Þjóðviljinn - 15.06.1988, Blaðsíða 2
FRETTXR
Framkvæmdir eru nú hafnar á lóðinni þar sem áður stóð sá sögufrægi
Fjalaköttur. Eins og marga rekur minni til voru stofnuð samtök til
verndar því merka húsi en ekki tókst að bjarga því. Mynd: E.ÓI.
Aðalstrœti
Byggðaverk byggir
nýjan “Fjalakött“
Framkvœmdir hafnar við 3000fermetra hús á
gömlu Fjalakattarlóðinni. Pegar verið auglýst
tilsölu. Kaupverð lóðarinnarleyndarmál
Verktakafyrirtækið Byggða-
verk hefur keypt Fjalakattar-
lóðina í Aðalstræti og hafið fram-
kvæmdir þar. Að sögn Óskars
Valdimarsson framkvæmda-
stjóra Byggðaverks er kaupverð
lóðarinnar leyndarmál. Öskar
sagði að þegar væri búið að aug-
lýsa húsnæðið til sölu, en Sölu-
miðstöð hraðfrystihúsanna og
Sölusamband íslenskra fiskfram-
leiðenda, sem hefðu átt lóðina,
ættu forkaupsrétt að hluta húss-
ins og taldi hann nokkuð víst að
þessi samtök myndu nýta sér
hann.
Gert er ráð fyrir að á þessari
umdeildu lóð rísi 3000 fermetra
hús á fimm hæðum í kjallara
verður bílageymsla fyrir 26 bíla
og verður ekið inn í hana frá
Bröttugötu. Að sögn Óskars
Valdimarssonar er stefnt að því
að byggingin verði fokheld fyrir
áramót.
Ökufantar
Okuleyfislausir
á ferð
Porsteinn J. Jónsson,
rannsóknarlögreglumaður: Trúlega tugir
manna án ökuleyfis í umferðinni. Ótrúlegten
engu að síðursatt. Ríflega 2000 manns kœrðir
fyrir ölvunarakstur á ári
Það er ótrúlegt en engu að síður
satt að trúlega eru tugir
manna enn akandi þótt þeir hafi
verið sviptir ökuleyfinu, sagði
Þorsteinn J. Jónsson, rannsókn-
arlögreglumaður í Reykjavík, er
hann var inntur eftir því hvernig
staðið væri að ökuleyfissvipting-
um fyrir alvarleg umferðarlaga-
brot.
Þorsteinn sagði að ekki væri
óalgengt að ökufantar bæru því
við þegar þeir væru sviptir rétt-
indum að þeir hefðu týnt skírtein-
inu, í stað þess að skila því inn
eins og lög gera ráð fyrir.
- Þessum mönnum er því í lófa
lagið að aka áfram með skírteini
uppá vasann. Til allrar hamingju
á þetta þó við um minnihlutann.
Flestir eru heiðarlegir og aka
ekki meðan á sviptingu stendur,
sagði Þorsteinn.
Sturla Þórðarson fulltrúi hjá
lögreglustjóraembættinu sagði
að lögum samkvæmt skyldi lög-
reglustjóri svipta ökumann öku-
leyfinu til bráðabirgða, teldi
hann skilyrði til, þar til málið færi
í dóm.
Að sögn Sturlu er svipaður
fjöldi ökumanna tekinn frá ári til
árs fyrir ölvunarakstur. Hann
sagði að á ári væru kærur vegna
ölvunarakstursbrota ríflega 2000
og þar af væri um helmingurinn í
Reykjavík.
- f Reykjavík hafa kærur
vegna hraðaksturs losað hund-
raðið. Það er eitthvað meira um
það núna að menn séu teknir fyrir
of hraðan akstur, sagði Sturla.
-rk
y Vaxtahœkkanir
I kjölfar
bráðabiraðalaga
Asmundur Stefánsson: Afleiðing aðgerða ríkisstjórnarinnar.
