Þjóðviljinn - 03.08.1988, Blaðsíða 2

FRÉTTIR
Einar Guðfinnsson hf.
Skuldir umfram eignir
Fyrirtœkið borgar hvorki tekju- né eignarskatt. Hrönn hf. hœstiskatt-
greiðandi Vestfjarða. Greiðir 46% minna en í fyrra
Inýútkominni álagningarskrá
Skattstofu Vestfjarðaumdæmis
kemur fram að hið gamalgróna
stórfyrirtæki Einar Guðfinnsson
hf. á Bolungarvík greiðir hvorki
tekju- né eignarskatt. Samkvæmt
upplýsingum Ólafs Helga Kjart-
anssonar, skattstjóra í umdæm-
inu er það vegna þess að skuldir
fyrirtækisins umfram eignir eru
það miklar að eignarskattsstofn
nær ekki að myndast. Hins vegar
greiðir fyrirtækið um 5.6
milljónir í aðra skatta, þar af um
3,1 miUjón í aðstöðugjöld.
Hæsti skattgreiðandi fjórð-
ungsins er útgerðarfyrirtækið
Hrönn hf á ísafirði og voru lagðar
9,9 milljónir á fyrirtækið. Er það
umtalsverð lækkun á skatt-
greiðslum fyrirtækisins frá árinu
á undan er það greiddi 14,5
miiljónir. Norðurtanginn á fsa-
firði er annar í röðinni með 8,6
milljónir, miðað við 10,7
milljónir árið á undan og Miðfell í
Hnífsdal greiðir 7,9 milljónir
króna.
Álagður tekjuskattur á ein-
staklinga vegna tekna ársins
1987, „skattlausa ársins“, nam
um 22,8 milljónum króna en var
um 309 milijónir þar á undan. Sé
tekið mið af hækkun á Lífeyris-
tryggingagjaldi atvinnurekanda,
sem er ákveðið hlutfall af launum
og hækkaði um 35,5% milli ára
má áætla að hefðu breytingar á
skattalögum ekki komið til,
hefðu Vestfirðingar greitt um 420
milljónir í tekjuskatt vegna ársins
1987. Þá greiddu Vestfirðingar
um 25 milljónir í útsvar, en hefðu
samkvæmt samskonar reikningi
greitt um 446 milljónir króna.
-phh
Suður-Afríka
Appelsínumar
hverfa í haust
Eitt af því sem töluvert hefur
verið flutt inn af frá Suður-
Afríku eru appclsínur. Mata hf.
hefur flutt inn Outspan appel-
sínur en þær munu ekki sjást í
íslenskum verslunum eftir haust-
ið. Del Monte vörurnar gætu þó
ennþá sést í verslunum þar sem
Del Monte fyrirtækið mun vera
bandarískt en hefur mikil umsvif í
Suður Afríku.
Gunnar Gíslason hjá Mata
sagði Þjóðviljanum að Outspan
appelsínurnar myndu hverfa
sjálfkrafa af markaðnum í haust.
Innfluttningur á ávöxtum væri
mjög árstíðabundinn og í haust
myndi Mata flytja inn appelsínur
frá Spáni. En Iög sem banna
innflutning frá Suður-Afríku
taka gildi um áramótin. Outspan
appelsínurnar hefðu einfaldlega
verið keyptar þar sem þær væru
ódýrastar og góðar. Gunnar
sagði aðeins einn farm hafa verið
keyptan til landsins í ár og bjóst
ekki við að meira yrði keypt.
Að sögn Gunnars flytur Mata
ekki inn neinar niðursuðuvörur
Bolungarvík
Mannlaus
skekta
áreki
Björgunarsveitir í
viðbragðsstöðu
Um miðjan daginn í gær fann
bátur frá ísafirði mannlausa
skektu á reki við Grænuhlíð sem
var með utanborðsmótor og
dauðan sel um borð. Héldu menn
í fyrstunni að hér hefði orðið slys
og var Slysvarnafélaginu gert við-
vart og voru björgunarsveitar-
menn settir í viðbragðsstöðu. En
áður en leit hófst kom í Ijós að
skektan hafði slitnað frá öðrum
bát og hafði eigandi hans leitað
hennar í þrjá tíma áður en hann
gafst upp og sneri heim á leið til
Bolungarvíkur.
