Þjóðviljinn - 31.05.1988, Blaðsíða 16
—SPURNINGIN—
Er rétt aö íslendingar slíti
stjórnmálasambandi við
S-Afríku?
Gunnar Guðmundsson
verslunarmaður:
Nel, alls ekki. Það þjónar engum
tilgangi. Meiri einangrun leiðir
bara til meiri kúgunar.
Jóhann Jónsson
afgreiðslumaður:
Já, jafnvel þó aö það hafi engin
áhrif á stjórnvöld S-Afríku, þá
myndi það sýna stuðning okkar
við málefni blökkumanna.
Björn S. Baldursson
sendibílstjóri:
Nei, við eigum ekki að vera að
skipta okkur af málefnum ann-
arra þjóða.
Ásdís Runólfsdóttir
símavörður:
Já, ef það myndi verða til að
styðja málstað svartra í landinu.
Viðskiptabann þjónar hins vegar
litlum tilgangi.
Sigurður Arinbjörnsson
flugvirki:
Já, það er sjálfsagt að sýna af-
stöðu okkar til ástandsins þar
með því, þó afstaða okkar skipti
sjálfsagt ekki miklu máli.
þJÓÐVIUINN
Þriðjudagur 31. maí 1988 121. tbl. 53. árg.
Yfirdráttur
á tékkareikninga
launafólks
SAMVINNUBANKI
ÍSLANDS HF
Kvennaathvarfskonur ætla að vinna gegn kynferðislegri misnotkun á börnum með fræðslustarfi. Her kynna þær nýútkominn bækling: Petta
er líkaminn minn.
Kvennaathvarf
Þetta er líkami minn
Andœft gegn kynferðislegri misnotkun á börnum.
Nýr frœðslubœklingur gefinn út
„Þetta er líkami minn“ heitir
ný bók gefín út af barnahóp Sam-
taka um kvennaathvarf. Bókin er
ætluð börnum á leikskólaaldri 3-
6 ára og er hugsuð sem hjálpar-
gagn fyrir foreldra, fóstrur,
kennara og aðra þá sem sinna
uppeldi barna.
Kvennaathvarfskonur leggja
mikla áherslu á fyrirbyggjandi
hlutverk bókarinnar. Þær vekja
athygli á 48. gr. barnaverndar-
laga. Samkvæmt henni getur sá,
sem verður vitni að líkamlegri
eða kynferðislegri misnotkun á
börnum en tilkynnir það ekki
réttum yfirvöldum, átt yfir höfði
sér allt að tveggja ára fangelsi
Kynna á þessa bók sem víðast
og er að því stefnt að koma henni
á allar dagvistarstofnanir. Munu
borg og ríki hafa keypt allstórt
upplag af bókinni. Utgefendur
leggja áherslu á að að bókin veröi
notuð til kennslu í Fósturskólan-
um.
í bókinni er ávarp til foreldra
og segir þar að kynferðisleg ár-
eitni sé glæpur sem til skamms
tíma var ekki ræddur við börn.
Foreldrar veigri sér við að tala
um þetta efni við börn sín, en
athuganir sýni að börn sem feng-
ið hafi fræðslu í þessum efnum,
séu betur í stakk búin til að kom-
ast hjá áreitni.
Fljótlega eftir stofnun kvenna-
athvarfsins 1982 varð ljóst að
mikill fjöldi barna fylgdi mæðr-
um er þangað komu. 1983 var
stofnaður barnahópur sem ætlað
var að veita börnunum í athvarf-
inu styrk. Með árunum hafa
verkefni barnahópsins aukist og
hafa í auknum mæli beinst að
öllum börnum í þjóðfélaginu og
hvernig beita megi fyrirbyggjandi
aðgerðum til að draga úr líkam-
legri og kynferðislegri áreitni við
börn.
-gjh
Símaskráin
fossar út
Nýtt og breytt útlit. Afhending hafin.
Farsímar orðnir5500
Gullfoss brosir framan í notcndur nýju símaskrár-
innar sem nú er byrjað að afgreiða hjá Pósti og síma,
en svæðisskipta íslandskortið er þó enn á forsíð-
unni.
Símaskráin er 832 blaðsíður, 64 síðum fleira en í
fyrra og hún er gefin út í 145 þúsund eintökum að
þessu sinni.
Nýja skráin tekur gildi 6. júní n.k. að öðru leyti en
því að númerabreytingar á svæðum 98 og 99 verða
nokkrum dögum síðar. Hægt er að fá símaskrána
afhenta á póst- og símstöðvum um land allt næstu
daga gegn framvísun sérstakra afhendingarseðla
sem póstlagðir hafa verið.
Af skráðum farsímum í símaskránni sést að lands-
menn eiga orðið um 5500 slík tæki. _,;þ
Haraldur Haraldsson hjá Pósti og síma, umkringdur
stöflum af nýju símaskránni. Mynd -E.ÓI.