Þjóðviljinn - 30.06.1988, Blaðsíða 7

Skipulag
Samtök til verndar dalnum í burðarliðnum. íbúar á höfuðborgarsvœðinu taki höndum saman
ogkomiívegfyrirlagninguhraðbrautar. Leita nýrra leiða til lausnar umferðarvandanum
Kópavogskaupstaður og
Reykjavíkurborg hafa lengi deilt
um hvernig nýta skuli Fossvogs-
dalinn þar sem landamörk
sveitarfélaganna liggja. Meiri-
hluti borgarstjórnar hefur lengi
verið þeirrar skoðunar að dalur-
inn væri ákjósanlegur staður
undir hraðbraut en bæjarstjórnin
í Kópavogi hefur ekki tekið þeim
hugmyndum með mikilli hrifn-
ingu og bendir á að dalurinn sé
eitt ákjósanlegasta útivistarsvæði
á höfuðborgarsvæðinu vegna
hagstæðra veðurskilyrða auk
þess sem hann tengir saman úti-
vistarsvæði borgarinnar nánast
frá fjöru til fjalls. Deilurnar
milli sveitarfélaganna hafa gert
það að verkum að skipulag fyrir
þetta svæði hefur ekki fengist
staðfest af skipulagsstjórn og á
meðan svo er eru engar fram-
kvæmdir í dalnum
Samtök um verndun
Fossvogsdals
Fram til þessa hefur almenn-
ingur ekki látið mikið í sér heyra
varðandi örlög dalsins þar til fyrir
skemmstu að auglýst var eftir
fólki í undirbúningsnefnd að
stofnun samtaka um verndun
dalsins og viðbrögðin voru mjög
góð. Á þeim tveimur klukkutím-
um sem tekin voru niður nöfn
áhugasamra í gegnum síma hring-
du um 200 manns sem verður að
teljast nokkurn veginn sá fjöldi
sem mögulega gat náð sambandi
á svo skömmum tíma.
- Ég hef lengi vitað af áhuga
fjölda fólks á að nýta Fossvogs-
dalinn sem útivistarsvæði og því
tók ég mig til ásamt Halli Bald-
urssyni og auglýsti stofnun undir-
búningsnefndar að þessum sam-
tökum, sagði Gunnar Steinn
Pálsson sem staðið hefur fyrir
stofnun samtaka um verndun
Fossvogsdalsins.
Samtökin eru ekki hugsuð sem
hverfasamtök eingöngu því
verndun Fossvogsdalsins er mál-
efni sem varðar alla íbúa á höfuð-
borgarsvæðinu sem meta fallegt
umhverfi og útivist enda kom á
daginn að þeir sem hringdu til
okkar á sunnudaginn eru alls
staðar af höfuðborgarsvæðinu -
allt upp í Mosfellssveit, sagði
Gunnar Steinn.
Gunnar Steinn sagðist telja
hugmyndir um Fossvogsbraut
tímaskekkju í dag þar sem um-
hyggja fólks og áhugi fyrir náttúr-
uvernd hefði aukist mikið á þeim
rúmlega 20 árum sem liðin eru frá
því að farið var að huga að lagn-
ingu brautarinnar, auk þess sem
þróun byggðar hefði orðið með
öðrum hætti en ætlað var og þjón-
usta færst meira út í úthverfin og
þar með hefði þörfin fyrir hrað-
braut sem þessa minnkað.
Tilgangurinn með stofnun
þessara samtaka er að vekja fólk
til umhugsunar um framtíð svæð-
isins og hvetja til þess að leitað
verði nýrra leiða til lausnar sam-
gönguvanda í borginni.- Þó er
ekki þar með sagt að ekkert vinn-
ist þó Fossvogsbraut verði ein-
hvertíma byggð því það er ýmis-
legt hægt að gera þrátt fyrir slíkt
mannvirki en vissulega verður
það stærsta verkefni samtakanna
að koma í veg fyrir þau skipu-
lagsmistök, sagði Gunnar Steinn.
Fyrstu aðgerðir
Hugmyndin er sú að samtökin
standi fyrir framkvæmdum í daln-
um, geri tillögur um skipulag og
nýtingu og vinni að uppbyggingu
Margir njóta útsýnis yfir Foss-
vogsdal. Fyrr eða síðar tekur
þetta útsýni breytingum þó óvíst
sé hvort þær verði til ills eða
góðs.
í sjálfboðavinnu. Fyrsta skrefið í
þessa átt var gróðursetningarferð
sem farin var í dalinn síðastliðinn
fimmtudag. Kópavogskaupstað-
ur stóð fyrir þessari gróðursetn-
ingu en fjölmörg fyrirtæki i Kóp-
avoginum gáfu þau tæplega 1000
tré sem gróðusett voru.
Það er til marks um almennan
áhuga Kópavogsbúa á málinu að
undirtektir fyrirtækja varðandi
þetta framtak voru með eindæm-
um góðar, yfir 90% þeirra fyrir-
tækja sem leitað var til styrktu
þessa gróðursetningu og auk
þeirra aðstoðuðu ýmis félaga-
samtök við gróðursetninguna.
Fjöldi manns mætti í Fos-
svogsdalinn á fimmtudaginn
þrátt fyrir kalsaveður, rigningu
og rok. Par var unnið hörðum
höndum við gróðursetninguna og
hornaflokkur Kópavogs létti
mönnum verkin með lúðrablæ-
stri.
