Þjóðviljinn - 21.06.1988, Blaðsíða 13

ERLENDAR FRETTIR
Grikkland
Tyrkland
Andreas Papandreou,forsætis-
ráðherra Grikklands, hefur
ítrekað enn þá ákvörðun ríkis-
stjómar sinnar að bandarísku
herstöðvarnar í landinu verði að
fara ef ekki nást nýir samningar
við Bandaríkjamenn þar um fyrir
31. júlí næstkomandi.
Þessa vikuna standa yfir við-
ræður í Aþenu á milli fulltrúa
ríkistjórnarinnar og bandaríska
hersins um herstöðvarnar. Það er
því einn og hálfur mánuður til
stefnu. Ef samningar takast ekki
mun Papandreou gefa út yfirlýs-
ingu þess eðlis að frá og með
næstu áramótum hafi bandaríski
herinn 17 mánuði til að taka sam-
an föggur sínar og fara úr
landinu. Núverandi samningur
um herstöðvarnar gildir til 31.
desember.
í Grikkiandi eru fjórar her-
stöðvar fyrir flugher og sjóher. 20
minni stöðvar sem flestar gegna
eftirlitshlutverki (hlerunarstöðv-
ar) dreifast um Grísku eyjarnar
og strandlengju landsins.
Samningaumleitanir hófust í
nóvember en ekkert hefur þokast
ennþá. Papandreou hefur sagt að
samningur komi til greina ef hann
þjóni hagsmunum Grikkja.
Hann vill fá inn í herstöðva-
Andreas Papandreou vill hreinar línur áður en að kosningum kemur. Þær verða innan árs í Grikklandi
samninginn ákvæði sem túlka
mætti sem stuðning Bandaríkja-
manna við Grikki í deilunni við
Tyrki um yfirráðin í Eyjahafi
(Fornahafi).
Papandreou stendur nú fram-
mi fyrir því að kosningar eru í
nánd í landinu. Herstöðvarmálin
verða að hafa fengið á sig ein-
hverja mynd áður en að þeim
kemur. Hann varð forsætisráð-
herra 1981 þegar flokkur hans,
Pasok, vann kosningarnar undir
slagorðinu „Burt með herstöðvar
dauðans“. Reuter/-gsv.
Herstöðvasamningar í jámum
Papandreou ítrekar afarkosti. Samningar verða að nástfyrir 31. júlí, efekki
þá fer bandaríski herinn burt á 17 mánuðum
Ozal sýnt
banatilræði
Forsætisráðherra Tyrklands,
Turgut Özal, var sýnt banatil-
ræði þar sem hann hélt ræðu á
fundi í Ankara á dögunum. Hann
særðist lítillega á fingri og hélt
ræðu sinni áfram við mikinn
fögnuð áheyrenda á fundinum.
Özal sem nýlega er kominn frá
Grikklandi þar sem hann átti við-
ræður við Andreas Papandreou,
taldi að tilræðið stæði í sambandi
við Grikklandsferðina. Öryggis-
verðir sögðu tilræðismanninn fé-
laga í Gráu úlfunum en það eru
hægri sinnuð öfgasamtök sem
hafa staðið fyrir fjölda illvirkja
innanlands sem utan. Þekktast er
tilræðið við Páfann fyrir sjö
árum.
Batnandi samskipti Tyrkja og
Grikkja að undanförnu verða
ekki látin átölulaus af þessum
öfgasinnuðu samtökum. Tyrkir
hafa löngum þótt skotglaðir
menn og má geta þess að eftir að
skotið hafði verið á forsætisráð-
herrann dundi við skothríð tyrk-
nesku öryggisvarðanna sem
skutu í gríð og erg 40-50 skotum
að mannfjöldanum og særðu 15
manns. Tyrknesk dagblöð
gagnrýndu öryggislögreglu lands-
ins harðlega í gær.
Reuter/-gsv.
Tyrkland! So vétríkin
Haiti
Valdarán
herforíngja
Deilur um eiturlyfjasmyglara leiða til valdaráns.
Lýðrœðisvonir bresta
Forseta Haiti, Leslie Manigat,
var velt af stóli í fyrrinótt eftir að
hafa stjórnað landinu í fjóra mán-
uði. Herforingjarnir sem tryggðu
honum kosningu í febrúar gerðu
vopnaða árás á forsetahöllina í
Port-Au-Prince.
