Þjóðviljinn - 09.06.1988, Blaðsíða 13

ERLENDAR FRETTIR
Frakkland
Mitterrand í slaginn
Forsetinn varar við hægri öfgamönnum. Þjóðernissinnar fá lykilinn
að Marseille. Sósialistum spáð naumum meirihluta
Francois Mitterrand skoraði á
kjósendur að styðja frelsi,
jafnræði og virðingu fyrir öðru
fólki.„Þetta þrennt er hornsteinn
franska lýðveldisins. Það er
skylda mín að vara franskar kon-
ur og karla við öllum kosninga-
bandalögum sem virða ekki þessi
grundvallaratriði okkar samfé-
lags,“ sagði Mitterrand í gær.
Fyrir seinni umferð kosning-
anna í Frakklandi hafa sósíalistar
og kommúnistar annars vegar og
kosningabandalag hægri- og
miðjuflokkanna hins vegar gert
með sér samkomulag til að fá eins
marga fulltrúa inn á þingið og
hægt er.
Hægri flokkarnir náðu
samkomulagi við Le Pen, foring-
ja National Front, fyrst og fremst
vegna þess að hann reynir nú að
koma í veg fyrir það með öllum
ráðum að flokkur sinn missi alveg
þau 32 þingsæti sem hann hafði á
franska þinginu. Líklegt er talið
að með þessu móti sé 2-3 þingsæ-
tum bjargað fyrir flokkinn.
Frambjóðendur sósíalista saka
hægra kosningabandalagið (RPR
og UDF) um að hafa selt sálu sína
djáflinum. Víst er að með þessu
hafa hægri flokkarnir afhent .Nat-
iönal Front lykilinn að. hafnar-
borginni Marseille og það þýðir
-að hinir fjölmörgu innflytjendur
þar um slóðir, flestir arabar, eiga
ekki von á góðu.
Sósíalistar skora nú á kjósend-
ur að flykkja sér að baki forseta
landsins, Francois Mitterrand.
Kosningaspár gefa til kynna að
þeir muni fá nauman meirihluta
þingsæta. Kosningabaráttan
fram að kjördegi fer því fram
með svipuðu sniði og síðustu ára-
tugi þ.e. vinstri flokkar á móti
hægri. Hin róttæka stefna Le
Pens gegn innflytjendum í
landinu er nú bendluð við hægra
kosningabandalgið og kemur ef
til vill vinstri flokkunum til góða.
Reuter/-gsv.
Francois Mitterrand: Stjórn Rocards þarf góðan meirihluta til að koma
Frakklandi aftur á skrið.
Friðarhandsal: Sandinistar og Contra-skæruliðar heilsast.
Nicaragua
Hóta að grípa til vopna á ný
Contra-skæruliðar saka Sandinista um að reyna að vinna tíma
Fulltrúar deiluaðila voru ekki
sammála um hvort áfram
miðaði í samningaviðræðum
Contra-skæruliðanna við Sand-
inistastjórnina í gær og gengu á-
sakanir á víxl yfir samningaborð-
ið.
Þetta er fjór'ða samningalotan
þar sem þessar stríðandi fylking-
ar landsins reyna að binda endi á
borgarastríðið sem geisað hefur í
landinu í sjö ár og kostað 50 þús-
und manns lífið. Contrarnir saka
Sandinistastjórnina um að draga
samningana á langinn og reyna
þannig að veikja samtök þeirra.
Þeir hóta að rjúfa vopnahléð sem
nú hefur verið í gildi frá 1. apríl ef
sandinistar samþykki ekki kröfur
þeirra um breytingar í lýðræðis-
átt*
Fulltrúi stjórnvalda sagði hins
vegar á fréttamannafundi í gær að
eitthvað hefði þokast í samkomu-
lagsátt og tryggingar fyrir því að
lýðræði yrði komið á í landinu
væru í sjónmáli. Contrarnir vilja
fá tryggingar fyrir því að
stjórnvöld landsins muni beita
sér fyrir auknu lýðræði allt að 60
dögum áður en þeir afvopnast.
Sandinistar leggja áherslu á að
Contrarnir geti ekki verið þátt-
takendur í samningaviðræðum
um framtíð Nicaraqua nema þeir
viðurkenni frið.
Talið er, að foringjar Contr-
anna séu undir talsverðum þrýst-
ingi með að ná samkomulagi við
stjórnvöld vegna þess að hernað-
arstuðningur bandarísku stjórn-
arinnar lætur á sér standa.
Eitt er alveg víst, þjóð þessa
lands þarf á friðnum að halda.
Reuter/-gsv.
Miðausturlönd
Hussein ræðst að
Bandaríkjastjóm
Hussein Jórdaníukonungur
réðst í gær harkalega að utan-
ríkisstefnu Bandaríkjanna í Mið-
austurlöndum. A neyðarfundi ar-
abaríkjanna í Alsír sagði Hussein
að Bandaríkjastjórn hefði enga
utanríkisstefnu varðandi Mið-
austurlönd, aðra en stuðning við
ísrael. Konungurinn lýsti yfir
stuðningi sínum við það skilyrði
alþjóðlegrar ráðstefnu um frið í
Miðausturlöndum að stofnað
yrði sjálfstætt ríki Palistínu.
