Þjóðviljinn - 23.06.1988, Blaðsíða 10

Landssamband
veiðifélaga
Samstarf hefur nú tekist með
Landssambandi fiskeldis- og haf-
beitarstöðva, Landssambandi
stangaveiðifélaga og Landssam-
bandi veiðifélaga um setningu
reglugerðar um sleppingu lax-
fiska og varnir gegn erfðab-
löndun og fisksjúkdómum. Nýaf-
staðinn aðalfundur Landssamb-
ands veiðifélaga fagnaði þessari
niðurstöðu og lagði áherslu á, að
hraðað yrði setningu reglugerð-
arinnar ekki síst vegna þess á-
stands, sem nú ríkir í seiðasölu-
málunum. Jafnframt verði
hagsmuna veiðiréttareigenda
gætt svo sem unnt er.
Landssamband veiðifélaga,
sem er hagsmunasamtök veiði-
réttareigenda, hefur nú starfað í
30 ár. Það getur með ánægju og
stolti litið yfir farinn veg. Það átti
mikinn þátt í að móta veiðimála-
löggjöfina og hefur haft þýðing-
armikil áhrif á framkvæmd ým-
issa þátta hennar, svo sem veiði-
eftirlit, varnir gegn sjúkdómum,
mengun veiðivatna og úthafs-
veiðar á laxi, sem það hefur beitt
sér af alefli gegn. Eitt þýðingar-
mesta verkefni Sambandsins nú
er að reyna að koma í veg fyrir
erfðablöndun íslenska laxa-
stofnsins við eldislaxinn en hið
ört vaxandi fiskeldi eykur mjög á
þá hættu.
Nú vofir yfir virðisauka-
skattur, þótt mjög sé umdeildur.
Enginn veit að vísu ennþá hvern-
ig það fyrirbæri kemur endanlega
til með að líta út þegar nefndar-
kraðak ríkisstjórnarinnar hefur
lokið við að velta honum fyrir
sér. En eins og við horfir nú er
áformað að innheimta virðis-
aukaskatt af sölu veiðileyfa.
Landssamband veiðifélaga er
mjög andvígt þessum áformum
og bendir á að verð veiðileyfa
markist alfarið af framboði og
eftirspurn og hafi nú þegar náð
þeirri hæð, sem markaðurinn
framast þoli. Slík skattheimta
hlyti því fyrst og freemst að bitna
beint á hlunnindatekjum veiði-
bænda og kreppa þannig enn að
bændastéttinni. Sýnist þó nóg
komið.
En fleira kemur til snertandi
þessa fyrirhuguðu skattheimtu.
Bent er á, að bein tengsl eru milli
fasteignamats á veiðihlunnindum
og arðsins af veiðinni. Skatt-
heimtan myndi því koma til að
lækka fasteignamatið um 25-
30%. Og auðvitað myndu þá
tekjur viðkomandi sveitarfélaga
af fasteignagjöldum lækka að
sama skapi. Þar með væri ríkið
rétt einu sinni að seilast í tekjur
sveitarfélaganna. Gengur það
þvert á þá stefnu, sem ríkisvaldið
þykist þó í orði kveðnu hafa í
samskiptum ríkis og sveitarfé-
laga. Vonandi tekst Landssam-
bandi veiðifélaga og öðru dreif-
býlisfólki að koma í veg fyrir
þessa aðför, sem byggist bæði á
skammsýni og óbilgirni.
- mhg
í dag
er23.júní, fimmtudaguri'10. viku
sumars, fjórði dagur sólmánað-
ar, 175. dagur ársins. Sól kemur
upp í Reykjavík kl. 2.55 en sest kl.
24.04.
Þjóðviljinn
fyrir 50árum
Tekst sameiningin? Jafnaðar-
mannafélag Reykjavíkursendir
Kommúnistaflokknum og Al-
þýðusambandsstjórninni sam-
einingartilboð. Tillögurnar um
sameiningu innihalda stefnuskrá
Alþýðuflokksins með nokkrum
breytingum, ennfremurfrum-
drætti að skipulagi flokks og
verkalýösfélagasambands og
starfsskráflokksins. Stjórn
Kommúnistaflokksins mun ræða
tillögurnarbráðlega.
