Þjóðviljinn - 28.07.1988, Blaðsíða 10

FERÐABLAÐ
Atlavík við Löginn, skömmu fyrir Verslunarmannahelgi 82. Mynd áþj.
Útihátíðir
Langhelgi við Löginn
Stuðmenn, Strax, Bubbi, Megas, Sjón, BjarniAraog
Sú Ellen. Firnamargtforvitnilegt á seyði íAtlavík ’88
Stuðmennirnir Egill og Valgeir í gapandi ham í Atlavík 84, en á þá hátíð
kom Ringo Star, Hringursem við hvern sinn fingur lék af lífi og sál. í ár
skína Látúnsbarkarnir skærast af öllum í Atlavík 88.
í Atlavík verður stórhátíð um
Verslunarmannahelgina.
Ungmenna- og íþróttasamband
Austurlands hefur vcg og vanda
af undirbúningi og framkvæmd
hátíðarinnar sem endranær og er
þar firnamargt forvitnilegt á
seyði.
Útihátíðarhljómsveitirnar
Stuðmenn og Strax verða hátíð-
argestum til helberrar gleði og
stanslauss glaums en auk þeirra
hefur Bubbi Morthens þekkst
boð UÍA um að skemmta í Atla-
vík. Auk þessara verða Megas,
Bjarni Arason og Búningarnir,
Bjartmar Guðlaugsson og Sú Ell-
en frá Norðfirði í Atlavík um
Verslunarmannahelgina. Hljóm-
sveitin Ný Dönsk hefur einnig
bæst í hópinn.
Skemmtikraftar verða á svæð-
inu, kannski flestir sjálfskipaðir
úr röðum hátíðargesta, og með
þeim hefur verið sett saman
skemmtidagskrá. Sjón er einn
þeirra sem áformað hefur verið
að komi fram í nefndri
skemmtidagskrá.
Dansleikir verða haldnir
föstudags-, laugardags- og
sunnudagskvöld og á þeim leika
hljómsveitirnar sem að framan
hafa verið taldar. Síðdegis á laug-
ardag verður haldin Látúnsbark-
akeppni í Atlavík undir styrkri
stjórn Stuðmanna og eru kepp-
endur alls 40 úr 8 kjördæmum. Á
sunnudeginum koma 16 hlut-
skörpustu barkarnir fram og þá
verður valinn Látúnsbarki hvers
kjördæmis, alls 8 kandídatar. í
beinni sjónvarpsútsendingu
RUV í ágúst verður Látúnsbarki
88 valinn.
Af öðrum skemmtiatriðum má
nefna fallhlífastökkvara og
kraftlyftingamenn.
Náttúrufegurð er mikil við
Löginn og því ætti
skemmtisjúkum hátíðargestum
að veitast fró í upplitinu frá
glaumnum yfir hábjarta dagana.
Hallormsstaðarskógur og ná-
grenni hans svíkur engan og vís-
ast er að fáir unni sér hvíldar frá
gefandi gönguferðum um skóg-
lendið og grösugar hlíðar við
Löginn.
A svæðinu er að finna veiting-
asölur og salerni ef að líkum lætur
og einnig er vísast að hátíðingum
verði gert að tjalda á þartilgerð-
um tjaldsvæðum, sem Skógrækt
ríkisins starfrækir reyndar öll
sumur.
Frá Akureyri fara rútur BSÍ
föstudaginn 29. júlí klukkan 8.15
og 17.00, laugardaginn 30. júlí
klukkan 8.15 og sunnudaginn 31.
júlí klukkan 8.15. Til baka frá
Atlavík aftur á mánudeginum 1.
ágúst klukkan 14.00 og 16.00 um
Egilsstaði. Föstudaginn 29. júlí
er hægt að komast frá Reykjavík
til Atlavíkur, með því að skipta
um bíl á Akureyri klukkan 17.00.
Sætaferðir verða farnar föstu-
daginn 29. júlí frá Neskaupsstað
klukkan 15.30 og 19.30, frá Eski-
firði klukkan 16.10 og 20.10, frá
Reyðarfirði klukkan 16.30 og
20.30, frá Egilsstöðum í tengslum
við áætlunarflug frá Reykjavík og
áætlunarbfla frá Akureyri.
