Þjóðviljinn - 07.06.1988, Blaðsíða 3
FRETTIR_______________________
Útvegsmenn
Verðlagsráð út úr kortinu
Oddamaður yfirnefndar reyndi að ginna sjómenn og útgerðarmenn
með óaðgengilegufiskverðstilboði. Helgi Laxdal: Fiskvinnslan hefur
hirt tvœr síðustu gengisfellingar á kostnað sjómanna og útgerðar
Ríkisstjórnin
Stöðugur
minnihluti
Af þeim sem afstöðu tóku í
skoðanakönnun sem birtist í gær
sögðust 56,1% vera andstæðing-
ar ríkisstjórnarinnar, og hefur
ríkisstjórnin aldrei notið meiri-
hlutastuðnings í skoðanakönnun
á þessu ári.
Þótt ríkisstjórnin njóti aðeins
stuðnings tæpra 44% sýnir sama
könnun 57,6% fylgi stjórnar-
flokkanna þriggja. Fjöldi þeirra
sem ekki svarar til um flokkafylgi
er mun meiri en þeirra sem ekki
gefa sig upp um stjórnina, sem
gæti bent til taisverðrar stjórnar-
andstöðu í þeim hópi sem ekki
svarar til um flokka.
í skoðanakönnunum á fyrra ári
voru stuðningsmenn stjórnarinn-
ar í meirihluta þeirra sem svör-
uðu, 54-64%, en í öllum átta
könnunum á þessu ári hefur
meirihluti svarenda lagst gegn
stjórninni.
Það hefur ekki verið rætt form-
iega í stjórn Landssambands
íslenskra útvegsmanna að við
ættum að draga fulltrúa okkur út
úr Verðlagsráði enn sem komið
er. En við stóðum með fulitrúa
sjómanna í að lýsa yfir vantrausti
á Verðlagsráð sjávarútvegsins í
sérstakri bókun þar sem við lýst-
um því yfir að ráðið væri ekki
hæft til að sinna hlutverki sínu,
sagði Sveinn Hjartarsson hag-
fræðingur LÍU og fulltrúi útvegs-
manna í yfirnefnd Verðlagsráðs
við Þjóðviljann.
Sveinn sagði að nú væri útgerð-
in rekin með þó nokkru tapi. Að
meðaltali væru togarar reknir
með 5% tapi en bátarnir með
10% tapi.
Að sögn Sveins Hjartarsonar
voru fulltrúar sjómanna og út-
gerðarmanna búnir að ná óform-
legu samkomulagi við oddamann
yfirnefndar Verðlagsráðs Þórð
Friðjónsson forstjóra Pjóðhags-
stofnunar, um 5,5% fiskverðs-
hækkun strax og 7% í viðbót í
október. Með því að reikna inn í
verðlagsgrundvöllinn aflamagn
og aflasamsetningu ársins var
þetta tilboð Þórðar metið sem
9% hækkun á fiskverði. Þar sem
tilboð oddamanns var bundið því
skilyrði að verðákvörðunin væri
uppsegjanleg frá og með 1. sept-
ember nk. þótti Ijóst að þá um
leið myndi fiskvinnslán segja því
upp og seinni verðhækkunin
mundi því aldrei koma til fram-
kvæmda. Þegar þetta plott Þórð-
ar gagnvart sjómönnum og út-
gerðarmönnum náði ekki fram
að ganga sneri hann við blaðinu
og ákvað að ganga til iiðs með
fulltrúum fiskvinnslunnar sem og
reyndin varð.
Helgi Laxdal varaforseti
Farmanna- og fiskimannasamb-
ands íslands og fulltrúi sjómanna
í yfirnefndinni staðfesti þetta
piott Þórðar í viðtali við Þjóðvilj-
ann. Helgi sagði fiskverðshækk-
unina lýsa vel viðhorfum
stjórnvalda til sjómanna. Hann
sagði að tvær síðustu gengisfell-
ingar hefðu verið gerðar til að
rétta við hag sjávarútvegsins en
þær virtust svo til eingöngu ná
aðeins til fiskvinnslunnar en ekki
til sjómanna né útgerðar sem sí-
fellt yrðu undir í ráðstöfunum
stjórvalda en vinnslan hefði sitt
alltaf á þurru.
