Þjóðviljinn - 27.07.1988, Blaðsíða 13
ERLENDAR FRETTIR
Persaflóastríðið
Irakar virðast óstöðvandi
Iranskir uppreisnarmenn berjast við hlið íraka umlOG kílómetrum austan landamœranna.
De Cuellar og Velajatí rœðast við í New York
íranskir hermenn áttu í gær í
vök að verjast fyrir ásókn her-
sveita íraka og íranskra banda-
manna þeirra, Mujahedín skæru-
liða, sem héldu lengra en nokkru
sinni fyrr inní Iran. Meðan þessu
fór fram hófust viðræður um
lyktir styrjaldarinnar í aðalstöðv-
um Sameinuðu þjóðanna í New
York.
Hernaðaryfirvöld í Teheran
gáfu síðan út yfirlýsingu síðdegis í
gær þar sem sagði að sveitir
Íieirra hefðu endurheimt
slamabad-Gharb úr höndum ír-
aka og skæruliða Mujahedín-E-
Khalq. Íslamabad-Gharb liggur
um 100 kílómetrum austan landa-
mæra íraks og írans.
Fulltrúi Mujahedínliða, sem
hafa aðalstöðvar í Bagdað í boði
Saddams Husseins, kvað það
hinsvegar af og frá að hermenn
íransstjórnar hefðu endurheimt
bæ þenna, hann væri enn í hönd-
um sinna manna. Sjálfir þóttust
írakar hvergi nærri þessum bar-
dögum hafa komið. Þvert á móti
hefðu þeir dregið ýmsar hersveita
sinna til baka yfir landamærin.
Hvað færi á milli uppreisnar-
manna og stjórnvalda í Iran væri
vitaskuld einkamál þeirra. Fjöl-
skyldumál.
Á sama tíma og barist var um
Íslamabad-Gharb bauð Javier
Perez de Cuellar utanríkisráð-
herra írana sæti í einu af
flosmjúkum hægindum skrifstofu
sinnar. Ali Akbar Veljatí er orð-
inn tíður gestur í New York en
þetta er í fyrsta sinn að hann
ræðir við aðalritara Sameinuðu
þjóðanna um frið í Persaflóa-
stríðinu. Þeir félagarnir spjölluðu
saman í tvær klukkustundir og að
fundi loknum kvaðst Veljatí
hæstánægður með hinar „mark-
vissu og árangursríku viðræður.“
De Cuellar tjáði frétta-
mönnum að hann myndi bjóða
utanríkisráðherra fraka, Tareq
Aziz, hjartanlega velkominn á
skrifstofu sína í dag. Aðalritarinn
sagðist ætla að vekja máls á álykt-
un Öryggisráðsins númer 598 um
vopnahlé íraka og írana,
heimkvaðningu hermanna af
framandi grundu og fangaskipti á
fundi sínum með Aziz. Þetta væri
einmitt það sem þeir Veljatí
hefðu rætt í gær. Ennfremur
sagði hann líkur á því að hann
fitjaði uppá samræðum um hugs-
anlega skipun nefndar til þess að
rannsaka hverjir hefðu átt upp-
tökin að ófriðnum fyrir 8 árum.
Reuter/-ks.
íraskir hermenn. Hafa sótt 100 kílómetra austur fyrir landamærin.
Paragvœ
Jesúíti í útlegð
Strössner gerir ekki uppá milli „frelsunarguðfrœði“ og
marxisma
að er alkunna að síðastliðin
33 ár hefur Alfredo Strössner
Mattiauda setið yfir hlut manna í
Paragvæ. Hann er einn af örfáum
einræðisherrum úr röðum hers-
ins sem enn ríkja í Rómönsku
Ameríku. Strössner er aldraður
maður og það er erfitt að kenna
gömlum hundi að sitja. Því verð-
ur enn bið á því að landsmenn fái
um frjálst höfuð strokið.
Sambúð ríkis og kirkju var að
mestu snurðulaus framan af blóð-
ferli Strössners enda virtu báðir
aðilar lögsögu hins. Það er til
marks um þetta að Strössner hef-
ur aðeins þurft að reka 17 guðs-
menn í útlegð fyrir múður og
mótmæli.
En nú er öldin önnur. Klerkar
landsins virðast ekki átta sig á því
lengur hvað til síns friðar heyrir.
Þeir hafa nefnilega fallið kylliflat-
ir fyrir brasilískri „heresíu", vil-
lutrú sem er að gera pótintáta
Páfagarðs gráhærða, sjálfri
„frelsunarguðfræðinni. “
Og þá er það sjálf fréttin.
Strössner, eða einhverjir skó-
sveina hans, fluttu spænska'n jes-
úíta, kristmunk, nauðugan úr
landi í gær. Juan de la Vega var
tekinn höndum í fyrri viku fyrir
að flytja fyrirlestra um „frelsun-
arguðfræðina". Með öðrum orð-
um: hann hvatti kollega sína til
þess að taka höndum saman við
alþýðu landsins og velta einræðis-
herranum úr sessi. Guðfræðileg
rök fyrir þeirri hvatningu sótti
klerkur í II. Mósebók Gamla
testamentisins.
Strössner sér engan mun á
marxisma og „frelsunarguð-
fræði" enda kærir hann sig koll-
óttan um isma og fræði. Hann
þekkir hinsvegar vel muninn á
sínum fáu en góðu vinum annars-
vegar og fjölmennu fjendaliði
hinsvegar.
