Þjóðviljinn - 15.07.1988, Blaðsíða 6

VIÐHORF
FRETTIR
Framhald af bls. 5
og menn bíða í ofvæni eftir því að
ungt og efnilegt fólk „gefi sig
upp“, taki undir „okkar“ viðhorf
í fræðilegri umræðu, gangi í
Keflavíkurgöngu, kaupi Pjóðvilj-
ann eða í versta falli skrifi þó
undir á móti ráðhúsinu.
Það þarf ekki að hafa um það
mörg orð, út í hvers konar
ógöngur hugsunarháttur af þess-
um toga leiðir menn. Menn
hneigjast til sjálfsdýrkunar og úr-
valshyggju, samfara óumflýjan-
legri stöðnun, hætta að geta
brugðist við nýjum aðstæðum,
fyllast kreddufestu og sjúklegum
ótta við einhvern óskilgreindan
„kratisma“, sem verður samheiti
yfir allt það í þessum heimi sem
hvorki var til í gær né í fyrradag.
Þetta ástand virðist sem betur
fer vera í rénun eftir því sem
tímar líða fram og hlýindi vaxa í
stjórnmálalífinu, en það er full
ástæða til að staldra við og meta
orsakir og afleiðingar slíks á-
stands. Auðvitað koma ýmsir
þættir þessarar lýsingar minnar,
þeim kunnuglega fyrir sjónir sem
eitthvað hafa að ráði starfað
innan íslenskra stjórnmála-
flokka. En þetta mál er þeim mun
alvarlegra í vinstri sinnuðum
stjórnmálaflokki en hægri sinn-
uðum að vinstri flokkurinn bygg-
ir tilveru sína og starf á hugsjón-
um um jafnrétti, lýðræði og
jöfnuð. Þetta er líka alvarlegt
ástand fyrir þau okkar sem
þekkjum með einhverjum hætti
til afleiðinga McCarthyismans
hér á landi á sjötta áratugnum og
þekkjum þá ljótu sögu útskúfun-
ar, atvinnuleysis og ofstækis sem í
þann tíma var fylgifiskur þess að
vera grunaður um óæskileg við-
horf. Sá arfur leggur okkur
ábyrgð og skyldur á herðar.
Islenskt samfélag, líkt og
önnur evrópsk samfélög, stendur
á tímamótum. Gamla, góða
„haltukjaftiogéttuskít“-pólitíkin
hefur gengið sér til húðar, hér
heima með pólitísku ráðleysi og
siðleysi, fámennisvaldi og stefnu-
leysi fjórflokksins. Kröfur um
valddreifingu, beinna lýðræði og
ábyrga pólitík hafa náð miklum
hljómgrunni og fundið sér farveg
í Kvennalistanum, A-flokkarnir
standa máttvana hjá, á svipinn
dálítið eins og þeir hafi misst af
strætó. það er okkur hollt að hug-
leiða að þessar kröfur, Liljan sem
allir þykjast kveðið hafa, eru
sprottnar úr margþættum hrær-
ingum í hugmyndaheimi Vestur-
landa síðustu áratugina. Einn
þráður í því fina teppi er einmitt
frjálshyggjan hans Hannesar.
Eftir stendur sú staðreynd að
Hannes Hólmsteinn Gissurarson
hlaut ekki hæfnisdóm hjá dóm-
nefndinni um lektorsstöðuna og
menntamálaráðherra hefur lýst
því að Hannes hafi við stöðu-
veitinguna notið skoðana sinna.
Þetta eru að mínu viti aðalatriði
málsins og þau atriði sem valda
því að skipun ráðherra í stöðuna
er siðlaus og móðgun við Há-
skólann. Pólitískar skoðanir
Hannesar eiga hvorki að verða
honum að fótakefli, né til ávinn-
ings, Svo ofur einfalt er nú það
mál.
Árni Páll er laganemi við HÍ og
varaformaður Alþýðubandalags-
ins í Reykjavik.
ÖKUM EiNS OG MENN!
Drögum úr hraða
- ökum af skynsemi!
yUMFERÐAR
RÁÐ
Plötusmiður og
rafsuðumenn
óskast nú þegar. Mikil vinna. Upplýsingar gefur
Bjarni Thoroddsen í síma 24400.
