Þjóðviljinn - 25.06.1988, Blaðsíða 13

Bandaríkin
ERLENDAR FRÉTTIR
Fæðið bömin,
ekki sprengjumar
Friðarleiðangur stöðvaður á landamœrunum. Reaganstjórn-
in heldur fast við viðskiptabannið á Nicaragua
Landamæraverðir koma í veg
fyrir að 40 vörubílar full-
hlaðnir af matvælum og fatnaði
handa börnum í Nicaragua kom-
ist leiðar sinnar. Leiðangurs-
menn, flestir uppgjafa hermenn
frá Víetnam og fjölskyldur
þeirra, voru stöðvaðir 7. júní í
landamærabænum Laredo í Tex-
as.
Þeir hafa ekki gefist upp og
söfnuðust saman við Hvíta húsið
á þriðjudaginn og mótmæltu því
að Reaganstjórnin leggði stein í
götu þeirra. Leiðangursmenn
hrópuðu slagorð eins og: Fæðið
börnin, ekki sprengjurnar;
Reiðhjól ekki sprengjur, og fleira
í þeim dúr.
Hópurinn reynir að fá stuðning
innan þingsins til að koma
leiðangrinum áfram. „Ég er
hræddur um að ekki sé nægjan-
legur stuðningur í þinginu við
þessa ferð. Það ætti að leyfa
þessu einstæða fólki að fara með
þennan farm til Costa Rica. Þar
getur það fengið Oscar Arias
forseta landsins sem hefur verið
tilnefndur til friðarverðlauna Nó-
bels til að skipuleggja dreifingu á
honum,“ sagði Brian Willson
friðarsinni. Hann missti báða fæt-
urna þegar hann tók þátt í mót-
mælum gegn stefnu Bandaríkja-
manna í Mið-Ameríku.
Viðskiptabann Bandaríkjanna
á Nicaragua kemur í veg fyrir að
fólkið komi mat, fatnaði og lyfj-
um til þurfandi fólks í hinu stríðs-
hrjáða landi. Stjórn Reagans sit-
ur nú hugsi yfir því hver næsti
leikur eigi að vera í viðureign
Contranna við stjórnina í Nicar-
agua.
Vopnahlé er ennþá í landinu
og er það haldið ennþá þrátt fyrir
að slitnað hafi upp úr viðræðum
stíðsaðila þann 9. júlí. Contrarnir
bera sig illa upp við Bandaríkja-
stjórn og heimta meiri stuðning
af hennar hálfu. Stjórnin getur í
raun engu lofað þar sem þingið
kom í veg fyrir áætlun hennar um
að styðja myndarlega við skærul-
iðana á sínum tíma. A meðan
minnkar slagkraftur Contranna
og sá aðili sem rýfur vopnahléð
sem nú hefur staðið í einn og hálf-
an mánuð verður harðlega
dæmdur af þjóðinni sem liðið
hefur stríðshörmungar í 7 ár.
Efnahagur landsins er í rúst og
Nicaraguamenn þarfnast nú
friðar til þess að byggja upp.
Hvort sá friður fæst kemur í ljós á
næstu mánuðum.
Reuter/-gsv.
Börn Nicaragua vantar nú mat, föt og læknislyf vegna þess að landinu
hefur verið haldið í stríðsherkví í langan tíma.
Þetta eru SS-20 og Pershing 2 flaugar: Alls munu 2740 slíkar kjarnork-
usprengjur verða eyðilagðar næstu fjögur árin.
Afvopnun
Sérfræðingar
hefjast handa
Útrýming á Pershing2 og SS-20 flugskeytum í
undirbúningi
Fimm sovéskir sérfræðingar
komu til Utha í Bandaríkjun-
um í gær í þeim tilgangi að undir-
búa eyðileggingu þeirra kjarn-
orkuvopna sem búið er að semja
um að hverfi. 1. júlí koma svo 30
sérfræðingar í viðbót til að hafa
eftirlit með framkvæmdinni.
Herkúles Inc‘s Magna-her-
stöðin, sem er skammt frá Salt
Lake City í Utha, er sú eina sem
Sovétmenn munu hafa afskipti af
í bráð. Þar eru Pershing 2 kjarn-
orkuskeyti sem framleidd voru á
árunum 1982-87 fyrir flugherinn.
Samkvæmt hinum nýstaðfesta
INF-samningi stórveldanna á að
eyðileggja 859 skammdrægar
kjarnaflaugar í Bandaríkjunum á
móti 1881 samsvarandi flaug í So-
vétríkjunum. Þessar flaugar
draga frá 500-5500 km vega-
lengd.
Tímabilið frá 1. júlí til 31. ágúst
verður notað til þess að undirbúa
þá athöfn að eyðileggja þessi
stríðstól. Sovéskir og bandarískir
sérfræðingar munu telja ná-
kvæmlega og taka saman yfirlit
yfir þau tæki og vopn sem falla
undir INF-samninginn.