Þótt Juan de la Vega teljist
klárlega til hinna síðarnefndu
þurfti hann ekki að dúsa í
myrkrastofu Strössners nema í
þrjá daga. En hann hafði ekki
gengið laus nema skamma hríð
þegar þrír óeinkennisklæddir
menn viku sér að honum á götu,
tóku hann höndum og tróðu hon-
um inní bifreið. Þvínæst var ekið
að Iandamærum Paragvæ og Arg-
entínu og fanganum hrundið yfir.
Reuter/-ks.
Alþjóðleg sölumennska
Nestlé - hollvinurbamanna
Alþjóðareglur brotnar. Purrmjólkhaldið að brjóstmylkingum. Pelagjöfverður 1 miljón
barna að aldurtila á ári hverju íþriðja heiminum. Nestlé-auðhringurinn
telursig vitabetur
Nestlé-fjölþjóðaauðhringurinn
er sakaður um að ógna lífi milj-
óna barna í þriðja heiminum með
því að efna ekki loforð um að
stöðva dreifingu á þurrmjólk til
mæðra og heilbrigðisstétta. Þrátt
fyrir varnaðarorð sérfræðinga á
vegum Alþjóða heilbrigðisstofn-
unarinnar - (WHO) að þesshátt-
ar drukkur, beri sök á dauða
hvítvoðunga og ungbarna í þriðja
heiminum og ietji mæður til
brjóstagjafar, telja forráðamenn
Nestlé sig vita betur og hafa tekið
upp á nýjan leik fyrri iðju.
Nestlé-fyrirtækið hætti dreif-
ingu á þurrmjólk til þriðja
heimsins árið 1984, eftir að al-
þjóðastofnanir og félagasamtök
víðsvegar um lönd höfðu rekið
hatramma baráttuherferð gegn
athæfi fyrirtækisins um sjö ára
skeið.
Nestlé féllst þá á að beygja sig
undir ok samþykkta Álþjóða
heilbrigðisráðsins og Barnahjálp-
ar Sameinuðu þjóðanna um að
óheimilt væri að gefa barnamat
og þurrmjólk til fæðingarspítala í
þriðja heiminum og hvetja
heilbrigðisstéttir til að halda
frammi „ágæti“ þurrmjólkur við
mæður.
Það var árið 1970 sem Nestlé
var staðið að því að reka óvægna
auglýsinga- og áróðursherferð
fyrir notkun þurrmjólkur í ýms-
um löndum þriðja heimsins þar
sem læsi er takmarkað og hreint
neysluvatn af skornum skammti.
Mæður voru hvattar til þess að
leggja af þann „plagsið" að hafa
börn á brjósti, og gefa í staðinn
undraformúlu Nestlé og heil-
brigðisstéttum voru gefnar vil-
landi upplýsingar um kosti þurr-
mjólkur.
Mergur málsins er hins vegar
sá að pelagjöf þar sem neysluvatn
er ekki uppá það besta og van-
næring er landlæg, er nánast
dauðadómur yfir brjóstmylking-
um. Áætlað er að allt að ein milj-
ón barna í þriðja heiminum deyi
árlega af völdum vannæringar og
steinsmugu sem rekja má með
beinum hætti til pelagjafar.
Nestlé hefur einkum verið sak-
að um að dreifa þurrmjólk í
miklu magni í ýmsum Asíu-lönd-
um og samkvæmt skýrslum fyrir-
tækisins sjálfs hefur sala á þurr-
mjólk aukist mikið uppá síðkast-
ið í Austurlöndum nær.
Samkvæmt athugun sem tók til
51 sjúkrahúss í Suðaustur Asíu,
kom í ljós að Nestlé hafði gefið
þurrmjólk til þriggja fjórðu hluta
þeirra - og í mun meira magni en
keppinautar fyrirtækisins á sviði
þurrmj ólkurframleiðslu.
- Fulltrúar fyrirtækisins koma
hingað reglulega og gefa okkur
þurrmjólk til reynslu, er haft eftir
lækni í Singapore, - okkur finnst
ekki annað við hæfi en að dreifa
þurrmjólkinni til mæðra - annað
væri sóun. Ég er þó ekki allskost-
ar sáttur við þetta því ég veit að
móðurmjólkin er hollari. En
hvað annað á ég að gera við alla
þessa þurrmjólk?
Fyrirtækið er jafnvel svo ósvíf-
ið við að koma varningnum út og
tryggja sér nýja markaði, að það
hefur útbýtt þurrmjólk með því
fororði að hún lækni steinsmugu,
einmitt þegar börnin hafa mesta
þörf fyrir móðurmjólkina.
Forsvarsmaður stjórnar auð-
hringsins telur sig þó ekki þurfa
að biðjast afsökunar á einu né
neinu.
- Ég sé enga ástæðu til að biðj-
ast afsökunar þrisvar á dag bara
af því að eitthvert fólk úti í bæ
ætlast til þess. Ef þú ætlar að
spyrja mig um þetta þá ert þú að
spyrja um frjálst einkaframtak og
kapítalisma.
Að mínu mati er óheftur kapít-
alismi bestur til þess að tryggja
mönnum frelsi og framfarir.
Þetta er hreint stórkostlegt efna-
hagskerfi. Svo mörg voru þau
orð.
-Morning Star/rk
Þurrmjólk frá Nestlé gefur hraustlegf og gott útlit, bætir meltinguna...
Undir slíku yfirskyni hefur Nestlé-auðhringurinn verið staðinn að því að
halda þurrmjólk að heilbrigðisstéttum og hvetja mæður til að hætta að
hafa börn sín á brjósti og kveða um leið upp dauðadóm yfir einni miljón
barna á ári í löndum þriðja heimsins.
Miðvikudagur 27. júlí 1988 ÞJÓÐVILJINN - SÍÐA 13