Þjóðviljinn - 04.06.1988, Blaðsíða 12
Listahátíð 1988
Listahátíð 1988
Listahátíð 1988
Listahátíð 1988
Listahátíð
Maóurínn
í forgmnni
Sýning að Kjarvalsstöðum
5.júní-10. júlí
Á Listahátíð 1988 verður
brugðið ljósi á manninn í ís-
lenskri myndlist og litið á hvernig
íslenskir myndlistarmenn hafa
málað og mótað, túlkað og tjáð
myndefnið „Maðurinn'* í mis-
munandi formgerðum og stíl.
Sýningin sem haldin verður að
Kjarvalsstöðum fjallar um hvern-
ig fígúran birtist í verkum ís-
lenskra listamanna - málara og
myndhöggvara - síðastliðna tvo
áratugi.
Ákveðið var að reyna að halda
sýningunni að mestu innan tíma-
marka tveggja áratuga (1965-
1985); þetta hefur þó reynst
nokkrum vandkvæðum bundið
og við úrvinnslu hefur verið hliðr-
að til og tekin með bæði eldri og
yngri verk, í þeirri trú að þau auki
styrk sýningarinnar og gefi henni
heillegri mynd. Hér má einnig
nefna, að þessi sýning telst liður í
sögulegum yfirlitssýningum á
vegum Menningarmálanefndar
Reykjavíkurborgar, og er á viss-
an hátt hugsuð sem framhald af
abstraktsýningunni sem haldin
var að Kjarvalsstöðum í byrjun
árs 1987.
Þegar byrjað var að velja
myndir á sýninguna kom fljótt í
ljós að í raun er listasagan oftast
lagskipt. Á þeim tíma, sem fram
koma afgerandi breytingar í ís-
lenskri myndlist og fígúran öðlast
meira rými um miðjan 7. áratug-
inn, voru einmitt nokkrir af eldri
listamönnum þjóðarinnar, svo
sem þeir Jóhannes Kjarval,
Eiríkur Þorvaldsson listfræðingur við verk eftir Þorbjörgu Pálsdóttur.
Gunnlaugur Scheving og Jóhann
Briem, á hátindi ferils síns sem
fígúratífir listmálarar. Það varð
því samdóma álit sýningarnefnd-
arinnar að sýna ákveðið sam-
hengi í fígúratífri myndlist á fs-
landi.
En jafnframt voru valin til sýn-
ingar verk eftir helstu listamenn,
sem haft hafa manninn að megin
myndefni sínu á þessu tímabili,
og með fáeinum verkum reynt að
sýna þróunina í list þeirra. Alls
eru hér rúmlega 130 verk eftir 47
listamenn, og eiga listamenn og
fjölmargir eigendur einstakra
listaverka þakkir skildar fyrir að
lána verk sín á sýninguna.
Sýningin verður opnuð sunnu-
daginn 5. júní kl. 14, og stendur
til 10. júlí.
MENNING
Umsjón: Lilja Gunnarsdóttir
Áttrœður snillingur
Grappelli!
Djasstónleikar í Háskólabíói á mánudagskvöldið
Stephane Grappelli, franski
djassfiðlarinn frægi sem ætlar að
halda tónleika í Háskólabíói á
mánudagskvöldið, er fæddur í
París í janúar 1908, og varð því
áttræður á þessu ári.
Hann eignaðist sína fyrstu fiðlu
þcgar hann var tólf ára og lærði
að leika eftir eyranu, var ráðinn
til að spila í kvikmyndahúsi
tveimur árum seinna, lærði að
lesa nótur og kenndi sjálfum sér á
píanó.
f byrjun fjórða áratugarins
kynntist hann Django Reinhardt,
og þá hófst samstarf sem stóð til
ársins 1953, með fimm ára hléi á
meðan á seinni heimsstyrjöldinni
stóð, en þá varð Grappelli inn-
lyksa í Bretlandi. Þeir eiga
heiðurinn af því að koma djassin-
um á framfæri í Frakklandi, auk
þess sem þeir stofnuðu fyrsta
djasskvintettinn sinnar tegundar,
en það voru fiðlan, þrír gítarar og
bassi.
Django Reinhardt lést árið
1953, en Grappelli hélt áfram að
spila djass, og hefur leikið víða
um heim, svo sem í Ástralíu,
Bandarfkjunum, Japan og á Nýja
Sjálandi. Hann hefur leikið með
færustu tónlistarmönnum heims
og spilað inn á plötur með meðal
annars Yehudi Menuhin, Oscar
Peterson, Duke Ellington, Ba-
den Powell, Earl Hines og Gary
Burton.
Honum dettur ekki í hug að
draga sig í hlé, í viðtali við Rol-
ling Stone sagði hann meðal ann-
ars: „Tónlistin er mér allt. Hún er
lífsgleði mín og veitir mér þá
ánægju að hræra áheyrendur á
öllumaldri. Þarað aukigefurhún
mér endalaus tækifæri til að ferð-
ast, og því hef ég mikinn áhuga á.