Laugardaginn 30. júlí og sunnu-
daginn 31. júlí verða sætaferðir
frá Egilsstöðum eftir þörfum og
einnig til baka. Mánudaginn 1.
ágúst verða svo ferðir frá Atlavík
eftir þörfum.
Dýrast er að fara frá Reykja-
vík, eða kringum 6 þúsund krón-
ur báðar leiðir, en frá öðrum
stöðum er verðið oftast í kringum
1 þúsund krónur. Inná svæðið
þarf svo hver að greiða 4500
krónur.
Útihátíðir
Galtalækjarskógur
Tjaldsvœði, unglingatjaldsvæði ogsérstök hjólhýsastœði.
Fjölbreytt skemmtun án vímu
Orðið er að venju að halda
bindindismót í Galtalækjarskógi
um Verslunarmannahelgina og
svo sannarlega verður ekki
brugðið útaf henni í ár. IOGT og
íslenskir ungtemplarar standa að
bindindismótinu en starfsmenn
mótsins, sem eru fúsir til að
leggja sig fram um að veita sem
besta þjónustu, verða um 200
talsins og er lögð höfuðáhersla á
að gestir mótsins njóti helgarinn-
ar sem best.
Aðalhljómsveit mótsins á palli
verður hljómsveit Birgis Gunn-
laugssonar en í tjaldi verða ung-
lingahljómsveitirnar Kvass frá
Stykkishólmi, Fjörkarlar frá
Reykjavík og Que frá Dan-
mörku. Aðrir tónlistarmenn eru
Pálmi Gunnarsson og söngtríóið
Fine Country Kids frá Kanada.
Á mótinu verða einnig grínist-
arnir Ómar Ragnarsson og Jó-
hannes Kristjánsson eftirherma.
Sterkasti maður heims, Jón Páll
Sigmarsson mætir og skemmtir
mótsgestum með ýmsum
aflraunum. Af barnadagskránni
er helst að nefna Brúðubflinn,
hjólreiðakeppni BFÖ, söngvar-
akeppni og skipulagða leiki og
keppni fyrir yngstu börnin á
morgnana. Aðrir dagskrárliðir
eru meðal annars ökuleikni
BFÖ, íslandsmeistarakeppni í
dansi, Porvaldur Halldórsson
annast helgistund, Valur Óskars-
son stýrir fjöldasöng, varðeldur
og flugeldasýning.
Vinsælu leiktækin í Ævintýra-
landi eru á sínum stað fyrir börn-
in og á mótinu verður Tívolí sett
upp mikið endurbætt. Næsta ná-
grenni Galtalækjarskógar býður
upp á fjölbreyttar og skemmti-
legar gönguferðir, stuttar sem
lam»ar.
Ymislegt fleira verður gert
fyrir mótsgesti. Verið er að
kanna möguleika á svæðisútvarpi
þar sem komið yrði á framfæri
tilkynningum til mótsgesta og út-
varpað dagskrárliðum á milli þess
sem leikin yrði tónlist.
Aðstaðan í skóginum fer batn-
andi með hverju árinu. Á staðn-
um er stórt veitingahús, hreinlæt-
isaðstaðan er mjög góð og tjald-
stæðin eru dreifð um stórt skógi-
vaxið svæði. Sérstök stæði eru
fyrir hjólhýsi og unglingarnir geta
einnig haldið hópinn á sérstöku
unglingatjaldstæði.
Frá Umferðarmiðstöðinni fara
Mótsgestirfylgjast með skemmtidagskrá á danspalli í Galtalæk. Mynd
H. Óskarsson.
rútur BSÍ föstudaginn 29. júlí
klukkan 8.30 og 21.00, laugar-
daginn 30. júlí klukkan 8.30 og
14.30, sunnudaginn 31. júlí
klukkan 8.30.
Frá Galtalæk eru ferðir sunnu-
daginn 31. júlí klukkan 16.00 og
mánudaginn 1. ágúst klukkan
13.00 og 16.00.
Fargjald er 1200 fram og til
baka.
Einsog að framan greinir verð-
ur dagskrá mótsins fjölþætt að
venju og reynt er að höfða til allra
aldurshópa svo að öll fjölskyldan
geti komið og átt skemmtilega
helgi í fallegu unhverfi án áfeng-
is.
10 SÍÐA - ÞJÓÐVILJINN