Yttu undir verðbólgu. Stefán Hilmarsson: Bankarnir að
aðlaga sigþróun verðbólgunnar
Þessar vaxtahækkanir eru
augljóslega bein afleiðing af
þeim aðgerðum sem rfkisstjórnin
greip til. Þær urðu einfaldlega til
þess að ýta undir verðbólguna og
bankarnir láta vextina fylgja í
kjölfarið, sagði Asmundur Stef-
ánsson, forseti Alþýðusambands-
ins, en allir bankarnir, að frátöld-
um Samvinnubankanum, hafa
hækkað vexti að undanförnu.
í fyrradag hækkuðu fimm við-
skiptabanakanna innláns- og út-
Iánsvexti. Misjafnt er hver hækk-
unin er á hinum ýmsu reikningum
og bankabókum. Vextir á al-
mennum tékkareikningum og
sértékkareikningum hækkuðu
um 2-4% og vextir af almennum
sparisjóðsbókum um 4-6%. Út-
lánsvextir hækkuðu mismikið.
Þannig hækkuðu vextir á al-
mennum skuldabréfum um 2-
7%.
Að sögn þeirra bankamanna
sem Þjóðviljinn ræddi við í gær,
stafar þessi vaxtahækkun af upp-
Ölduselsskóli
Fulltrúaráðið
á móti Sjöfn
Fulltrúaráð
Foreldrafélags
Ölduselsskóla lýsir
yfir furðu sinni á að
ráðherra skuli hunsa
viljayfir90%
foreldra. Ráðið efast
um gildifaglegs mats
Frœðsluráðs
Fulltrúaráð Foreldrafélags
Ölduselsskóla hefur sent frá
sér harðorða ályktun, þar sem
ráðið mótmælir ráðningu Sjafnar
Sigurbjörnsdóttur í stöðu skóla-
stjóra skólans.
í ályktun fulltrúaráðsins kem-
ur fram að foreldrum finnst sér
hafa verið stórlega misboðið þeg-
ar Birgir ísleifur Gunnarsson
menntamálaráðherra hunsaði
áskorun yfir 90% foreldra um að
Daníel Gunnarsson yfirkennari
yrði ráðinn skólastjóri. Þá
kemur fram í ályktun fulltrúa-
ráðsins að það efist um að
Fræðsluráð Reykjavíkur hafi
fjallað um umsóknirnar á fag-
legan hátt. “Hluti af slíkri fag-
legri umfjöllun hefði átti að vera
að kanna aðstæður í skólanum,“
segir í ályktun ráðsins. Ráðið tel-
ur að nú verði að byrja að byggja
skólastarfið upp frá grunni vegna
þess að gengið var framhjá manni
sem var hluti af því góða um-
hverfi sem þegar var búið að
skapa í Ölduselsskóla. Fulltrúa-
ráðið telur að það hljóti að vega
þyngra að hafa lengri reynslu í
yfirmannsstörfum í þeim skóla
sem sótt er um, heldur en löng
reynsla af yfirmannsstörfum ann-
ars staðar í skólakerfinu.
í lok ályktunar fulltrúaráðs
Foreldrafélags Ölduselsskóla er
lýst yfir ótta um að miklar
breytingar komi til með að verða
á kennaraliði skólans, vegna
þess, að Daníel var ekki settur í
stöðu skólastjóra. -sg
gangi verðbólgunnar að undan-
förnu í kjölfar gengisfellingar,
verðhækkana og kjarasamninga.
- Bankarnir eru einfaldlega að
aðlaga vextina því sem menn gera
ráð fyrir að verbólgan þróist í,
sagði Stefán Hilmarsson, banka-
stjóri Búnaðarbanka.
Að sögn Jóns Sigurðssonar
viðskiptaráðherra er einfaldast
að túlka vaxtahækkanirnar sem
eðlileg viðbrögð bankanna við
þeim verðbreytingum sem orðið
hafa að undanförnu. - Þeir eru
einfaldlega að bregðast við að-
stæðum og meta til skamms tíma
hvað þeir telja vera framundan.
-hmp/rk
Grindavík
Samkeppni um
menn og verð
Fiskvinnslan: Greiðir alltað30-35% hœrra
verð en lágmarksverð Verðlagsráðs segir til
um
Pað er alveg Ijóst að fiskverðið
á fiskmörkuðunum hefur
töluverð áhrif á það fiskverð sem
vinnslan borgar, þó svo að við-
komandi bátur sé í eigu hem.ar.
