Þjóðviljinn - 11.08.1988, Blaðsíða 1

Fimmtudagur 11. ágúst 1988 179. tölublað 53. árgangur
Verkafólk
Uppsagnir tuttugufaldast
Tilkynningum tilfélagsmálaráðuneytisfjölgað úr30 í600.
ÓskarHallgrímsson:Ástœða tilað œtla aðfleiri uppsagnir séu á leiðinni
Samkvæmt bráðabirgðatölum
félagsmálaráðuneytisins hefur
600 manns verið sagt upp störfum
síðastliðna tvo mánuði. En fyrir-
tækjum ber að senda ráðuneytinu
tilkynningu þegar fjórum eða
fleirum er sagt upp. Þetta er tutt-
uguföldun frá því á sama tíma í
fyrra þegar innan við 30 manns
var sagt upp. Margt bendir til að
fjöldi fyrirtækja bíði með upp-
sagnir þangað >til efnahagsað-
gerðir ríkisstjórnarinnar líta
dagsins ljós.
Óskar Hallgrímsson hjá fé-
lagsmálaráðuneytinu sagði á-
standið nú vera mjög ólíkt því
sem var í fyrra. Þá hefðu menn
verið að safna til sín fólki. í þeim
uppsögnum sem nú gengju yfir
vægi fiskvinnslan þungt. Af þeim
tæplega 600 manns sem ráðu-
neytinu hefðu borist tilkynningar
um væru 190 manns hjá Meitlin-
um í Þorlákshöfn og Flugleiðir
hefðu fækkað stöðugildum hjá
sér um 150-200 þótt öllu því fólki
hefði ekki verið sagt upp.
Óskar sagði ástæðu tii að ætla
að fleiri uppsagnir gætu verið
væntanlegar úr fiskiðnaðinum;
Meitillinn væri ekki eina fyrir-
tækið í rekstrarerfiðleikum.
Hann hefði það á tilfinningunni
að fyrirtækin biðu átekta eftir
efnahagsaðgerðum ríkisstjórnar-
innar og þær gætu haft áhrif á það
hvort skriðan færi af stað. Eftir
síðustu kjarasamninga gætu fyrir-
tækin sent fólk heim og lagt
framleiðsluna niður án þess að
segja því upp, og fengið sem sam-
svarar atvinnuleysisbótum frá at-
vinnutryggingarsjóði. Fyrirtækin
borguðu síðan sjálf fólkinu mis-
muninn uppað því kaupi sem það
væri á hjá fyrirtækinu. Þetta
hefðu fyrirtækin ekki getað gert
yfir sumarmánuðina í fyrra.
Nanna Christiansen hjá at-
vinnumiðluninni Ábendi sagði
Þjóðviljanum að eftirspurnin
eftir vinnuafli væri miklu minni
en í fyrra. Þá væri einnig munur á
þeim launum sem væru í boði. í
fyrra hefði ríkt hálfgert æði þar
sem atvinnurekendur börðust um
vinnuaflið. Nanna sagði umsækj-
endur um vinnu vera fleiri en í
rra; um 200 manns leituðu til
bendis í hverjum mánuði.
Efnahagsráðstafanir
Forstjórar
á fullu
Á meðan Þorsteinn Pálsson
forsætisráðherra ræddi um veðrið
við Ronald Reagan Bandaríkja-
forseta sat forstjóranetnd ríkis-
stjórnarinnar á rökstólum í Rúg-
brauðsgerðinni um vanda
útflutnings- og samkeppnisfyrir-
tækja.
Forstjóranefndin fundar tvisv-
ar á dag og mun skila niðurstöðu
um líkt leyti og forsætisráðherra
kemur aftur til landsins.
Að sögn Víglundar Þorsteins-
sonar forstjóra er nefndin enn að
skoða stærð vandans og ekki hef-
ur verið ákveðið hvaða stefna
verður tekin í úrræðunum, en
nefndinni er ætlað að koma með
úrræði sem ekki eru verðbólgu-
hvetjandi. „Það er ekki léttur
leikur," sagði Víglundur.
Steingrímur Hermannsson er
einnig með eigin nefnd að störf-
um á meðan beðið er eftir verk-
stjóra ríkisstjórnarinnar. Hann
segist hafa hug á að kalla fulltrúa
verkalýðshreyfingarinnar á sinn
fund til samráðs.
Sjá síðu 3
Forstjóranefndin að störfum klukkan 16 í gær. Frá vinstri: Vígiundur Þorsteinsson forstjóri, Jón Sigurðsson
forstjóri, Ágúst Einarsson forstjóri, Einar Oddur Kristjánsson framkvæmdastjóri og formaður nefndarinnar,
Guðjón B. Ólafsson forstjóri, Ólafur ísleifsson, efnahagsráðgjafi ríkisstjórnarinnar, og Eyjólfur Sigurðsson
endurskoðandi. Mynd Ari.
Fiskvinnslan
Stefnir í
fjöldalokanir
Verðlœkkanir á erlendum
mörkuðum. Viðvarandi
óðaverðbólga innanlands
ásamt miklum
fjármagnskostnaði
Fiskvinnslumenn óttast að að-
gerðaleysi stjórnvalda til að rétta
við hag útflutningsgreinarinnar
muni leiða til fjöldalokana með
haustinu samfara atvinnuleysi
hjá fiskvinnslufólki sem myndi
þýða allsherjarkreppu í mörgum
ef ekki öllum sjávarplássum
landsins.
Traustustu sjávarútvegsfyrir-
tæki landsins til skamms tíma eru
á vonarvöl hjá bönkum og opin-
berum sjóðum og lánastofnanir
eru þegar farnar að gera ráðstaf-
anir til að koma í veg fyrir frekari
fyrirgreiðslu til handa vinnslunni
vegna mikilla skulda.
Sjá síðu 7
,Vaxtafrelsið((
Kenningamar
hnindar
Vaxtastefnan eykur sífellt á óréttlœti og
mismunun í samfélaginu
Kreddan um vaxtafrelsið og
hömlulausar hækkanir á raun-
vöxtum hefur skapað margvíslegt
ranglæti og mismunun í þjóðfé-
laginu og vaxtastefna ríkisstjórn-
arinnar er orðin ein helsta orsök
verðbólguþróunarinnar í land-
inu, segir Ólafur Ragnar Gríms-
son m.a. í grein um vaxtaokrið í
blaðinu í dag.
Ólafur bendir á að þær kenn-
ingar varðhunda frjálsrar vax-
tastefnu, að slíkt frelsi myndi
örva sparnað, draga úr óhag-
kvæmri fjárfestingu, eyða mis-
munun og misbeitingu valds,
gera bankakerfið hagkvæmara og
stuðla að hjöðnun verðbólgu, séu
allar falskar eins og þróunin hef-
ur sýnt fram á.
Þjóðhagslegur sparnaður hef-
ur minnkað, óráðsían heldur
áfram, mismunun er gífurleg,
vaxtamunurinn aldrei meiri og
vaxtafrelsið ein helsta orsök
verðbólgunnar.
Sjá síðu 5