Þjóðviljinn - 16.07.1988, Page 1
Laugardagur 16. júlí 160. tölublað 53. árgangur
Ríkissjóður
Stórfelld seðtaprentun
Vaxtagjöld ríkissjóðs vegna seðlaprentunar í Seðlabankanum
úr500 miljónum í 1.4 miljarð á þessu ári. Allur tekjuskattur landsmanna rétt dugirfyrir
vaxtagjöldum ríkissjóðs
Flest bendir nú til þess að
vaxta- og refsivaxtagreiðslur rík-
issjóðs til Seðlabankans á þessu
ári munu nema um 1,4 miljarði
króna. í fjárlögum þessa árs er
gert ráð fyrir að þessi vaxtagjöld
verði um 500 miljónir. Aukning-
in er því tæpur miljarður.
í nýútkominni Þjóðhagsspá
kemur fram að fyrstu fimm mán-
uði ársins var yfirdráttarskuld
ríkissjóðs hjá Seðlabankanum
um 4,3 miljarðar sem er langt
umfram það sem áður var áætlað.
Greiðsluáætlun ríkisins gagnvart
Seðlabanka hefur því engan veg-
inn staðist og hefur fjármálaráð-
herra brugðist við stórfelldum
tekjuhalla ríkissjóðs með sí-
aukinni seðlaprentun í Seðla-
bankanum sem kostar ríkissjóð
drjúgt í refsivöxtum.
Samkvæmt samningi fjármála-
ráðuneytisins við Seðlabankann
greiðir ríkissjóður sérstaka refsi-
vexti fyrir þann yfirdrátt sem er
hverju sinni í seðlaprentuninni
umfram áðursamþykkta
greiðsluáætlun. Stóraukin seðla-
prentun mun því kosta ríkissjóð
hundruð miljóna á þessu ári um-
fram það sem áætlað var í fjár-
lögum.
Heildarvaxtagreiðslur ríkisins
á þessu ári af innlendum og er-
lendum lántökum eru áætlaðar
um 4,8 miljarðar. Sú fjárhæð
jafngildir öllum tekjum ríkissjóðs
af tekjuskatti landsmanna á
þessu skattári.
Dag hvern streyma heilu hjólbörufarmarnir af peningum úr seðla- Arnarhvoli til að mæta yfirdrættinum á útgjaldareikningi fjármálaráð-
prentsmiðju Seðlabankans yfir í höfuðstöðvar fjármálaráðuneytisins í herra. Mynd-Sig.
Byggingarmenn
Ekkibenda
á mig
Útseld vinna meistara
hœkkaði um 16%-29%.
Trésmiðir: Ekki við.
Meistarar: Ekki við.
í svari Verðlagsstofnunar til
Félags starfsmanna í húsgagna-
iðnaði kemur í ljós að útseld
vinna trésmíðameistara hækkaði
um 16,33% til 28,41% í maí. For-
maður Trésmiðafélags Reykja-
víkur segir launataxta mest hafa
hækkað um 16% en Valgerður
Marinósdóttir hjá Verðlagsstofn-
un segir laun hafa hækkað meira
en menn vilji kannast við.
Byggingarvísitala hækkaði um
8,4% þann l.júlí og segir Hag-
stofan að 5,2% þeirrar hækkunar
megi rekja til kjarasamninga
byggingarmanna. Meistarar og
verktakar kannast ekki við hækk-
unartölur á bilinu 15% til 16% og
segja álagningu sína hafa lækkað
um 5% vegna bráðabirgðarlaga.
Kvikmyndir
Tsjudenar
í vígahug
Norsk/samíska kvikmyndin
Leiðsögumaðurinn, eða Ofelas,
er einstæður viðburður fyrir
margra hluta sakir. Hún er ekki
einungis frumraun leikstjórans,
Nils Gaup, sem leikstjóra og
handritshöfundar, heldur líka
fyrsta kvikmyndin sem gerð hef-
ur verið á samísku.
Reyndar heyrist annað tungu-
mál í myndinni, en það er Tsju-
denska.
Suður-Afríka
Mandela sjötugur
Nelson Mandela hefur setið í
26 ár samfleytt í dýflissum Pretór-
íustjórnar. Honum hefur verið
boðið frelsi gegn því að hann
hyrfi úr landi. Hann afþáði. Hon-
um hefur verið boðið frelsi gegn
því að hann sneri baki við frelsis-
baráttu bræðra sinna og systra.
Hann sagði það aldrei skyldi
verða.
Á mánudag verður Mandela
sjötugur. Fordæmi hans stappar
stálinu í blakka baráttumenn og
skýtur hvítum ofríkismönnum
skelk í bringu. Fjöldi þjóðarleið-
toga hyllir hann á þessum tíma-
mótum og víða minnast menn
hans og málstaðar hans með ein-
hverjum hætti. Allir krefjast þess
að hann verði þegar í stað látinn
laus án skilyrða.
Steingrímur Hermannsson
utanríkisráðherra hefur sent
Mandela kveðju ríkisstjórna á
Norðurlöndum. Á sunnudaginn
verður haldinn útisamkoma á
Miklatúni. /
Sjá síðu 3
Sjá síðu 9
Sjá síður 2 og 13
Frelsum Nelson Mandela sjötugan.
(