Að sögn Hannesar Hafsteins
forstjóra Slysavarnafélagsins
tóku björgunarsveitarmenn á
móti eiganda skektunnar þegar
hann kom inn til Bolungarvíkur.
Honum hafði láðst að tilkynna
hvarf skektunnar sem leiddi til
þess að björgunarsveitirnar voru
settar í viðbragðsstöðu þegar hún
fannst því samkvæmt ummerkj-
um gat slys hafa átt sér stað og að
maður hefði fallið fyrir borð.
-grh
Fjölþjóðafyrirtækið Del Monte hefur mikil umsvif í Suður-Afríku, en það mun vera bandarískt að uppruna.
Mikið af þeim ávöxtum sem auðhringurinn verslar með kemur frá Suður-Afríku
frá Del Monte fyrirtækinu, ein-
ungis ferska ávexti. Hann sagði
Del Monte vera bandarískt fyrir-
tæki í samruna við annað fyrir-
tæki Nabisco að nafni. En það
fyrirtæki tengdist meðal annars
framleiðendum Winston síga-
rettna.
Del Monte er alþjóðlegur
auðhringur sem hefur mikil um-
svif í Suður- Afnku þannig að erf-
itt getur verið að átta sig á hvaða
vörur Del Monte koma frá
Suður-Afríku og hverjar ekki.
-hmp
Loðna
Enn ósamið um magn
Engar viðræður við Grœnlendinga um skiptingu loðnukvótans. Á
meðan veiða Fœreyingar í umboði þeirra
Fyrr eða síðar verður að leysa
þetta mál og mér finnst það
persónulega heldur klént að ekki
skuli vera hægt að ná samkomu-
lagi um skiptingu loðnukvótans á
milli okkar, Norðmanna og
Grænlendinga, sagði Jón B. Jón-
asson skrifstofustjóri í sjávarút-
vegsráðuneytinu við Þjóðviljann.
Ekki hefur enn náðst sam-
komulag um skiptingu loðnu-
kvótans á milli Islendinga,
Grænlendinga og Norðmanna og
hafa engar formlegar viðræður
farið fram um málið í Iengri tíma.
Á meðan taka Grænlendingar sér
bessaleyfi til að úthluta Færey-
ingum 65 þúsund tonna loðnu-
kvóta þar sem þeir eiga engin
loðnuskip til veiðanna, en íslend-
ingar og Norðmenn skipta með
sér bráðabirgðakvóta upp á 500
þúsund tonn. Af honum fá ís-
lendingar 400 þúsund tonn en
Norðmenn 100 þúsund tonn.
Að sögn Jóns B. Jónassonar
skrifstofustjóra í sjávarútvegs-
ráðuneytinu átti Þorsteinn Páls-
son forsætisráðherra óformlegar
viðræður við Grænlendinga í
Færeyjum á dögunum en þar
vantaði fulltrúa Norðmanna. Um
miðjan mánuðinn verður haldinn
Norræn fiskimálaráðstefna í
Finnlandi þar sem sjávarútvegs-
ráðherrar allra Norðurlandanna
munu hittast og þar má búast við
að skipting loðnukvótans verði
rædd meðal ráðherranna.
Þrátt fyrir þessi stirðu sam-
skipti íslendinga og Grænlend-
inga varðandi skiptingu loðnuk-
vótans hafa íslensk stjórnvöld
framlengt löndunarleyfi fyrir um
30 grænlensk rækjuskip í íslensk-
um höfnum til áramóta.
-grh
Humar
Verb'ðin framlengd
Sjávarútvegsráðuneytið ákvað
að framlengja humarvertíð-
ina um hálfan mánuð og sam-
kvæmt því var síðasti leyfilegi
veiðidagur 31. ágúst í stað 15. ág-
úst eins og verið hefur undanfarin
ár. Með þessu telur ráðuneytið
sig vera að koma til móts við sjó-
menn og útgerðarmenn humar-
veiðibáta en Ijóst er að fáir eða
engir ná að klára kvótanna sína
að þessu sinni vegna lélegra gæfta
og aflabragða sem verið hafa til
þessa.