Bandarískir sérfræðingar fara
til Sovétríkjanna í samskonar til-
gangi á þriðjudaginn. Þeir munu
fara til Votkinsk þar sem SS-20
flaugarnar voru framleiddar.
í Votkinsk og Herkúles verða
flestar þær flaugar eyðilagðar
sem falla undir hinn nýja samn-
ing. Þá verða skammdrægar
flaugar einnig eyðilagðar í Texas,
Kóloradó í Bandaríkjunum og í
Hausen í V-Þýskalandi.
Eftir að ár er liðið frá því að
INF-samningurinn gekk í gildi
verða stórveldin að eyðileggja
vopnin innan þriggja ára.
Reuter/-gsv.
Noregur
EFTA-ríkjum boðið heim
Brundtland býður ráðherrum EFTA-ríkjanna tilfundar um
viðskiptin við EBE
Gro Harlem Brundtland for-
sætisráðherra Noregs hefur
boðið forsætisráherrum hinna
EFTA-ríkjanna til fundar í Osló í
mars á næsta ári.
Þar geta ráðamenn þessara
þjóða sem eru auk Noregs, ís-
land, Finnland, Svíþjóð,
Austurríki og Sviss borið saman
bækur sínar fyrir þær miklu
breytingar sem verða á Efnahags-
bandalaginu 1992.
„Samkomulagið innan EFTA
er einn af mikilvægustu þáttum
þess að við náum þeim markmið-
um okkar að hafa áhrif á Evróp-
umarkaðinn þegar þar að kemur.
Þess vegna er þörf á pólitísku
frumkvæði nú og boð mitt til
hinna EFTA-ríkjanna er einmitt í
þeim tilgangi,“ sagði Brundtland
á fréttamannafundi í gær.
Austurríki er eina þjóðin í
EFTA sem hefur lýst því yfir að
hún muni ef til vill ganga í Efna-
hagsbandalagið. Af því getur
jafnvel orðið á næsta ári. Hinar
þjóðirnar allar hafa lýst yfir á-
hyggjum sínum af því að Efna-
hagsbandalagið muni setja nýja
tolla á viðskipti þessara landa
þegar Evrópa verður einn mark-
aður hvað varðar vöruskipti,
peningaflæði, þjónustu og vinnu-
afl.
Reuter/-gsv.
Dukakis þykir ekki hafa sanrtfærandi stjórn á fjármálum síns eigins
fylkis.
Bandaríkin
Dukakis leggur á tóbaksskatt
Fjárlagagatinu áfylkissjóði lokað með
aukinni skattheimtu. Pvert á loforð í
kosningabaráttunni
Michael Dukakis, fylkisstjóri í
Massachusetts og lílega
næsti forseti Bandaríkjanna,
beitir nú öllu ráðum til þess að
láta enda ná saman í fjármálum
fylkisins. Hann hefur lagt skatta á
sígarettur og í undirbúningi eru
fleiri skattheimtur til að bæta í
gatið á fylkissjóðnum.
Sem forsetaframbjóðandi
vakti Dukakis einmitt athygli
fyrir það, að hann sagði að það
væri það síðasta sem hann myndi
gera í ríkisfjármálunum: Að
leggja á meiri skatta. Það væri
neyðarráðstöfun. En nú stendur
hann sjálfur frammi fyrir því að
um 400 milljón dollara vantar í
fylkissjóðinn í Massachusetts.
Þetta þykir dálítið kátlegt í
Bandaríkjunum um þessar
mundir.
Hann er þó hvergi banginn og
segir að einmitt vegna þess hve
hann sé reyndur í því að ná
jafnvægi á í fjármálum fylkis-
sjóðsins hafi hann verið valinn
forsetaefni demókrataflokksins.
Hinir nýju skattar munu færa
fylkissjóði um 200 milljón dollara
á ári. Á fréttamannafundinum
neitaði hann því alfarið að hann
hefði vitað um hver ætti það land
scm nýlega var tekið undir nýtt
fylkisfangelsi sem á að reisa í
Massachusetts. Á kreik komust
sögur um að Dukakis hafi gefið
landeigendum upplýsingar og
ráðleggingar um hvað væri í
vændum. Mörgum fylkisbúum
finnst fnykur af málinu en fylk-
isstjórinn varðist fimlega og sagð-
ist hvergi hafa komið nærri.„Ég
hef ekki hinn minnsta áhuga á því
að vita hver á hvað,“ sagði Duk-
akis og lét ásakanir engin áhrif
hafa á sig.
Reuter/-gsv.
Laugardagur 25. júní 1988 ÞJÓÐVIUINN - SÍÐA 13