Þjóðviljinn - 09.08.1988, Qupperneq 2

FRETTIR
Sölumiðstöðin
Mikill samdráttur
Á fyrstu sex mánuðum ársins hefur verðmœti útflutnings minnkað um 300 miljónir króna.
Samhliða hefur orðið framleiðsluaukning á helstu botnfiskafurðum.
Birgðasöfnun er um lOþúsund tonn en var5 þúsund tonn 1987
Afyrstu sex mánuðum ársins
hefur orðið allverulegur sam-
dráttur í fiskútflutningi hjá Sölu-
miðstöð hraðfrystihúsanna þrátt
fyrir aukningu í framleiðslu á
trötnfiskafurðum. Þetta hefur
leitt til þess að birgðasöfnun er
allt að helmingi meiri nú en á
sama tíma í fyrra.
Að sögn Össurar Kristinssonar
upplýsingafulltrúa Sölumið-
stöðvarinnar bætast síðan ofan á
þetta viðvarandi verðlækkanir á
þorskblokk á Bandaríkjamark-
aði. Samkvæmt síðustu verðskrá
var pundið af þorskblokkinni
skráð á 1,35 dollar en er á niður-
leið og virðist vera komið niður í
1,20-1,25 dollar. Á síðasta ári
þegar verð á þorskblokk var hvað
hæst fór pundið á um 2,10 doll-
ara.
Samkvæmt síðasta tölublaði
Frosts, sem Sölumiðstöð hrað-
frystihúsanna gefur út, hefur
verðmæti útflutnings minnkað
um 300 miljónir króna miðað við
sama tíma í fyrra. Fyrstu sex
mánuðina 1987 var verðmæti
útflutningsins tæpir 5 miljarðar
króna en er rétt liðlega 4,5 milj-
arðar í ár. Þá eru um 10 þúsund
tonn af fiski í birgðageymslum nú
en voru aðeins um 5 þúsund tonn
á sama tíma í fyrra.
Til helstu útflutningslanda SH
hefur verið flutt út 25,5% minna
út af sjávarafurðum til Banda-
ríkjanna en í fyrra, 22,3% minna
til Fnglai^rlc 12,5% minna til
Þýskalands, 6,1% minna til
Frakklands, 29,2% minna til
landa í Asíu og til annarra landa
13,6% minna. Aðeins er um
aukningu að ræða til Rússlands
og það allverulega eða um
59,8%. í tonnum talið nam út-
flutningur SH aðeins 37.474
tonnum fyrstu sex mánuði ársins
en var 45.422 á sama tíma í fyrra.
Á sama tíma og þessi samdrátt-
ur á sér stað í útflutningnum hef-
ur framleiðslan í tonnum talið
aukist á helstu botnfisktegundun-
um. 15,5% framleiðsluaukning
hefur orðið á þorskafurðum, úr
12.404 tonnum fyrstu sex mánuð-
ina í fyrra í 14.324 tonn í ár.
Framleiðsla ýsuafurða hefur
aukist um 12,6% það sem af er
árinu, 13% aukning á ufsa, tæp-
lega 30% á karfa og tæp 19%
aukning á grálúðu.
-grh
Ríkisstjórnin
Þorsteinn
for
Hittir Reagan á morgun
Þorsteinn Pálsson forsætisráð-
herra hélt í fyrradag áleiðis til
Bandaríkjanna og hefst opinber
heimsókn hans þar í dag.
Upphaflega var áætlað að for-
sætisráðherrann færi vestur í lok
maí, en erfiðleikar í stjórnarsam-
starfinu komu þá í veg fyrir för-
ina.
í fylgd með Þorsteini er kona
hans Ingibjörg Rafnar, ráðuneyt-
isstjóri í forsætisráðuneytinu, að-
stoðarmaður forsætisráðherra,
skrifstofustjóri utanríkisráðu-
neytisins og skrifstofustjóri svo-
kallaðrar varnarmálaskrifstofu
utanríkisráðuneytisins.
