Þjóðviljinn - 19.08.1988, Blaðsíða 22

MENNING
Hólmkell Hreinsson: Okkurfinnst bókasafnið eiga að vera fyrir alla. Myndir- E.
Bókasafn Kópavogs
Elías B. sýnir í Listastofunni
Hólmkell Hreinsson: Tilgangurinn með Listastofunni er að auka fjölbreytnina í bókasafninu
1 Bókasafni Kópavogs, að
Fannborg 3-5, er horn kallað
Listastofan, þar sem Elías B.
Halldórsson sýnir nú ellefu olíu-
málverk. Elías segir sýninguna
„svona innan sviga sýningu“,
bæði sé hún lítil, og eins séu þetta
allt Iandslagsmyndir, en annars
sé hann mest í abstraktinu.
- Þessi sýning er eiginlega í til-
efni þess að ég er fluttur í Kópa-
voginn. Annars er ekkert sér-
stakt tilefni.
Bókasafn Kópavogs var stofn-
að árið 1953 af 20 íbúum í
hreppnum, og hét þá Lestrarfé-
lag Kópavogs. Aðalhvatamaður
að stofnun safnsins var Jón úr
Vör, en hann var jafnframt fyrsti
bókavörður þess ásamt Sigurði
Ólafssyni. Þegar Jón lét af starfi
yfirbókavarðar árið 1976, tók nú-
verandi bókavörður, Hrafn
Harðarson, við safninu.
Allskonar
sýningar
Myndlistarsýningar eru haldn-
ar reglulega í Listastofunni, að
sögn Hólmkels Hreinssonar, sem
verður fyrir svörum í fjarveru
bókavarðar.
- Við höfum verið með sýning-
ar hér meira og minna síðan við
fluttum í þetta húsnæði í sept-
ember árið 1981, segir Hólmkell.
- Og reyndar voru sýningar í
gamla húsnæðinu líka, til dæmis
var Sigfús Halldórsson með sýn-
ingu þar fyrri hluta ársins 1981.
- í byrjun var kannski svolítið
tilviljanakennt hvenær sýningar
voru, en undanfarin tvö til þrjú ár
hafa þær verið skipulagðar og
nokkurn veginn samfelldar,
þannig að ein hefur tekið við af
annarri.
- Við fylgjum engri ákveðinni
stefnu um hvað er sýnt, eða
hverjir sýna. Það er allskonar
fólk og allskonar sýningar, þó að í
ár hafi mest verið um myndlist-
arsýningar. En hér hafa til dæmis
verið hengdar upp myndir og
sýndir munir frá fornleifaupp-
greftri við þingstað Kópavogs, í
fyrra var hérna náttúrufræðisýn-
ing, og svo var hérna mikil Kór-
eusýning árið 1985.
- Það var kynningar- og sölu-
sýning á hlutum frá N-Kóreu,
heill bílfarmur af bókum, list-
munum, handavinnu, kremum
og ginsengi, svo eitthvað sé
nefnt.
Ýmsar
tilraunir
- Hornið hefur líka verið not-
að fyrir bókmenntakynningar og
upplestra, þó að lestrarsalurinn í
kjallaranum sé meira notaður til
slíkra hluta. Þar hefur frístunda-
klúbburinn Hana nú til dæmis
verið með plötukynningar og
bókmenntakvöld. En við höfum
verið með ýmsar tilraunir með til
hvers væri hægt að nota þessa að-
stöðu, til dæmis vorum við með
sjónvarp þar þegar Evrópumeist-
arakeppnin í fótbolta var, til þess
að sjá hvernig slíkt reyndist.
- Tilgangurinn með Listastof-
unni er að auka fjölbreytnina í
bókasafninu, því stefnan er að
það sé eins opið og fjölbreytt og
mögulegt er. Okkur finnst að það
eigi að vera fyrir alla, hvort sem
þeir hafa mestan áhuga á ástar-
sögum, hryllingsmyndum, klass-
ískri músík eða listaverkum.