Ekki náðist í Þórð Friðjónsson
forstjóra Þjóðhagsstofnunar í
gær þar sem hann er staddur er-
lendis í sumarfríi. -grh
Þyrilvængja Gunnars Brynjólfssonar, flugmóldeláhugamanns, svífur lipurlega yfir flugbraut fyrir
flugmódelavélar, sem vígður var í Hafnarfjarðarhrauni um helgina. Flugbrautin er malbikuð, og nam
kostnaður við gerð „flugvallarins" um 800 þúsund krónum. Hluti félaga í Flugmódelafélaginu stóðu
straum af kostnaði við framkvæmdina. Mynd E.ÓI.
r Álverið
I anda laganna
Forsætisráðherra lœtur kanna lögmœti ál-
verssamninga. Þórarinn VÞórarinsson:
Jafngildir og aðrir samningar
orsteinn Pálsson forsætisráð-
herra hefur farið fram á við
rfkislögmann að hann kanni lög-
mæti nýgerðra kjarasamninga 10
verkalýðsfélaga í álverinu. Fram-
kvæmdastjórn VSÍ hélt fund í
gær þar sem álverssamningarnir
voru samþykktir ásamt 52 öðrum
samningum. Komst fundurinn að
þeirri niðurstöðu að samningarn-
ir við álverið stæðu þar sem þeir
byggðu á undirrituðu tilboði frá
20. maí sl.
Þórarinn V Þórarinsson for-
maður VSÍ segir framkvæmda-
stjóm VSÍ líta þannig á að samn-
ingstilboðið frá 20. maí sé jafngilt
og aðrir samningar gerðir þennan
dag og síðustu daga fyrir bráða-
birgðalög. Þó starfsmenn hefðu
hafnað honum breytti það engu.
„Félagsmenn hafa fullan rétt til
að fjalla um sín mál,“ sagði Þór-
arinn. Það væru líka fordæmi
fyrir svona afgreiðslu; á Akranesi
hefðu menn td. ekki treyst sér til
að samþykkja samninga sem síð-
an voru bornir upp seinna og
samþykktir. „En við gerum okk-
ur grein fyrir að menn gang'a á
þunnum ís í þessum efnum
öllum’," sagði Þórarinn.
Viðbótin sem gerð var við til-
boðið frá 20. maí og felst í
ákveðnu afkastahvetjandi kerfi,
snertir ekki bráðabirgðalögin að
mati Þórarins. „Þetta eru sjálf-
stæðar afkastatengdar greiðslur
en ekki peningar sem koma í va-
sann hvað sem á dynur“.
Örn Friðriksson trúnaðarmað-
ur í álverinu sagði hins vegar í
Þjóðviljanum þann 4. júní sl. að
starfsmenn væru staðráðnir að ná
því marki sem sett hefði verið.
Það hefði tekist áður við svipaðar
aðstæður í álverinu.
-hmp
Flugmenn
Flýta sér hægt
Tafirá innanlandsflugi Flugleiða. Öryggis-
reglur virtar íhvívetna. Flugmenn ósáttir við
bráðabirgðalög. Árangurslausar viðræður í
gœr. Búastmá viðfrekaritöfum
Flugmenn hafa farið sér hægt
við að koma flugvélum Flug-
leiða í háloftin undanfarna daga.
Mikil óánægja ríkir á með flug-
manna með laun og sætta þeir sig
ekki við ákvæði bráðabirgða-
laga. Árangurslaus fundur var
með forsvarsmönnum Flugleiða
og flugmönnum í gær þar sem
Flugleiðir þvertaka fyrir meiri
hækkanir en bráðabirgðalögin
gera ráð fyrir.
í fyrradag raskaðist flug tölu-
vert til ísafjarðar, Akureyrar,
Vestmannaeyja og Húsavíkur
vegna ísingar í lofti. Kristinn
Stefánsson afgreiðslustjóri hjá
Flugleiðum á Reykjavíkurflug-
velli sagði að af þessum sökum
hefði innanlandsflug ekki komist
í eðlilegt horf fyrr en á hádegi í
gær. í allan gærmorgun myndað-
ist mikil örtröð í afgreiðslu Flug-
leiða á Reykjavíkurflugvelli,
enda margir sem áttu bókað flug.
