Þjóðviljinn - 13.06.1988, Blaðsíða 11
Þeir hafa allt fram á okkar dag
farið illa að ráði sínu, en megi
þeim farnast betur í afstöðu sinni
um ókomna framtíð svo ég og
aðrir frelsisunnandi verkamenn
getum gengið glaðir og upplits-
djarfir til vinnu okkar við upprás
sólar sérhvern dag.“
2. febrúar
„Nokkuð langt er nú liðið frá
því ég skrifaði síðast í dagbókina.
Liggja þar ýmsar ástæður að baki
og kannski helst sú að ég hef
undanfarna daga verið önnum
kafinn, en auk þess er ástæðan
eflaust einnig sú að vinnan og að-
stæður allar hér á vellinum eru
mér ekki framandi lengur og nú
kemur mér bókstaflega ekkert á
óvart.
Ég er kannski orðinn dæmi-
gerður vallarverkamaður eða
vallaraumingi eins og við vallar-
verkamennirnir erum svo oft
kallaðir.
Annars gerðist það í dag sem
ekki gerist á hverjum degi að ég
fjárfesti í eigulegum hlutum og er
ég því skuldum vafinn til 10 næstu
mánaða.
Ég bara stóðst ekki mátið. í
matartímanum í dag voru sölu-
menn frá Máli og menningu og ég
Jceypti af þeim allt ritverk
meistara Pórbergs Þórðarsonar
kr. 28.995 aðeins. Enda er ég á
svo „háum“ launum hér hjá IA
eða með 191 kr. á tímann í dag-
vinnu að ég hef ekkert við alla
peningana mína að gera, eins og
ég segi við vinnufélaga mína þeg-
ar við ræðum kjaramál og þeir
hneykslast á því hversu lág laun
ég hef.
En þrátt fyrir allt er ég himinlif-
andi með bækurnar hans Þór-
bergs, enda ekki að ástæðulausu
þar sem hann var jú talinn komm-
únisti á sínum tíma rétt eins og ég
er talinn kommúnisti í dag.“
9. febrúar
„í dag kom Níkíta Krústsjov
fyrrum leiðtogi Sovétríkjanna til
sögunnar hjá íslenskum aðal-
verktökum.
Pótt ótrúlegt kunni að virðast
þá er það dagsatt.
Þannig var málum háttað að ég
var sendur í höfuðstöðvar her-
mangsfurstanna eða með öðrum
orðum sérstaka aðstöðu forstjór-
anna þar sem þeir matast og hafa
funda- og setustofur.
Þeir eru nefnilega að flytja í
annað húsnæði með sitt mötu-
neyti og aðstöðu og það þurfti að
sjálfsögðu verkamenn til þess að
flytja mublurnar á nýja staðinn.
Það gerðist síðan er mublurnar
voru komnar af stað að nokkrar
kommóðuskúffur fóru á hreyf-
ingu. Flestar voru þær tómar en
svo vildi til að í einni fór að glitta í
mynd af Jósepi Stalín og við hlið
hans stóð Níkíta Krústsjov svo og
sovéskir ungherjar.
Við nánari athugun var hér um
að ræða bók sem inniheldur
leyniræðuna margfrægu um Stal-
ín sem Krústsjov hélt á 20.
flokksþingi Kommúnistaflokks
Sovétríkjanna í Moskvu 1956.
Vinnufélagar mínir sem fundu
þessa bók voru ekki lengi á sér og
þustu; hið snarasta með hana til
mín, þar sem ég átti víst að heita
hinn eini sanni kommúnisti á
svEeðinu.
Okkur var skemmt og við
létum ekki prúðlega þegar við
veltum því fyrir okkur hvemig
slíkt gæti hent að ræða sovétleið-
toga finndist í hirslum forstjóra
íslenskra aðalverktaka á Miðnes-
heiði, nafla bandarískrar út-
þenslu og hernaðarstefnu hér á
landi sem fram að þessu hefur
viljað feigt allt það sem tengist
Sovétríkjunum.
„Það skyldi þó ekki leynast
laumukommi á meðal forstjór-
anna hjá íslenskum aðalverk-
tökum?“ varð mér hugsað er ég
hélt áfram störfum mínum í þágu
vígbúnaðarhyggjunnar.“
Jóhann Björnsson
Höfundur er verkamaður hjá (slensk-
um aðalverktökum og formaður í
stjórn Alþýðubandalgsins í Keflavík
og Njarðvík.
Ef þúert í vcrfa um
hvaða ávöxtunarleið
er hagstæðust sparifé
þínu, kynntu þér þá
kosti spariskírteina
ríkissjéðs
einhverja áhættu með
sparifé mitt?
Ávöxtun sparifjár með spariskírtein-
um ríkissjóðs fylgir engin áhætta. Að
baki þeim stendur öll þjóðin og ríkis-
sjóður tryggir fulla endurgreiðslu á
gjalddaga. Slíkt öryggi býður enginn
annar en ríkissjóður.
innlent lánsfé og draga því úr erlendri
skuldasöfnun. Þetta gerir spariskírt-
eini ríkissjóðs að enn betri fjárfest-
ingu.
Hvernig ávaxta ég
sparifé mitt, svo það
beri háa vexfi umfram
verðtryggingu?
8,5% ársvöxtum umfram verðtrygg-
ingu. Ríkissjóður býður nú til sölu
þrjá flokka verðtryggðra spariskírt-
eina:
1» Söfnunarskírteini sem greiðast
eftir 2 ár með 8,5% ársvöxtum.
2. Söfnunarskírteini sem greiðast
eftir 3 ár með 8,5% ársvöxtum.
3. Hefðbundin spariskírteini með
7,2% ársvöxtum. Binditíminn
er 6 ár en lánstíminn allt að 10
ár. Að binditíma liðnum eru
skírteinin innleysanleg af þinni
hálfu og er ríkissjóði einnig
heimilt að segja þeirn upp. Segi
hvorugur skírteinunum upp
bera þau áfram 7,2% ársvexti út
lánstímann, sem getur lengst
orðið 10 ár.
Verðtryggð spariskírteini til sölu núna:
Flokkur Lánstími Ávöxtun Gjalddagi
t.n. d 2 ár 8,5% 1. feb '90
l.fl.D 3 ár 8,5% 1. feb ’91
l.fl.A 6/10 ár 7,2% l.feb’94—’98
Spariskírteini ríkissjóðs fást í Seðla-
banka íslands og hjá löggiltum verð-
bréfasölum, sem m. a. eru viðskipta-
bankarnir, ýmsir sparisjóðir, pósthús
um land allt og aðrir verðbréfamiðlar-
ar. Einnig er hægt að panta skírteinin
með því að hringja í Seðlabankann í
síma 91-699863, greiða með C-gíró-
seðli og fá þau stðan send í ábyrgðar-
pósti.
RÍKISSJÓÐUR ÍSIANDS
Með spariskírteinum ríkissjóðs getur
þú ávaxtað sparifé’ þitt með allt að