Þorsteinn er væntanlegur í
Hvíta húsið á morgun til fundar
við Reagan forseta, en Þorsteinn
ætlar einnig að eiga sérstakar við-
ræður við varnarmálaráðherrann
Carlucci og Baggett flotaforingja
Atlantshafsflota Nató í Norfolk.
Heimsókninni lýkur á föstu-
dag.
fr
186S
p®
d R B HF 2 r tuptvuua rtitPJíMMH

Útgerð eins nýjasta frystitogara landsins hefur gengið mjög vel og áhöfnin sett nýtt met í aflaverðmæti í
einni veiðiferð.
Haraldur Kristjánsson HF
46 miljóna króna túr
Sjólastöðin: Nýtt aflaverðmætamet. Hásetahluturinn ríflega 400
þúsund krónur
Frystitogarinn Haraldur Krist-
jánsson HF sem Sjólastöðin
hf. gerir út frá Hafnarfirði kemur
til heimahafnar í dag með um 300
tonn af frystum þorskflökum og
aflaverðmætið er um 46 miljónir
króna. Hásetahluturinn mun
vera ríflega 400 þúsund krónur og
skipstjórinn fær tæpa miljón í
sinn hlut en veiðiferðin hefur
staðið í fjórar vikur.
Að sögn Haraldar Jónssonar
framkvæmdastjóra Sjólastöðvar-
innar hf. slær togarinn þar með
fyrra metið sem Akureyin EA frá
Ákureyri átti frá því í fyrra en þá
aflaði togarinn fyrir um 44 milj-
ónir króna í einum túr.
Haraldur sagði að aflinn hefði
fengist fyrir vestan á Halamiðum
og fyrir Norðurlandi. Hann sagði
að strax í byrjun ferðarinnar
hefði veiðst mjög vel og þá hefði
það legið ljóst fyrir að möguleiki
væri á að slá aflaverðmætamet
Akureynnar.
„Þó að upphæðin sé mikil sem
kemur í hlut hvers og eins í áhöfn-
inni má ekki gleyma því að þeir
eru búnir að vera úti stanslaust í
fjórar vikur og venjulega fer sami
maður ekki nema í tvo túra í einu
og tekur sér síðan frí þess á milli,“
sagði Haraldur Jónsson.
-grh
Kvennaþingið
Mikil
ánægja
Kvennahópar
heimígœr ogí
dag. Ráðstefna
hér eftirfimm
ár?
Kvennaþinginu í Osló lauk á
sunnudaginn og flestar ís-
lensku konurnar voru væntan-
legar heim í gær og í dag. Mikil
ánægja með þinghaldið ríkti
meðal íslensku kvennanna og
uppi eru hugmyndir um að halda
starflnu áfram með kvennaráð-
stefnu hér eða í Færeyjum eftir
flmm ár. Norðurlandaráð mun
þó ákveða frekar hvað verður úr
þeim hugmyndum.
Að sögn Vilborgar Harðar-
dóttur var mikil ánægja með
þinghaldið allt. „Þetta var ákaf-
lega yfirgripsmikið og hver og
einn varð að velja úr hvað hann
vildi sjá og heyra. Ég fylgdist
mjög vel með innflytjendakon-
unum á hinum Norðurlöndun-
um. Sögur þessara kvenna voru
ekki fallegar og ég er sannfærð
um það nú að þjóðir Norðurland-
anna eru meiri rasistar en ég hélt.
Ríkisstjórnir Norðurlandanna
eru að senda flóttamenn beint í
dauðann, t.d. íranskar konur og
karlmenn. Þá er farið illa með
þetta fólk hvað varðar vinnu og
Svíþjóð er þar engin undantekn-
ing. Það vinnur erfíðustu og verst
borguðu vinnuna.
