Þjóðviljinn - 28.06.1988, Page 1
Þriðjudagur 28. júní 1988 144. tbl. 53. árgangur
Rœkja
Allt í hers höndum
Rœkjuframleiðendur íhár saman vegna hámarksvinnslukvóta
á úthafsrœkju. OttarYngvason:Kvótinn verður kœrður til
dómstóla. Skerðir athafnafrelsið. GunnarÞórðarson: Kemur í
vegfyrir grimmilega samkeppni. Hindrarþá stóru íað verða
stœrri
Hugar að
sveitar-
stjóm
Albert Guðmundsson:
Framboði ekki stefntgegn
einum né neinum.
Sjálfstœðisflokkurinn
getur sjálfum sér um
kennt
Albert Guðmundsson segir að
forysta Sjálfstæðisflokksins hefði
átt að athuga sinn gang og huga
að afleiðingunum áður en hún
rak hann úr flokknum, en hann
telur eðlilegt að hann skipi efsta
sæti á lista flokksins í Reykjavík í
næstu sveitarstjórnarkosningum.
- Mínar lífsskoðanir eru ó-
breyttar og framboði Borgara-
flokksins er ekki ætlað að meiða
neinn, heldur að berjast fyrir fra-
mgangi ákveðinna skoðana, segir
Albert.
Hann segist ekki hafa áhyggjur
af þverrandi stuðningi við flokk-
inn í skoðanakönnunum. - Þegar
f kosningar er komið höfum við
fengið um 11% atkvæða og ég á
ekki von á því að stuðningur kjós-
enda við flokkinn sé minni þegar
á reynir, segii Albert.
Sjá síðu 3
Ráðhúsið
Kæmmar
orðnar
fimm
Fyrirhugað niðurrif
Tjarnarbíós oggömlu
slökkvistöðvarinnar kœrt
íbúar við Tjarnargötu hafa
kært þá hugmynd borgaryfir-
valda til félagsmálaráðuneytisins
að rífa Tjarnarbíó og gömlu
slökkvistöðina fyrir bílastæði.
Með þessari kæru eru þær orðnar
alls fimm sem borist hafa ráðu-
neytinu vegna ráðhússbyggingar-
innar.
í ráðuneytinu liggur fyrir kæra
íbúanna vegna byggingarleyfis
fyrir ráðhúsinu en þeir telja að
ráðhúsið verði mun stærra en
upphaflega stóð til. Ráðherra
hefur sagt að tekin verði afstaða
til kærunnar í þessari viku en
óvíst er hvort fimmta kæran verð-
ur til að tefja þann úrskurð eða
ekki. Á meðan er beðið eftir Jó-
hönnu.________________
Sjá síöu 2
Nýstofnað félag rækjuvinnslu-
stöðva sem 16 stöðvar eiga aðild
að hyggst láta reyna á það fyrir
dómstólum hvort hámarks-
vinnslukvóti rækjuverksmiðja
standist fyrir dómstólum. Óttar
Yngvason hjá íslensku útflutn-
ingsmiðstöðinni segir að kvótinn
skerði almennt athafnafrelsi
rækjuverksmiðja og með honum
sé í fyrsta sinni settur kvóti á
vinnslu sjávarafurða. Þá sé það
miklum tilviljunum háð hvernig
hann kemur út fyrir einstakar
stöðvar. Óttar vænir stjórn Fé-
lags rækjuframleiðenda um að
hunsa meirihlutasamþykkt fé-
lagsfundar sem hafi samþykkt
með meirihluta atkvæða að mót-
mæla kvótanum.
Formaður Félags rækjufram-
leiðenda, Gunnar Þórðarson,
segist hafa ásamt öðrum barist
fyrir því að kvótinn yrði settur á
til að koma í veg fyrir gegndar-
lausa samkeppni um hráefnið
sem hafi næstum riðið mörgum
rækjuframleiðendum að fullu. Þá
segir Gunnar að kvótinn komi í
veg fyrir að fjársterkar stöðvar
geti sölsað undir sig hráefnism-
arkaðinn á kostnað hinna smærri.
Samkvæmt reglugerð sjávarút-
vegsins tekur hámarksvinnslu-
kvótinn gildi 30. júní nk. og er
hámarkið reiknað út frá meðalt-
ali þess sem viðkomandi rækju-
stöð vann á árunum 1984-1987.
Verði reiknuð hámarksvinnslu-
heimild innan 2 þúsund lesta má
bæta við 10% álagi og 15% álagi
sé vinnsluheimildin innan við
þúsund lestir. En hámarksvinns-
luheimildin skal þó aldrei verða
minni en 500 lestir á hverja stöð.
Sjá síðu 3
Aftur og ennþá betur! Vigdís Finnbogadóttir, forseti íslands, og Svanhildur Halldórsdóttir, kosningastjóri hennar, fagna glæsilega endurkjöri
á forsetasetrinu á Bessastöðum á kosninganótt. Mynd: Ari.
Forsetakosningarnar
Glæsilegt endurkjör Vigdísai
Ótvírœð traustsyfirlýsing til Vigdísar. Hlaut 94,6% gildra
atkvœða. Vigdís Finnbogadóttir: Djúpt snortin og afarþakklát
Vigdís Finnbogadóttir fékk
ótvíræða traustsyfirlýsingu í for-
setakosningunum á laugardag-
inn. Hún fékk 94,6% gildra at-
kvæða og stuðning rúmlega
tveggja þriðju allra atkvæðis-
bærra íslendinga. Þriðja kjörtím-
abil hennar hefst 1. ágúst.
Sigrún Þorsteinsdóttir fékk
tæp 6 prósent atkvæða, mun
meira en kannanir höfðu spáð, en
kjörsókn var með þeim dræmari í
sögunni, 72,4%.
„Djúpt snortin og afar þakk-
lát,“ sagði Vigdís í gær við Þjóð-
viljann um kosningaúrslitin.
Meðal heillaóska sem henni hafa
borist er skeyti frá áhöfninni á
Guðbjarti ÍS, sem fyrir átta árum
átti mikinn þátt í að af framboði
Vigdísar varð.
Sjá síður 3,15 og leiðara