Þjóðviljinn - 01.06.1988, Blaðsíða 1

Miðvikudagur 1. júní 1988 122. tölublað 53. árgangur
Ný bráðabirgðalög
Lögboðnar orðskýringar
Ný bráðabirgðalög sett ígœr. Útskýringará 10 daga gömlum bráðabirgðalögum. Ríkisstjórnin neyðist til að
viðurkenna hroðvirknisleg vinnubrögð sín. Hliðarráðstafanirvið gengisfellinguna vefjastfyrir ráðherrum
Samkvæmt nýjustu bráða-
birgðalögum ríkisstjórnarinnar
skal með orðinu „fjárskuldbind-
ingar“ í bráðabirgðalögum frá 20.
maí s.l. átt við „sparifé og
lánsfé". Með þessari lögbundnu
orðskýringu hefur ríkisstjórnin
reynt að höggva á þann rembi-
hnút sem hún reið fyrir 10 dögum
með setningu bráðabirgðalaga
um efnahagsráðstafanir samhliða
gengisfellingu krónunnar.
í fyrri bráðabirgðalögum var
bannað að verðtryggja nýjar fjár-
skuldbindingar til skemmri tíma
en tveggja ára. Fljótlega eftir að
ríkisstjórnin tók þá ákvörðun
fóru menn að velta því fyrir sér
hvort ekki mætti lengur reikna
verðbætur á innistæður á banka-
reikningum og hvort vísitölubæt-
ur á verksamninga yrðu ólögleg-
ar. Yfirlýsingum ráðherranna í
fjölmiðlum bar ekki saman.
Steingrímur Hermannsson sagði
að ekki hefði staðið til að banna
verðbætur á sparifé „strax“ en
Þorsteinn Pálsson sagði að
auðvitað hefði ráðherrunum ver-
ið fuliljóst hvað þeir voru að sam-
þykkja.
Samkvæmt nýjustu bráða-
birgðalögunum er enn ítrekað
bann við verðtryggingu fjár-
hagsskuldbindinga til skemmri
tíma en tveggja ára. En tilgreint
er að með fjárhagsskuldbinding-
um sé átt við „sparifé og lánsfé“
og sagt að þrátt fyrir ákvæði um
bann geti Seðlabankinn auglýst
reglur er leyfi innlánsstofnunum
að greiða verðtryggingu á inni-
stæður. Telja gárungar þetta vera
sönnun þess að endapunktur
hringferils hljóti að vera í upp-
hafspunkti hans.
Hliðarráðstafanir við gengis-
fellingu ætla að verða ríkisstjórn-
inni tafsamar. Enn eru ráðherrar
að tjá sig um ásókn einkaaðila og
ríkisbanka í gjaldeyri dagana
fyrir uppstigningardag. Þykir
sumum þeirra ekkert óeðlilegt að
bankastofnanir hafi grætt rúmar
100 miljónir króna á braski með
erlendan gjaldeyri.
Sjá síðu 3
Grjótaþorp
Ófært fyrir
slökkvilið
Snorri Snorrason:
Ibúarnireru mjög
óánœgðir
„Það er eins gott að hér kvikni
ekki í því slökkvilið kemst ekki
um þorpið. Þeir voru hér með
slökkv„iliðsbíla í síðustu viku og
komust hvergi. Það er skrýtið að
ekkert skuli vera gert til að
tryggja aðkomu slökkviliðsins
þegar það er ljóst að það kemst
ekki að mörgum húsum sem hér
standa,“ sagði Snorri Snorrason
einn íbúanna í Grjótaþorpi í
Reykjavík þegar Þjóðviljinn
spjallaði við hann í gær.
En það eru ekki bara bruna-
varnir sem íbúarnir eru óánægir
með heldur einnig grunnurinn á
Fjalarkattarlóðinni sem hefur
lengi verið þeim þymir í augum
vegna slysahættu og almennra
óþrifa.
Sjá síðu 2
Snorri Snorrason: Slökkviliðið reyndi í síðustu viku að komast Bröttugötuna á stórum bílum en komst hvergi. -Mynd ARI.
Kolbeinseyjarleiðangurinn
Kafbáturínn óbyggður
Dr. Jakob Kristjánsson: Kemur okkur á óvart. Kafbáturinn
ekki notaður. Skerðir mjög gildi leiðangursins. Gerum okkar
besta
Hafnarfjörður
80
ára í dag
Hafnarfjarðarbær á 80 ára af-
mæli í dag og af því tilefni fylgir
sérstakur kálfur Þjóðviljanum.
Meðal efnis þar er að finna viðtal
við Gunnar Rafn Sigurbjörnsson
bæjarritara, farið er með björg-
unarsveitinni Fiskakletti i bjargs-
ig í Krýsuvíkurbjarg og greint er
frá veggskreytingunni utan á
Fiskmarkaðinum. Viðtal er við
höfunda listaverksins, Rúnu og
Gest, sem rekja þessa tilteknu
sköpunarsögu. Auk þessa má
nefna að greint er frá hátíðahöld-
um þeim sem verða í bænum á
afmælisdaginn.
Sjá síðu 9,10,11 og 12
Nú er komið í ljós að kafbátur
sá sem er um borð í þýska ísbrjót-
num Polarstern í leiðangri skips-
ins til Kolbeinseyjar er ótryggður
í Vestur-Þýskalandi þar sem ekki
virðast vera til lög ög reglur um
kafbáta af þessari stærð. Sökum
þessa mun kafbáturinn ekki
verða notaður í leiðangrinum og
skerðir það gildi hans mjög.
Dr. Jakob Kristjánsson einn af
leiðangursmönnunum segir að
þetta hafi komið þeim mjög á
óvart, ekki hvað síst Þjóðverjun-
um um borð sem vissu ekki betur
en að allt væri í stakasta lagi með
tryggingar bátsins. Kafbáturinn
er í láni frá Max Planck stofnun-
inni sem tryggir bátinn í Bret-
landi en þar sem hann er hluti af
búnaði ísbrjótsins verður hann að
vera tryggður í Þýskalandi svo
hann megi nota út frá skipinu.
„Þótt við getum ekki notað
kafbátinn munum við gera okkar
besta í þessum leiðangri til að
safna gögnum. Skipið er vel útbú-
ið með fjarstýrðri neðansjávar-
kvikmyndavél og munum við
kanna sjávarbotninn á þessum
slóðum með henni og taka sýni úr
sjónum og af botninum." segir
Dr. Jakob.
Er Þjóðviljinn ræddi við Dr.
Jakob um borð í Polarstern í gær-
dag var skipið statt um 3 mílur út
af eynni, bræla var á þessum slóð-
um, 7 vindstig en þurrt en skipið
er svo stórt og ristir það djúpt,
eða 30 metra, að það haggaðist
ekki í þessu veðri.
-FRI