Þjóðviljinn - 17.08.1988, Blaðsíða 2
FRETTIR
Efnahagsvandinn
Niðurfærslan ótæk
Birgir Björn Sigurjónsson, BHM: Þýddi í reynd lítið annað
en kjaraskerðingu. Pétur Sigurðsson, ASV: Afneita ekki
niðurfœrslunni að óathuguðu máli. Forstjóranefndin þögul
sem steinninn
- Að svo miklu leyti sem niður-
færslan er fær, mundi hún fyrst
og fremst þýða stórfellda skerð-
ingu á launum opinberra starfs-
manna og annarra þeirra sem fá
greidd laun eftir töxtum. Aftur á
móti dreg ég stórlega í efa að unnt
sé að stjórna verðlagi og launum á
almennum vinnumarkaði með
handafli, sagði Birgir Björn Sig-
urjónsson, hagfræðingur Banda-
lags háskólamanna, er hann var
inntur eftir sk. niðurfærsluleið.
Birgir sagði að öllum mætti
ljóst vera að það myndi ekki leysa
úr kostnaðarvanda atvinnuveg-
anna. - Mér finnst liggja berlega
í loftinu að umræður um niður-
færsluna miðist við það að launa-
menn eigi eina ferðina enn að
borga brúsann og það getum við
engan veginn fellt okkur við.
Bráðabirgðalögin voru fyrst og
fremst miðuð við það að ganga á
kaupmátt launa. Pað er sannar-
lega komið að öðrum að leggja
sitt af mörkum, sagði Birgir.
Birgir sagði að ekki væri betur
séð en að atvinnurekendur og
stjórnvöld hefðu sett á svið mikið
sjónarspil til þess að búa í haginn
fyrir efnahagsaðgerðir sem fælu í
sér kjaraskerðingu. - Það er
óneitanlega dálítið skrýtið að það
skuli vera svona auðvelt að töfra
fram tölur um hlutdeild launa í
þjóðarkökunni fyrir 1987 og
1988, en ekki um ágóða fyrir-
tækja á sama tíma, sagði Birgir.
Afvopnun
ísland aðili
að fækkun
herafla
fsland hefur verið formlega til-
kynnt sem þátttökuaðili að fækk-
un í herafla í Evrópu í tengslum
við afvopnunarviðræður um
hefðbundin vopn í Vín.
Steingrímur Hermannsson
utanríkisráðherra upplýsti í
þættinum Dagskrá á Rás 2 í gær-
dag að hann hefði strax sl. sumar
tilkynnt ísland formlega sem að-
ila að fækkun í herafla og her-
stöðin á Miðnesheiði væri því inni
í umræðunni um hugsanlega
fækkun í herafla í Evrópu.
Utanríkisráðherra sagði að
þetta mál hefði legið óafgreitt í
ráðuneytinu þegar hann tók við
sl. sumar. Ákvörðunin um þátt-
töku hefði ekki verið tekin fyrir í
ríkisstjórninni en hins vegar til-
kynnt Bandaríkjamönnum sem
ekki hefðu gert neina athuga-
semd við hana.
-•g-
KEA
Magnús valinn
í fréttatíma Ríkissjónvarpsins í
gærkvöld var sagt að stjórn KEA
á Akureyri hafi ákveðið á fundi
sínum í gær að ráða Magnús
Gauta Gautason núverandi
fjármálastjóra fyrirtækisins sem
kaupfélagsstjóra í stað Vals Arn-
þórssonar sem tekur við banka-
stjórastöðu við Landsbankann 1.
janúar nk. þegar Helgi Bergs
lætur af störfum.
-grh
Pétur Sigurðsson, formaður
Alþýðusambands Vestfjarða
sagði í samtali við Þjóðviljann í
gær að að óathuguðu máli væri
hann ekki reiðubúinn til að af-
skrifa niðurfærsluleiðina.