Stálsmiðjan
Systir okkar
Guðríður Sigurðardóttir
Nýjabæ, Garði
verður jarðsett frá Útskálakirkju laugardaginn 16. júlí kl. 14.
Addbjörg Sigurðardóttir
Sigríður Sigurðardóttir
Þau Jóna Kristín Heimisdóttir og Hjalti Harðarson 5 ára íbúar í Set-
bergshverfi taka fyrstu skóflustunguna að nýja skófanum sínum en
bæjarstjóri og aðrir gestir fylgjast með.
Hafnarfjörður
Nýr skóli í Setbergi
Fyrsta skóflustunga að nýjun
grunnskóla í Setbergshverfl í
Hafnarfirði var tekin í fyrradag.
Það voru þau Jóna Kristin
Heimisdóttir og Hjalti Harðarson
sem hjálpuðust að við verkið með
nýjum plastskóflum. Þau Jóna
Kristín og Hjalti eru bæði 5 ára og
eiga heima I Setbergshverflnu og
verða því meðal fyrstu nemenda
skólans í 6 ára deildinni þegar
skólinn tekur til starfa haustið
1989.
Skólinn hefur verið hugsaður
og teiknaður sem skóli fyrir nem-
endur frá 6 ára upp í 9. bekk, þ.e.
fyrir forskólanám og skyldunám
og er gert ráð fyrir tveimur bek-
kjardeildum í hverjum nemend-
aárgangi.
Björn Hallsson arkitekt hefur
teiknað Setbergsskóla og skipu-
lagt hann, en Björn hefur einnig
verið aðalhönnuður Setbergs-
hverfis.
Skólanum er skipt í tvo bygg-
ingaráfanga. Gert er ráð fyrir að
fyrri byggingaráfanganum verði
lokið fyrir 1. september 1989 og
hefjist þá kennsla þar fyrir nem-
endur í Setbergshverfi.
Þessi byggingaráfangi sem nú
er hafinn er 2115 m2 að stærð. í
honum verða 7 almennar
kennslustofur, tvö hóprými og
aðstaða fyrir umönnun yngstu
nemendanna utan kennslu-
stunda. þar verður einnig setu-
stofa fyrir nemendur, tón-
menntastofa og fjölnýtisalur. í
honum er m.a. gert ráð fyrir að
kenna yngstu nemendunum
íþróttir og þess vegna eru einnig
búnings- og baðklefar í þessum
áfanga skólans.
Þá er líka í þessum byggingar-
áfanga komið fyrir skólasafni,
skólaskrifstofu, skrifstofum
skólastjóra og yfirkennara, fund-
arherbergi, kennarastofu og
vinnuaðstöðu fyrir kennara, svo
og húsrými fyrir húsvörð og
heilsugæslu.
Síðari byggingaráfangi skólans
verður 1374 m2, þannig að full-
byggður verður skólinn 3489 m2.
Setbergshverfið er hraðvax-
andi íbúðarbyggð og húsin rísa
þar eitt af öðru. Á þessu ári hefur
t.d. verið úthlutað58 lóðumíSet-
bergi undir einbýlishús með 47
íbúðum. Samtals er þarna um 133
íbúðir að ræða.
Sjálfsbjörg
Rjúfum
einangrun
heyrnarlausra
Skorar á yfirvöld að
sinna málum þessa
einangraða hóps.
Tölvur og
táknmálstúlkar eru
kjörin verkfæri til
þess
í könnun félagsmálaráðuneyt-
isins á aðstæðum heyrnarlausra í
landinu kom fram að þessi hópur
landsmanna er mjög einan-
graðaur félagslega. Þá kom einn-
ig fram að heyrnarlausir búa
mikið saman og verða oft að sætta
sig við lélegri og leiðinglegri
vinnu sem rýfur á engan hátt ein-
angrun þeirra.
Sjálfsbjörg, landsamband fatl-
aðra, heftir sent frá sér áskorun
til stjórnvalda um að leysa úr
vandamálum þessa hóps. Álykt-
unin er svohljóðandi: „Fram-
kvæmdastjórn Sjálfsbjargar l.s.f.
skorar á stjómvöld að gera stór-
átak í því að rjúfa nú þegar félags-
lega einangrun heyrnarlausra.