Útvarp, rás 1 - Sjónvarp kl. 20.35
Þá fara nú forsetakosningarnar
að nálgast og er minna vopna-
skak í kringum þær en stundum
áður, þó að fylgismenn fram-
bjóðendanna haldi þar fyrir vöku
sinni, eins og vera ber. I kvöld
gefst okkur kostur á að heyra og
sjá frambjóðendurna flytja ávörp
sín til þjóðarinnar, sem verður
útvarpað og sjónvarpað samtím-
is. - mhg
UM UTVARP & SJONVARP
Rétt eða rangt?
Stöð 2, kl. 21.40
Bóndakona í Kanada, Mary að
nafni, hefur orðið fyrir því óláni
að missa mann sinn í skógareldi.
Stendur hún þá ein uppi með son
sinn sjö ára gamlan. Þau mæðgin
ákveða samt að basla áfram við
búskapinn og ráða til sín vinnu-
manninn Fred. Hann er fjarri því
að vera nokkur fjörmaður og
verður fátt með honum og snáð-
anum. - Eins og nærri má geta
fara nú gróusögur að myndast um
samband ekkjunnar og Freds svo
hann sér þann kost vænstan að
biðja hennar. Hún tekur því með
þökkum. En brátt gerist sú
spurning áleitin hvort ákvörðun
hennar hafi verið rétt.
- mhg
Ljóöaþýðingar
Magnúsar Asgeirssonar
Rás 1, kl. 22.30
Magnús Ásgeirsson var ein-
hver snjallasti og afkastamesti
ljóðaþýðandi, sem ísland hefur
alið. Þykja þýðingar hans yfirleitt
hrein meistaraverk. Á árunum
1928 - 1941 komu þýðingar hans
út í sex bindum undir því yfir-
lætislausa samheiti: „Þýdd ljóð“.
í kvöld hefst á Rás 1 þáttaröð,
sem nefnist í heild: „Ljóð frá
ýmsum löndum. Ljóðaþýðingar
Magnúsar Ásgeirssonar". Hjört-
Vigdís Finnbogadóttir Sigrún Þorsteinsdóttir
Ávörp forsetaframbjóðenda
ur Pálsson kynnir þýðingarnar og
fjallar um þær en lesari með hon-
um er Alda Arnardóttir. Þætt-
irnir verða sjö alls, hálftíma
langir og hefur hver þeirra sér-
stakan undirtitil. Þeir eru flokk-
aðir eftir yrkisefninu: kvæði um
þjóðfélagsmál, um stríð og frið
o.s.frv. Þátturinn í kvöld nefnist
„Eins og harpa er hjarta manns-
ins“. Verður þar fjallað um lýrisk
kvæði og greint frá þýðingarstörf-
um þessa fjölgáfaða listamanns.
-mhg
Tónlist á
Rás 1, kl. 23.00
„Tónlist á síðkvöldi" svíkur
engan að þassu sinni fremur en
endranær. I kvöld leikur Sin-
fóníuhljómsveitin í Ulster
„Scherso Caprissioso" op. 66
eftir Antonin Dvorák. Vernon
Handley stjórnar. - Þá kemur
„Luonnotar" fyrir sópranrödd og
hljómsveit eftir Jean Sibelius,
síðkvöldi
Elisabet Söderström syngur með
Fílharmoníusveit Lundúna. Vla-
dimir Askenazy stjórnar. - Loks
er það „Sárka“ og „Moldá“ úr
sinfóníska ljóðaflokknum
„Föðurland mitt“ eftir Bedrich
Smetana. La Suisse Romande
hljómsveitin leikur, Wolfgang
Sawalisch stjórnar.
- mhg
GARPURINN
~z.

U-:'
KALLI OG KOBBI
FOLDA
10 SÍÐA - ÞJÓÐVILJINN Fimmtudagur 23. júní 1988