Þjóðviljinn - 25.06.1988, Blaðsíða 3

FRETTIR
Efnahagsmálin
Fallin efnahagsmarkmið
Ólafur Ragnar Grímsson: Öll efnahagsmarkmið stjórnarinn-
arfarin í vaskinn. Svavar Gestsson: Almenningur látinn
greiða í þrígang fyrir efnahagsstefnu stjórnarinnar
Arúmu ári sem ríkisstjórnin
hefur setið er ljóst að öll
markmið sem hún setti sér í upp-
hafi í efnahagsmálum eru hrunin.
Með samskonar reiknikúnstum
og Þorsteinn Pálsson, Steingrím-
ur Hermannsson og Jón Baldvin
Hannibalsson viðhöfðu á síðustu
mánuðum ríkisstjórnar Gunnars
Thoroddsen eru þeir nú búnir að
ná nýju verðbólgumeti í íslenskri
hagsögu með rúmlega 160%
verðbólgu og geri aðrir betur,
sagði Ólafur Ragnar Grímsson.
- 163 prósent verðbólga segir
meira um stefnu ríkisstjórnarinn-
ar en flest annað, sagði Svavar
Gestsson og nefndi að Framsókn-
arflokkurinn hafi í orði kveðnu
lagt áherslu á það á undanförnum
árum að verðbólgan mætti ekki
færast í aukana og þannig réttlætt
kjarránið 1983.
- Nú er auðvitað komið á dag-
inn það sem við sögðum: Kjarar-
ánið leysir ekki verðbólguvand-
ann, heldur felur hann aðeins um
skeið, sagði Svavar.
Eins og menn rekur eflaust
minni til þegar Framsóknarflokk-
ur og Alþýðuflokkur gengu til
samstarfs við Sjálfstæðisflokkinn
um myndun ríkisstjórnar, var
það gert með því fororði að ná
verðbólgunni niður í það sem
gerist í viðskiptalöndum okkar,
gengi yrði haldið stöðugu, er-
lendar skuldir minnkuðu og ríkis-
sjóður yrði rekinn án halla.
- Ekkert af þessu hefur gengið
eftir, sagði Ólafur Ragnar,
- verðbólga á árinu verður ekki
undir 40 til 50%, eða um 10 til 12
sinnum meiri en í viðskipta-
löndum okkar. í stað stöðugs
gengis eru núna gengisfellingar á
nokkurra mánaða fresti.
Þótt fjármálaráðherra hafi
margsinnis sagt það höfuð ávinn-
ing af efnhahagsstefnunni að rík-
issjóður verði hallalaus á þessu
ári, er ljóst að hann verður rekinn
með umtalsverðum halla.
Rekstrarvandi atvinnuveganna
og aðrir erfiðleikar í efnahagslíf-
inu eru svo leystir til bráðabirgða
með sífellt auknum lántökum.
- Með þessari hækkun láns-
kjaravístölunnar fær almenning-
ur að taka á sig í enn auknari mæli
óráðsíuna af efnahagsstefnu
ríkisstjórnarinnar. Þannig leiðir
þessi hækkun lánskjaravísi-
tölunnar til þess að verð á verka-
mannabústað hækkar um 200
þúsund krónur, sagði Svavar.
Svavar sagði að vístöluhækk-
unina væri að rekja til aðgerða
stjórnvalda í efnahagsmálum.
Fyrst til matarskattsins sem hafði
í för með sér aukna verðbólgu.
Svo til gengislækkunarinnar.
- Þannig hefur almenningur
þegar borgað tvisvar fyrir stefnu
ríkisstjórnarinnar: Fyrst í hærra
matarverði svo í hærra innflutn-
ingsverði. Nú á þessi sami al-
menningur að borga meira af lán-
um sínum en nokkru sinni fyrr,
sagði Svavar.
-rk
Hitaveita Reykjavíkur
70% tekna í framkvæmdir
Gjaldskrá hœkkar um 11,4%. Gefur80
milljónir í aukatekjur
Ef gengið er út frá þessum for-
sendum verða um 10 milljónir
króna eftir í hagnað af þeim 80
milljónum sem gjaldskrárhækk-
unin gefur hitaveitunni. Þá er
ekki tekið tillit til þess að bygg-
ingarvísitalan er skekkt vegna
þess að launaskrið skilar sér ekki
þar inn sem ætti að vera hita-
veitunni í hag.
Hitaveitan hefur áætlað að
setja 125 milljónir í byggingu
Vetrargarðsins í Öskjuhlíð. Þar
hefur ekki verið gengið frá
neinum verksamningum að frá-
töldum samningi við ístak um
byggingu botnplötu. Þær fram-
kvæmdir eru ekki nema brot af
heildarframkvæmdum við hring-
veitingahúsið. Hitaveitan gæti
því hæglega dregið úr fram-
kvæmdum við byggingu veitinga-
hússins um 80 milljónir í stað þess
að hækka gjaldskrána og samt
framkvæmt þar fyrir 45 milljónir.
Hreinn sagði hækkunina vera
ákvörðun veitustjórnar sem er
undirnefnd borgarráðs.
-hmp