Að sögn Sverris Aðalsteins-
sonar hjá Kaupfélagi Austur-
Skaftfellinga á Höfn í Hornafirði
hefur yfirstandandi humarvertíð
verið afspyrnuléleg til þessa og
hafa menn engar skýringar á
reiðum höndum hversvegna. Það
er einna helst að sjómenn kenni
um of köldum sjó og erfiðu tíðar-
fari. Sverrir sagði að sjómenn á
Höfn væru þessum duttlungum
náttúrunnar ekki með öllu óvanir
því samskonar ástand hafi verið á
humarvertíðunum 1978 og 1968.
Sverrir sagði að nú væri sá tími
að humarinn væri í skelskiptum
sem þýddi að gæðin væru ekki
eins góð og alla jafna og er sá
humar kallaður „gúmmíhumar"
sökum þess hvað skelin á honum
væri mjúk. En eftir skelskiptin
yrði hann jafn góður sem fyrr.
Landgrœðslan
Dreifingu
lokið
Sveinn Runólfsson,
landgrœðslustjóri: Fjár-
magn mjög skorið við
nögl. Flugvélakostur
vannýttur þrátt fyrir næg
verkefni
í síðustu viku luku flugvélar
Landgræðslunnar við að dreifa
1600 tonnum af áburði og gras-
fræi sem er það magn sem dreift
verður á þessu ári.
- Fugvélakostur okkar gæti
með góðu móti annað a.m.k.
helmingi meiri áburðardreifingu
og ekki skortir okkur verkefnin
en starfsemin miðast alltaf við
það fjármagn sem við höfum til
ráðstöfunar sem síðastliðin ár
hefur mjög verið skorið við nögl
sagði Sveinn Runólfsson, land-
græðslustjóri.
Á þessu ári er tæplega 30
milljónum varið til áburðarkaupa
og það magn sem dreift hefur ver-
ið í ár er svipað og dreift hefur
verið undanfarin tvö ár. Dreift
hefur verið á hefðbundna staði en
sérstök áhersla hefur verið lögð á
svæði innan landgræðslugirðinga
á Suðurnesjum. Tvær vélar hafa
verið í áburðar- og frædreifingu í
sumar, um 1100 tonnum var
dreift með Páli Sveinssyni og 500
tonnum með minni vél, TF-Tún.
Sveinn sagðist binda vonir við
að sá mikli áhugi sem finna mætti
meðal almennings yrði stjórn-
völdum hvatning til að veita
meira fjármagni til Landgræð-
slunnar á næsta ári. Einnig átti
hann von á að söfnunarátak það
sem fór í gang í vor undir kjörorð-
inu „Græðum og græðum“ ætti
eftir að skila Landgræðslunni tal-
sverðu fé en það átak mun standa
yfir í 3 ár og verður einkum leitað
eftir stuðningi hjá fyrirtækjum
um land allt.
-iþ
Lotterí
Getraunir
og Lottó
Hugsanlega gengiðfrá
samningi í vikunni. Hœgt
að tippa lengur. Úrslit
fyrr kunn
Allt bendir til þess að íslenskar
getraunir og Lottó hefji samstarf
innan tíðar. Ef að samstarfinu
verður ætti að vera hægt að tippa
allt fram til klukkan 14 á laugar-
dögum og úrslitin yrðu kunn fyrir
kvöldmat sama dag. Getrauna-
seðillinn myndi þá liggja frammi
á öllum Lottóstöðum og myndi
ekki kosta neitt fyrr en honum
væri rennt í gegnum kassann.
Samkvæmt heimildum Þjóð-
viljans munu aðstandendur Lott-
ósins eiga fund með aðstandend-
um íslenskra getrauna í kvöld. Er
talið að það geti ráðist á fundin-
um hvort að samstarfinu verður.
Með því að renna getrauna-
seðlinum í gegnum Lottókassann
verður hægt að bjóða upp á fleiri
kerfi bæði flókin og einföld. Þá
mun öryggi eigenda getrauna-
seðla aukast þar sem það hefur
stundum komið fyrir að seðlar
hafa ekki skilað sér úr söluturn-
um og menn því orðið af vinningi.
Samkvæmt heimildum Þjóð-
viljans yrði tölvukerfi það sem
stuðst yrði við bandarískt. En fyr-
irtækið sem hannaði kerfið
leggur mikla áherslu á öryggi i
öllum færslum.
-hmp
2 SÍÐA - ÞJÓÐVILJINN Mi&vikudagur 3. ágúst 1988