Þjóðviljinn - 19.08.1988, Blaðsíða 15

Þjóðviljinn - 19.08.1988, Blaðsíða 15
Palestínskurpiltur sendir ísraelskum tjanda sfnum kalda kveðju. Á innfelldu myndunum eru þeir Jassír Arafat, Saddam Hussein og Yitzhak Shamir. PLO á tímamótum Fréttaskýrendur telja nær víst að leiðtogar Frelsissamtaka Palestínu- manna séu reiðubúnir að veita ísrael viðurkenningu gegn því að Palestínumenn fái sitt eigið ríki á Gaza og vestan Jórdanar Spekingar í austri og vestri gera því nú skóna að Jassír Arafat, leiðtogi Frelsissamtaka Palestínu- manna, hyggist friðmælast við ísraelsmenn og fallast á „sögulega málamiölun" í fertugri deilu Palestínuar- aba og ísraelsgyðinga um „landið helga". Hann sé reiðubúinn að viðurkenna ísrael gegn því að Palest- ínumenn fái að stofna sjálf- stætt ríki á svæðunum tveim, Gaza og vestur- bakka Jórdanar, sem ísra- elsmenn hafa hersetið í rúma tvo áratugi. „Vissulega tekur hann mikla áhættu með þessu en ég fæ ekkl séð að hann eigi annarra kosta völ," sagði vestrænn sérfræð- ingur í málefnum Mið- austurlanda nýlega í viðtali við Reutersmann. Tvennt gæti hindrað hann Tvennt er einkum talið getað orðið þessu ráðabruggi Arafats fjötur um fót. Annarsvegar ósætti og sundurlyndi í röðum hans eigin manna, félaga PLO. Hinsvegar óbilgirni og ósveigjan- leiki ráðamanna í ísrael sem sæju hag sínum best borgið með því að lialda áfram að mála skrattann á vegginn hverju sinni sem einhver ympraði á því að ganga til samn- inga við PLO. Fréttaskýrendur þykjast einnig sjá fyrir hverjar yrðu afleiðingar þess fyrir Arafat að flétta hans færi út um þúfur; hinir heimul- legu forystumenn uppreisnarinn- ar á herteknu svæðunum myndu verða fyrir vonbrigðum og jafnvel snúa baki við foringja sín- um. Hinsvegar myndi vegur Frels- issamtaka Palestínumanna auk- ast til muna á alþjóðavettvangi ef Arafat tækist að draga næstu rík- isstjórn ísraels að samninga- borði. Pá yrði t.a.m. ókleift fyrir næsta forseta Bandaríkjanna að sniðganga samtökin öllu lengur. Maður er nefndur Róbert Neu- mann, fyrrum sendiherra Banda- ríkjanna í ýmsum löndum og ráð- gjafi ríkisstjórna um utanríkis- mál. Hann stendur á því fastar en fótunum að næsti forseti lands síns verði að bera víurnar í PLO, hvort heldur það verði Michael Dukakis eða George Bush. „Staðreyndin er náttúrlega sú, hvort sem Bandaríkjamönnum líkar betur eða verr, að PLO er eini fulltrúi palestínsku þjóðar- innar," sagði hann nýverið við Reutersliða nokkurn. Það er alkunna að hingaðtil hafa Bandaríkjaforsetar harð- neitað að eiga nokkur mök við PLO nema samtökin fallist fyrst á tilverurétt ísraelsríkis. Útlegðarstjórn eöa bráðabirgöa- stjórn heima- manna? Fréttaskýrendur telja fullvíst að hreyfing Palestínumanna, frelsissamtökin og Þjóðarráðið, hin útlæga „löggjafarsamkunda", muni ríða á vaðið einhverntíma á næstu vikum með því að lýsa því yfir að þau hyggist mynda út- legðarstjórn fyrir herteknu svæð- in ellegar bráðabirgðastjórn heimamanna. Háttsettur félagi Arafats greindi Reutersmanni frá því í Bagdað um helgina að æðsta stjórn PLO njyndi mæla með fyrri kostinum á fundi Þjóðarr- áðsins í Alsír. Ekki hafi verið af- ráðið hvenær þingheimur fundi en það dragist vart lengi úr þessu. Ófannefndir spámenn og spek- ingar segja afar líklegt að Arafat geri síðan umheiminum grein fyrir stefnubreytingu