Hussein lýsti yfir áhyggjum
sínum vegna árangurslausra
friðarferða Shultz utanríkisráð-
herra Bandaríkjanna til Mið-
austurlanda. „Bandaríkjamenn
gera ekkert öðruvísi en nýlega
hafi komið til uppþota," sagði
Hussein. Hann sagðist skilja hug-
myndir Bandaríkjastjórnar um
alþjóðlega ráðstefnu þannig að
allir aðilar ættu að eiga aðild að
henni, líka PLO.
-Reuter/-hmp
Hussein Jórdaníukonungur.
Svíþjóð
Baðstrandargestir
ekki í hættu
Fjölmenn ráðstefna um umhverfisvandamál
Nú stendur yfir fjölmenn ráð-
stefna sjávarlíftræðinga og
sérfræðinga í umhverfismálum í
Karlskróna í Svíþjóð. Viðfangs-
efni manna þar er hið mikla
mengunarslys á hafsvæðunum
við Suður-Skandinavíu að und-
anförnu eða þörungaplágan eins
og það hefur verið kallað í frétt-
um.
Fram hefur komið á ráðstefn-
unni að íbúarnir við strendur við-
komandi hafsvæða þurfa ekkert
að óttast þörungaleðjuna.
„Kenning okkar er sú, að þör-
ungarnir framleiði efni við sér-
stakar aðstæður sem hafi síðan
áhrif á saltjafnvægið í frumum
fiska og valdi dauða þeirra. Ef
þessi kenning okkar rétt þá er
engin hætta á ferðum fyrir strand-
gesti á þessum svæðum," sagði
Hans Dahlin sænskur sérfræðing-
ur á ráðstefnunni.
Þá telja sérfræðingarnir lík-
Iegt, að lungnasjúkdómur sem
herjað hefur á selagerið við
strendur Suður-Skandinavíu sé af
völdum þörunganna. Dauðar
selsskrokka rekur nú daglega upp
á strendur Danmerkur, Svíþjóð-
ar og Noregs.
Að sögn sérfræðinga er þetta
alvarlegasta umhverfisslys sem
vitað er um á þessu svæði. Hið
banvæna efni sem þörungarnir
framleiða er afleiðing mengunar
af völdum iðnaðar- og landbún-
aðarúrgangs (áburðar) sem virð-
ist valda því að þörungur þessi
bjómstri. Þörungaleðjan virðist
ekki valda eins miklum skaða í
Eystrasalti eins og í Skagerak,
Kattegat og Norðursjó. Talið er
að minna saltmagn sjávarins hafi
þar eitthvað að segja.
Ráðstefnunni í Karlskróna lýk-
ur á morgun en hana sækja um
170 vísindamenn frá Svíþjóð,
Noregi, Danmörku, Sovétríkjun-
um, Póllandi, A- og V-
Þýskalandi, Bretlandi, Hollandi
og Belgíu.
Reuter/-gsv.
Bandaríkin
Dukakis vann
yfirburðasigur
Margir koma tilgreina í varaforsetaembœttið.
Dukakis spáð góðum sigri í nóvember
að eru mjög margir sem koma
til greina og Jessie Jackson er
einn þeirra. Eg mun ekki ráða því
einn hver verður valinn og sam-
komulag um það verður að nást,
sagði Mikeal Dukakis eftir að
hann hafði borið sigur af and-
stæðingi sínum í lokahrinu for-
kosninganna.
Alls hlaut Dukakis 2124 full-
trúa á fulltrúaþing Demókrata-
flokksins en Jackson fékk 1009
fulltrúa. Þar með fékk ríksistjór-
inn frá Massachusetts 43 fulltrú-
um meira en hann þurfti til að
hljóta útnefningu flokksins til
forsetaframboðs.
„Vinir mínir, við þurfum ekki
betri draum fyrir þetta land. Við
eigum þann besta sem til er. Það
sem við þurfum nú er besti forset-
inn fyrir ameríska drauminn.
Sonur innflytjanda frá Massac-
husetts og bíökkumaður sem ólst
upp í fátækt í Suður-Karólínu
háðu lokaeinvígið um útnefningu
Demókrataflokksins. Aðeins í
Bandaríkjunum getur þetta gerst
og aðeins í Demókrataflokkn-
um,“ sagði hinn sigri hrósandi
frambjóðandi.
Báðir frambjóðendur fóru
iofsamlegum orðum um hinn og
töldu að kosningabaráttan hefði
farið heiðarlega og málefnalega
fram. Af yfirlýsingum Jessie
Jacksons má ráða að hann telur
víst að sér verði boðið varaforset-
aembættið. Dukakis var honum
ekki sammála og taldi miklu fleiri
koma til greina í slaginn með sér
um dvölina í Hvíta húsinu.
Reuter/-gsv.
Fimmtudagur 9. júní 1988 ÞJÖOVILJINN - SÍÐA 13