Þjóðviljinn - 15.07.1988, Blaðsíða 2

FRETTIR
Ríkisfjármálin
Fáránlegur skollaleikur
Ólafur Ragnar Grímsson: Fjármálaráðherra nœrað viðurkenna mistökin en að vœna
Pjóðhagsstofnun um rangindi. Greiðsluáœtlun ríkissjóðs breytt íþrígang
Viðbrögð Jóns Baldvins við
upplýsingum Þjóðhagsstofn-
unar um stöðu ríkissjóðs eru fár-
ánleg og alls ekki sæmandi manni
í embætti fjármálaráðherra,
sagði Ólafur Ragnar Grímssson,
formaður Alþýðubandalagsins,
vegna ásakana Jóns Baldvins á
hendur stofnuninni fyrir að fara
með rangfærslur að yfirlögðu
ráði í þjóðhagsspánni, Ólafur
sagði að fjármálaráðherra væri
nær að horfast í augu við hin
hrikalegu mistök í stjórn ríkis-
fjármála, en að reyna að blekkja
með upphrópunum um falsanir.
- Staðreyndin er sú að fjár-
málaráðuneytið virðist ekki hafa
haft hugmynd um hvað hafi í raun
og veru verið að gerast í ríkisfjár-
málum, sagði Ólafur og minnti á
að fyrir rúmum tveimur mánuð-
um hefði ráðuneytið gefið út
fréttatilkynningu um afkomu rík-
issjóðs á fyrsta ársfjórðungi 1988
og horfurnar fyrir allt árið.
Þar er því fagnað að stað-
greiðslukerfið muni skila meiri
tekjum en áætlað var og sölu-
skattur hafi á fyrstu þremur mán-
uðum ársins skilað 500 miljónum
umfram áætlun. ítrekað er að
áform um hallalausan rekstur rík-
issjóðs muni standast.
- Nú viðurkennir Jón Baldvin
að þessi tveggja mánaða gamla
fullyrðing hafi verið röng og hall-
inn á ríkissjóði verði 500 til 600
miljónir króna. Honum væri því
nær að velta því fyrir sér hvers
vegna fréttatilkynning í lok apríl
hafi verið svo kolröng í stað þess
að vera snúa útúr þeim tölulegu
staðreyndum sem Þjóðhagsstofn-
un leggur fram um þátt halla-
reksturs ríkissjóðs í að magna
upp verðbólguna og knýja fram
frekari vaxtahækkanir, sasði
Ólafur.
í ásökunum sínum vísar Jón
Baldvin í greiðsluáætlun fjár-
málaráðuneytisins sem ekki hafi
verið tekin með í reikninginn
þegar þjóðhagsspáin var gerð.
- Þetta er álíka marklaust
plagg og fréttatilkynningin, sagði
Ólafur og minnti á að í greiðsluá-
ætlun sem fylgdi fjárlögunum var
reiknað með 26 miljóna afgangi á
rekstri ríkissjóðs. I lok apríl var
áætluninni breytt og talað um 53
miljónir króna í afgang. í júní er
henni breytt enn á ný og þá er
talað um 460 miljón kr. halla. í
júlí er áætluninni breytt í þriðja
sinn og þá er niðurstaðan orðin
570 miljóna halli.
- Upplýsingar fjármálaráðu-
neytisins hafa því ekki reynst ör-
uggar spár. Jón Baldvin ætti því
að hætta þessum skollaleik og
viðurkenna hin hrikalegu mistök
sem nú eru orðin ljós í rekstri
ríkissjóðs, sagði Ólafur.
-rk
Ríkisfjármálin
list ekki á
Páll Pétursson:
Munum ræða þessi
mál í okkar hópi
- Það horfir ekki nógu vel með
rekstur ríkissjóðs. Það verður því
að kippa þessum hlutum í liðinn,
sagði Páll Pétursson, þingflokks-
formaður framsóknar, aðspurð-
ur um það hvernig honum litist á
3,7 miljarað króna halla á ríkis-
sjóði eftir fimm fyrstu mánuði
ársins, sem dregin er upp í þjóð-
hagsspá Þjóðhagsstofnunar.
Að sögn Páls koma framsókn-
armenn til með að ræða stöðu rík-
issjóðs í sínum hópi.
Páll vildi ekki tjá sig frekar um
hvaða leiðir hann sæi vænstar til
þess að markmið ríkisstjórnar-
innar um að halli ríkissjóðs færi
ekki fram yfir 575 miljónir króna
í árslok.