samtaka sinna í ræðu sem hann hyggst halda á Evrópuþinginu í Strass- borg þann 12. næsta mánaðar. Pað er mál manna að ráða- menn í Bagdað, Saddam Hussein og félagar, eigi sinn þátt í að stuðla að framgangi nýrra við- horfa í forystusveit PLO. Þeir geti nú farið að láta til sín taka í arabaheiminum á ný eftir að hafa verið önnum kafnir við að lumbra í írönum og Iáta þá lumbra á sér um átta ára skeið. Einn hinna sérfróðu en nafn- lausu heimildamanna Reuters hefur orðið: „Það er lýðum ljóst að viðhorf hafa breyst og að and- rúmsloft er nú allt annað en áður í forystusveit PLO. Ég tel það ekki nokkrum vafa undirorpið að þetta séu áhrif frá ráðamönnum í Bagadað en þeir hafa ætíð haldið tryggð við Fatah samtökin." Valdataf I íraka og Sýrlendinga Fatah er sem kunnugt er fé- lagsskapur Arafats sjálfs, helstu samtökin innan PLO samfylking- arinnar. Sérfræðingurinn víkur óbeint að því að Sýrlendingar, bandamenn írana og trúbræður, hafa tekið uppreisnarforingjann Abu Musa uppá sína arma og att sveitum hans gegn skæruliðum Arafats í Líbanon. Markmið Sýrlendinga með þessu er vita- skuld að efla enn áhrif sín í Líban- on. Fyrir skemmstu lýsti Saddam Hussein því yfir að Assad ætti að kveðja hermenn sína heim frá grannríkinu, hætta að vasast í því sem honum kæmi ekki við. Þessi orð hans benda til þess sem koma skal í náinni framtíð: togstreitu Sýrlendinga og íraka um forystu fyrir Arababandalaginu en eitt helsta einingartákn þess og áróð- ursvopn er hinn margsvikni „mál- staður palestínsku þjóðarinnar." Hugmyndin um að kaupa landssvæði við friði er vitaskuld jafngömul deilum Palestínu- manna og ísraela og á sér ötula formælendur í búðum beggja þótt þeir hafi ekki mátt sín mikils í röðum hinna síðarnefndu und- anfarin ár. En nú virðist hinum varkáru hafa vaxið það ásmegin í PLO að hinir herskáu, sem enn vilja að ísraelar láti af hendi svæði innan landamæranna einsog þau voru dregin 1948, hafa sig lítt í frammi. Menn þykjast hafa numið þá lær- dóma af átta mánaða uppreisn landa sinna á herteknu svæðun- um, sem kostað hefur 255 palest- ínsk mannslíf, uppreisn óvopn- aðs fólks gegn hermönnum með alvæpni, að ísraelsmenn verða ekki sigraður á vígvelli. Miklu sigurstranglegra sé fyrir Palest- ínumenn að heyja áróðursstrið í heimspressu og í alþjóðastofnun- um ef þeir grípa ekki til vopna, jafnvel ekki í varnarskyni. -ks. VERÐLÆKKUN Garðsett, 4 stólar og borð Garðstólar Einnota grill Royal Oak grillkol, 2.27 kg Vatnsbrúsar m/krana Kælibox Skrúfjárn Vaskaföt Verð f rá 3.569,- 650,- 229,- 112,- 445,- 743,- 40,- 20,- SAMBANDIÐ BYGGINGAVÖRUR KRÓKHÁLSI 7 SÍMI 8 20 33 NÝTT HELGARBLAÐ - WÓÐVILJINN - SÍÐA 15 ÞÆR GERAST EKKI BETRI Blomberg hafa unnið sér traust fyrir gæði og góðan þvott. Getum nú boðið þessar úrvals þýsku þvottavélar á verulega lækkuðu verði. VM 1220 1200 snúninga tölvustýrður mótor E-sparnaðarkerfi áfangavinding 5 mismunandi vatnshæðir flæðiöryggi Verð kr. 59.900.- VM900 650/900 snúninga E-sparnaðarkerfi áfangavinding 5 mismunandi vatnshæðir flæðiöryggi ullar- og gardínukerfi Verð kr. 54.900.- Verð kr. 56.905.- stgr. Verð kr. 52.155.- stgr. íslensk handbók fylgir vélunum. Hagstæð greiðslukjör. Einar Farestveit&Co.hf. BORGARTÚN 28, SÍMAR: (91) 16995 OG 622900 - NÆC BÍLASTÆÐI

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.