Þjóðviljinn - 12.07.1988, Blaðsíða 8

IÞROTTIR
i
2. deild
KR-banar tapa
Fylkir dregstaftur úr. Aðeinsfimm stiga
munur á þriðja og neðsta liði
ÍR-Tindastóll.... 1 -0 (0-0)
Tindastóll sem sló KR út úr
bikarkeppninni á dögunum situr
nú á botni 2. deildar eftir ósigur
gegn ÍR á laugardag. ÍR-ingum
hefur ekki gengið sem best að
undanförnu eftir góða byrjun en
virðast ætla að rétta úr kútnum.
Fyrri hálfleikur var nokkuð jafn
en fremur lítið var um marktæki-
færi sökum mikillar baráttu
beggja liða.
I síðari hálfleik reyndust
Breiðhyltingar sterkari og
skoruðu markið á 60. mínútu.
Það var Eggert Sverrisson sem
skoraði mark þeirra en hann
hafði komið inn á sem varamað-
ur. Eftir markið héldu ÍR-ingar
áfram að sækja og hefðu hæglega
getað bætt við fleiri mörkum en
allt kom fyrir ekki.
Víóir-ÍBV.........3-1 (0-0)
Ekkert mark var skorað í fyrri
hálfleik í Garðinum á laugardag.
Víðismenn voru þó heldur meira
með boltann en Vestmannaey-
ingar voru fastir fyrir í vörninni. í
síðari hálfleik opnaðist leikurinn
talsvert og eftir aðeins 5 mínútna
leik náði Heimir Karlsson að
skora með skalla. Eyjamenn
voru ekki á þeim buxunum að
gefast upp og skömmu síðar jafn-
aði Páll Grímsson metin og not-
aði einnig höfuðið við það.
Heimir bætti um betur og
skoraði aftur fyrir Víði og þannig
var staðan þar til skömmu fyrir
leikslok að Guðjón Guðmunds-
son skoraði þriðja mark Víðis.
UBK-Fylkir........2-2 (1-0)
Litlu munaði að Fylki tækist að
vinna enn einn sigurinn í topp-
baráttunni í gærkvöld. Þeir voru
yfir, 2-1 þar til á lokamínútunni
að Gunnar Gylfason jafnaði fyrir
Breiðablik. Blikarnir höfðu þó
náð forystu í leiknum með marki
Jóns Þóris Jónssonar í fyrri hálf-
leik. I þeim síðari gerði Jón
Bjarni Guðmundsson tvö mörk
fyrir Fylki en það dugði ekki til.
-þóm
„Komdu aftur í Val“, gæti Þorgrímur Þráinsson verið að segja við Anthony Karl Gregory.
1. deild
Markaregn á Hlíðarenda
Bráðskemmtilegum leik lyktaði með sigri Valsmanna 4-3

*
GJALDDAGI
.FYRIRSKIL
A STAÐGREÐSLUFE
Launagreiðendum ber að
skila afdreginni staðgreiðslu
af launum og reiknuðu endur-
gjaldi mánaðarlega. Ekki
skiptir máli í þessu sambandi
hversu oft [ mánuði laun eru
greidd né hvort þau em greidd
fyrirfram eða eftir á.
Gjalddagí sklla er 1.
Með greiðslu skal fylgja grein-
argerð á sérstöku eyðublaði
„skilagrein". Skilagrein ber að
skila, þó svo að engin stað-
greiðsla hafi verið dregin af í
mánuðinum.
Allar fjárhæðir skulu
vera I heilum krónum.
Allir launagreiðendur og sjálf-
stæðir rekstraraðilar eiga að
hafa fengið eyðublöð fyrir
skilagrein send. Þeir sem ein-
hverra hluta vegna hafa ekki
fengið þau snúi sér til skatt-
stjóra, ríkisskattstjóra.jjjjald- r
heimtna eða innheimtumanna
ríkissjóðs.
hvers mánaðar en eindagi
þann 15.
-Geríð skil tfmanlega
og forðist öríröð sfðustu dagana.
RSK
ríkisskattstjOri
Leikur Vals og KA, sem fram
fór síðastliðinn sunnudag byrjaði
fádæma fjörlega. Strax á 2. mín-
útu skoraði Antony Karl Gregory
mark fyrir KA menn og gaf með
því tóninn af því sem koma skyldi.
Antony fékk boltann út við
hiiðarlínu á móts við miðju vall-
arins og óð með hann i átt að
marki. Eftir fallegt þríhyrninga-
spil fékk hann boltann aftur og
afgreiddi hann með föstu skoti í
net Valsmanna.