Dæmi eru um það að vinnslan
borgi allt að 30-35% hærra fisk-
verð en lágmarksverð Verð-
lagsráðs segir til um og það er
gert til þess að missa ekki sjó-
mennina í land, sagði Sævar
Gunnarsson, formaður Sjó-
manna- og Vélstjórafélags
Grindavíkur, í samtali við Þjóð-
viljann.
Það er ljóst að þrátt fyrir að
lágmarksverð Verðlagsráðs á
botnfisktegundum hafi lítið sem
ekkert hækkað á síðustu misser-
um þá greiðir vinnslan hærra verð
í mörgum sjávarplássum en hún
þyrfti að gera samkvæmt lág-
marksverðinu og þó svo að hún
geri út viðkomandi bát. Ástæðan
er fyrst og fremst samkeppni um
fyrsta flokks hráefni og þá ekki
síst vilji til að halda í sjómennina
á bátunum sem una því ekki að fá
mun minna verð fyrir aflann en
áhafnir á þeim bátum sem selja
allan sinn afla á fiskmörkuðum.
-grh
Akranes
100 á atvinnuleysisskrá
Innan við 10 á skrá á sama tíma ífyrra.
Guðmundur M. Jónsson hjá
verkalýðsfélaginu: Atvinnuástand óvenju
slœmt
Um 100 manns eru á atvinnu-
leysisskrá á Akranesi og er
það mun verra ástand en verið
hefur. - Um 350 manns voru á
skrá um áramót vegna tímabund-
innar lokunar frystihúsanna.
Eftir að þau fóru í gang upp úr
miðjum janúar fór atvinnuleysið
niður í 100 manns og hefur verið
það síðan, sagði Tryggvi Björns-
son hjá atvinnuleysisskráning-
unni á Akranesi. Það lætur nærri
að um sé að ræða 5% af mannafla
á vinnumarkaði. Tryggvi taldi
þetta ástand nú vera mun verra
en verið hefur. - í fyrra sumar
voru aðeins 5-10 manns á skrá hjá
okkur.
Guðmundur M. Jónsson hjá
verkalýðsfélaginu taldi prjóna-
iðnaðinn valda hér miklu.
Prjónastofan Hennes hefði farið
á hausinn og Akraprjón væri rek-
ið með hálfum afköstum.- Því er
ekki að leyna að fiskvinnslan hef-
ur staðið afar illa hér. Um leið og
fiskvinnslan á í einhverjum veru-
legum greiðsluerfiðleikum kem-
ur það auðvitað niður á atvinnu-
ástandinu, en það hefur verið
óvenju slæmt þetta árið, sagði
Guðmundur.
Jón Pálmi Pálsson bæjarritari
sagði atvinnuástandið á Akranesi
hvorki verra né betra en annars-
staðar á landsbyggðinni. - Af-
urðaverð hefur lækkað á er-
lendum mörkuðum, en sjávarú-
tvegur er mikilvæg grein í
atvinnulífi bæjarins. Fjárhagss-
taða bæjarins er frekar þröng, án
þess þó að um kreppuástand sé
að ræða. Við verðum að gæta ítr-
asta aðhalds í rekstri bæjarfélags-
ins, sagði Jón Pálmi Pálsson.
-gjh
Erik Sönderholm
látinn
Erik Sönderholm frv. forstjóri
Norræna hússins er látinn sex-
tugur að aldri. Hann var fram-
kvæmdastjóri Norræna hússins
frá árinu 1976 til 1980. Erik
Sönderholm var þó íslendingum
ekki ókunnur því hann var sendi-
kennari við Háskóla íslands frá
1955 til 1962.
Þá þýddi Erik Sönderholm
flestar bækur Halldórs Laxness
yfir á dönsku og var mikill aðdá-
andi skáldsins. Hann var prófess-
or við Kaupmannahafnarháskóla
til dauðadags.
Erik Sönderholm lætur eftir sig
eiginkonu og tvö börn. Kona
hans heitir Traute Sönderholm.
-hmp
2 SfÐA - ÞJÓÐVILJINN Mlðvikudagur 15. júní 1988