Sjálfsbjörg leggur áherslu á að
tölvur, sem koma í stað texta-
síma, verði almenningseign og að
heymarlausum verði tryggð
þjónusta táknmálstúlka. Sjálfs-
björg telur eðlilegt að íslenskt
efni í sjónvarpi sé gert öllum
skiljanlegt - einnig heymar-
lausum.“
Að sögn Jóhanns Péturs
Sveinssonar, formanns Sjálfs-
bjargar, em í hópi heyrnarlausra
hér á landi nokkur hundrað
manns. „Það kostar ekki mikið fé
að kippa þessum málum í lag.
Tæknin er fyrir hendi og það er
sárgrætilegt til þess að vita að
ekkert hafi verið gert til þess að
vinna gegn einangran þessa
fólks. Fólk verður náttúrulega
fyrst að skilja hvað það er að vera
heyrnarlaus. Ríkissjónvarpið
gerði vel á sínum tíma þegar það
tók upp táknmálsfréttir á föstum
tímum í dagskrá sinni en nú virð-
ist sú eina viðleitni að detta upp-
fyrir eftir að Stöð 2 kom. Það ætti
að vera metnaður sjónvarpstöðv-
anna að bjóða upp á táknmáls-
túlkun með öllu íslensku efni,“
sagði Jóhann Pétur. -gís.
Minning
Elías Þórarínsson
Sveinseyri við Dýrafjörð
Nú fór í verra. Elías bóndi Þór-
arinsson á Sveinseyri við Dýra-
fjörð lést af slysförum fyrir fáum
dögum, og verður jarðsunginn í
dag.
I þessum línum verður engin
tilraun gerð til að rekja lífshlaup
skáldsins og hagleiksmannsins
Ella á Sveinseyri, enda aðrir til
þess færari. Hér skal aðeins reynt
að bera fram fáein fátækleg þak-
klætisorð til manns sem ég mat
mikils, fyrir nokkrar samverust-
undir vestur á Dýrafirði, sem hátt
rísa í minningunni frá þeim árum
er ég bjó ásamt fjölskyldu minni
þar vestra, fyrst í Svalvogum á
áranum 1975-1976 og síðar á
Þingeyri á árunum 1978-1981.
Það var ekki ónýtt borgarbú-
anum sem kom til vitavörslu vest-
ur að njóta leiðsagnar þinnar um
dalinn þinn, Keldudalinn, setjast
með þér við ána eða í fjöruna,
hlusta á mergjaðar sögur fortíðar
og skynja jafnframt elsku þína til
þessa kalda en fagra dals og alls
sem lífsanda dró. Ýmist „galdur
og kveðandi djúpt inni í heiðn-
innar rökkri“ eða rómantískar og
glettnar stemmningar, nær í tím-
anum, og sólin ein og Arnarnúp-
urinn voru vitni og gilti þá einu
um veðurfar.
En það var setið við fleira en
sögur og ljóð. Við ræddum líka
um fyrirheitna landið, sem við
eygðum báðir, langt inn í sólglitr-
andi framtíðinni, en vissum jafn-
framt að við gætum lítið nálgast
nema „ef fólkið þorir“.
„Allir munu vera okkar vinir,
sagði hún; því fólkinu líður vel.
Og þrælakistan Ieggjast niður á
Bessastöðum, sagði hann. Því í
landi þar sem fólkinu líður vel eru
ekki framdir glæpir. Og við
ríðum um landið á hvítum hest-
um, sagði hún“. (íslandsklukkan
H. K. L.)
Nú er landið það ívið lengra
undan enda höfðingi Keldulands
fallinn í valinn og skuggi yfjr
dalnum og gildir enn einu um
veðurfar.
En leiðir skildu á sínum tíma
nefndir þú lauslega eitt bréf eða
svo. Nú eru síðustu forvöð að
koma því í verk, þótt efni þessa sé
annað en ég hefði kosið.
Kristjönu og fjölskyldunni allri
sendum við feðgar, okkar dýpstu
samúðarkveðjur.
Ólafur Þ. Jónsson
6 SÍÐA — ÞJÓÐVILJINN Föstudagur 15. júlí 1988