- Ég vil fyrst fá að sjá svart á
hvítu hvers vegna þessi leið er
ekki ráðleg í stað þess að for-
dæma hana fyrirfram eins og for-
seti Alþýðusambandsins hefur
leyft sér að gera, sagði Pétur, sem
sagðist sjá fyrir sér að hægt yrði
með þessu móti að afnema frjálsa
álagningu á vöruverði. - Það
væri nokkur bót í máli ef það væri
hægt.
Forstjóranefndin fundaði að
venju í tvígang í gær. Að sögn
Einars Odds Kristjánssonar, for-
manns nefndarinnar, er miðað að
því að nefndin hafi fastmótaðar
tillögur um eða eftir næstu helgi.
- Við höfum margítrekað það
að við skoðum allar mögulegar
leiðir, ekkert frekar niðurfærsl-
una en hverja aðra, sagði Einar
Oddur.
Steingrímur Hermannsson,
utanríkisráðherra sagði á Stöð 2 í
gærkvöldi að 1984 hefði verið
hugað að niðurfærsluleiðinni en
hún hefði ekki þótt vænleg til ár-
angurs þá. Hann sagði að svipað
væri uppi á teningnum nú meðan
ekki væri útlit fyrir að drægi úr
þeirri þenslu sem verið hefur að
undanförnu.
-rk
Frá ráðstefnunni í Odda í gær. Mynd Ari.
Jarðhitaráðstefna
Fyrsta sinnar tegundar
Hátt í 100þátttakendur víða að úr heiminum. Rœtt um öldrunarvand-
amál í jarðhitanýtingu
Igær hófst í Odda alþjóðleg
jarðhitaráðstefna sem standa
mun fram á föstudag. Hátt í 100
manns sitja ráðstefnuna og flutt
verða 30 erindi tengd því vanda-
máli sem skapast við vegna mynd-
unar fastra efna í jarðhitakerf-
Að sögn Jóns Steinars Guð-
mundssonar, verkfræðings, er
þetta fyrsta ráðstefna sinnar teg-
undar sem haldin er og vekur það
athygli hve margir hafa sýnt
þessu máli áhuga og hve víða að
ráðstefnugestir koma.
- Það vandamál sem hér er til
umræðu er á mjög afmörkuðu
sviði en segja má að þetta sé öldr-
unarsjúkdómur jarðhitavinnsl-
unnar líkt og æðakölkun í manns-
líkamanum sem kemur ekki í ljós
fyrr en nokkur tími er liðinn frá
því að vinnsla hefst sagði Jón
Steinar.
Jón Steinar sagði að hér væri á
ferðinni dæmigerð tækniráð-
stefna þar sem menn skiptast á
upplýsingum og kynna sér það
sem verið er að gera í þessum
málum annars staðar og ræða um
leiðir til úrbóta.
-iþ
Heilbrigðiskerfið
Aðalverktakar
Rennt fyrir
Steingrím
Steingrímur Her-
mannson: Boð um lax-
veiði ekki verri risna en
hverönnur. Hefvíða
þegið laxveiðiboð
Eg heid að laxveiði sé í sjálfu sér
ekkert verri risna en hver
önnur, sagði Steingrímur Her-
mannsson utanríkisráðherra í
þættinum Dagskrá á rás 2 í gær.
En Steingrímur var spurður að
því hvort hann teldi siðferðislega
rétt að þiggja boð um laxveiði frá
fyrirtæki eins og íslenskum aðal-
verktökum, sem ætti mikilia
hagsmuna að gæta í utanríkisráð-
uneytinu.
Steingrímur sagði hlustanda
sem hringdi að þetta væri ekkert
viðkvæmt mál stöðu hans vegna,
þar sem íslenskir aðalverktakar
hefðu einkaleyfi á öllum fram-
kvæmdum á vellinum. Hann væri
að skoða úttekt á allri starfsemi
aðalverktaka og boð þeirra í lax-
veiði breytti í engu skoðunum
hans. Ráðherrann lét þó ekkert
uppi um hverjar þessar skoðanir
væru.