Þá voru margir góðir fyrirlestr-
ar fluttir þarna á ráðstefnunni og
ég fylgdist vel með nokkrum
þeirra. Konur frá þróunarlönd-
unum vöktu athygli mína. Þær
voru ófeimnar við að deila á
framkomu riku landanna og voru
yfirleitt miklu pólitískari en kon-
ur frá öðrum löndum. Um leið og
við styrkjum einhverja íbúa til að
grafa brunnholu í landi sínu
styðjum við ríkisstjómir okkar
eigin landa til að hlunnfara og
arðræna þessa sömu þjóð í gegn-
um alþjóðaviðskipti. Við verðum
að byrja á því að breyta ríkis-
stjórnum í okkar eigin löndum ef
við viljum hjálpa fólki í þróunar-
löndunum að einhverju gagni,“
sagði Vilborg Harðardóttir í sam-
tali við Þjóðviljann eftir
heimkomuna frá Osló.
-gís.
Gjögur
Veiðibann á besta tíma
Ólafur Thorarensen: Ekkert tillit tekið til aðstæðna. Aflinn
handflattur ogsaltaður. Ægileg ótíð ísumar
Matthías
í forsætið
Friðrik varaformaður
sagður vant við látinn
Meðan á Bandaríkjaför Þor-
steins Pálssonar stendur mun
Matthías Á. Mathiesen sam-
gönguráðherra gegna embætti
forsætisráðherra. Þorsteinn ætl-
ar að taka sér sumarfrí í Banda-
ríkjunum að iokinni heimsókn-
inni til Reagans og er ekki vænt-
anlegur til landsins fyrr en um 20.
ágúst n.k.
Það vekur athygli að Friðrik
Sophusson varaformaður Sjálf-
stæðisflokksins leysir formann-
inn ekki af í forsætisráðuneytinu.
Hann er sagður vant við látinn en
Friðrik hefur undanfarna daga
verið á ferðalagi um Reykjanes-
kjördæmi. -|g.
Okkur flnnst það ansi blóðugt
að þurfa að vera í fiskveiði-
banni yfir besta veiðitímann og þá
sérstaklega þegar búin er að vera
ægileg ótíð í allt sumar. Það er
fyrst núna sem hefur gefið
eitthvað á sjóinn en þá megum við
ekki veiða samkvæmt reglum sem
taka ekkert tillit til náttúrulegra
staðhátta hér nyrðra, sagði
Ólafur Thorarensen á Gjögri í
Strandasýslu við Þjóðviljann.
Frá Gjögri er gerðar út fimm
2-3ja tonna trillur og hefur lítið
fiskast það sem af er sumri vegna
mikillar ótíðar. Hvassviðri hafa
verið tíð með rigningu og þoku og
aflabrögð eftir því. Þó eru menn
bjartsýnir á að eitthvað fari að
rofa til í aflabrögðum eftir veiði-
bannið sem hófst 28. júlí og lauk
á sunnudag. Nýlega landaði fimm
tonna handfærabátur 3,5 tonnum
af vænum fiski á Norðurfirði og
annar bátur jafn miklu í Djúpu-
vík. Af þeim sökum gera menn
sér vonir um að fiskiganga sé á
leið inn Húnaflóann á næstunni.
Allur afli þar nyrðra er verkaður í
salt og handflattur.
Að sögn Ólafs Thorarensens
ættu byggðarlög eins og Gjögur
að hafa sérstakan þorskkvóta í
stað þess að vera að veiða úr sam-
eiginlegum kvóta smábáta.
Veðurfar getur hamlað veiðum í
langan tíma og svo loks þegar gef-
ur er jafnvel lítið eftir af kvótan-
um og stutt í stoppið. Ólafur
sagði að stjórnvöld ættu að taka
þau norsku sér til fyrirmyndar og
banna hvítflibba-sjósóknurum að
veiða fisk sér til tekna heldur að-
eins í soðið þegar á annað borð
þurfi að takmarka sóknina í
þorkstofninn.
„Þetta stjórnleysi í fiskveiðum
gerir það að verkum að trillukarl-
ar eru farnir að halda út til veiða í
tvísýnum veðrum sem býður
auðvitað hættunni heim,“ sagði
Ólafur Thorarensen á Gjögri.
___________ ___________________________________________________ -grh
2 SÍÐA — ÞJÓÐVILJINN Þriðjudagur 9. ágúst 1988