólöf
Akranes - Búðardalur
Þingmálaspjall
Skúli, Gunnlaugur og Ólöf verða til viðtals um þjóðmálin í Dalabúð, Búðar-
dal, þriðjudagskvöld frá kl. 20.30. Alþýðubandalagið
Sumarferð ABR
Merktu við á almanakinu núna strax! - 3. júlí
Sunnudaginn 3. júlí verður farin hin árlega sumarferð Alþýðubandalags-
ins í Reykjavík.
Aðalviðkomustaðir: Borg á Mýrum/Brákarsund (sögusvið Egilssögu),
Straumfjörður á Mýrum þar sem Pour-quoi-pas? fórst, Hítardalur.
Félagar athugið, ferðin verður ódýr, það verður farið á staði sem þú hefur
sjaldan eða aldrei séð og leiðsögumenn verða að sjálfsögðu með þeim
betri. Nánar auglýst síðar. Undirbúningsnefnd
Sumardvöl á Laugarvatni
Hinar sívinsælu sumarbúðir Alþýðubandalagsins á Laugar
vatni verður í sumar vikuna 18. - 24. júlí.
Umsjón verða í höndum Margrétar Frímannsdóttur og Sigríðar Karlsdóttur.
Allar nánan upplýsingar í síma 17500.
Alþýðubandalagið í Reykjavík
Byggðamál
Opinn umræðufundur um byggðamál verður haldinn
miðvikudaginn 1. júní kl.20.30 að Hverfisgötu 105.
Svanfríður Jónasdóttir varaformaður Alþýðu-
bandalagsins hefur framsögu og borgarfulltrúar
mæta á fundinn.
Alþýðubandalagið Akureyri
Aðalfundur bæjarmálaráðs
Aðalfundur bæjarmálaráðs verður haldinn nk. mánudag 6. júní kl. 20,30 í
Lárusarhúsi.
Dagskrá: 1. Yfirlit yfir störf ráðsins frá sl. ári og umræður um stöðu bæjar-
mála á miðju kjörtímabili. 2. Kosning stjórnar í bæjarmálaráð. 3. Dagskrá
bæjarstjórnarfundar 7. júní nk. 4. Önriur mál.
Allir félagar velkomnir. Þeir félagar sem starfa í nefndum og ráðum eru
sérstaklega hvattir til að mæta. Stjórnin.
Menningarnefnd AB
Fundur miðvikudaginn 1. júní kl. 17 að Hverfis-
götu 105.
Ráðstefna um byggðamál
Dalvík 10.-12. júní 1988
Alþýðubandalagið boðar til ráðstefnu um byggðamál á Dalvík 10. - 12. júní
n.k.
Ráðstefnan hefst kl. 14.30 föstudaginn 10. júní og er áætlað að henni Ijúki
síðdegis sunnudaginn 12. júní.
Dagskrá:
Föstudagur 10. júnf
Kl. 14.30 Framsöguerindi
Umræður
Kl. 19.00 Fariö til Hríseyjar. Eyjan skoðuð og snæddur kvöldverður.
Laugardagur 11. júni
Kl. 09.00 Framsöguerindi
Umræður
Kl. 16.00 Skoðunarferð um Dalvík - söfn og fyrirtæki.
Snætt á Grund í Svarfaðardal. Þátttakendum kenndur svarf-
dælskur mars.
Sunnudagur 12. júní
Kl. 09.00 Sundskálaferð
Kl. 10.30 Hópavinna - skil og umræður
Eftirtaldir hópar starfa:
I Stjórnkerfið og þjónusta
II Atvinnumál og þjónusta
III Menning og viðhorf
IV SÍS og kaupfélögin.
Ráðstefnunni lýkur síðdegis.
Gisting verður í heimavist Dalvikurskóla (Sumarhótel).
Allar nánari upplýsingar veita Svanfríður Jónasdóttir I síma 96-61460 og
Þóra Rósa Geirsdóttir í síma 96-61411. Þær taka einnig við þátttökutilkynn-
ingum.
Nánar auglýst síðar Alþýðubandalagið