Þjóðviljanum er kunnugt um
að minnsta kosti einn annan aðila
sem boðið hefur utanríkisráð-
herra í lax. Stöð 2 bauð
Steingrími í laxveiði í Hofsfjarð-
ará fyrr í sumar. Hlustandan-
um lék einnig forvitni á að vita
hvort utanríkisráðherrann hefði
þegið fleiri gjafir af þessu tagi.
Svaraði Steingrímur því játandi
en það væru ekki boð sem þyrftu
að vera deiluefni.
Skák
Skákmeistari
íslands
Þriðju umferð lokið í
keppninni um titilinn
Þriðju umferð í keppninni um
titil Skákmeistara Islands lauk
klukkan rúmlega ellefu í gær-
kvöldi.
Úrslit voru þau að Hannes
Hlífar Stefánsson bar sigurorð af
Davíð Ólafssyni, Agúst Sindri
Karlsson sigraði í skák sinni á
móti Karli Þorsteins , Jó-
hannes Ágústsson vann Róbert
Harðarson.
Margeir Pétursson hafði betur
í viðureign sinni við Þráin Vig-
fússon og Ásgeir Þór Árnason
vann Benedikt Jónasson. Jón L.
Árnason og Þröstur Þórhallsson
sömdu um jafntefli.
LG
Endurhæfingardeild Klepps lokað
Einasinnartegundarílandinu. Bráðamóttöku geðsjúkra á Landsspítala einnig lokað
Deild 11 á Kleppsspítala, sem er
endurhæfingardeild, verður
ekki opnuð aftur þann 28. ágúst
eins og til stóð að loknum sumar-
fríum. Deildinni verður lokað í
óákveðinn tíma, jafnvel fram að
áramótum og er starfsfólk
deildarinnar mjög óánægt að
frétta þetta með svo skömmum
fyrirvara og er uggandi um hag
skjólstæðinga sinna.
Tómas Helgason yfirlæknir
Kleppsspítala segir að deildin
verði lokuð þangað til leyst hafi
verið úr rekstrarvanda spítalans.
Salbjörg Á Bjarnadóttir
deildarstjóri deildar 11 sagði að
starfsfólkið væri mjög undrandi
yfir því með hvað skömmum
fyrirvara því væri tilkynnt þessi
lokun. En starfsfólkið fékk bréf á
föstudag þar sem því var sagt að
deildin yrði ekki opnuð aftur
þann 28. eins og til stóð, vegna
sparnaðar í rekstri.
Salbjörg sagði að starfsfólkinu
hefði verið heitið vinnu á öðrum
deildum. En starfsfólkið hefði
áhyggjur af hag skjólstæðinga
sinna. Deildin starfaði í mjög
nánu sambandi við aðstandendur
sjúklinga og nokkrum sjúkling-
anna hefði verið lofað plássi aftur
í haust. Deildin væri eina deild
sinnar tegundar í heilbrigðisþjón-
ustunni.
Það var á Tómasi að heyra að
sumarleyfislokunin hefði verið
neyðarúrræði. En Salbjörg sagði
sumarleyfislokun hafa tíðkast í
nokkur ár og í raun væri litið á
hana sem hluta af meðferðinni.
Sjúklingarnir sem verið hafa á
deild 11 geta ekki leitað til þess
starfshóps í haust sem annaðist
það áður. En að sögn Salbjargar
hefur hver sjúklingur haft einn
ráðgjafa á deildinni. Þetta hlyti
að mynda rof í meðferð sem hún
vissi ekki hvernig spítalastjórnin
ætlaði að bregðast við. Sigur-
björg sagði starfsfólkið aðallega
vera undrandi á þessum skamma
fyrirvara.
Þá hefur Þjóðviljinn fregnað
að bráðamóttöku geðsjúkra hafi
verið lokað á Landsspítalanum.
Slíkum tilfellum á í framtíðinni
að sinna á deild almennrar
bráðamóttöku.
-hmp
2 SÍÐA ÞJÓÐVILJINN Mlðvlkudagur 17. ágúst 1988