-rk
Krafla
Landið rís enn
Hœtta á gufusprengingum. Fólk varað við að
fara að Leirhnjúk
Almannavarnarnefnd Hellu-
hrepps í Mývatnssveit ákvað í
gær að vara fólk við að fara upp
að Leirhnjúk eða inn á hraun- og
Æskulýðsfylkingin
Áskonin
Sœnskur blaðamaður
er í haldi yfirvalda án
dóms. Islenskir
fjölmiðlar hafa þagað
um þetta mál
Æskulýðsfylking Alþýðu-
bandalagsins hefur sent forseta
Filippseyja, Corazon Aquino,
áskorun um að láta lausan úr
haldi Svíann, Sellan Hermanns-
son, formann Kommunistisk
Ungdom í Svíþjóð. Hann var
handtekinn 8. júní síðastliðinn af
þarlendum her.
Æskulýðsfylkingin lýsir einnig
furðu sinni á þeirri þögn sem ríkt
hefur um þetta mál í íslenskum
fjölmiðlum. Svíinn var að sinna
störfum blaðamanns á Filipps-
eyjum þegar hann var handtek-
inn ásamt V-Þjóðverjanum
Klaus Schmidt og filipínska borg-
aranum Antonio Bosch.
Að sögn Önnu Hildar Hildi-
brandsdóttur í stjórn ÆFAB er
Hermannsson sakaður umvað
hafa verið í slagtogi með skæru-
liðum kommúnista á Filipps-
eyjum. Herinn hefur undir hönd-
um ljósmynd af honum í félags-
skap þeirra og er það aðalsönn-
unargagnið gegn Svíanum.
Myndin var tekin á ljósmyndavél,
Svíans og herinn lét framkalla
filmur hans þegar hann var hend-
tekinn. Stellan Hermannsson
skrifaði reglulega fréttir af stjórn-
málaástandinu í landinu fyrir
sænska blaðið Ny Dag. Frétta-
öflun hans af kommúnískum
skæruliðum er því þess valdandi
að hann er nú í haldi yfirvalda“,
sagði Anna Hildur.
Stjórn ÆFAB telur að með
þessum aðgerðum sé herinn á Fil-
ippseyjum að fæla vestræna fjöl-
miðla frá því að rannsaka
stjórnmálaástandið á eyjunum,
sem hlýtur að teljast óeðlileg
vinnubrögð í lýðræðisríki.
-gís.
gossprungusvæðið út frá honum.
Land heidur áfram að rísa á
svæðinu og ekkert lát er á jarð-
skjálftum. Á meðan þetta ástand
varir gætu orðið gufusprengingar
með engum fyrirvara.
Jón Pétur Líndal varaformað-
ur Almannavarnarnefndar
Helluhrepps sagði Þjóðviljanum
að Eysteinn Tryggvason jarð-
fræðingur hefði skýrt út ástandið
við Kröflu fyrir nefndinni. Á
meðan landris héldi áfram væri
hætta á eldgosi. Jón sagði landris-
ið nú vera ívið meira en það var í
janúar til mars þegar land reis
síðast og í febrúar til mars 1987.
Þá voru skjálftarnir líka færri á
sólarhring en nú eða 10 til 20
skjálftar en núna mælast um 50
skjálftar á sólarhring.
Frá því að landris hófst
snemma í þessum mánuði hefur
land risið um 10 sentimetra.
„Mesta hættan er af hugsanlegum
gufusprengingum vegna þess að
þær geta orðið fyrirvaralaust en
gos hefur nokkurn fyrirvara á
sér,“ sagði Jón. En gufuspreng-
ingar verða þegar kvikan þrýstist
upp að grunnvatni og hitar það á
augabragði sem veldur spreng-
ingu. Gufusprenging getur orðið
án þess að gjósi.
Jón sagði Almannavarnar-
nefndina búa yfir allri þeirri
kunnáttu og tækjabúnaði sem til
þyrfti færi að gjósa. En á meðan
þetta óvissu ástand ríkti væri fólki
ekki hleypt lengra en upp að Víti
og að varnargarðinum við
Kröfluvirkjun.
-hmp
Fiskurinn tók gráðugur við þegar starísmaður Fiskeldisfélagsins þeytti úr fóðurskjóðu fyrir fiskinn í nýjum og
fullkomnum eldiskvíum, sem komið hefur verið fyrir í Eiðisvík við Geldinganes. Mynd: Ari.