Aðeins fjórum mínútum síðar
bættu norðanmenn við öðru
marki og mátti þá víða sjá signa
kjálka áhangenda Vals. Að þessu
marki var ekki síður betur staðið
en því fyrsta. Aftur kom stórsókn
upp vinstri kantinn. Þorvaldur
Órlygsson fékk boltann rétt
framan við miðju og geystist fram
völlinn. Þegar hann átti um 15
metra eftir að markinu bjuggust
flestir við sendingu fyrir markið,
en í stað þess skaut Þorvaldur í
hornið nær og boltinn lá inni.
Ekki leið á löngu þar til Vals-
menn höfðu minnkað muninn í
2-1. Á14. mínútu leiksins gaf Atli
Eðvaldsson fyrir markið, en KA
mönnum tókst ekki betur að
hreinsa frá markinu en svo að
boltinn barst til Ingvars Guð-
mundssonar rétt utan vítateigs og
gott skot hans fór af höndum
Hauks Bragasonar í markið.
Aðeins tveimur mínútum síðar
juku KA menn forystuna í 3-1.
Dæmd var aukaspyrna rétt utan
vítateigs Valsmanna. Þorvaldur
Örlygsson sendi boltann yfir
varnarvegg Valsmanna og í
vinstra homið ofarlega, stórg-
læsilegt mark. Fjörlegri byrjun á
1. deildarleik minnist greinarhöf-
undur ekki, enda ekki títt að 4
mörk séu skoruð á fyrsta stund-
arfjórðungnum.
Uppfrá þessu róaðist leikurinn
talsvert, en Valsmenn sóttu þó
ýfið meira. Þegar 40 mínútur
voru liðnar af leiknum minnkuðu
V^lsmenn aftur bilið með marki
Sigurjóns Kristjánssonar. Eftir
þunga sókn Valsmanna tókst KA
mönnum ekki að hreinsa frá og
boltinn barst til Sigurjóns sem
skoraði af stuttu færi. Það sem
eftir lifði fyrri hálfleiks dundu
sóknir Valsmanna á KA vörn-
inni, en án árangurs. Er ein mín-
úta var til leikhlés fékk Þorvaldur
að sjá rauða spjaldið, þegar hann
sparkaði boltanum burtu eftir að
dómarinn hafði dæmt auka-
spyrnu. Þorvaldur hafði fyrr í
leiknum fengið gult spjald.
Seinni hálfleikur byrjaði fjör-
lega eins og sá fyrri. Á 49. mínútu
tókst Valsmönnum að jafna
leikinn og var þar á ferðinni Val-
ur Valsson með glæsilegt skalla-
mark eftir sendingu frá hægri
kanti.
Á 55. mínútu leiksins komust
Valsmenn síðan yfir með marki
Jóns Grétars Jónssonar. Markið
skoraði hann af stuttu færi, í slá
og inn, eftir mikinn einleik Atla
Eðvaldssonar. Fjórum mínútum
síðar munaði minnstu að Atla
tækist að koma liði sínu tveimur
mörkum yfir. Atli skaut boga-
skoti yfir varnarvegg Valsmanna
beint úr aukaspyrnu en Haukur
Bragason rétt náði að slá boltann
yfir markið. Eftir þetta róaðist
leikurinn mjög, eins og bæði lið
sættu sig við orðinn hlut. KA
menn áttu erfitt uppdráttar ein-
um færri og Valsmenn reyndu
lítið til að bæta við mörkum.
-fot
Staðan
1. deild
Fram .......9 8 1 0 21-2 25
Valur.........9 5 2 2 15-9 17
[A.............9 4 3 2 13-10 15
KR.............9 4 1 4 12-12 13
KA.............9 4 1 4 13-16 13
Þór............9 2 5 2 10-10 11
Vfkingur........9 2 3 4 8-14 9
Leiftur 9 1 4 4 6-10 7
(BK............9 1 4 4 10-16 7
Völsungur.......9 1 2 6 4-14 5
2. deild
FH.............8 7 1 0 20-5 22
Fylkir.........8 4 4 0 16-11 15
Víðir ..........8 3 2 3 16-11 11
R...............8 3 1 4 12-15 10
IBV..............8 3 0 5 18-18 9
Selfoss..........7 2 3 2 10-12 9
UBK..............8 2 3 3 15-18 9
KS...............7 2 3 2 16-20 9
Þróttur R........8 1 3 4 15-19 6
Tindastóll.......8 2 0 6 11-20 6
I
8 SfÐA - ÞJÓÐVILJINN Þriftjudagur 12. júlí 1988