ssiiil^
~

Gjaldskrá Hitaveitu Reykjavík-
ur hækkar um 11,4% þann 1.
júlí nk. Hækkunin gefur hita-
veitunni um 80 milljónir í tekjur
umfram áætlun á þessu ári.
Framkvæmdir við Nesjavalla-
veitu verða upp á 970 milljónir á
árinu og á eftir að framkvæma
fyrir um 700 milljónir af þeirri
upphæð. Þá eru áætlaðar fram-
kvæmdir upp á 125 milljónir við
Vetrargarðinn sk. sem er veiting-
ahúsið ofan á hitaveitutönkunum
í Öskjuhlíð. Heildartekjur hita-
veitunnar eru áætiaðar 1700
milljónir á þessu ári.
Hreinn Frímannsson gegnir
starfi hitaveitustjóra í forföllum
Gunnars Kristinssonar. Hann
sagði Þjóðviljanum að hækkun
gjaldskrárinnar færði hita-
veitunni 80 milljónir í tekjur um-
fram áætlun. Meirihluti tekna
hitaveitunnar færu í framkvæmd-
ir við Nesjavallaveitu en þar á
eftir að framkvæma fyrir um 6-
700 milljónir í ár. Hækkun bygg-
ingarvísitölu um 10% hefði áhrif
til hækkunar á þau útboð sem ætti
eftir að gera.
Vonlítið er að koma öðrum en börnum svokallaðra forgangshópa á
skóladagheimili og í heilsdagsvistun á dagvistarheimilum borgarinn-
ar. Til að bæta úr brýnni þörf hafa foreldrar rekið barnaheimilið Ós.
Eins og sagði í blaðinu í gær gæti orðið tvísýnt um þann rekstur ef
tillaga um skert framlög borgarinnar til heilsdagsvistunar nær fram að
ganga. ( heimsókn á Os hittum við tvo stráka sem báðir heita Bjartur
og inni í húsinu blæs Arnar Freyr sápukúlur. Þeir félagar áttu að birtast
í blaðinu í gær, en fyrir mistök komu sovéskar konur í þeirra stað.
Mynd Ari
Öldusel
Daníel samt
hæfari
Menntamálaráðherra hefur
lýst því yfir að Félag skóla-
stjóra og yfirkennara hafi með
yfirlýsingu sinni um afgreiðslu
fræðsluráðs Reykjavíkur á stöðu
skólastjóra við Ölduselsskóla ver-
ið að níða niður annan umsækj-
andann Sjöfn Sigurbjörnsdóttur.
Stjórnin vísar algerlega á bug
þessum ummælum ráðherra.
Stjórnin hefur aðeins lagt faglegt
mat á menntun og reynslu um-
sækjenda, segir m.a. í ályktun frá
fundi stjórnar félagsins sem hald-
inn var 21. júní sl.
Stjórnin segist ítreka fyrri sam-
þykktir sínar um mikilvægi góðr-
ar fagmenntunar og mun áfram
gera kröfu til þess að faglegt mat
verði lagt til grundvallar við ráðn-
ingu í stjórnunarstöður í grunn-
skóla.
- Við þetta bætast svo ummæli
og óskir frá foreldrum og kennur-
um Ölduselsskóla þar sem nær
einróma er mælt með því að Dan-
íel Gunnarsson verði settur í
stöðuna. Þau ummæli ráðherra
að álit og óskir nær 100% for-
eldra eigi ekki að hafa áhrif
hlýtur að vera mikið áfall fyrir
samstarf foreldra og skóla um allt
land. _tt
Pingeyri
Irsk kvenna-
innrás
Mikill skortur hefur verið á
vinnuafli í frystihúsinu á
Þingeyri. Lausn virðist þó hafa
fengist á vandanum með ráðn-
ingu 20 írskra stúlkna en fyrstu
fjórar komu til Þingeyrar í gær.
Halldór Tryggvason frystihús-
stjóri telur skýringuna á vinnu-
aflsskortinum helst vera þá að
fólk vilji síður vinna í fiski en
áður. Konur kjósi frekar að vera
heima þurfi þær ekki þeim mun
meira á peningunum að halda.
Tveir togarar eru gerðir út frá
Þingeyri; Sléttanes og Framnes.
Á sumrin eru um 20 trillur á
handfærum og fjórir stærri bátar
sem eru á línu yfir vetrarmánuð-
ina. Halldór sagði gæftir hafa ver-
ið afleitar síðan um hvítasunnu
en togararnir hefðu alveg við
frystingunni þannig að atvinna
væri næg.
í frystihúsinu á Þingeyri vinna
að jafnaði um 80 manns.
-hmp
T
Frá stuðningsmönnum
Vigdísar Finnbogadóttur
Á kjördag, laugardaginn 25. júní, höfum viö opnar skrifstofur til aðstoöar kjósendum sem hér segir:
Aðalskrifstofa Suðurlandsbraut 14
Kosningastjóm og kosningasjóöur, sími 31236.
Kjörskrá og upplýsingar um kjörstaði,
sími 681200 (6 línur).
Bílaskrifstofa, sími 38600 (5 línur) og 84060.
Skrifstofa Garðastræti 17
Samband viö kjördæmi utan Reykjavíkur
Kosningasjóöur
Bílaskrifstofa
Símar 11651, 17765, 17823, 17985, 18829, 18874.
Hafið samband við sem flesta
og hvetjið þá til að kjósa.
Mætum öll á kjörstað.
X Vigdís Finnbogadóttir