Stuðningur við
bœjarstjórnina
Bæjarstjórnin í Kópavogi
bindur vonir við að samtökin um
líf í Fossvogsdalnum verði til þess
að beina athygli sem flestra höf-
uðborgarbúa að afdrifum dalsins,
sem er ekkert einkamál íbúa ná-
grennisins, og komi því að lokum
til leiðar að dalurinn verði útivist-
arsvæði um ókomna tíð.
Aðalskipulag fyrir Kópavog
hefur verið til frá 1985 en ekki
fengist staðfest hjá skipulagsyfir-
völdum vegna deilna um Foss-
vogsdalinn. Reyndar hefur
skipulag fyrir Reykjavíkurborg
líka verið óstaðfest en á því
skipulagi er gert ráð fyrir hrað-
braut á landsvæði Kópavogs. Á
fundi skipulagsstjórnar síð-
astliðinn fimmtudag var aðal-
skipulag Reykjavíkurborgar
samþykkt með þeim fyrirvara að
öllum framkvæmdum í Fossvogs-
dal verði frestað í 5 ár.
Bæjarstjórnin í Kópavogi
mótmælir harðlega þessari af-
greiðslu málsins og bendir á að
það sem alvarlegast er í þessu
máli, að svæðið sem rætt er um að
leggja undir hraðbraut er að lang-
mestu leyti,-eða um 80% af því, í
eigu Kópavogskaupstaðar. Því er
það alvarleg aðför að sjálfstæði
sveitarfélaga að neita þeim um að
skipuleggja sín svæði sjálf og
furðulegt að einu bæjarfélagi
skuli vera heimilt að skipuleggja
land annars, sagði Valþór.
Reykjavíkurborg heldur því
fram í þessari deilu að samning-
urinn sem gerður var á milli
sveitarfélaganna árið 1973 feli í
sér samkomulag um að hraðbraut
skuli rísa í dalnum en bæjarstjórn
Kópavogs bendir á að skýr
ákvæði samningsins kveði á um
að slíkt mannvirki rísi ekki nema
með samþykki beggja sveitarfé-
laganna. f þessum samningi er
ákvæði um að deilumálum skuli
skotið til gerðardóms.- Það er
ansi hart ef endirinn yrði sá að
hraðbraut verði neytt upp á Kóp-
avogsbúa með gerðardómsúr-
skurði, sagði Valþór.
Hraðbraut er
ekki eina lausnin
Aðspurður um hvort bæjar-
stjórn Kópavogs teldi ekki þörf á
bættu vegakerfi sagði Valþór að
vissulega neitaði enginn því að
leysa þyrfti ákveðin vandamál
varðandi umferðarmál borgar-
innar en í því efni legði bæjar-
stjórnin áherslu á aðrar lausnir
sem bæði væru ódýrari og krefð-
ust minni fórna frá náttúruvernd-
arsjónarmiði.
- Við höfum til dæmis bent á
að Miklubrautina megi breikka
til muna og beina umferðinni
norðurleiðina niður í miðbæ, um
Elliðavog, Kleppsveg og Sætún.
Menn skyldu líka íhuga það hvort
þeir vilji eyða öllum þessum fjár-
munum í þjónustu við bílaum-
ferðina því að enginn vafi er á því
að framkvæmdirnar yrðu óheyri-
lega kostnaðarsamar og miklu
dýrari en framangreindar lausnir.
-iþ
Hvort hefur
forgang:
Mannfólkið
eða bflamir!
Deilur Reykjavíkurborgar og
Kópavogskaupstaðar snúast um
það hvort í Fossvogsdalnum
verði byggð hraðbraut eða skipu-
lagt útivistarsvæði. Hjá borg-
arskipulagi Reykjavíkur hafa
verið útfærðar hugmyndir um
hraðbraut þvert í gegnum dalinn.
Gert er ráð fyrir því að hún verði
niðurgrafin og að hluta til yfir-
byggð. Þeir sem hraðbrautina
vilja telja hana nauðsynlega við-
bót við vegakerfi borgarinnar og
gera ráð fyrir að í framtíðinni
verði brautin önnur af tveimur
meginleiðum sem tengi borgar-
hlutana í vestri og austri saman.
Bæjarstjórnin í Kópavogi hef-
ur hins vegar lagt til að Fossvogs-
dalur verði allur skipulagður sem
útivistarsvæði. Þeir sem fylgjandi
eru hugmyndinni um útivistar-
svæði hafa bent á að dalurinn sé
eitt besta útivistarsvæði á höfuð-
borgarsvæðinu fyrir margra hluta
sakir, þarna er veðursælt og
Séð yfir Fossvogsdal eins og hann lítur út í dag. Mun hér liggja hraðbraut eftir endilöngum dalnum eða
verður þetta eitt vinsælasta útivistarsvæði höfuðborgarbúa í framtíðinni? Mynd Ari.
skjólgott með afbrigðum sem er brautarstæði vegna mengunar- og veðurfars-og jarðvegsskilyrði
mikill kostur útivistarsvæðis en hættu, auk þess er í dalnum ein eru óvíða betri til ræktunar en í
að sama skapi ókostur fyrir hrað- stærsta uppeldisstöð trjáplantna Fossvogsdalnum.
Fimmtudagur 30. júní 1988 ÞJÓÐVILJINN — SÍÐA 7