Fiskeldi
Nýlunda í kvíaeldi
Fiskeldisfélag íslandsfékkfyrstu kvíarnar. Bylting í vinnuaðstöðu og
öryggi á sjókvíum
Fóðurverksmiðjan ístess h.f. á
Akureyri hefur hafið innflutn-
ig á stálkvíum fyrir fiskeldi í sjó.
Kvíarnar, sem nefnast System-
farm, eru byggðar samkvæmt
viðurkenndum stöðlum Norsk
Veritas. Vinnuaðstaða og örygg-
isbúnaður þykir bera af því sem
framleitt hefur verið af sjókvíum
hingað til.
Fyrirtækið flutti fyrstu kvíarn-
ar inn í samvinnu við Fiskeldisfé-
lag íslands og hefur þeim verið
komið fyrir á Viðeyjarsundi. Að
sögn Péturs Bjarnasonar hjá ís-
tess þá eru Systemfarm-kvíarnar
framleiddar í stöðluðum eining-
um sem hægt er að raða upp á
marga vegu. Um er að ræða sjö
og hálfs metra og tólf metra lang-
ar einingar. Þær þola þriggja
metra háa öldu. Gangvegur
þeirra er öruggur í hálku og á að
hreinsa af sér snjó. Flotholt eru
vel aðskilin þannig að auðvelt er
að spúla þau. Allir boltar í kvíun-
um sjást vel og því gott að fylgjast
með ástandi þeirra. Þá er grind-
verk kvíanna mikið og traust.
Þessar stálkvíar eru þær fyrstu
sinnar gerðar sem koma hingað
til lands. Þá er hægt að fá kvíarn-
ar þannig úr garði gerðar að hægt
er að keyra lyftara eftir gangvegi
þeirra og hægt er að fá sérstak-
lega útbúna landbrú sem tengir
þær við land.
Systemfarm-kvíarnar(tíu hólfa
kví og tíu metra djúp nót) kostar
um ellefu milljónir króna. Lætur
nærri að eldisrúmmetrinn kosti
um 500 kr. -gís.
Loðnuveiðar
Beðið frétta af miðunum
Fœreyingar og Norðmenn komnir á miðin við Jan Mayen.
Hólmaborgin eina íslenska loðnuskipið sem bíður í startholunum
Nú eru loðnuveiðar að hefjast
við Jan Mayen og Færeyingar
og Norðmenn eru þegar komnir á
miðin. íslendingar bíða frétta af
miðunum og munu að öllum lík-
indum halda að sér höndum þar
til loðnan kemur nær landinu.
Að sögn Jóns B. Jónassonar í
sjávarútvegsráðuneytinu eru
menn minnugir ófaranna í fyrra.
„Þá gáfust menn upp um miðjan
ágúst vegna lélegrar veiði og biðu
eftir því að göngurnar kæmu upp
að landinu. Nú hafa loðnuskipin
rækjukvóta og ég tel líklegt að
menn bíði og sjái til hvernig
veiðar Færeyinga og Norðmanna
þróast á þessu svæði. Þeir eru nú
að hefja veiðar eftir því sem
Landhelgisgæslan tilkynnti okk-
ur í gær“, sagði Jón B. Jónasson.
Hólmaborgin, áður Eldborgin,
sem nú er gerð út frá Eskifirði er
eina skipið sem vitað er um að
bíði eftir fyrstu fréttum. „Ef þetta
verður eitthvað að ráði þá rjúk-
um við af stað. Við erum ekki
nema 2-3 daga að skipta af rækj-
unni yfir á loðnuna. Eg bara hef
ekkert fylgst með því hvað aðrír
ætla að gera og veit því ekki um
hvort aðrir leggja í‘ann ef einhver
afli verður þarna", sagði einn af
útgerðarmönnum Hólmaborgar-
innar. _gís.
Skipstapar
Tveir í djúpin
Á miðvikudagsmorgun sökk
Eskfirðingur SU 9 út af Héraðs-
flóadýpi. Leki kom að skipinu og
var það sokkið innan klukku-
stundar frá því menn urðu lekans
varir. Hólmaborg SU var skammt.
frá Eskfirðingi og bjargaði allri
áhöfninni, sex mönnum
Þá sökk trilla, Laufey Bjarna-
dóttir, á þriðjudagskvöld út af
Ólafsvík. Einn maður var á trill-
unni og var honum bjargað um
borð í Pétur Jakobs. Leki hafði
komið að Laufeyju og sökk hún
klukkustund síðar.
-hmp
2 SÍÐA - ÞJÓÐVILJINN Föstudagur 15. júli 1988