Þjóðviljinn - 01.06.1988, Blaðsíða 16

Ásta Eyjólfsdóttir
Mér finnst þetta vera heldur Ijótt
að sjá. Það ætti að gera þær kröf-
ur til þess sem hér ætlar að fara
að byggja að hann geri eitthvað
strax.
Egill Einarsson
Mér er nú eiginlega alveg sama.
Þetta er ekki svo slæmt, ekki það
versta sem maður sér.
—SPURNINGIN—
Hvaö finnst þér um
sóðaskapinn hér í grunn-
inum í Aðalstræti?
Konní Arthúrsdóttir
Það er ekki fallegt að sjá þetta.
Mér finnst að þeir sem bera
ábyrgð á þessu ættu að gera
eitthvað til að þetta líti betur út.
Hrafn, 10 ára
Þetta er Ijótt að sjá. Mér finnst að
hér ætti að hreinsa til.
Sigurður Sigurjónsson
Þetta er nú ekki gott. Hér þarf
bara að drífa í að byggja. En al-
mennt finnst mér umgengnin góð
hér í bænum.
þjómnuiNH
Miðvikudagur 1. júní 1988 122. tölublað 53. örgangur
Yfirdráttur
á téKKareiKninga
launafólKs
SAMVINNUBANKI
ÍSLANDSHR
Þróunaraðstoð
Kaffi í áskríft
Hafinn er innflutningur á kaffifrá Nicaragua og Tanzaníu. 60% söluverðmætisins
beint til bœnda. Grœningjar og Mið-Ameríkunefndin sjá um innflutninginn
Það má segja að þessi innflutn-
ingur sé hugsjónastarf. Með þess-
um móti tökum við ábyrgð sjálf á
þeirri þróunaraðstoð sem við viij-
um inna af hendi, sögðu þeir Da-
víð Jónsson frá Samtökum græn-
ingja og Sigvarður Ari Huldars-
son frá Mið-Ameríkunefndinni,
þegar þeir kynntu blaðamanni
kaffí sem þeir flytja inn frá Nicar-
agua og Tanzaníu.
- Með þessu móti tryggjum við
að þeir bændur sem rækta kaffi í
löndum þriðja heimsins fá 60%
söluverðmætisins í stað innan við
20% ef þeir seldu kaffið beint til
stóru kaffidreifingarfyrirtækj-
anna sem ráða sjálf markaðs-
verðinu, sögðu þeir félagarnir og
bættu við að hingað til lands
kæmi kaffið frá hollenska fyrir-
tækinu “Ideele Import" sem hef-
ur sérhæft sig í innflutningi á
margs konar vörum frá löndum
þriðja heimsins. í Hollandi er
kaffið malað og því pakkað í
neytendapakkningar, hingað
komið er það örlítið dýrara en
venjulegt kaffi.
- Þetta er fyrsta flokks kaffi,
það er ekki blandað með ódýru
og lélegu kaffi eins og svo algengt
er. Þetta er ekta Arabica kaffi,
sögðu þeir Davíð og Sigvarður
þegar þeir ásamt blaðamanni
biðu eftir að kaffivélin lyki við að
hella upp á. Kaffinu ætla þeir að
dreifa í gegnum áskrift, fyrst um
sinn. Hægt verður að skrifa sig
fyrir ákveðnu magni á mánuði.
Einnig hyggjast þeir félagamir
dreifa kaffinu í fyrirtæki og versl-
anir.
- Móttökurnar hafa verið
mjög góðar, við erum búin að fá
rúmlega 1600 pakka og vonumst
eftir að geta aukið magnið veru-
lega á næstunni þegar dreifingin
verður komin á fullt. íslendingar
eiga örugglega eftir að kunna vel
við þetta kaffi. Undir þá skoðun
þeirra Sigvarðar og Davíðs getur
blaðamaður tekið eftir að hann
var búinn að renna niður bragð-
sterku kaffi frá Tanzaníu og Nic-
aragua með þeim félögum.
-sg
Sigvarður Ari Huldarsson og Davíð Jónsson standa fyrir innflutningi á kaffi frá Tanzaníu og Nicaragua
og með því móti tryggja þeir að bændurnir fá í sinn hlut 60% af söluverðmæti kaffisins. Mynd -EÓI.
íþrótta- og tómstundaráð Reykjavíkur
Dýravinir
Hópíþróttum mismun-
að eftir kynjum
Úthlutað úr afreks-og styrktarsjóði: Karlalið fengu300
þúsund krónur en kvennalið aðeins 150þúsund. Fulltrúar
Alþýðubandalags og Kvennalista ósammála og létu bóka
harðorð mótmœli
Á fundi íþrótta- og tómstunda-
ráðs Reykjavíkur í síðustu viku
var felld tillaga sem fulltrúar Al-
þýðubandalags og Kvennalista
lögðu fram í ráðinu um að jafnhár
styrkur verði veittur fyrir unnin
afrek hvort sem um karla- eða
kvennaíþrótt er að ræða í hóp-
íþróttum. Á dagskrá var úthlutun
úr afreks- og styrktarsjóði ráðsins
fyrir unnin afrek á síðasta ári og
hlutu alls 17 aðilar styrkveitingu.
Karlalið fengu 300 þúsund krón-
ur en kvennalið aðeins 150 þús-
und.
Fulltrúar minnihlutaflokkanna
í ráðinu lögðu fram þá tillögu að
hver hópur fengi úthlutað 250
þúsund krónum með þeim rök-
stuðningi að þarna væri upplagt
tækifæri fyrir íþrótta- og tóm-
stundaráð að sýna í verki að afrek
kvenna væru iafnhátt metin og
afrek karla. Á þetta sjónarmið
vildi meirihluti ráðsins ekki fall-
ast og komst að þeirri niðurstöðu
að hópíþróttir kvenna væri ekki
hægt að meta nema til hálfs við
karla. Útkoman varð því sú að
karladeildir þeirra félaga sem
styrk fengu vegna unninna afreka
á síðasti ári fengu 300 þúsund
krónur en kvennadeildir félag-
anna aðeins 150 þúsund krónur.
Að sögn Tryggva Þórs Aðal-
steinssonar lögðu fulltrúar minni-
hlutaflokkanna fram bókun á
fundinum þar sem þessu kynja-
misrétti var harðlega mótmælt og
jafnframt að svona vinnubrögð
væru ekki til þess fallin að hvetja
konur til þátttöku í hópíþróttum
til jafns á við karla.
-grh
Ekkert
vinaát!
Dýravinir um gervalla heims-
byggðina hafa ákveðið að fara
þess á leit við keppendur á ól-
ympíuleikunum í Seoul, höfuð-
borg Suður-Kóreu, að þeir leggi
sitt lóð á vogarskálarnar í barátt-
unni fyrir því að gestgjafarnir
hætti að éta hunda og ketti.
Dýravinirnir hyggjast bjóða
íþróttaköppunum með sér á
markaði þar sem hundar og kettir
ganga kaupum og sölum til
manneldis.
Dave Dawson, alþjóðlegur
dýravinur, hefur orðið: „Það sem
á sér stað í Suður-Kóreu er glæp-
ur gegn mannúð. í flestum
löndum væru menn lokaðir á bak
við lás og slá fyrir þetta. Hundar
og kettir eru gæludýr, traustir og
elskulegir vinir manna. Það er
óheyrt að menn komi svona fram
við vini sína; matreiði þá og snæði
af hjartans lyst.
Reuter/-ks.