Ég hef líka gaman af því að hitta
ungt fólk, tala við það og fylgjast
með í því sem er að gerast, því
morgundagurinn ákvarðast í dag.
Ég er næstum því viss um að ég
held áfram að spila til dauðadags.
Tónleikarnir í Háskólabíói
hefjast kl. 20:30. Með Grappelli
spila bassaleikarinn Jack Sewing
og gítarleikarinn Marc Fossit.
Uppselt er á tónleikana en ósótt-
ar pantanir verða seldar á mánu-
daginn. lg Stephane Grappelli: Tónlistin er mér allt.
Chagall, konkretlist og Penderecki
Listahátíð sett í Listasafni íslands í dag
Og þá byrjar það, listafylliríið
mikla. Listahátíð 1988 hefst kl.
14:00 í dag með pomp og prakt, -
í Listasafni íslands, eins og vera
ber. Hornaflokkur Kópavogs
leikur fyrir utan á meðan gestir
marsera inn í safnið til að hlusta á
Jón Þórarinsson, formann fram-
kvæmdastjórnar Listahátíðar,
Birgi Isleif Gunnarsson mennta-
málaráðherra sem setur hátíðina,
Beru Nordal, forstöðumann
Listasafnsins sem opnar sýning-
una Norræn konkretlist, og síðast
en ekki síst Vigdísi Finnbogadótt-
ur sem opnar sýninguna á verk-
um Marcs Chagalls.
Næsta hálfa mánuðinn mun
þjóðinni gefast kostur á að velta
sér uppúr menningunni og belgja
sig út af listum af öllum stærðum
oggerðum, litum og lögunum. Þó
fylgir sá böggull skammrifi að
menn verða að eiga fyrir herleg-
heitunum, listin er ekki ókeypis
og er miðaverð á bilinu 990 til
2.200 krónur, en dýrasti dag-
skrárliðurinn mun vera Listahá-
tíðaraukinn svokallaði, tónleikar
Leonards Cohens, sem verða
fyrst þegar mönnum hefur verið
gefið færi á að jafna sig eftir
listneysluna í tæpa viku.
í dag verða opnaðar fjórar
myndlistarsýningar; sýningarnar
2 í Listasafninu, sýning á verkum
Donalds Judds, Richards Longs
og Kristjáns Guðmundssonar í
Nýlistasafninu og sýning á gleri,
keramik og batik í verslun ís-
lensks heimilisiðnaðar. Auk þess
verður opnuð sýningin Gamlar
glæsibækur í Stofnun Árna
Magnússonar, en það eru ljós-
prentaðar útgáfur af handritum
allt frá 5. öld. Síðast á dagskrá
Listahátíðar í dag eru svo tón-
Ieikar Fflharmóníuhljómsveitar-
innar frá Poznan og Fílharmóní-
ukórsins frá Varsjá sem flytja
Pólska sálumessu eftir K. Pend-
erecki undir stjórn höfundar.
Á morgun verða opnaðar tvær
sýningar: Á Kjarvalsstöðum sýn-
ingin Maðurinn í forgrunni, en
það er sýning á íslenskri fígúrat-
ívri list, aðallega frá árunum
1965-1985. í FÍM-salnum verður
opnuð sýning á grafíkverkum
breska listamannsins Howards
Hodgkins. Tvennir tónleikar
verða á morgun: tónleikar Kol-
beins Bjarnasonar flautuleikara,
sem flytur samtímatónlist fyrir
flautu í Listasafni fslands, og tón-
leikar pólsku Fflharmóníuhljóm-
sveitarinnar og kórsins í Háskóla-
bíói.
Á mánudagskvöldið verða tón-
leikar franska djassfiðlarans
Stephanes Grappellis, og jafn-
framt upphafið á Listdjasskvöld-
um í Djúpinu við Hafnarstræti,
en þann hálfa mánuð sem Lista-
hátíð stendur verður leikinn djass
á hverju kvöldi í Djúpinu kl.
22:00-01:00.
Meðal Listahátíðartíðinda í
næstu viku má telja ballettinn Af
mönnum, verðlaunaverk Hlífar
Svavarsdóttur sem íslenski
dansflokkurinn sýnir í Óperunni.
Á sömu sýningu flytur Hamra-
hlíðarkórinn verkið Tíminn og
vatnið, sem Jón Ásgeirsson
samdi við samnefndan kvæða-
bálk Steins Steinarrs. Tvö íslensk
leikrit verða frumsýnd í vikunni,
en það eru Marmari eftir Guð-
mund Kamban og Ef ég væri þú,
eftir Þorvarð Helgason. Sinfóní-
uhljómsveitin heldur tónleika,
fluttir verða fyrirlestrar og opn-
aðar sýningar. Það verður sem
sagt mikið að gera fyrir þá sem
vilja kasta sér fagnandi út í menn-
ingarneysluna þessa fyrri viku
Listahátíðar.
LG