Tónlistar-
deildin
Hvað með aðra starfsemi
safnsins?
- Bókaútlánin eru stærsti
hlutinn, það er mest lánað út af
skáldsögum og barnabókum. Um
þriðjungur útlána safnsins eru
barnabækur. Við erum með tón-
listardeild, bókasafnið á mikið
plötusafn, þó að aðeins lítill hluti
þess sé lánaður út. Stærsti hluti
plötusafnsins er gjöf frá Stefáni
Á. Guðjónssyni, og það eru mest
klassískar plötur, en gjöfinni
fylgdi sú kvöð að ekki mætti lána
plöturnar út. Nú erum við að
reyna að koma upp hlustunarað-
stöðu fyrir almenning í iestrar-
salnum, við erum með hljóm-
flutningstæki niðri, en hingað til
hefur það mest verið Hana nú
sem hefur haft not af þessum
hluta plötusafnsins.
- Eins er verið að tölvuskrá all-
ar plöturnar svo það verði að-
gengilegra að finna einstök verk,
en það er mjög umfangsmikið
verkefni, því þetta er mikið safn.
Annars var Bókasafn Kópavogs
fyrst bókasafna hér á Iandi til að
taka upp tölvuskráningu, og það
var mikið ævintýri á sfnum tíma.
Myndbönd
og tímarit
- Það var byrjað að kaupa og
lána út myndbönd árið 1985, og
við reynum að vera ekki bara
með það allra vinsælasta sem bíó-
in gefa út, og sem er á öllum
myndbandaleigum. Við erum
með allt sem sjónvarpið hefur
gefið út, og svo reynum við að ná í
skárri bíómyndir og gamlar klass-
ískar myndir með texta, en það er
erfitt að ná í þær. Eins er lagt
mikið upp úr músík, til dæmis óp-
erumyndum. Myndböndin eru
lánuð út í tvo daga, það er sem
sagt ekki sama tilhögun og um
útlán bóka.
- Nú, svo erum við með tungu-
málanámskeið á snældum og
myndböndum, og tímarit, bæði
til útláns, og eins sem fólk getur
lesið hér. Eins eigum við mjög
sérstætt greinasafn sem bóka-
safninu var gefið árið 1984 eða
85. Það er safn minningargreina
sem gefandinn, Guðmundur
Guðni Guðmundsson, hafði
safnað árum saman, - skipulega
frá árinu 1952. Þetta eru um
18.600 greinar.
Framtíðar-
draumar
Hefur bókasafnskreppunnar
orðið vart hér í Kópavoginum?
- Við höfum fundið fyrir þessu
eins og önnur bókasöfn, en
kannski í aðeins minna mæli en
mörg þeirra. En það hefur dregið
úr útlánum frá árinu 1983, þá
höfðu þau aukist stöðugt alveg
frá því að við fluttum í þetta húsn-
æði.
Eru einhverjar nýjungar í bí-
gerð?
- í sambandi við útlán þá byrj-
um við væntanlega að lána út
geisladiska í ár. Okkur hefur
dottið í hug að lána út tölvuforrit,
til dæmis með tölvuleikjum, en
það verður varla alveg á næst-
unni. Síðan er draumurinn að
koma upp almennilegri vinnuað-
stöðu fyrir fólk í kjallaranum,
vera ekki bara með lestrarsal og
aðstöðu til að hlusta á tónlist,
heldur geta líka til dæmis boðið
fólki afnot af ritvélum. En þetta
er sem sagt bara draumur enn
sem komið er.
Bókasafnið er opið mánudaga
til föstudaga kl. 9:00-21:00, og
sýning Elíasar B. Halldórssonar
stendur til loka ágústmánaðar. LG
„Skúrin fer hjá", eitt af verkunum á „innan sviga sýningu" Elíasar.
22 SÍÐA - ÞJÓÐVILJINN - NÝTT HELGARBLAÐ