Þögult andóf flugmanna felst
td. í því að þeir eru lengur að lesa
yfir sk. „tékklista" og aka flug-
vélunum hægar eftir flugbraut-
um. Hér virðist þó ekki vera um
skipulegar aðgerðir að ræða þar
sem enginn þeirra flugmanna
sem Þjóðviljinn hitti að máli í gær
kannaðist við að aðgerðir væru í
gangi.
Flugmenn lögðu fram hug-
mynd á lausn kjaradeilunnar á
fundi með forsvarsmönnum
Flugleiða í gær. Flugleiðamenn
höfnuðu þeirra hugmyndum alfa-
rið og bentu á bráðabirgðalögin.
Samkvæmt heimildum blaðs-
ins er reiknað með því að öryggis-
reglumar verði í hávegum hafðar
í dag, þar sem forráðamenn Flug-
leiða eru fastir fyrir og segjast
ekki munu skjóta sér undan
ákvæðum bráðabirgðalaga ríkis-
stjórnarinnar.
-hmp
Sjómenn
Hundsa Verðlagsráð
Eg reikna ekki með því að full-
trúi sjómanna mæti á fund
Verðlagsráðs sjávarútvegsins í
dag þegar fundað verður um
rækju- og hörpudisksverð. Það
verður síðan endanlega gengið
frá því á þingi Sjómannasam-
bandsins í lok september nk.
hvort sjómenn starfi yfirhöfuð
nokkuð frekar f ráðinu að öllu
óbreyttu, sagði Hólmgeir Jónsson
framkvæmdastjóri SSÍ við Þjóð-
viljann.
Mikil og megn óánægja er
meðal sjómanna út um land allt
vegna ákvörðunar yfirnefndar
Verðlagsráðs að hækka ekki al-
mennt Iágmarksfiskverð nema
um tæp 5%. Sjómenn höfðu gert
þá kröfu að fiskverð hækkaði
minnst um 10% í samræmi við
þak bráðabirgðalaganna en
höfðu á undan gert kröfu um
15% hækkun til að halda í við
launaþróun hjá sínum viðmiðun-
arhópum.
Að sögn Gísla Skarphéðins-
sonar, formanns skipstjóra- og
stýrimannafélagsins Bylgjunnar
á ísafirði eru sjómenn vestra ras-
ÞJÖÐVILJINN - SÍÐA 3
andi yfir þessari verðákvörðun og
finnst hún vera svívirðileg aðför
að launakjörum sjómanna. Gísli
sagðist viija ítreka þá skoðun síns
félags frá því fyrr í vetur þegar
fiskverðið var fryst, að fulltrúi
sjómanna ætti ekki lengur að
starfa í Verðlagsráði því starf-
semi þess væri hreinn og klár
skrípaleikur. Þar væru allar fisk-
verðsákvarðanir teknar af ríkis-
valdinu hvort eð er. Sömu sögu
hafði Sævar Gunnarsson formað-
ur sjómanna- og vélstjórafélags
Grindavíkur að segja. Sævar
sagði það eins gott að hafa aðeins
einn mann starfandi í Verð-
lagsráði því það væri deginum
ljósara að hann réði öllu bví sem
þar væri gert. -grh
Fylgiskönnun
Alþýðuflokkur í 8 prósent
Sjálfstæðisflokkurinn nær með
herkjum frammúr Kvenna-
lista í skoðanakönnun sem DV
birti í gær, en helstu tíðindin eru
þó illt gengi Alþýðuflokks í takt
við að Alþýðubandalagið réttir
heldur við eftir lægð í síðustu
könnunum.
Af þeim sem taka afstöðu
styðja 8 prósent Aiþýðuflokkinn,
og er það dauflegasta frammi-
staða krata í öllum könnunum frá
því um kosningar í fyrravor þegar
flokkurinn fékk rúm 15 prósent.
Alþýðubandalagið fær mun
V
meira en kratar, 11,1 prósent
(kosn. 13,3). Framsókn fær
18,6% og heldur sínu striki frá
kosningum (18,9), bætir við sig
frá síðustu könnunum. Sjálfstæð-
isflokkur fær 31 prósent (27,2 í
kosn.) svipað og síðustu mánuði,
meira en Kvennalisti sem þó fær
28,5% (10,1 í kosn.). Borgara-
flokkur virðist heillum horfinn
með 1,9 prósent (kosn. 10,9).
Hlutfall þeirra sem ekki vildu
svara eða kváðust óákveðnir var
39,9, sem er í hærra lagi.
-m