Henri Namphy, yfirhershöfð-
ingi, lýsti því síðan yfir í sjón-
varpsávarpi til þjóðarinnar að
herinn færi með öll völd í landinu
og til þjónustu reiðubúinn fyrir
fólkið í landinu. Manigat hafði
rekið Namphy tveim dögum áður
fyrir að framselja herforingja
sem hafði verið ákærður í Miami
fyrir eiturlyfjasmygl til Banda-
ríkjanna.
Haiti er á vestur hluta eyjar-
innar Hispanjólu í Karíbahafinu
og er eitt fátækasta ríki vestur-
heims. Þar hefur ríkt mikil ógnar-
stjórn allt frá 1957 er „Papa Doc“
Duvalier komst til valda. Fyrstu
kosningar sem farið hafa fram í
landinu í meir en 30 ár voru í
febrúar síðastliðnum þegar Man-
igat var kjörinn forseti eftir blóð-
ugan aðdraganda og yfirgang
hersins.
Bandaríkjamenn höfðu lengst
af stutt ógnarstjórnina á Haiti en
hættu því 1986 þegar fólk gerði
uppreisn gegn Duvalier yngri.
Hann sá þá sæng sína upp reidda
og flúði til Frakklands. íbúar
höfuðborgarinnar, Port-Au-
Prince, dönsuðu þá á götum úti.
En nú er sem sagt herinn búinn
að taka öll völd í landinu aftur og
ósk almennings um lýðræði og
betri afkomu sér til handa rætist
ekki í bráð.
Reuter/-gsv.
Landleiðin
opnuð
Tyrkland og Sovétríkin hafa
samið um að opna þá einu um-
ferðaræð sem liggur yfir landa-
mæri ríkjanna. Þessi vegur, sem
hefur nú verið lokaður í rúm 50
ár, er alveg við Svartahafið.
Þegar Kremlverjar lokuðu
veginum fyrir síðari heimstyrj-
öldina tvístruðust margar fjöl-
skyldur við landamærin. Ef til vill
er stutt í endurfundi. Tyrkir
verða að byggja brú sín megin
áður en formleg opnun getur átt
sér stað. Landslag þarna er mjög
hálent og niishæoótt.
Samskipti landanna verða sí-
fellt betri og talið er að bæði hafi
þau áhuga á því að efla ferða-
mannastraum um þessar slóðir og
stytta landleiðina á milli markaða
í Kákasushéruðum og markaða í
Sýrlandi og írak.
Reuter/-gsv.
Á Haiti búa 5.7 milljónir manna og
meirihluti þeirra ersvarturá hörund.
Myndin erfá þorpinu La Saline þar
sem almenningur býr við mikla eymd.
Suður-Afríka
Botha boðar breytingar
Botha: Svartur maðurgetur orðið ráðherra íseptember. StrýkurNelson
Mandela um frjálst höfuð á sjötugsafmœlinu?
Botha, forsætisráðherra hvíta
minnihlutans í Suður-Afríku, til-
kynnti þingheimi í gær að stjórn
sín ynni að því að finna leið til
þess að svartur maður gæti sest í
ráðherrastól stjórnar sinnar.
Þessi áætlun stjórnarinnar ger-
ir ráð fyrir að þetta verði mögu-
legt í september. Indverjar og
kynblendingar hafa setið í stjórn
landsins en svertingjar aldrei
þrátt fyrir að vera í meirihluta í
landinu.
Foringjar svartra hafa alltaf
neitað að taka þátt í áætlunum
Botha um hægfara afnám mis-
réttisins í landinu og krafist þess
að Nelson Mandela verði látinn
laus áður en þeir láti hafa sig út í
samninga við stjórn hvíta minni-
hlutans. Hvort þessi yfirlýsing
Botha nú þýðir að Mandela verði
látinn laus er líður á sumarið eða
að hér sé aðeins um leikaratil-
burði að ræða af hálfu stjórnar-
innar skal ósagt látið.
Það yrði stór stund ef foringi
svartra í Suður-Afríku, Nelson
Mandela, gæti um frjálst höfuð
strokið á sjötugsasta afmælisdag-
inn sinn í næsta mánuði. Hann
hefur nú setið í fangelsi frá 1964
eða í tæp 25 ár.
Ríkisstjórnir um allan heim
hafa með sífellt meiri þunga lagt
að stjórn Botha að láta Mandela
lausan úr fangelsi. Líklegt er að
þvinganir þessar séu farnar að
bera tilætlaðan árangur.
Reuter/-gsv.
Blaðburðarfólk
Ef þú ert
morgunhress.
Halðu þá samband við afgreiðslu
Þjóðviljans, sími 681333
Laus hverfi
víðsvegar um borgina
Þriðjudagur 21. júní 1988 ÞJÓÐVILJINN — SfÐA 13